سۋرەتتە: ۋاڭ شيڭچىڭ (وڭدا) سيلىق ساحناسىندا.

جاقىندا اقسۋ لوڭقاسى . 8 ـ كەزەكتى باتىس ٴوڭىر ادەبيەتى سيلىعىن تاراتۋ سالتى اقسۋ قالاسىندا وتكىزىلدى. سيلىق تاراتۋ سالتىن شينجياڭ ادەبيەت - كوركەمونەرشىلەر بىرلەستىگى، جۇڭگو كوممۋنيستىك پارتياسى اقسۋ ايماقتىق كوميتەتىنىڭ ۇگىت ٴبولىمى ۇيىمداستىردى، اقسۋ ايماقتىق ادەبيەت - كوركەمونەرشىلەر بىرلەستىگى، ”باتىس ٴوڭىر“ جۋرنالى ۇستىنە الىپ، اقسۋ ايماقتىق توعىسپالى مەديا ورتالىعى، تارىم مەديا توبى سەلبەسىپ وتكىزدى. ىلەلىك جازۋشى ۋاڭ شيڭچىڭنىڭ ”قار جاۋعاندا“ اتتى شىعارماسى پويەزيا سيلىعىن ەنشىلەدى.

باتىس ٴوڭىر ادەبيەتى سيلىعى − ”باتىس ٴوڭىر“ جۋرنالى 2009 - جىلى ۇيىمداستىرعان مەرزىمدى باسىلىمداردىڭ قوس جىلدىق سيلىعى بولىپ، شينجياڭ حانزۋ ٴتىل ادەبيەتىنىڭ ەڭ جوعارى سيلىعى ٴارى شينجياڭدا ۇيىمداستىرىلعان تۇڭعىش مارتە تۇتاس ەلگە باعىتتالعان ادەبيەت سيلىعى. باتىس ٴوڭىر ادەبيەتى سيلىعى قازىرگە دەيىن 7 كەزەك باعالانىپ، بۇل ەرەكشە ماراپاتقا مەملەكەت بويىنشا 80 نەشە جازۋشى يە بولعان.

وسى رەتكى باتىس ٴوڭىر ادەبيەت سيلىعىنا يە بولعان تۋىندىلار - 2022 - جىلدان 2023 - جىلعا دەيىنگى ”باتىس ٴوڭىر“ جۋرنالىندا جاريالانعان تۋىندىلار اراسىنان باعالانىپ سارالانعان،  جيىنى 9 شىعارما سيلىققا يە بولعان. ۋاڭ شينمەيدىڭ ”قالىڭ قار، قىرباق قار“، ياڭ ۋانچيڭنىڭ ”سۇركەيلى قالاسى“ اڭگىمە سيلىعىن؛ جۋ فىڭميڭنىڭ «ەن دالاعا ەنەيىك» اتتى شالقىماسى، تاڭ رۇڭياۋدىڭ «سارى وزەن باسىنداعى <گۇل>» اتتى شىعارماسى شالقىما سيلىعىن، ۋاڭ شيڭچىڭنىڭ ” قار جاۋعانداسى“، جاڭ يۋانلۇننىڭ «مەن ولاردان (ايەلدەر) باسقامىن» دەگەن ولەڭدەرى پوەزيا سيلىعىن ەنشىلەدى؛ ۋاڭ جيانجاۋ اۋدارعان «جاڭا جىل قۇتتىقتاۋى» (اۆتورى ورىستىڭ ايگىلى اقىنى مارينا سۆەتايەۆا) كوركەم اۋدارما سيلىعىن، چىن شيۋگىنىڭ اڭگىمەسى «قۋانىش شوكلاتى» 90 -جىل تۇلەكتەرىنىڭ  جاڭا دارىن سيلىعىن، بي حۇڭبيننىڭ «سارعايعان ساعىنىشى» دەرەكتى ادەبيەت سيلىعىن قانجىعاسىنا بايلاندى.

ۋاڭ شيڭچىڭ قازىر مەملەكەتتىك جازۋشىلار قوعامىنىڭ مۇشەسى، ىلە وبلىستىق جازۋشىلار قوعامىنىڭ ورىنباسار ٴتوراعاسى، ۇزاق جىلداردان بەرى پوەزيا، شالقىما جاسامپازدىعىمەن شۇعىلدانىپ كەلگەن، «حالىق ادەبيەتى» جۋرنالى، «جۇڭگو جازۋشىلارى» جۋرنالى، «ولەڭ جۋرنالى»، «تەرىستىك ادەبيەتى» جۋرنالى، «تاۋ گۇلى»، «ادەبيەت الەمى»، «چاڭجياڭ ادەبيەت - كوركەمونەرى»، «باتىس ٴوڭىر»، «جاڭبىر گۇلى»، «شەتەل شالقىمالارى باسىلىمى»، «جۇپار ٴشوپ» سياقتى ەل ىشىندەگى كوپتەگەن ادەبي جۋرنالداردا تۋىندىلارى جاريالانعان، تاڭدامالى الماناقتارعا شىعارمالارى ەنگىزىلگەن، «قار مەن توزاڭ» اتتى ولەڭدەر جيناعى باسپادان شىققان. جاقىنعى جىلداردان بەرى حالىقارالىق پويەزيا مادەنيەتى جينالىسىنىڭ كۇمىس مەدالى،  كورىكتى كوكدالا شىعارما قابىلداۋىنىڭ 1 - دارەجەلى سيلىعى جانە قۇلجا ادەبيەت - كوركەمونەر سيلىعى سياقتى كوپ ٴتۇرلى سيلىقتارعا يە يە بولعان. 

 ماقالا مەن سۋرەت ”باتىس ٴوڭىر“ جۋرنالى مەكەمەسىنىڭ ۋيچات تەكشەسىنەن الىندى