ما شيڭرۇي، ۋاڭ چيڭشيان، ەركىن تۇنياز، حى جۇڭيوۋ قاتىستى قيمىلدارعا قاتىناستى

8 ـ ايدىڭ 20 ـ كۇنىنەن 22 ـ كۇنىنە دەيىن، انحۇي ولكەلىك پارتكومنىڭ ورىنباسار شۋجيى، ولكە باستىعى ۋاڭ چيڭشيان انحۇي ولكەسى ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەردى، ٴتۇيىلىستىردى. سۋرەتتە: 8 ـ ايدىڭ 20 ـ كۇنى اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ۇرىمجىدە ۋاكىلدەر ۇيىرمەسىندەگىلەرمەن كەزدەستى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي، لي ياڭ 8 ـ ايدىڭ 22 ـ كۇنى حوتاننان حابارلايدى. 8 ـ ايدىڭ 20 ـ كۇنىنەن 22 ـ كۇنىنە دەيىن، انحۇي ولكەسى ۋاكىلدەر ۇيىرمەسى شينجياڭعا كەلىپ باعىتتامالى كومەكتەسۋ قىزمەتىن تەكسەردى، ٴتۇيىلىستىردى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز 8 ـ ايدىڭ 20 ـ كۇنى ۇرىمجىدە انحۇي ولكەلىك پارتكومنىڭ ورىنباسار شۋجيى، ولكە باستىعى ۋاڭ چيڭشيانمەن كەزدەسىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ونان ارى جوعارىلاتىپ، 2 ولكە، اۆتونوميالى رايوننىڭ جان ـ جاقتى سەلبەستىگىن، ىشكەرىلەي اۋىس ـ كۇيىس جاساسۋىن تەرەڭدەتىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتىلاندىرۋدى، تياناقتاندىرۋدى قول ۇستاسا ىلگەرىلەتتى.

اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ كەزدەسۋگە قاتىناستى.

ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە بۇكىل رايونداعى ٴار ۇلت كادر ـ بۇقاراسى اتىنان انحۇي ولكەسى ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرگەندىگىن قارسى الدى. ول بىلاي دەدى: تاياۋ جىلداردان بەرى انحۇي ولكەسى باس شۋجي شي جينپيڭ مىندەتتەگەن ”ٴۇش جەر، ٴبىر اۋماقتى“ تۇلعالاۋ ستراتەگيالىق ورنىن كوزدە ۇستاپ، ”جەتىدە قۋاتتى ولكە“ قۇرۋ كۇرەس نىساناسىن ايقىنداپ، شىنايى يگەرىپ ناقتى ىستەپ، جاۋاپكەرشىلىك ارقالاپ، ىسكەرلىك كورسەتىپ، وسىزاماندانعان كورىكتى انحۇي قۇرىلىسىن ىلگەرىلەتۋدە نىق قادام تاستادى. انحۇي ولكەلىك پارتكوم، ولكەلىك ۇكىمەت شينجياڭعا باعىتتامالى كومەكتەسۋ قىزمەتىن باستان ـ اياق كەلەلى ساياسي مىندەت ەتىپ، كاسىپ سالاسى ارقىلى شينجياڭعا كومەكتەسۋ، اقىل ـ پاراسات ارقىلى شينجياڭعا كومەكتەسۋ، شينجياڭدى مادەنيەتپەن نارلەندىرۋ قىزمەتتەرىن ۇزدىكسىز ىلگەرىلەتىپ، شينجياڭنىڭ رەفورما جاساۋىنا، دامۋىنا، ورنىقتىلىعىنا ماڭىزدى ۇلەس قوستى، شينجياڭداعى ٴار ۇلت كادر ـ بۇقاراسى مۇنى ەسىنەن شىعارمايدى، بۇعان شىن جۇرەكتەن العىس ايتادى. قازىر شينجياڭ جوعارى ساپالى دامۋدىڭ ماڭىزدى ستراتەگيالىق وراي مەزگىلىندە تۇر. ٴبىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورىندى كوزدەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدە، شينجياڭ مەن انحۇي ەكى ولكە، اۆتونوميالى رايوننىڭ ٴار سالاداعى سەلبەستىگىن ۇزدىكسىز تەرەڭدەتۋدە جاڭا ورايعا، جاڭا كەڭىستىككە ٴدوپ كەلىپ وتىرمىز. ەكى جاقتىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي ۇيرەنۋدى، دايەكتىلەندىرۋدى وراي ەتىپ، باعىتتامالى كومەكتەسۋ قىزمەتىنىڭ تەرەڭدەۋىن، ناقتىلانۋىن ونان ارى ىلگەرىلەتۋمەن بىرگە، دامۋ ستراتەگياسىن ٴتۇيىلىستىرۋدى كۇشەيتىپ، ٴتۇيىندى كاسىپ سالالارىنىڭ دامۋىن سايكەستىرۋدى كۇشەيتىپ، ساۋدا ـ زات اينالىمىن جانە كاسىپورىنداردىڭ ”سىرتقا شىعۋ“ سەلبەستىگىن تەرەڭدەتىپ، وقۋ ـ اعارتۋ، عىلىم ـ تەحنيكا، دارىندىلار قىزمەتىندە اۋىس ـ كۇيىس جاساسۋدى كۇشەيتىپ، ادامداردىڭ بارىس ـ كەلىسىن جانە ٴارقايسى جىكتەگىلەردىڭ ىقپالداستىعىن جيىلەتىپ، جۇڭحۋا ۇلتى ورتاق تۇلعا تانىمىن بەكەمدەۋدى ىلگەرىلەتىپ، شينجياڭ مەن انحۇيدىڭ جان ـ جاقتى اۋىس ـ كۇيىسىنىڭ، سەلبەستىگىنىڭ جاڭا جاعدايىن اشۋدى ٴۇمىت ەتەمىن.

ۋاڭ چيڭشيان انحۇي ولكەلىك پارتكوم، ولكەلىك ۇكىمەت اتىنان شينجياڭ ۇيعۇر اۆتونوميالى رايونىنىڭ ۇزاق ۋاقىتتان بەرى انحۇيعا كوڭىل بولگەندىگىنە، قولداۋ كورسەتكەندىگىنە العىس ٴبىلدىردى. ول بىلاي دەدى: تاياۋ جىلداردان بەرى انحۇي ولكەسى شينجياڭعا باعىتتامالى كومەكتەسۋ ساياسي مىندەتىن باتىل ارقالاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، كومەككە يە بولاتىن جەردىڭ دامۋىن جانە بۇقارانىڭ قاجەتىن ارقاۋ ەتە وتىرىپ، كومەكتەسۋ، قۇرۋ ۇلگىسىندە جاڭالىق اشىپ، كومەكتەسۋدىڭ، قۇرۋدىڭ ٴمانىن تەرەڭدەتىپ، اقىل ـ پاراسات جاعىنان سۇيەمەلدەۋ، حالىقتى بايىتۋ، بەيقۇت ٴۇي، تىلەك توعىستىرۋ، نەگىزدى بەكەمدەۋ سىندى ”بەس ٴىرى ينجەنەريانى“ اتقارىپ، حوتاننىڭ، گۇمانىڭ قوعام ورنىقتىلىعىن جانە ەكونوميكالىق دامۋىن پارمەندى ىلگەرىلەتتى. كەلەسى قادامدا انحۇي شينجياڭعا باعىتتامالى كومەكتەسۋ نەگىزىندە ەكى جاقتىڭ ٴىس جۇزىندىگىن تياناق ەتىپ، باسىمدىقتار ارقىلى ٴوزارا تولىقتاۋعا تاباندى بولىپ، شينجياڭمەن ەنەرگيا بايلىعى، ساۋدا ـ زات اينالىمى، وسى زامانعى اۋىل شارۋاشىلىعى، وقۋ ـ اعارتۋ، عىلىم ـ تەحنيكا، مادەنيەت ـ ساياحات سياقتى جاقتارداعى سەلبەستىكتى جاپپاي كەڭەيتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، انحۇي مەن شينجياڭنىڭ سەلبەسىپ تەڭ يگىلىككە كەنەلىپ دامۋىنىڭ جاڭا جاعدايىن ۇزدىكسىز اشادى.

شينجياڭداعى كەزىندە انحۇي ولكەسى ۋاكىلدەر ۇيىرمەسى ٴۇرىمجى قالاسىنا كەلىپ، ٴۇرىمجى حالىقارالىق قۇرلىقتىق پورت اۋماعىندا قىزمەت تەكسەردى. حوتان ايماعى گۇما اۋدانىندا ۋاكىلدەر ۇيىرمەسى گۇما اۋداندىق حالىق شيپاحاناسىندا ەمدەۋ ارقىلى شينجياڭعا كومەكتەسۋ جاعدايىن ۇعىسىپ، حۇييۋەجي، چياچيا، فىڭچاڭتاي توقىماشىلىعى، حايلو ٴپىشىندى ماتەريالدار سەرىكتەستىگى، ۋانجياڭ اۆتوموبيلى سياقتى كاسىپورىندارعا بارىپ، كاسىپ سالاسى نىسانىنىڭ اۋداننىڭ وڭىرلىك ەكونوميكاسىنىڭ دامۋىن جەبەۋ، اۋىل ـ قىستاقتى گۇلدەندىرۋگە دەم بەرۋ، جۇمىستانۋعا، كىرىستى ارتتىرۋعا جۇمىلدىرۋ ونىمدىلىگىن تەكسەردى. حوتان ايماقتىق مۇراجايدا ۋاكىلدەر ۇيىرمەسى تاريحي مادەنيەتتى جالعاستىرۋ، دامىتۋ جانە شينجياڭدى مادەنيەتپەن نارلەندىرۋ، مادەنيەت پەن ساياحاتتى توعىستىرۋ سياقتى قىزمەتتەرگە تەكسەرۋ ـ زەرتتەۋ جۇرگىزدى. ۋاكىلدەر ۇيىرمەسى تاعى شينجياڭعا كومەكتەسەتىن كادرلارعا، دارىندىلارعا امانداستى جانە ولاردان حال سۇرادى.

اۆتونوميالى رايون باسشىلارىنان چىن ۋيجۇن، ۋاڭ گاڭ قاتىستى قيمىلدارعا قاتىناستى.