6 - ايدىڭ 30 - كۇنى مەملەكەتتىك تاڭـداۋلى پارتيا مۇشەسى گارجاستىبانۇم ابـدىـرەشيـتـتىڭ ۇيـىـنـدە ياڭ شيۋلي ونىمەن ىقىلاستى اڭـگـىمەلەستى. سۇن ي - نان فوتوسى
تىلشىلەرىمىز ما چىڭلۋ، سۇن ي - نان، لۋ جۇڭ، جاڭ جينفىڭ، ۋاڭ ليلي حابارلايدى. 6 - ايدىڭ 30 - كۇنى ىلە وبلىستىق پارتكومنىڭ شۋجيى ياڭ شيۋلي قاتارلى وبلىستىڭ ٴتورت باسشىلىق القاسىنىڭ باسشىلارى ”1 - شىلدە“ بايلانىسىمەن امانداسۋ، حال سۇراۋ قيمىلىن وتكىزىپ، ٴبىر ٴبولىم تاڭداۋلى پارتيا مۇشەلەرىنە، داڭقپەن پارتياعا كىرگەنىنە 50 جىل بولعان ساقا پارتيا مۇشەلەرىنە، تۇرمىسىندا قيىنشىلىعى بار پارتيا مۇشەلەرىنە جانە قىزمەت ۇستىندە قازا بولعان پارتيالى كادرلاردىڭ وتباسىنداعىلارعا امانداسىپ، حال سۇراپ، ولارعا پارتيا ۇيىمىنىڭ قامقورلىعى مەن مەيىرىن جەتكىزىپ، ولاردىڭ بۇكىل وبلىستىڭ ەكونوميكالىق، قوعامدىق دامۋىنا قوسقان كورنەكتى ۇلەسىنە العىس ايتتى ٴارى ولارعا جانە بۇكىل وبلىستاعى قالىڭ پارتيا مۇشەلەرىنە ىقىلاستى سالەم جولدادى جانە مەرەكەلىك تىلەك ٴبىلدىردى.
مەملەكەتتىك تاڭداۋلى پارتيا مۇشەسى گارجاستىبانۇم ابدىرەشيتتىڭ وتباسىندا ياڭ شيۋلي ونىمەن ىقلاستى اڭگىمەلەسىپ، پارتيانىڭ شاپاعاتىن ەسكە الىپ، دامۋدى تىلگە تيەك ەتىپ، وتباسى تۇرمىس جاعدايىن دەن قويا ۇعىسىپ، ونىڭ كوپ جىلدان بەرى پارتيا ٴۇشىن قىزمەت ىستەپ، بۇقارا ٴۇشىن قىزمەت وتەپ كەلگەنىنە قۇرمەت ٴبىلدىرىپ، العىس ايتتى ٴارى ونىڭ پارتيا مۇشەسىندىك اۆانگارد، ونەگەلىك رولىن ۇزدىكسىز ساۋلەلەندىرىپ، بورىشتى ەستە بەرىك ساقتاپ، كۇش ۇستىنە كۇش قوسىپ، بۇدان بىلايعى قىزمەتتە ٴتىپتى دە جاقسى ناتيجە جاراتۋىن ٴۇمىت ەتتى. ياڭ شيۋلي بىلاي دەدى: پارتيا ورتالىق كوميتەتىنىڭ شىنايى قامقورلىعى مەن اۆتونوميالى رايوندىق پارتكومنىڭ دۇرىس باسشىلىعىندا، بۇكىل وبلىستىڭ رەفورما، دامۋ، ورنىقتىلىق ىستەرىنىڭ دامۋ ناتيجەسى كورنەكتى بولدى. قالىڭ پارتيالى كادرلار پارتيا قۇرۋ ۇلى رۋحىن اسقاقتاتىپ، كوممۋنيستەردىڭ رۋحاني قان تامىرىن ۇزدىكسىز جالعاستىرىپ، بۇكىل ىنتا - پەيىلىمەن حالىق ٴۇشىن قىزمەت ىستەۋ باس ماقساتىن ەستە بەرىك ساقتاپ، قىزمەت ورنىن تياناق ەتىپ، جاۋاپكەرشىلىكتى باتىلدىقپەن ارقالاپ، جاڭالىق اشا ناقتى ىستەپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىن ۇزدىكسىز ىلگەرىلەتىپ، ۇلگى بولىپ، اۆتونوميالى وبلىس قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋى كەرەك.
”1 - شىلدە وردەنىنىڭ“ يەگەرى مامەتجان ٴومار، ساقا پارتيا مۇشەسى نايىنتاي شوعان ۇلى، تۇڭ باۋ، ەسەنباي اۋعانباي ۇلى، ماينۇر ٴسابيت قىزى قاتارلىلاردىڭ وتباسىندا وبلىس باسشىلارى ولاردىڭ تۇرمىس احۋالى جانە دەنساۋلىق جاعدايىن تاپتەشتەي ۇعىسىپ، ولارعا ”پارتيا قۇشاعىنداعى داڭقتى 50 جىل“ ەستەلىك زناگىن تاراتتى. ولاردىڭ 50 جىلدى ٴبىر كۇنگىدەي وتكىزىپ، اۋەلگى ماقساتتى ۇمىتپاي، ٴوز قىزمەتىن تياناق ەتىپ، پارتيا مەن حالىق ىستەرى ٴۇشىن قاجىماي ـ تالماي ۇلەس قوسۋ رۋحىن بارىنشا القاپ، ولاردى ەستەلىك زناگىمەن قۇتتىقتادى جانە قۇرمەت ٴبىلدىردى. ەستەلىك زناگىن تاپسىرىپ العان ساقا پارتيا مۇشەلەرى پارتيا ۇيىمىنىڭ كوڭىل ٴبولۋى مەن قامقورلىعىنا شىن جۇرەكتەن العىس ايتتى، سونداي - اق بۇل ٴارى داڭق ٴارى بورىش ەكەنىن، بۇدان بىلاي اۋەلگى ماقساتتى ۇمىتپاي، بورىشتى ەستە بەرىك ساقتاپ، كوممۋنيستەردىڭ ساياسي قاسيەتىن ماڭگى ساقتاپ، پارتيا مەن حالىق ىستەرى ٴۇشىن كۇش ـ قۋاتتارىن ۇزدىكسىز ارناپ، ۇلەس قوساتىندىقتارىن ٴبىلدىردى. وبلىس باسشىلارى تاعى اۆتونوميالى رايوندىق تاڭداۋلى پارتيا مۇشەسى چين يۇڭۋي، تاڭداۋلى پارتيا ىستەرى قىزمەتكەرى ەرجان مۇنەر ۇلىنا امانداسا باردى.
تۇرمىسىندا قيىنشىلىعى بار پارتيا مۇشەسى ي يۋگۇي، ما ليان، حۋ ياڭ، اكبار جامالدين قاتارلىلاردىڭ ۇيىندە وبلىس باسشىلارى ولارمەن ىقىلاستى اڭگىمەلەسىپ، ولاردىڭ دەنساۋلىق جاعدايى مەن تۇرمىس قيىنشىلىعىن ەگجەي - تەگجەيلى ۇعىسىپ، قاتىستى تاراۋلاردان ولاردىڭ ٴىس جۇزىندىك قيىنشىلىعىن شىنايى شەشۋدى تالاپ ەتىپ، پارتيا ۇيىمىنىڭ قامقورلىعى مەن مەيىرىن ويداعىداي جەتكىزۋدى ٴارى ولارعا دەنساۋلىقتارىن قورعاۋدى، ومىرلەرىنىڭ سوڭىن كوڭىلدى وتكىزۋدى تاپسىردى. وبلىس باسشىلارى قۇربان نۇرتاي انۋاربەك ۇلى مەن قىزمەت ۇستىندە قۇربان بولعان پارتيالى كادر لو ميڭشۋاي، لي جينشين، فان جينشياڭ قاتارلىلاردىڭ وتباسىنداعىلارعا امانداسا بارىپ، حال سۇراپ، ٴار دارەجەلى پارتيا ۇيىمدارىنا كوڭىل ٴبولۋ، قامقورلىق جاساۋ قىزمەتىن دەن قويا، سۇيىسپەنشىلىكپەن، كۇش سالا جاقسى ىستەپ، وتباسىنداعىلاردى ساياسي جاقتا داڭق سەزىمىنە، ۇيىمدىق جاقتا تاۋەلدىلىك سەزىمىنە، تۇرمىستا باقىت سەزىمىنە بولەۋدى تاپسىردى.
وبلىس باسشىلارىنان جياۋ ي - مين، سەرجان ۇعىباي ۇلى، جاۋ سۇيفاڭ، مامەتجان داۋىت، لي رۇڭنيان، ياڭ شينپيڭ، ابليكىم نۇرانبەك، سۇن پىڭ، سۇن حۇي، ليۋ چيڭحۋا، دالەلبەك كەنجەقان ۇلى، راپحات توقتـام، مـا تاۋ، گـۇلبارشىن سـەرىكباي قىزى، جوۋ ليشين، چۇي حۇڭ حال سۇراۋعا قاتىناستى.