伊犁新闻网

2024 شينجياڭ نارات زىجين مۋزيكا مەرەكەسىنەن اسەرلى ساتتەر

ماقالاسىن جازىپ، سۋرەتىن تارتقان ٴوز تىلشىلەرىمىز حان شاشا، دۋ لەي، لي يافىڭ، فان ۋىنيۇي، رىن جيالي

جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن، ىلە قازاق اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ ٴۇشىن، جياڭسۋ مەن شينجياڭ ىلە سەلبەسىپ بىرگە وتكىزگەن 2024 شينجياڭ نارات زىجين مۋزيكا مەرەكەسى 8 ـ ايدىڭ 10 ـ كۇنىنەن 11 ـ كۇنىنە دەيىن ىلە نارات كورىنىس رايونى وزەن اڭعارىنداعى ساحارا بايگە الاڭىندا سالتاناتپەن باستالدى.

كۇنەس اۋداندىق ساياحات تاراۋلارىنىڭ ساناعىنا قاراعاندا، 2024 شينجياڭ نارات زىجين مۋزيكا مەرەكەسى كەزىندە (2024 ـ جىلى 8 - ايدىڭ 9 ـ كۇنىنەن 11 ـ كۇنىنە دەيىن) نارات كورىنىس رايونى مەن كۇنەس اۋدانى جالپى 340 مىڭ ادام ـ رەت ساياحاتشى قابىلداپ، ساياحات كىرىسى 260 ميلليون يۋانعا جەتكەن.

وسى رەتكى مۋزيكا مەرەكەسىندە تارتىمدى ساحنا ويىندارىنان سىرت، مادەنيەت، ساياحات جونىندەگى سايكەستى جەلىلەس قيمىلدار وتكىزىلدى. كورەرمەندەر كونسەرتتى تاماشالاۋدان سىرت، مۋزيكالى اس ـ سۋ، ساحاراداعى جۇلدىز تاماشالاۋ لاگەرى، بەيزاتتىق مادەنيەت مۇراعاتتارى جارمەنكەسى، ىلە ەرەكشە اۋىل شارۋاشىلىق ونىمدەرى كورمەسى سياقتى سايكەستى قيمىلداردى دا تاماشالادى.

2024 شينجياڭ نارات زىجين مۋزيكا مەرەكەسىنىڭ ٴساتتى وتكىزىلۋى ىلە وبلىسىنىڭ مادەنيەت ساياحاتىنىڭ ىشكەرىلەي توعىسپالى دامۋىن ونان ارى ىلگەرىلەتىپ، شينجياڭنىڭ ساياحات تۇتىنۋىنىڭ كومەسكى كۇشىن جەدەل اشتى. مۋزيكا مەرەكەسى مادەنيەت پەن ساياحاتتى جەتەكشى، مۋزيكانى دانەكەر ەتىپ، ىلە وبلىسىنىڭ دۇنيە جۇزىلىك ساياحات نىسانالى جەرىن جەدەل قۇرىپ، 100 ميلليارد يۋان دارەجەلى ساياحات كاسىبىن قالىپتاستىرۋىنا دەم بەرىپ، ونى ىلەنىڭ مادەنيەت ـ ساياحات كاسىبىنىڭ جوعارى ساپالى دامۋىنىڭ تۇتقاسىنا اينالدىرىپ، جۇمىسقا ورنالاسۋدى، كىرىستى ارتتىرۋدى جانە ۇلتتاردىڭ ارالاسۋىن، ىشتەسۋىن، توعىسۋىن اناعۇرلىم ويداعىداي جەبەمەك.