تيانجين قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ٴتۇيىلىستىردى

　　چىن مين ـ ىر، ما شيڭرۇي، ەركىن تۇنياز، يۇي يۇنلين، ٴزۇمىرات وبۇل، حى جۇڭيوۋ قيمىلعا قاتىناستى

7 - ايدىڭ 8 - كۇنىنەن 10 - كۇنىنە دەيىن تيانجين قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 7 - ايدىڭ 8 - كۇنى تيانجين قالالىق پارتكومنىڭ شۋجيى چىن مين - ىر، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار تيانجين قالاسىنىڭ بيڭتۋان 11 - شىسىنا كومەككە كەلگەن قىزمەت گرۋپپاسىنىڭ كادر - دارىندىلار وتاۋىنا بارىپ، شينجياڭعا كومەككە كەلگەن كادر - دارىندىلارعا امانداسىپ، ولاردان حال سۇرادى.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 10 ـ كۇنى حوتاننان حابارلايدى. 7 ـ ايدىڭ 8 ـ كۇنىنەن 10 ـ كۇنىنە دەيىن تيانجين قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن تەكسەرىپ، جۇمىس باسىندا تەكسەرۋ ـ زەرتتەۋ جۇرگىزىپ، ٴتۇيىلىستىرىپ، ىشكەرىلەي اڭگىمەلەسىپ، پىكىر اۋىستىرىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋدى تەرەڭدەتۋ، جوعارى ساپالى دامۋدى ىلگەرىلەتۋ جونىندەگى ورنالاستىرۋلارىن، تالاپتارىن بىرگە تياناقتاندىرىپ، شينجياڭعا جاپپاي كومەكتەسۋدى، شينجياڭعا دالمە ـ ٴدال كومەكتەسۋدى، شينجياڭعا ۇزاق ۋاقىت كومەكتەسۋدى ونان ارى تەرەڭدەتىپ، باسىمدىقتار ارقىلى ٴبىرىن ـ ٴبىرى تولىقتاۋدىڭ، ٴوزارا تيىمدىلىك جەتكىزىپ سەلبەستىك جاساسۋدىڭ كۇشەيۋىن ىلگەرىلەتىپ، تيانجين مەن شينجياڭنىڭ بىرلەسىپ ارەكەتتەنىپ، ىستەستىك جاساي دامۋىنىڭ جاڭا جاعدايىن قول ۇستاسا اشتى. تيانجين قالالىق پارتكومنىڭ شۋجيى چىن مين ـ ىر، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، تيانجين قالالىق حالىق قۇرىلتايى تۇراقتى كوميتەتىنىڭ مەڭگەرۋشىسى يۇي يۇنلين، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلدارعا قاتىناستى.

شينجياڭداعى كەزىندە ۋاكىلدەر ۇيىرمەسى ٴۇرىمجى قالاسىنا كەلىپ، ٴۇرىمجى حالىقارالىق قۇرلىقتىق پورت اۋماعىن تەكسەرىپ، ەكى جەردىڭ ەسىك اشۋ، سەلبەستىك جاساۋىن كەڭەيتۋدى ىلگەرىلەتتى؛ شينجياڭ اسكەري تىڭ يگەرۋ جۇلدىزى كورمە سارايىن ەكسكۋرسيالاپ، بيڭتۋاننىڭ دامۋ بارىسىن جانە اقىل ـ پاراسات جاعىنان كومەكتەسۋدىڭ، كاسىپ سالاسى سەلبەستىگىنىڭ اياق الىسىن ۇعىستى؛ يامالىق تاۋىنا شىعىپ، ەكولوگيانى وڭاۋ جانە قالا قۇرىلىسى قىزمەتىن تەكسەردى. حوتان ايماعىندا ۋاكىلدەر ۇيىرمەسى كەريا اۋدانىنداعى تيانجين ونەركاسىپ باقشاسىنا كەلىپ، كاسىپ سالاسى بويىنشا شينجياڭعا كومەكتەسۋ جانە ەنگىزىلگەن كاسىپورىنداردىڭ شارۋاشىلىعىن دامىتۋ، جۇمىستاندىرۋعا جەتەكشىلىك ەتۋ سياقتى ونىمدىلىكتەرىن جۇمىس باسىندا تەكسەردى؛ كەريا اۋدانى تۋراقاز اۋىلى تۋراقاز قىستاعىنا بارىپ، قۇربان تۇلىم ەسكەرتكىش سارايىن ەكسكۋرسيالاپ، اۋىل ـ قىستاقتى گۇلدەندىرۋ، ۇلتتار ىنتىماعى قىزمەتىن تەكسەرىپ، نەگىزگى ساتىداعى بۇقاراعا امانداستى؛ شەريا اۋداندىق 1 ـ باستاۋىش مەكتەپكە، حوتان ايماقتىق حالىق شيپاحاناسىنا بارىپ، وقۋ ـ اعارتۋ ارقىلى شينجياڭعا كومەكتەسۋدىڭ، ەمدەۋ ارقىلى شينجياڭعا كومەكتەسۋدىڭ جەتىستىكتەرىن تەكسەردى؛ حوتان ايماقتىق مۇراجايدا كورمەگە قويىلعان دۇنيەلەردى ەكسكۋرسيالاپ، شينجياڭدى مادەنيەتپەن نارلەندىرۋ، مادەنيەت پەن ساياحاتتى توعىستىرۋ سياقتى قىزمەتتەردى تەكسەردى. ۋاكىلدەر ۇيىرمەسى تاعى تيانجيننىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنا جانە بيڭتۋان 11 ـ شىسىنا كومەككە كەلگەن قىزمەت گرۋپپاسىنىڭ كادر، دارىندىلار وتاۋىنا بارىپ ىشكەرىلەي تەكسەرۋ ـ زەرتتەۋ جۇرگىزىپ، شينجياڭعا كومەككە كەلگەن كادر، دارىندىلارعا امانداسىپ، ولاردان حال سۇرادى.

7 ـ ايدىڭ 8 ـ كۇنى تۇستەن كەيىن ەكى جەر ۇرىمجىدە تيانجين قالاسى · شينجياڭ ۇيعۇر اۆتونوميالى رايونى جانە شينجياڭ ٴوندىرىس ـ قۇرىلىس بيڭتۋانىنىڭ قىزمەت اۋىس ـ كۇيىسى اڭگىمە ٴماجىلىسىن اشتى. چىن مين ـ ىر تيانجين قالالىق پارتكوم، قالالىق ۇكىمەت اتىنان شينجياڭ ۇيعۇر اۆتونوميالى رايونى مەن شينجياڭ ٴوندىرىس ـ قۇرىلىس بيڭتۋانىنىڭ ۇزاق ۋاقىتتان بەرى تيانجيننىڭ قىزمەتىن زور كۇشپەن قولداعاندىعىنا، تيانجيننىڭ كومەككە جىبەرگەن كادر، دارىندىلارىنا كوڭىل بولگەندىگىنە، ايالاعاندىعىنا العىس ايتتى. ول بىلاي دەدى: پارتيا 18 ـ قۇرىلتايىنان بەرى، اۆتونوميالى رايوندىق پارتكوم، ۇكىمەت جانە بيڭتۋان باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، قالىڭ كادرلار مەن بۇقارانى ىنتىماقتاستىرا باستاپ، ايانباي كۇرەس جۇرگىزدى، رەفورما، دامۋ، ورنىقتىلىق قىزمەتىندە قول جەتكىزگەن تابىستار ادامدى جەلپىندىرەدى. تيانجين قالاسى پارتيا، ۇكىمەت ۋاكىلدەر ۇيىرمەسىنىڭ وسى رەت شينجياڭعا كەلىپ ۇيرەنۋ، تەكسەرۋ، ٴتۇيىلىستىرۋ قىزمەتىن ىستەۋى جاڭا داۋىردەگى پارتيانىڭ شينجياڭدى باسقارۋ جالپى جوباسى جونىندەگى تۇسىنىكتى، يگەرۋدى تەرەڭدەتتى، باس شۋجي شي جينپيڭنىڭ شىعىس، باتىس بولىكتەردىڭ سەلبەستىگى مەن كومەكتەسۋ سەلبەستىگىن تەرەڭدەتۋ جونىندەگى ماڭىزدى بايىمداۋلارى جونىندەگى تۇسىنىكتى، يگەرۋدى تەرەڭدەتتى، باس شۋجي شي جينپيڭنىڭ باتىس بولىكتى قاۋىرت اشۋدى ىلگەرىلەتۋ جونىندەگى ماڭىزدى بايىمداۋلارى جونىندەگى تۇسىنىكتى، يگەرۋدى تەرەڭدەتتى. ٴبىز شينجياڭنىڭ تاماشا تاجىريبەلەرىن، جاقسى ادىستەرىن مۇقيات ۇيرەنىپ، باعىتتامالى كومەكتەسۋ ساياسي جاۋاپكەرشىلىگىن باتىل ارقالاپ، شينجياڭعا باعىتتامالى كومەكتەسۋ قىزمەتىن اناعۇرلىم دالمە ـ ٴدال، ٴونىمدى تۇردە ويداعىداي ىستەيمىز. كاسىپ سالاسى بويىنشا كومەكتەسۋ قىزمەتىن اناعۇرلىم ويداعىداي ىستەپ، جەرگىلىكتى ورىننىڭ باسىمدىققا يە ەرەكشە كاسىپ سالاسىن ارقاۋ ەتىپ، عىلىم ـ تەحنيكا، دارىندى، بازار، قارجى سياقتى جاقتارداعى قولداۋ تەبىنىن ارتتىرىپ، بۇقارانىڭ جۇمىستانىپ، كىرىسىن ارتتىرۋىنا اناعۇرلىم ويداعىداي جەتەكشىلىك ەتەمىز. حالىق تۇرمىسىنا كومەكتەسۋ قىزمەتىن اناعۇرلىم ويداعىداي ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل ـ قىستاقتى گۇلدەندىرۋدەن ۇلگى كورسەتەتىن اناعۇرلىم كوپ قىستاق قۇرىپ، نەگىزدىك قۇرىلعى قۇرىلىسىنا دەم بەرىپ، ”ۇيىرمە قۇراۋ ۇلگىسىندەگى“ وقۋ ـ اعارتۋ، ەمدەۋ ارقىلى شينجياڭعا كومەكتەسۋدىڭ ساپاسىن، ونىمدىلىگىن جوعارىلاتامىز. اقىل ـ پاراسات جاعىنان كومەكتەسۋ قىزمەتىن اناعۇرلىم ويداعىداي ىستەپ، شينجياڭعا كومەككە كەلگەن كادر، دارىندىلاردى قاجەتكە قاراي سارالاپ تاڭداپ جىبەرىپ، كادر، دارىندىلاردىڭ قوس باعىتتا اۋىس ـ كۇيىس جاساۋىن ىلگەرىلەتەمىز. ۇلتتاردىڭ توعىسۋ قىزمەتىن اناعۇرلىم ويداعىداي ىستەپ، جاستار مەن ورەندەردىڭ گۋمانيتارلىق اۋىس ـ كۇيىسىن كۇشەيتىپ، ۇلتتاردىڭ كەڭ كولەمدە ارالاسۋىن، جان ـ جاقتى ىشتەسۋىن، ىشكەرىلەي توعىسۋىن جەبەيمىز. ەل ىشىندەگى ۇلكەن اينالىمدى ىركىلىسسىزدەندىرۋ جانە ەل ٴىشى مەن حالىقارالىق قوس اينالىمدى ۇلاستىرۋ ۇلكەن جاعدايىندا تيانجين مەن شينجياڭنىڭ سەلبەستىك ٴورىسى كەڭ. ٴوز باسىمدىقتارىن تولىق ساۋلەلەندىرىپ، جاڭاشا وندىرگىش كۇشتەردى دامىتۋ، سىرتقا ەسىك اشۋدىڭ ۇلكەن ارناسىن قۇرۋ، اۋىل شارۋاشىلىعىنىڭ وسىزاماندانۋىن ىلگەرىلەتۋ، مادەنيەت، ساياحات بازارىن اشۋ سياقتى سالالاردا ناقتى ىستەر سەلبەستىگىن تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە قول ۇستاسا ۇلەس قوسۋدى ٴۇمىت ەتەمىن.

ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە تۇتاس رايونىمىزداعى ٴار ۇلت كادرلارى مەن بۇقاراسى اتىنان ۋاكىلدەر ۇيىرمەسىندەگىلەردىڭ كەلگەندىگىن قارسى الدى. ول بىلاي دەدى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى اشىلۋ قارساڭىندا، تيانجين قالاسى پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرىپ، اۋىس ـ كۇيىس جاساۋى تيانجيننىڭ جاڭا داۋىردەگى شينجياڭعا باعىتتامالى كومەكتەسۋ قىزمەتىن ىلگەرىلەتۋدەگى ساياسي جاۋاپكەرشىلىگىن جانە تيانجين مەن شينجياڭنىڭ بىرلەسىپ قيمىلدايتىن سەلبەستىكتى تەرەڭدەتۋگە ايرىقشا ٴمان بەرەتىندىگىن تولىق ايگىلەدى. سوڭعى جىلدارى تيانجين قالاسى نازاردى باس شۋجي شي جينپيڭ جۇكتەگەن جاڭا بورىشتى، جاڭا نىسانانى، جاڭا مىندەتتى تياناقتاندىرۋعا شوعىرلاندىرىپ، بەيجيڭ _ تيانجين _ حىبەيدىڭ سايكەستى دامۋىن تىڭعىلىقتى ىلگەرىلەتىپ، جاڭاشا وندىرگىش كۇشتەردى كۇش سالا دامىتىپ، رەفورمانى، ەسىك اشۋدى تەرەڭدەتىپ، مادەنيەتتى جالعاستىرۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ تيانجين امالياتىندا تىڭ تابىستارعا قول جەتكىزدى. تيانجين شينجياڭعا باعىتتامالى كومەكتەسۋ ساياسي جاۋاپكەرشىلىگىن باتىل ارقالاپ، نازاردى شينجياڭنىڭ نەگىز قالاۋ، ۇزاق بولاشاققا ٴتيىمدى بولۋ، ٴتۇبىردى باسقارۋ قىزمەتىنە شوعىرلاندىرىپ، ۇزدىكسىز كۇش سالىپ، شينجياڭعا كومەكتەسۋدىڭ جالپىلىق ونىمدىلىگىن كورنەكتى جوعارىلاتۋدى ىلگەرىلەتتى، ٴبىز مۇنى ەستە بەرىك ساقتاپ، شىن جۇرەكتەن العىس ايتامىز. قازىر شينجياڭ باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، نازاردى مەملەكەتتىڭ جالپى جاعدايىنداعى ستراتەگيالىق ورىنعا شوعىرلاندىرىپ، جوعارى دەڭگەيلى ەسىك اشۋ ارقىلى جوعارى ساپالى دامۋدى ۇزدىكسىز جەبەپ، تيانجين قالاسىمەن بىرگە جاڭا دامۋ جاعدايىنا قىزمەت وتەۋدە كەڭ بولاشاققا ٴدوپ كەلىپ وتىر. ەكى جاقتىڭ ناقتى ىستەر اۋىس ـ كۇيىسى مەن سەلبەستىگىن تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا مەملەكەت قىزمەتىنىڭ جالپى جاعدايىنا قول ۇستاسا اناعۇرلىم زور ۇلەس قوسۋىن ٴۇمىت ەتەمىن. كاسىپ سالاسى سەلبەستىگىن تەرەڭدەتىپ، تيانجيننىڭ باسىمدىققا يە كاسىپ سالاسى مەن شينجياڭنىڭ ”سەگىز ٴىرى كاسىپ سالاسى شوعىرىنىڭ“ ٴبىرىن ـ ٴبىرى تولىقتاپ دامۋىن جەبەپ، عىلىم ـ تەحنيكادا جاڭالىق اشۋدى جانە جاڭاشا وندىرگىش كۇشتەردى جەتىلدىرۋدى سايكەستى ىلگەرىلەتىپ، حوتان ايماعىنىڭ وسىزاماندانعان كاسىپ سالاسى جۇيەسىن ورناتۋىنا دەم بەرىپ، شينجياڭنىڭ ەنەرگيا بايلىعىن اشۋدى، پايدالانۋدى جانە ساپالى اۋىل شارۋاشىلىق ونىمدەرىن ٴوندىرۋ مەن ساتۋدى ٴتۇيىلىستىرۋدى ىلگەرىلەتۋ كەرەك. ”ٴبىر بەلدەۋ، ٴبىر جولدى“ بىرگە قۇرۋ ورايىن مىقتى يگەرىپ، ەركىن ساۋدا سىناق رايونى قۇرىلىسى سەلبەستىگىن تەرەڭدەتىپ، تيانجين پورتى مەن ٴۇرىمجى حالىقارالىق قۇرلىقتىق پورت اۋماعىنىڭ بىرلەسىپ قيمىلداۋىن كۇشەيتىپ، ورتا ازياداعى ەلدەردىڭ بازارىن بىرگە اشۋ كەرەك. مادەنيەتتى قورعاۋ، جالعاستىرۋ جاعىندا ٴوزارا كومەكتەسۋدى، ٴوزارا جەبەۋدى كۇشەيتىپ، مادەنيەت، ساياحات سەلبەستىگى مەن كادر ـ بۇقارانىڭ بارىس ـ كەلىسىن كۇشەيتىپ، جۇڭحۋا ۇلتى ورتاق تۇلعا تانىمىن بىرگە بەكەمدەۋ كەرەك.

اڭگىمە ماجىلىسىندە چىن ۋيجۇن، شۋە بين اۆتونوميالى رايوننىڭ جانە بيڭتۋاننىڭ رەفورما، دامۋ، ورنىقتىلىق، سونداي ـ اق تيانجينمەن سەلبەستىك جاساۋ جاعدايىن جەكە ـ جەكە تانىستىردى. تيانجين قالاسىنىڭ ورىنباسار باستىعى جاڭ ليڭ تيانجيننىڭ ەكونوميكالىق، قوعامدىق دامۋى جانە باعىتتامالى كومەكتەسۋ قىزمەتىن ورىستەتۋ جاعدايىن تانىستىردى.

تيانجين قالاسىنىڭ باسشىلارى جوۋ دىرۇي، ۋاڭ ليجۇن، اۆتونوميالى رايون مەن بيڭتۋاننىڭ باسشىلارىنان قادەن كابەن، ۋاڭ لين، جۋ ليفان، جاڭ ۋىنشىڭ قاتىستى قيمىلدارعا قاتىناستى.