جاڭ جيجۇڭ جازعان
«ناراتقا قايتا ورالۋ» اتتى تەلە فيلىم نارات مەملەكەتتىك ساياحات - دەمالىس رايونىندا تۇسىرىلە باستادى
ەرىكتى ٴتىلشى جاڭ ۋىنتيڭ حابارلايدى. 6 - ايدىڭ 15 - كۇنى «ناراتقا قايتا ورالۋ» اتتى تەلە فيلىمنىڭ ٴتۇسىرىلۋ سالتى نارات مەملەكەتتىك ساياحات ـ دەمالىس رايونىندا وتكىزىلدى. بۇل رەتكى قيمىل وسى تەلە فيلىمنىڭ رەسىمي تۇسىرىلە باستاعانىنان دەرەك بەرەدى، ونان دا ماڭىزدىسى ناراتتىڭ كوركەم كورىنىسى مەن مادەنيەتىن تەلە فيلىم سىندى كوركەمونەر فورماسى ارقىلى ٴتىپتى دە كەڭ ساحناعا بەت الدىرۋمەن بىرگە، اناعۇرلىم كوپ كورەرمەندى ناراتتىڭ اسەم كورىنىسى مەن قوردالى مادەنيەت مايەگىن تۇسىنۋگە باستايدى.
ٴتۇسىرۋ سالتىندا «ناراتقا قايتا ورالۋ» اتتى تەلە فيلىمدى ٴتۇسىرۋ گرۋپپاسىنىڭ قىزمەتكەرلەرى كەسكىنگە الۋ جابدىقتارىن ورناتتى جانە سىناپ كوردى.
«ناراتقا قايتا ورالۋدىڭ» باس باقىلاۋشىسى جاڭ جيجۇڭ، باس فيلمگەر دۋ شيڭلين جانە باس ٴارتيس دۋ جۋان مەن شۋە في دە «ناراتقا قايتا ورالۋ» اتتى تەلە فيلىمنىڭ كورىكتى نارات مەملەكەتتىك ساياحات - دەمالىس رايونىندا تۇسىرىلەتىندىگى جونىندە وزدەرىنىڭ اسەرلەرىن جەكە - جەكە اڭگىمەلەدى. جاڭ جيجۇڭ بىلاي دەدى: ”ناراتتىڭ كوركەم كورىنىسى مەنى ەرەكشە باۋرادى، وسى تەلە فيلىم ارقىلى ناراتتىڭ كورىنىسىن اناعۇرلىم كوپ كورەرمەنگە ايگىلەۋدى ٴۇمىت ەتەمىن“.
باس فيلىمگەر دۋ شيڭلين تاعى دا تەلە فيلىم گرۋپپاسىنداعىلاردىڭ شەبەرلىك تانىتقانىنا جانە نارات كورىنىس رايونى باسقارۋ كوميتەتىنىڭ زور كۇشپەن قولداعاندىعىنا العىس ايتتى، باس رولعا شىققان دۋ جۋان مەن شۋە في دە سەنەريا مەن ونداعى كەيىپكەرلەرگە دەگەن قىزىعۋشىلىعىن جانە كەسكىنگە ٴتۇسىرۋ جونىندەگى ۇمىتتەرىن ٴبىلدىردى.
«ناراتقا قايتا ورالۋ» اتتى تەلە فيلىمگە سايىن ساحاراداعى ماحاببات حيكاياسى ارقاۋ ەتىلىپ، نارات مەملەكەتتىك ساياحات - دەمالىس رايونىندا تۇسىرىلمەك، جالپى 22 سەريا، تۇسىرىلەتىن ۋاقىتى 30 كۇن شاماسىندا. سەناريانى باس باقىلاۋشى جاڭ جيجۇڭ نارات ساحاراسىنىڭ ۇلان - قايىر كوركەم كورىنىسى مەن وزگەشە دالا مادەنيەتىنەن شابىت الىپ جازعان.
ناراتتى تىلگە تيەك ەتكەندە جاڭ جيجۇڭ اۋىز جاپپاي بىلاي دەپ القاي جونەلەدى: ”نارات مەنىڭ كوڭىل كۇيىمدى اسەرلەندىرگەن جەر، بۇل ارانىڭ كورىنىسى اسا كوركەم، كوك اسپان، اقشا بۇلت، الىستاعى وقالى ورمان، كوكوراي شالعىن، ورىستەگى مال، اق باس شىڭدار، اساۋ وزەن، ٴبار - ٴبارى تۇنىپ تۇرعان كوركەم كورىنىس. وسى ارادا ٴبىر كوركەم ماحاببات حيكاياسى جونىندە تەلە فيلىم ٴتۇسىرۋدى تاڭداۋىم − ناراتتىڭ بارشا سۇلۋلىعىن وسى فيلىمگە ٴسىڭىرۋ ٴۇشىن.
«ناراتقا قايتا ورالۋ» اتتى تەلە فيلىمنىڭ نارات مەملەكەتتىك ساياحات - دەمالىس رايونىندا ٴتۇسىرىلۋى كورىنىس رايونى مەن كينو - تەلەۆيزيا سالاسىنىڭ سەلبەسۋىنىڭ جەمىسى عانا بولىپ قالماستان، كورەرمەندەر مەن ناراتتى بايلانىستىراتىن كوپىر دەۋگە بولادى، ونان دا ماڭىزدىسى، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋدىڭ، «ساياحات ارقىلى شينجياڭدى گۇلدەندىرۋ» ستراتەگياسىن كۇش سالا اتقارۋدىڭ جاندى امالياتى. اتالعان تەلە فيلىمدە ناراتتىڭ تابيعي كورىنىسى، ۇلتتىق سالت - سانا مادەنيەتى جانە كەيىپكەرلەر حيكاياسى ىشكەرىلەي اشىپ كورسەتىلىپ، كورەرمەندەرگە كوركەمونەرلىك باۋراۋ قۋاتى مەن مادەنيەت مايەگىنە يە تاماشا تۋىندى سيلاۋعا كۇش سالىنادى. سونىمەن بىرگە، بۇل تەلە فيلىمنىڭ ٴتۇسىرىلۋى ناراتتىڭ مادەنيەت - ساياحاتىنىڭ دامۋىن ونان ارى ىلگەرىلەتىپ، ناراتتىڭ تانىمالىلىعى مەن ىقپالىن جوعارىلاتا تۇسەدى.
نارات كورىنىس رايونى پارتكومىنىڭ مۇشەسى، ساياحاتتى دامىتۋ - باسقارۋ مەكەمەسىنىڭ باستىعى ۋاڭ سۋۋىن بىلاي دەدى: ”«ناراتقا قايتا ورالۋ» تەلە فيلىمىنىڭ ۋاقيعا جەلىسىندە نارات ساحاراسىنىڭ كورىنىسى، مادەنيەتى، تاريحى، سالت - ساناسى سياقتى فاكتورلار ٴوزارا توعىستىرىلىپ، ناقتى دا جاندى كوركەمونەرلىك فورما ارقىلى اناعۇرلىم كوپ ادامنىڭ ناراتتى تۇسىنۋىنە، ناراتتى سەزىنۋىنە مۇمكىندىك جاسالادى. ٴبىز وسى تەلە فيلىم تاراتىلعاننان كەيىن ناراتتىڭ مادەنيەت، ساياحاتىنىڭ دامۋىن بارىنشا ىلگەرىلەتىپ، نارات مادەنيەت ماركاسىن جاراتىپ، ٴتىپتى دە كوپ ادامنىڭ كوركەم ناراتقا كەلىپ، ونىڭ جايلىلىعى مەن دارقاندىعىن سەزىنەتىندىگىنە، تۇتاس ەلگە، ٴتىپتى، تۇتاس دۇنيە جۇزىنە ونىڭ مادەنيەت جاعىنداعى وزگەشە تارتىمدىلىعىن ايگىلەيتىندىگىنە كامىل سەنەمىز“.
جاڭ جيجۇڭ (سولدان 3 - ادام) مەن تەلە فيلىم گرۋپپاسىنىڭ مۇشەلەرى نارات مەملەكەتتىك ساياحات - دەمالىس رايونىندا. سۋرەتتى جاڭ ۋىنتيڭ تۇسىرگەن
كەسكىنگە ٴتۇسىرۋدىڭ باستالۋ سالتىنداعى ناق مايدان كورىنىسى. سۋرەتتى جاڭ ۋىنتيڭ تۇسىرگەن