8 - ايدىڭ 18 - كۇنى ماۋدۇن ادەبيەت سيلىعىنىڭ يەگەرى شۇي گۇيشياڭ ىلەدەگى وقىرماندارمەن بەتپە - بەت اڭگىمەدە بولعاننان كەيىن، ٴتول كىتاپتارىنا قولتاڭبا قالدىرىپ وقىرماندارعا ۇسىندى. جاڭ جينفىڭ فوتوسى
تىلشىلەرىمىز جاڭ جينفىڭ، حۋاڭ جيڭ حابارلايدى. 8 - ايدىڭ 18 - كۇنى، ىلەدە كەزدەسىپ . ادەبيەت جونىندە سىر شەرتۋ ساپارى − ماۋ دۇن ادەبيەت سيلىعىنىڭ يەگەرى شۇي گۇيشياڭنىڭ ىلەدەگى وقىرماندارمەن كەزدەسۋ قيمىلى ىلە شينحۋا كىتاپحاناسىنىڭ ىلە كىتاپ بازارىندا وتكىزىلدى.
كەزدەسۋدە شۇي گۇيشياڭ تۋىندى جاراتۋداعى اۋەلگى ارمانى، ونىڭ استارىنداعى تاماشا اڭگىمەلەرى جونىندە وي ورتاقتاسىپ، وقىرماندارىمەن ادەبيەتتىڭ تارتىمدىلىعىن بىرگە سەزىندى. ىقپالداسۋ بارىسىندا وقىرماندار شۇي گۇيشياڭمەن ادەبيەت جونىندە بەتپە - بەت پىكىر الماستىردى، ناق مايداندا شاپالاق ٴۇنى تولاستامادى، سونداي - اق سۋرەتكە ٴتۇسىپ ەستەلىك قالدىردى جانە كىتاپقا قول قويۋ قيمىلى ٴوتتى.
شۇي گۇيشياڭ − جۇڭگو جازۋشىلار قوعامىنىڭ ورىنباسار ٴتوراعاسى، جۇڭگو جازۋشىلار قوعامى اسكەري ادەبيەت كوميتەتىنىڭ مەڭگەرۋشىسى، مەملەكەتتىك كەڭەستىڭ ەرەكشە قوسىمشا قاراجاتىنان يگىلىكتەنۋشى، ازاتتىق ارميا كوركەمونەر شۋەيۋانى ادەبيەت فاكۋلتەتىنىڭ مەڭگەرۋشىسى سىندى مىندەتتەردى وتەگەن، شىعارمالارىنان «تاريح اياسىندا»، «كەڭ دالانى كەرنەگەن ساز ٴۇنى»، «كونە كوشەدەگى كىتاپ ٴۇيى» سىندى شىعارمالارى بار، 7 -، 9 -، 11 - كەزەكتى بۇكىل ارميا ادەبيەت - كوركەمونەرى سيلىعىنىڭ، 4-، 9 -، 11 - كەزەكتى «بەس ٴبىر ينجەنەرياسى» سيلىعىنىڭ، 6 - كەزەكتى ماۋدۇن ادەبيەت سيلىعىنىڭ يەگەرى.
شۇي گۇيشياڭ قاراپايىم دا شىنايى ادەبي تىلمەن ادام جان دۇنيەسىنىڭ كۇردەلىلىگى مەن سۇلۋلىعىن بەينەلەپ، وقىرماندارىنىڭ كىتاپ وقۋ بارىسىندا كۇشتى ۇندەستىك تابۋىنا مۇمكىندىك جاسايدى. ول اڭگىمەلەرىندە مەيلى تۋىستىق سۇيىسپەنشىلىكتىڭ مەيىرىن سۋرەتتەسىن، الدە ماحاببات قۇشتارلىعىن جازسىن نەمەسە قوعامدىق قۇبىلىستى قاتاڭ سىنتەزىنە السىن، بارلىعىندا دا ەرەكشە كوز ايامەن تەرەڭ وي جۇگىرتە بىلەدى. ونىڭ جازۋ الەمىنەن وقىرماندار ٴوزىنىڭ وزگەشە كوڭىل جۇبانىشىن تابا الادى.
توعىزىنشى سىنىپ وقۋشىسى مۇسىليمان ٴىليار بىلاي دەدى: ”شۇي ۇستازدىڭ شىعارمالارى مەنى قاتتى اسەرلەندىردى، بۇل شىعارمالار شىنىمەن وقۋعا لايىق، كەيىنگى ۇيرەنۋىمە دە اسا زور ىقپالىن تيگىزەدى“.
ىلە شينحۋا كىتاپحاناسى شەكتى جاۋاپكەرلىك سەرىكتەستىگى پارتكومىنىڭ مۇشەسى، ورىنباسار ديرەكتورى جيە يۇڭنۋان بىلاي دەدى: ”جازۋشىلارمەن كەزدەسۋ وتكىزۋ − ىلە شينحۋا كىتاپحاناسىنىڭ اۆتونوميالى رايوننىڭ تۇڭعىش كەزەكتى جالپى حالىقتىق كىتاپ وقۋ جينالىسىنا دەم بەرۋىندەگى ٴبىر مازمۇن. بيىل ٴبىز كىتاپتا تيىمدىلىك جاساۋ بازارى، ساپالى كىتاپتار بىرلەسپە كورمەسى، ’10 تاڭداۋلى كىتاپ دۇكەنىن‘ باعالاۋ سياقتى ٴتۇرلى قيمىلداردى ىركەس ـ تىركەس وتكىزىپ، ىلەدەگى جالپى حالىقتىڭ كىتاپ وقۋ ورتاسىن قۇلشىنا قالىپتاستىرىپ، شينجياڭدى مادەنيەتپەن نارلەندىرۋدى ۇزدىكسىز ىلگەرىلەتۋدەمىز. ٴبىز بۇدان بىلاي وسى سياقتى قيمىلداردى اناعۇرلىم كوبىرەك وتكىزىپ، پارتيا 20 - كەزەكتى ورتالىق كوميتەتىنىڭ ٴۇشىنشى جالپى ماجىلىسىندە العا قويىلعان مادەنيەت سەنىمىن كۇشەيتىپ، سوتسياليستىك وزىق مادەنيەتتى دامىتۋ رۋحىن ۇگىتتەپ، تياناقتاندىرىپ، ۇيرەنگىش ىلە قۇرۋعا ۇلەسىمىزدى قوسامىز.“
شۇي گۇيشياڭ بىلاي دەدى: ىلە − ولەڭ تۇنعان ىرىستى مەكەن، وندا قويۋ ادەبي لەپ ەسىپ تۇرادى. كەيىنگى جاسامپازدىق بارىسىمدا مەنىڭ شىعارمالارىما ىلەنىڭ اسپانى مەن جەرى، التىشۋار كوشەسى مەن ىلە وزەنى ارقاۋ بولادى، بۇل رەتكى قيمىل وزگەشە ٴبىر ەستەن كەتپەس باس قوسۋ، سۇحباتتاسۋ بولدى.
وسى كۇنگى قيمىلعا ىلە وبلىستىق ادەبيەت - كوركەمونەرشىلەر بىرلەستىگى، قۇلجا قالالىق ادەبيەت - كوركەمونەرشىلەر بىرلەستىگى، ىلە شىفان داشۋەسىنىڭ جانە ىلە وبلىستىق جازۋشىلار قوعامىنىڭ ۋاكىلدەرى، ادەبيەت اۋەسكەرلەرىنەن 100 گە جۋىق ادام قاتىناستى.