اسەم اۋەنمەن تاماشا جاڭا ٴداۋىر جىرلاندى
ىلە وبلىسىنىڭ قۇربان ايت بايلانىسىمەن حالىققا تيىمدىلىك جاساۋ اتىنداعى ارالاپ ويىن قويۋ مۋزيكا ساۋىعى جۇرت كوڭىلىن جەلپىندىردى
تىلشىلەرىمىز ۋاڭ جىحۋا، ليۋ چىڭگاڭ حابارلايدى. بايتاق دالادا اسەم ٴان قالىقتاپ، قۋانىش ٴۇنى تولاستامادى؛ جۇرت مەرەكەنى بىرگە تويلادى. 6 - ايدىڭ 13 - كۇنىنەن 17 - كۇنىنە دەيىن، ىلە وبلىستىق ٴان - ٴبي تەاترحاناسىنىڭ ”وبلىسىمىز قۇرىلعاندىعىنىڭ 70 جىلدىعىن قۋانىشپەن قارسى الىپ، تاماشا جاڭا ٴداۋىردى جىرلايمىز“ اتىنداعى كونسەرتى مەن 2024 - جىلعى ىلە وبلىسىنىڭ قۇربان ايت بايلانىسىمەن حالىققا تيىمدىلىك جاساۋ اتىنداعى ارالاپ ويىن قويۋ مۋزيكا ساۋىعى ىلگەرىندى - كەيىندى ىلە ۇلكەن تەاترحاناسىندا، قۇلجا اۋداندىق مادەنيەت قيمىل ورتالىعىندا، تەكەس اۋدانىنىڭ قاراجون كورىنىس رايونىندا جانە قۇلجا قالاسىنىڭ قازانشى ۇلتتىق سالت - سانا ساياحات رايونىندا ٴار ۇلت بۇقاراسىنا 4 مايدان تارتىمدى ويىن قويىپ، بۇقارانىڭ رۋحاني مادەنيەت تۇرمىسىن بايىتتى.
13 - كۇنى تۇڭعىش رەتكى كونسەرت ىلە تەاترحاناسىندا دۋمانمەن باستالدى، ىلە وبلىستىق ٴان - ٴبي تەاترحاناسى مەن جياڭسۋ ويىن - ساۋىق توبىنىڭ كوركەمونەرشىلەرى ىسىلعان ونەر، تەرەڭ سۇيىسپەنشىلىكپەن كورەرمەنگە ىلە وبلىسىنىڭ كوپ ۇلتتى مۋزيكا مادەنيەتىنىڭ وزگەشە تارتىمدىلىعىن ايگىلەدى. «تيانشان جىرى»، «شينجياڭعا كەلگەندەرىڭىزدى قارسى الامىز» دەگەن تاماشا حور اۋەنىمەن كوپشىلىكتى كورىنىسى ايبىندى، ارمانداعىداي شينجياڭعا قادام تاستاپ، باقىتتى دا تاماشا تۇرمىستى سەزىندىردى. ۇلتتىق تۇتىكتى - ىشەكتى اسپاپتار مۋزيكاسى «مۋدانحان»، ەرلەر قوس داۋىستى ٴانى «انارحان»، سىرناي - كەرنايمەن ورىندالعان مۋزيكا «جاستىق ٴبيى»، ايەلدەر جەكە ٴانى «اۋاگۇل» سياقتى وزىمىزگە تانىس شينجياڭ حالىق اندەرى مەن تاماشا اۋەندەر كورەرمەندەردىڭ كوڭىلىن جەلپىندىرىپ تاستاعانى سونشا، كورەرمەندەر انشىمەن بىرگە ٴان شىرقاپ، بۇرالا بيگە باسىپ، قىزۋ شاپالاق سوقتى.
جياڭسۋ كوركەمونەرشىلەرى ورىنداعان حالىقتىق اۋەن «كۇلگىن بامبۇك سارىنى»، اسپاپتى مۋزيكا «موليحۋا» جانە جەكە ٴان «مارجان جىرى» سىندى تۋىندىلار كورەرمەندەرگە چاڭجياڭنىڭ وڭتۇستىگىندەگى تارتىمدى حالىق مۋزيكالارى مەن وزگەشە مۋزيكا ستيلىن سەزىندىردى.
سۋرەتتەردە: تارتىمدى كونسەرت نومەرلەرىنەن كورىنىستەر.
سۋرەتتى ليۋ چىڭگاڭ تۇسىرگەن