ىلە وبلىسى ”26 - ماۋسىم“ حالىقارالىق ەسىرتكىگە تيىم سالۋ كۇنى ۇگىت قيمىلىن جانە ەسىرتكىنى شوعىرلى ورتەۋ سالتىن وتكىزدى
ەسىرتكىگە تيىم سالۋ تانىمىن ونان ارى كۇشەيتىپ، ەسىرتكىدەن باس تارتۋ، ەسىرتكىدەن ساقتانۋ قابىلەتىن جوعارىلاتتى
ٴتىلشىمىز حان شاشا، ەرىكتى ٴتىلشى لاي شۋەتيڭ حابارلايدى. 6 - ايدىڭ 25 - كۇنى 37 - رەتكى حالىقارالىق ەسىرتكىگە تيىم سالۋ كۇنى قارساڭىندا، ىلە وبلىستىق ەسىرتكىگە تيىم سالۋ كوميتەتى قۇلجا قالالىق ەسىرتكىگە تيىم سالۋ كوميتەتىمەن بىرلەسىپ، حالىق الاڭىندا ”26 - ماۋسىم“ حالىقـارالىق ەسـىرتكىگە تيىم سـالۋ كۇنى ”جاستار مەن ورەندەردىڭ ٴدارى - دارمەكتى الباتى ىستەتۋىنەن ساقتانايىق“ اتىنداعى ەسىرتكىگە تيىم سالۋ ۇگىت قيمىلىن جانە ەسىرتكىنى شوعىرلى ورتەۋ سالتىن وتكىزدى.
وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قيمىلعا قاتىناستى ٴارى ٴسوز سويلەدى. ول مىنالاردى اتاپ كورسەتتى: سوڭعى جىلداردان بەرى ىلە وبلىسىنداعى ٴار دارەجەلى ەسىرتكىگە تيىم سالۋ تاراۋلارى اۆتونوميالى رايوندىق، اۆتونوميالى وبلىستىق پارتكومداردىڭ پارمەندى باسشىلىعىندا باس شۋجي شي جينپيڭنىڭ ەسىرتكىگە تيىم سالۋ قىزمەتى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ٴبىر تۇتاس ىلگەرىلەتىپ، جان - جاقتى شارا قولدانىپ، ەسىرتكىمەن اينالىسۋ قىلمىسىنا پارمەندى سوققى بەرىپ، سەسكەندىرىپ، ەسىرتكىگە ساياتىن حاۋىپ - قاتەرلەر مەن كومەسكى قاتەرلەردەن ٴونىمدى ساقتانىپ جانە ونى شەشىپ، ەسىرتكىنى جونگە سالۋ قابىلەتىن ۇزدىكسىز جوعارىلاتتى.
ول ىلە وبلىسىنداعى ەسىرتكىگە تيىم سالاتىن ٴار دارەجەلى تاراۋلار وسى رەتكى قيمىلدى وراي ەتىپ، باتىلدىقپەن ”جاڭا شەپ“ اشىپ، ”جاڭا كۇشتەردەن“ ويداعىداي پايدالانىپ، ەسىرتكىگە تيىم سالۋ مادەنيەت قۇرىلىسىن جانە ەسىرتكىگە تيىم سالۋ توعىسپالى مەديا قۇرالدارى قۇرىلىسىن ۇزدىكسىز كۇشەيتىپ، ”مەملەكەتتىك ەسىرتكىگە تيىم سالۋدان ۇلگى كورسەتەتىن قالا“ تانىسقىسىن ۇزدىكسىز جارقىراتىپ، ىلەنىڭ ەسىرتكىگە تيىم سالۋ قىزمەتىنىڭ تىڭ ساتىعا كوتەرىلۋىن ىلگەرىلەتۋىن ٴۇمىت ەتتى. قالىڭ بۇقارانىڭ، جاستار مەن وسپىرىمدەردىڭ «ج−ۇڭگونىڭ ەسىرتكىنى جونگە سالۋى − جاڭا داۋىردەگى 10 جىلدىق ەسىرتكىگە تيىم سالۋ قىزمەتى كورمەسىن» ەكسكۋرسيالاۋ ارقىلى ەسىرتكىگە تيىم سالۋ تانىمىن ونان ارى كۇشەيتىپ، ەسىرتكىدەن باس تارتۋ، ەسىرتكىدەن ساقتانۋ قابىلەتىن ۇزدىكسىز جوعارىلاتىپ، ەسىرتكىگە تيىم سالۋ ۇگىتىنە، ەسىرتكىگە تيىم سالۋ كۇرەسىنە بەلسەنە ات سالىسىپ، ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىنا اناعۇرلىم زور ۇلەس قوسۋىن ٴۇمىت ەتتى.
وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ياڭ شينپيڭ ەسىرتكىنى شوعىرلى جويۋ سالتىنىڭ باستالعانىن جاريالادى، ەرەكشە مىندەت وتەيتىن ساقشىلار تاياۋ جىلداردان بەرى جيناپ الىنعان 72436.24 گرام ناشا، حروين، مەتيلامفەتامين سياقتى ٴار تۇردەگى ەسىرتكى بۇيىمدارىن اسكەري اۆتوموبيلمەن شوعىرلى ورتەۋ الاڭىنا ٴبىر تۇتاس جەتكىزىپ، زالالسىز جولمەن جويدى.
قيمىل الاڭىنا ۇگىت تاقتاسى، ۇقساتىلىپ جاسالعان ەسىرتكى ۇلگىسى سياقتىلار قويىلعان، ىلە وبلىسىنداعى ٴار دارەجەلى ەسىرتكىگە تيىم سالۋ كوميتەتتەرى جانە وعان مۇشە ورىنداردىڭ قىزمەتكەرلەرى قالىڭ بۇقاراعا ەسىرتكىگە تيىم سالۋ بىلىمدەرىن جالپىلاستىرىپ، ناركوز جانە نەرۆتىك دارىلەردى الباتى پايدالانۋدىڭ زاردابى جونىندە ٴتۇيىندى ٴبىلىم جالپىلاستىرىپ، بارشا قاۋىمنىڭ ەسىرتكىنى تانۋ، ەسىرتكىدەن باس تارتۋ، ەسىرتكىدەن ساقتانۋ قابىلەتىن جوعارىلاتىپ، كوپشىلىكتى ەسىرتكىنى بىرگە تەجەپ، كورىكتى مەكەندى قورعاۋعا ۇندەدى.
قيمىل كەزىندە ەسىرتكىگە تيىم سالۋ ۇگىتىندەگى وزاتتاردى ماداقتاۋ ـ سيلاۋ، بارلىق قىزمەتكەرلەر ەسىرتكىگە تيىم سالۋ سەرتىن بەرۋ، «جۇڭگونىڭ ەسىرتكىگە تيىم سالۋى − جاڭا داۋىردەگى 10 جىلدان بەرگى ەسىرتكىگە تيىم سالۋ قىزمەتى» كورمەسىن جانە ەسىرتكىگە تيىم سالۋ جابدىقتارىن ەكسكۋرسيالاۋ سياقتى قيمىلدار ارقىلى ىلە وبلىسىنىڭ ەسىرتكىگە قاتاڭ سوققى بەرۋ سىندى زاڭعا قايشى قىلمىستىق ارەكەتتەرگە ب−استان ـ اياق قاتاڭ سوققى بەرەتىن بەرىك مايدانى مەن سەنىمىن ايگىلەپ، تۇتاس قوعامعا، اسىرەسە، جاستار مەن ورەندەرگە كۇشتى ساقتىق سيگنالىن جەتكىزىپ، ٴومىردى قاستەرلەپ، ەسىرتكىدەن اۋلاق بولىپ، ەسىرتكىگە باتىل ”تيىم سالىپ“، ناركوز جانە نەرۆتىك ٴدارى - دارمەكتەر سياقتى قۇمار قىلاتىن زاتتاردى عىلمي تانىپ، تۇتاس قوعامدا ەسىرتكىنى سانالى تەجەيتىن قويۋ راي قالىپتاستىردى.
ىلە وبلىسى، قۇلجا قالاسى سىندى ەكى دارەجەلى ەسىرتكىگە تيىم سالۋ كوميتەتىنە مۇشە ورىندار، حالىق ساقشىلارىنىڭ ۋاكىلدەرى، وقۋشىلاردىڭ ۋاكىلدەرى، ەسىرتكىگە تيىم سالۋ قوعامدىق قىزمەتكەرلەرى جانە ٴار دارەجەلى اقپارات قۇرالدارىنىڭ تىلشىلەرىنەن 300 دەن استام ادام ناق مايداندا قيمىلعا قاتىناستى.
6 - ايدىڭ 25 - كۇنى ىلە وبلىسىنداعى ٴار دارەجەلى ەسىرتكىگە تيىم سالۋ كوميتەتى مەن وعان مۇشە ورىنداردىڭ قىزمەتكەرلەرى قيمىل الاڭىندا ەسىرتكىگە تيىم سالۋ بىلىمدەرىن ۇگىتتەۋدە. حان شاشا فوتوسى