6 - ايدىڭ 21 - كۇنى ٴتىلشىنىڭ موڭعۇلكۇرە اۋدانىندا اشىلعان از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى بولىمشە جارىس مايدانى جونىندەگى اقپارات جاريالاۋ ماجىلىسىنەن ۇعىسۋىنشا، وسى كەزەكتى سپورت جارىسىنىڭ ات ٴۇستى ويىندارىنىڭ جارىس ٴتۇرى 7 - ايدىڭ 8 - كۇنىنەن 13 - كۇنىنە دەيىن موڭعۇلكۇرە اۋدانىندا وتكىزىلەدى ەكەن، مۇندا نەگىزىنەن جارىس  جانە ويىن قويۋ سىندى ەكى ۇلكەن ٴتۇر قامتىلعان.

جارىس تۇرلەرىنەن ات بايگەسى، ات ۇستىندە ساداق اتۋ، قادا ٴىلۋ، جەكەلەردىڭ ەكى جارىس تۇرىنەن جان - جاقتى قابىلەتىن سىناۋ سياقتى 4 ٴتۇر؛ ويىن قويۋ ٴتۇرى − جەكە - جەكە ونەر سالىستىرۋ، شەبەرلىك باسەكەسى، جالپىلىق ٴتۇر سىندى ٴۇش تۇرگە بولىنەدى. ىشكى موڭعۇل اۆتونوميالى رايونى، جيلين ولكەسى، حۋبەي ولكەسى، حاينان ولكەسى، گۇيجوۋ ولكەسى، يۇننان ولكەسى، شيزاڭ اۆتونوميالى رايونى، شانشي ولكەسى، گانسۋ ولكەسى، چيڭحاي ولكەسى، شينجياڭ ۇيعۇر اۆتونوميالى رايونى، شينجياڭ ٴوندىرىس ـ قۇرىلىس بيڭتۋانى سياقتى ورىنداردان 12 ۋاكىلدەر ۇيىرمەسى، 229 سپورتشى، 276 ات، 16 تۇيە جارىسقا قاتىناسادى.

 موڭعۇلكۇرە اۋدانى تۇلپار ساياحات - مادەنيەت باقشاسىنىڭ جالپى كورىنىسى                     سۋرەتپەن قامداعان: دينارا

اتتار  كومبەدەن شىعۋدا

كورەرمەندەر  مىنبەرى 

(شينجياڭ گازەتىنەن)