سۋرەتتە: رەجيسسەر شيە في تاڭداۋلى قىسقا فيلىم تۋىندىلارىنىڭ اۆتورلارىنا كۋالىك تاراتۋدا.   كاميلا فوتوسى

تىلشىلەرىمىز كاميلا، جاڭ لياڭ حابارلايدى. 8 - ايدىڭ 19 - كۇنى جۇڭگو كينوشىلار قوعامى، شينجياڭ ادەبيەت - كوركەمونەرشىلەر بىرلەستىگىنىڭ جەتەكشىلىگىندە، جۇڭگو ادەبيەت - كوركەمونەرشىلەر بىرلەستىگىنىڭ كينو - كوركەمونەر ورتالىعى، شينجياڭ كينوشىلار قوعامى، ىلە وبلىستىق پارتكومنىڭ ۇگىت ٴبولىمى، ىلە وبلىستىق ادەبيەت - كوركەمونەرشىلەر بىرلەستىگى، ىلە وبلىستىق مادەنيەت - راديو - تەلەۆيزيا جانە ساياحات مەكەمەسى ۇيىمداستىرعان 2 - كەزەكتى ”بەينە بايان . شينجياڭ“ كينو قىسقا فيلمدەرىن تانىستىرۋ، كورمەلىك قويىلىم قيمىلى قۇلجا قالاسىندا وتكىزىلدى.

تاياۋ جىلداردان بەرى شينجياڭ كينوشىلار قوعامى شي جينپيڭ مادەنيەت يدەياسىنىڭ جەتەكشىلىگىندە، شينجياڭداعى قالىڭ كينو قىزمەتكەرلەرىن ىنتىماقتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى جاسامپازدىق نەگىزگى جەلىسىن مىقتاپ ارقاۋ ەتىپ، قالىڭ مۇشەلەردى شينجياڭنىڭ وزگەشە ەستەتيكالىق تۇرعىسىنان جۇڭگونىڭ شينجياڭ حيكاياسىن قۇلشىنا ويداعىداي بايانداۋعا جەتەكتەدى.

بۇل رەتكى قيمىل بيىل 4 ـ ايدىڭ سوڭىندا باستالعان، قازىرگە دەيىن جيىنى 283  قىسقا فيلم جينالىپ، تۋىندىلار ۇلتتار ىنتىماعى، اۋىل ـ قىستاقتى گۇلدەندىرۋ، ەكولوگيانى قورعاۋ سياقتىلاردى قامتىدى.

قيمىل ناق مايدانىندا ايگىلى رەجيسسەر، جۇڭگو كينوشىلار قوعامىنىڭ اقىلشىسى شيە في، جۇڭگو ادەبيەت - كوركەمونەرشىلەر بىرلەستىگى ٴتوراعالار القاسىنىڭ مۇشەسى، جۇڭگو ادەبيەت - كوركەمونەرى سىنشىلار قوعامىنىڭ ورىنباسار ٴتوراعاسى ۋاڭ ي - چۋان، شينجياڭ ادەبيەت - كوركەمونەرشىلەر بىرلەستىگىنىڭ ورىنباسار ٴتوراعاسى ٴجازيرا نىعىمەت قىزى قاتارلىلار تاڭداۋلى قىسقا فيلم اۆتورلارىنا كۋالىك تاراتىپ، تاڭدالعان اۆتورلاردى وسى رەتكى تاپتىرماس ۇيرەنۋ، اۋىس ـ كۇيىس ورايىن قاستەرلەپ، تاڭداۋلى اعا بۋىنداردان كىشى پەيىلدىكپەن اقىل ـ كەڭەس سۇراپ، كوز ايانى ۇزدىكسىز كەڭەيتىپ، جاسامپازدىق ورەسىن جوعارىلاتىپ، شينجياڭدى مادەنيەتپەن نارلەندىرۋدى ىلگەرىلەتۋگە ٴوز ۇلەستەرىن قوسۋعا شابىتتاندىردى.

”وسى رەت ٴبىزدىڭ ۇجىمىمىزدىڭ تۋىندىلارى شينجياڭعا باعىتتامالى كومەكتەسۋ تاقىرىبى تۇرىندەگى تاڭداۋلى قىسقا فيلم سيلىعىنا يە بولدى، مۇنى ماقتانىش سەزىنەمىز، بۇل رەتكى قيمىل ٴبىزدىڭ بۇدان بىلايعى جاسامپازدىعىمىزعا ايقىن باعدار كورسەتتى. ٴبىز جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى مىقتاپ ارقاۋ ەتىپ، اناعۇرلىم كوپ ساپالى تۋىندىلار جاراتىپ، شينجياڭداعى ٴار ۇلت حالقىنىڭ ىنتىماقتى، ىقىلاستى، ۇمىتكە تولى تاماشا حيكايالارىن اناعۇرلىم ويداعىداي ايگىلەيمىز“، - دەدى شينجياڭ گۋاڭلياڭ كورىنىستىك مادەنيەت مەديا شەكتى سەرىكتەستىگىنىڭ رەجيسسەرى حان لياڭ.

شينجياڭ كينوشىلار قوعامىنىڭ باس حاتشىسى ياڭ جۇن بىلاي دەدى: ”وسى رەتكى جارىسقا قاتىناستىرىلعان تۋىندىلاردىڭ سانى كوپ، ساپاسى جاقسى بولدى، قيمىل ارقىلى كوپتەگەن جاندى دا مەيىرىمگە تولى شينجياڭ حيكايالارىنا يە بولۋمەن بىرگە، ٴبىر توپ دارىندى جەرگىلىكتى كينوشىلاردى دا بايقادىق. قوعامىمىز ”ٴبىر بەلدەۋ، ٴبىر جول“، جۇڭگو ـ ەۆروپا كەزەكشى پويەزى سياقتى كەلەلى تاقىرىپتاردى ىشكەرىلەي اشىپ، كينو ارقىلى جۇڭگو شينجياڭىنىڭ حيكايالارىن ويداعىداي بايـانداپ، شينجياڭنىڭ ٴۇنىن ويداعىداي جەتكىزىپ، شينجياڭ كەلبەتىن ويداعىداي ايگىلەيدى.