ما شيڭرۇي، ۋاڭ حاۋ، ەركىن تۇنياز، حى جۇڭيوۋ قاتىستى قيمىلعا قاتىناستى
7 ـ ايدىڭ 4 ـ كۇنىنەن 6 ـ كۇنىنە دەيىن جىجياڭ ولكەسى ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى، ٴتۇيىلىستىردى. سۋرەتتە: 7 ـ ايدىڭ 5 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ۇرىمجىدە جىجياڭ ولكەلىك پارتكومنىڭ ورىنباسار شۋجيى، ولكە باستىعى ۋاڭ حاۋمەن جانە ۋاكىلدەر ۇيىرمەسىنىڭ مۇشەلەرىمەن كەزدەستى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 7 ـ ايدىڭ 6 ـ كۇنى ۇرىمجىدەن حابارلايدى. 7 ـ ايدىڭ 4 ـ كۇنىنەن 6 ـ كۇنىنە دەيىن جىجياڭ ولكەسى ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەرىپ، ٴتۇيىلىستىرىپ، 2 ولكە ـ اۆتونوميالى رايوننىڭ ناقتى ىستەر سەلبەستىگىن تەرەڭدەتۋدى ىلگەرىلەتتى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز 7 ـ ايدىڭ 5 ـ كۇنى ۇرىمجىدە جىجياڭ ولكەلىك پارتكومنىڭ ورىنباسار شۋجيى، ولكە باستىعى ۋاڭ حاۋمەن جانە ۋاكىلدەر ۇيىرمەسىنىڭ مۇشەلەرىمەن كەزدەسىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن بىرگە ىلگەرىلەتىپ، 2 ولكە ـ اۆتونوميالى رايوننىڭ اۋىس ـ كۇيىسىنىڭ، سەلبەستىگىنىڭ جاڭا جاعدايىن قول ۇستاسا اشتى.
اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلعا قاتىناستى.
ما شيڭرۇي كەزدەسۋ بارىسىندا اۆتونوميالى رايوندىق پارتكوم، ۇكىمەت، بيڭتۋان جانە بۇكىل شينجياڭداعى ٴار ۇلت حالقى اتىنان جىجياڭ ولكەسىنىڭ ۇزاق ۋاقىتتان بەرى شينجياڭ قىزمەتىنە كورسەتكەن قولداۋى مەن كومەگىنە العىس ايتاتىندىعىن ٴبىلدىردى. ول بىلاي دەدى: جىجياڭ ولكەسى ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرىپ، اۋىس ـ كۇيىس جاساۋى شينجياڭعا كومەكتەسۋ قىزمەتىن اناعۇرلىم ىلگەرىلەتىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ساياسي جاۋاپكەرشىلىك ارقالاۋدى تولىق ايگىلەدى، سونداي ـ اق 2 ولكە ـ اۆتونوميالى رايوننىڭ ٴوزارا پايدا جەتكىزۋ سەلبەستىگىن تەرەڭدەتۋدى پارمەندى جەبەدى. جۋىق جىلداردان بەرى جىجياڭ ولكەسى ”سەگىز ـ سەگىز ستراتەگياسىن“ ۇزدىكسىز ىشكەرىلەي اتقارىپ، ”ناقتى ىستەۋ، الدا ٴجۇرۋ، ٴداۋىردىڭ الدىڭعى لەگىندە تۇرۋ“ ماڭىزدى تالابىن تىڭعىلىقتى تۇردە امالياتتا ايگىلەپ، جۇڭگو ۇلگىسىندەگى وسىزامانداندىرۋدىڭ باتىل اتويشىسى بولۋدىڭ جاڭا جورىعىندا جاڭا بەينەنى ۇزدىكسىز ايگىلەدى. جىجياڭ _ شينجياڭ ەكى جەر شينجياڭعا كومەكتەسۋدى دانەكەر ەتىپ، جان ـ جاقتى اۋىس ـ كۇيىستى، سەلبەستىكتى ۇزدىكسىز تەرەڭدەتۋدە دە تىنباي جاڭا ىلگەرىلەۋشىلىكتەرگە قول جەتكىزدى. شينجياڭ قازىر جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇر. ٴبىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى اناعۇرلىم ويداعىداي ٴبىر تۇتاس جوسپارلاپ، مەملەكەتتىڭ جالپى جاعدايىنداعى ستراتەگيالىق ورىندى كوزدەپ، ”سەگىز ٴىرى كاسىپ سالاسى شوعىرىن“ تىرەك ەتكەن وسى زامانعى كاسىپ سالاسى جۇيەسىن جەدەل قۇرىپ، ورتا ازيا ەلدەرى سياقتى ”ٴبىر بەلدەۋ، ٴبىر جولدى“ بىرگە قۇراتىن مەملەكەتتەرگە باعىتتالعان جوعارى دەڭگەيدەگى سىرتقا ەسىك اشۋدى جەدەل ىلگەرىلەتىپ، جاڭا جورىقتا كورىكتى شينجياڭ قۇرۋدا قارىشتاپ دامىعان بەينەنى جارىققا شىعاردىق. ەكى جاقتىڭ وسى رەتكى قىزمەت تەكسەرۋدى، ٴتۇيىلىستىرۋدى وراي ەتىپ، شينجياڭعا باعىتتامالى كومەكتەسۋ قىزمەت مەحانيزمىن اناعۇرلىم كەمەلدەندىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتىپ، شىعىس، باتىس بولىكتىڭ ىستەستىگىن ۇزدىكسىز كۇشەيتىپ، 2 ولكە ـ اۆتونوميالى رايوننىڭ ناقتى ىستەر سەلبەستىگىنىڭ اناعۇرلىم تەرەڭ قاتپارعا، اناعۇرلىم كەڭ سالاعا قاراي كەڭەيۋىن ىلگەرىلەتىپ، ەكى جاقتىڭ ەكونوميكاسىنىڭ، قوعامىنىڭ جوعارى ساپالى دامۋىنا، مەملەكەتتىڭ ستراتەگيالىق جالپى جاعدايىنا اناعۇرلىم ويداعىداي قىزمەت وتەۋگە ٴتىپتى دە مول كۇش ـ قۋات ارناۋىن ٴۇمىت ەتەمىن.
ۋاڭ حاۋ جىجياڭ ولكەلىك پارتكوم، ولكەلىك ۇكىمەت جانە ولكەلىك پارتكوم شۋجيى ي ليانحۇڭ اتىنان شينجياڭ ۇيعۇر اۆتونوميالى رايونىنىڭ، شينجياڭ ٴوندىرىس ـ قۇرىلىس بيڭتۋانىنىڭ ۇزاق ۋاقىتتان بەرى جىجياڭ قىزمەتىنە كۇش سالا قولداۋ كورسەتكەندىگىنە، جىجياڭنىڭ شينجياڭعا كومەكتەسۋشى كادر ـ دارىندىلارىنا كوڭىل بولگەندىگىنە، قامقورلىق جاساعاندىعىنا العىس ايتاتىندىعىن ٴبىلدىردى. ول بىلاي دەدى: تاياۋ جىلداردان بەرى شينجياڭ باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، كورىكتى شينجياڭدى قۇلشىنا قۇرىپ، ٴتۇرلى ىستەردىڭ دامۋىندا جاڭا دا ەلەۋلى تابىسقا قول جەتكىزدى، بۇل ادامدى اسەرلەندىرەدى، ەكپىندەي ىلگەرىلەۋگە جىگەرلەندىرەدى، جىجياڭنىڭ مۇقيات ۇيرەنۋىنە تاتيدى. جىجياڭ مەن شينجياڭنىڭ دوستىق سۇيىسپەنشىلىگى ارىدان باستاۋ العان، باعىتتامالى كومەكتەسۋدى تەرەڭدەتۋ بارىسىندا ۇزدىكسىز جالعاسىپ، ۋاقىت وتكەن سايىن جاڭارىپ، سۇبەلى جەتىستىكتەرگە قول جەتكىزدى. ٴبىز پارتيا ورتالىق كوميتەتى جىجياڭعا جۇكتەگەن داڭقتى بورىشتى باتىل ارقالاپ، باس شۋجي شي جينپيڭنىڭ باعىتتامالى كومەكتەسۋ قىزمەتىن تەرەڭدەتۋ جونىندەگى ماڭىزدى نۇسقاۋىنىڭ رۋحىن جاپپاي تياناقتاندىرىپ، اقسۋ ايماعى مەن بيڭتۋان ارال قالاسىنا باعىتتامالى كومەكتەسۋدى ٴوزىمىزدىڭ ”تيەسەلى ٴىسىمىز“ ساناپ، شينجياڭ جاقتىڭ قىزمەت قاجەتىنە قاراي 2 ولكە ـ اۆتونوميالى رايوننىڭ سالىستىرمالى باسىمدىعىن تولىق ساۋلەلەندىرىپ، كاسىپ سالاسى، ەنەرگيا، ەسىك اشۋ، مادەنيەت ـ ساياحات، حالىق تۇرمىسى سياقتى سالالارداعى ناقتى ىستەر سەلبەستىگىن ۇزدىكسىز تەرەڭدەتىپ، شينجياڭعا كومەكتەسۋ قىزمەتى مەن جىجياڭ _ شينجياڭ سەلبەستىگىنىڭ جاڭا جاعدايىن ۇزدىكسىز اشىپ، جوعارى ساپالى دامۋدى قول ۇستاسا بىرگە جەبەپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇش ـ قۋات ارنايمىز.
شينجياڭداعى كەزىندە جىجياڭ ولكەسى ۋاكىلدەر ۇيىرمەسى ىلگەرىندى ـ كەيىندى اقسۋ ايماعى تيانشان تەمىر ۇلكەن اڭعارىنا، اقسۋ قالاسى يگەرشى قالاشىعى باقشى قىستاعىنا، چيميڭ مەكتەبىنە بارىپ، بيڭتۋان ارال قالاسى 359 ـ لۇيى تىڭ يگەرۋ ەسكەرتكىش سارايىن، جىجياڭ داشۋەسى شاۋ يفۋ ارال شيپاحاناسىن ارالاپ، مادەنيەت ـ ساياحات ارقىلى شينجياڭعا كومەكتەسۋ، ”مىڭ، 10 مىڭ ينجەنەرياسى اقسۋدا“ ارناۋلى ارەكەتىن، وقۋ ـ اعارتۋ ارقىلى شينجياڭعا كومەكتەسۋ، ەمدەۋ ارقىلى شينجياڭعا كومەكتەسۋ سياقتى قىزمەتتەردىڭ ىلگەرىلەتىلۋ جاعدايىنا ناقتى ورىندا تەكسەرۋ جۇرگىزىپ، نەگىزگى ساتى بۇقاراسىنا امانداسىپ، ولاردان حال سۇرادى؛ ٴۇرىمجى قالاسىندا شينجياڭ بايىرعى ەكولوگيالىق باقشاسىنا، ٴۇرىمجى حالىقارالىق قۇرلىقتىق پورت رايونىنا ىشكەرىلەي ەنىپ، كاسىپ سالاسىن دامىتۋ جانە ەسىك اشۋ، سەلبەستىك جاساۋ قىزمەتىن تەكسەردى. ۋاكىلدەر ۇيىرمەسى تاعى جىجياڭ ولكەسى شينجياڭعا باعىتتامالى كومەكتەسۋ قولباسشىلىق شتابىنا بارىپ جاعداي ۇعىسىپ، شينجياڭعا كومەكتەسكەن كادر ـ دارىندىلارعا امانداستى.
جىجياڭ ولكەسىنىڭ باسشىلارى لۋ شان، ساي شيۋجۇن، يىن شۋەچۇن جانە حاڭجوۋ قالاسىنىڭ باسشىسى ياۋ گاۋيۋان، نيڭبو قالاسىنىڭ باسشىسى تاڭ فيفان، اۆتونوميالى رايون جانە بيڭتۋان باسشىلارىنان چىن ۋيجۇن، ٴيۇسۇپجان مامەت، قادەن كابەن، ۋاڭ لين، شۋە بين، حا زىڭيوۋ قاتىستى قيمىلدارعا قاتىناستى.