تىلشىلەرىمىز ما چىڭلۋ، سۇن ي - نان حابارلايدى. 7 - ايدىڭ 4 - كۇنىنەن 5 - كۇنىنە دەيىن ىلە وبلىستىق پارتكومنىڭ شۋجيى ياڭ شيۋلي چاپچال سىبە اۆتونوميالى اۋدانىنا، قورعاس قالاسىنا بارىپ تەكسەرۋ ـ زەرتتەۋ جۇرگىزىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ تالابىنا ساي، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، بايلىق ارتىقشىلىعى، كاسىپ سالاسىنىڭ نەگىزى جانە ەرەكشەلىگىمەن ۇشتاستىرىپ، عىلمي نىسانا بەلگىلەپ، ورنىن تۇراقتاندىرىپ، دامۋ ٴتاسىلى مەن جولىن ساپالىلاندىرىپ، ٴتۇيىندى كاسىپورىنداردى، باسىمدىققا يە كاسىپ سالالارىن جەدەل جەتىلدىرىپ، ىلە ەرەكشەلىگىنە يە جوعارى ساپالى دامۋ جولىن قۇلشىنا قاراستىرۋ كەرەك دەپ باسا دارىپتەدى.
وبلىستىق پارتكوم تاياۋدا پارتيا، ۇكىمەت باسشىلارىنىڭ ٴتۇيىندى كاسىپورىنداردى (نىسان) كوتەرمەگە الىپ بايلانىس جاساۋ جوباسىن باسىپ تاراتتى. ياڭ شيۋلي باستاماشىلدىقپەن كوتەرمەگە الىپ بايلانىس جاسايتىن قورعاس جين - ي حالىقارالىق ساۋدا سەرىكتەستىگىنە كەلىپ، كاسىپورىننىڭ دامۋ جاعدايىن، اسىرەسە، ورىن تەپكەن قيىنشىلىقتار مەن ماسەلەلەردى ناق مايداندا ۇعىسىپ، كاسىپورىننىڭ كاسىپتى باتىسقا كەڭەيتۋى جانە دارىندى قابىلداۋى، اقىل ـ پاراسات ەنگىزۋى ٴۇشىن بەلسەنە ٴادىس ـ امال قاراستىرىپ، قولداۋ كورسەتىپ، كاسىپورىننىڭ 10 ميلليارد دارەجەلى سىرتقى ساۋدا كاسىپورنى بولىپ تەز ارادا جەتىلۋىنە دەم بەردى. چاپچال اۋدانىنداعى يتاي ىلە جىلىنا ٴبىر ميلليون توننا كومىردەن ماي ايىرۋ نىسانىنىڭ جۇمىس باسىندا، ياڭ شيۋلي كوتەرمەگە الىپ بايلانىس جاسايتىن وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلىمەن بىرگە كاسىپورىننىڭ سەنىمدى بەكەمدەپ، ناقتى ماسەلەلەردى سالالاپ جانە شەشىپ، نىسان قۇرىلىسىن تەز ارادا قالپىنا كەلتىرۋىن، جەدەلدەتۋىن جەبەدى. ياڭ شيۋلي مىنالاردى باسا دارىپتەدى: ٴتۇيىندى كاسىپورىنداردى (نىسانداردى) كوتەرمەگە الىپ بايلانىس جاساۋ ــ ىلەنى دامىتۋدىڭ نەگىزگى كۇش سالۋ ٴتۇيىنى. كوتەرمەگە الىپ بايلانىس جاسايتىن باسشىلار جانە قاتىستى اۋدان، قالالار، تاراۋلار جاۋاپكەرشىلىك تانىمى مەن قىزمەت وتەۋ تانىمىن شىنايى كۇشەيتىپ، تۇتاس بارىستى قاداعالاۋدى جانە جالپى فاكتورلىق قامتاماسىز ەتۋدى كۇشەيتىپ، كاسىپورىنداردىڭ قيىن، بوگەتتى تۇيىندەردى سايكەستىرىپ شەشۋىنە دەر كەزىندە كومەكتەسىپ، كەلەلى نىساندار قۇرىلىسىنىڭ قارقىنىن تەزدەتۋدى، ٴتۇيىندى كاسىپورىنداردى زورايتۋدى ىلگەرىلەتىپ، ىلەنىڭ جوعارى ساپالى دامۋ نەگىزىن ۇزدىكسىز بەكەمدەۋ كەرەك.
ياڭ شيۋلي قورعاس قالاسىنداعى تۋدودو سيفرلى عىلىم ـ تەحنيكا سەرىكتەستىگى، ۋاڭ - ي بىرلەسىپ جاڭالىق اشۋ ورتالىعى سياقتى سەرىكتەستىكتەرگە بارىپ، جاۋاپتى ادامدارمەن ىشكەرىلەي پىكىر اۋىستىرىپ، كاسىپورىننىڭ اينالىم بەتالىسى، قىزمەت وتەۋ جۇيەسى، تيجارات جاعدايى سياقتىلاردى ەگجەي ـ تەگجەيلى ۇعىسىپ، كاسىپورىننىڭ سيفرلانعان قىزمەت وتەۋ قابىلەتىن جوعارىلاتىپ، جەرگىلىكتى ورىنمەن كاسىپ سالاسى سەلبەستىگىن تەرەڭدەتىپ، كاسىپ سالاسىندا قۇن تىزبەگىن كۇش سالا جوعارىلاتۋدى ٴۇمىت ەتتى. ول بىلاي دەپ باسا دارىپتەدى: دامۋدىڭ جاڭا جولىن بەلسەنە اشىپ، جەرگىلىكتى جاعدايعا قاراي سيفرلى ەكونوميكانى، تۇعىر ەكونوميكاسىن، عيمارات ەكونوميكاسىن دامىتىپ، تەحنيكادا جاڭالىق اشۋدى، ۇلگىدە جاڭالىق اشۋدى، كورىنىستە جاڭالىق اشۋدى كۇشەيتىپ، شەكارا وتكەلىنىڭ، تۇعىردىڭ، كاسىپ سالاسىنىڭ سايكەسۋىن، ىقپالداستىعىن كۇشەيتىپ، قامداۋ مەن قاجەتسىنۋدىڭ ەكى باسىن اناعۇرلىم ويداعىداي سايكەستىرىپ، ساۋدا ارقىلى ونەركاسىپتى جەبەپ، ونەركاسىپ ارقىلى ساۋدانى گۇلدەندىرىپ، جوعارى ساپالى دامۋدىڭ جاڭا قوزعاۋشى كۇشىن، جاڭا باسىمدىعىن ۇزدىكسىز قالىپتاستىرۋ كەرەك.
جىلىنا 300 مىڭ موتوتسيكل وندىرەتىن جۇڭجين عىلىم ـ تەحنيكا كاسىپ باقشاسىندا، ياڭبانشى حالىقارالىق باعالى مەتال كاسىپ سالاسى باقشاسىندا، ياڭ شيۋلي كاسىپورىن ٴوندىرىسىنىڭ دابىرالى جۇرگىزىلىپ، نىسان قۇرىلىسىنىڭ جەدەل ىلگەرىلەتىلىپ جاتقانىن كورىپ، توتەنشە قۋانىپ، كاسىپورىنداردى نىسان اياق الىسىن ۇزدىكسىز جەدەلدەتىپ، ەرتەرەك تولىق وندىرىسكە قوسىپ، ونىمدىلىككە قول جەتكىزۋگە شابىتتاندىردى. ول بىلاي دەپ باسا دارىپتەدى: كاسىپ سالاسى تىزبەگىن ۇزارتۋدى، تولىقتاۋدى، كۇشەيتۋدى ارقاۋ ەتىپ، باستاماشى كاسىپورىنداردى جەتەكشى ەتىپ، ساۋدا ارقىلى ساۋداگەر شاقىرۋدى، دالمە ـ ٴدال ساۋداگەر شاقىرۋدى كۇشەيتىپ، قامداۋ تىزبەگىن ەنگىزىپ، ساتۋ تىزبەگىن كەڭەيتىپ، جوعارى ـ تومەن بۋىنداعى كاسىپورىنداردىڭ شوعىرلى دامۋىن ىلگەرىلەتىپ، كەمەلدى كاسىپ سالاسى ەكولوگيالىق شەڭبەرىن قالىپتاستىرىپ، كاسىپورىنداردىڭ وزىندىك قۇندى ۇنەمدەپ، ونىمدىلىكتى ارتتىرۋىنا دەم بەرىپ، كاسىپ سالاسى شوعىرىنىڭ دامۋىن جەبەپ، 10 ميلليارد دارەجەلى، نەشە ميلليارد دارەجەلى ٴبىر توپ كاسىپورىندى (كاسىپ سالاسى تىزبەگىن) قۇلشىنا قۇرۋ كەرەك.
ياڭ شيۋلي تاعى جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنا جانە 6 - ۇرپاق مەملەكەت قاقپاسىنا بارىپ، تاۋارلاردى كورمەگە قويىپ ساتۋ، شەكارا وتكەلدەرىندە اۆتوكولىكتەردى جانە زاتتاردى تەكسەرىپ كەدەننەن وتكىزۋ سياقتى جاعدايلاردى كوردى، بەكەر تۇرعان نىسانداردى ىسكە قوسۋ، كاسىپ كۇيىن بايىتۋ، كەدەننەن ٴوتۋ ٴتارتىبىن ساپالىلاندىرۋ سياقتىلار جونىندە تالاپتاردى العا قويدى. ول بىلاي دەپ باسا دارىپتەدى: ىلە − ازيا ـ ەۆروپا التىن ارناسى تورابى جانە ەلىمىزدىڭ باتىسقا ەسىك اشۋداعى الدىڭعى شەبى. ەسىك اشۋ باسىمدىعىن تولىق ساۋلەلەندىرىپ، جۇڭگو ـ قازاقستان سەلبەستىك ورتالىعى، ەركىن ساۋدا سىناق رايونى، كەشەندى قورعامالى باجى اۋماعى سياقتى اشىق تۇعىرلارعا سۇيەنىپ، كاسىپ سالاسى سەلبەستىگىن، گۋمانيتارلىق اۋىس ـ كۇيىستى توڭىرەكتەگى اناعۇرلىم كوپ ەلدەرگە كەڭەيتۋدى ىلگەرىلەتىپ، وڭىرلەردىڭ ىقپالداسىپ دامۋىن جەبەپ، ەسىك اشۋ دەڭگەيىن جوعارىلاتىپ، شينجياڭنىڭ ازيا ـ ەۆروپا التىن ارناسىن جانە مەملەكەتتىڭ سىرتقا ەسىك اشۋ جالپى جاعدايىن قالىپتاستىرۋىنا ىلە ۇلەسىن قوسۋ كەرەك.
وبلىس باسشىلارىنان جۋ داگاڭ، فىڭ جو تەكسەرۋ - زەرتتەۋگە قاتىناستى.
وبلىستىق پارتكومنىڭ شۋجيى ياڭ شيۋلي قورعاس جين - ي حالىقارالىق ساۋدا سەرىكتەستىگىندە كاسىپورىننىڭ دامۋ جاعدايىن، اسىرەسە، ورىن تەپكەن قيىنشىلىقتار مەن ماسەلەلەردى ناق مايداندا ۇعىستى.
سۇن ي - نان فوتوسى