ما شيڭرۇي، ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ قاتىناستى

9-ايدىڭ 30-كۇنى قۇربانداردى ەسكە الۋ كۇنى حالىق قاھارماندارىنا گۇل شارباق تارتۋ ەتۋ سالتى ٴۇرىمجى حالىق الاڭىندا وتكىزىلدى.

سۋرەتتى اناربۇلت/ شينجياڭ گازەتىنىڭ ءتىلشىسى شيە لۇڭ تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 30 ـ كۇنى ۇرىمجىدەن حابارلايدى. 9 ـ ايدىڭ 30 ـ كۇنى _ ەلىمىزدىڭ 11 ـ رەتكى قۇربانداردى ەسكە الۋ كۇنى. سول كۇنى تۇستەن بۇرىن قۇربانداردى ەسكە الۋ كۇنى حالىق قاھارماندارىنا گۇل شارباق تارتۋ ەتۋ سالتى ٴۇرىمجى حالىق الاڭىندا وتكىزىلدى. ما شيڭرۇي، ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ قاتارلى اۆتونوميالى رايون مەن بيڭتۋاننىڭ باسشىلارى شينجياڭداعى ٴار ۇلت، ٴار سالا ۋاكىلدەرىمەن بىرگە حالىق قاھارماندارىنا گۇل شارباق تارتۋ ەتىپ، توڭكەرىستىك قاھارمان قۇربانداردىڭ وشپەس ەڭبەگىن تەرەڭ ساعىنىشپەن ەسكە الدى، قاھارمان قۇربانداردىڭ وسكەلەڭ رۋحىن جالعاستىرىپ، اسقاقتاتىپ، ودان جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ ەكپىندەي العا باسۋ كۇشىن الىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزەتىندىگىن ٴبىلدىردى.

وشپەس ەڭبەك ماڭگى ساقتالىپ، قايسار رۋحتى اسقاقتاتادى. رۋح وشپەيدى، العا باسۋ قادامىن ىنتالاندىرادى. ٴۇرىمجى حالىق الاڭىندا جۇڭگو حالىق ازاتتىق ارمياسىنىڭ شينجياڭعا كىرۋ ەسكەرتكىشى اسقاق بوي سوزىپ تۇر. ەسكەرتكىشتىڭ ٴدال الدىنا اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ٴوندىرىس ـ قۇرىلىس بيڭتۋانى، دەموكراتيالىق پارتيا ـ توپتار، اۆتونوميالى رايوندىق ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر، ٴۇرىمجى قالاسىنداعى ٴار ۇلت، ٴار سالا جۇرتشىلىعى، پيونەرلەر اتىنان تارتۋ ەتىلگەن 9 ۇلكەن گۇل شارباق قاتار قويىلعان. ٴار ۇلت، ٴار سالا ۋاكىلدەرى رەتتى قاتارعا تۇردى.

ساعات د11ە، قاھارمانداردى ەسكە الۋ كۇنى حالىق قاھارماندارىنا گۇل شارباق تارتۋ ەتۋ سالتى باستالدى. جاڭ جۋ باسقاردى.

اسقاق تا جىگەرلى «ەرىكتىلەر مارشى» ورىندالىپ، بۇكىل الاڭداعىلار بىركەلكى داۋىسپەن جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى.

مەملەكەت ٴانى شىرقالىپ بولعاننان كەيىن، بۇكىل الاڭداعىلار جىم ـ جىرت كۇيگە شومىپ، شينجياڭنىڭ ازاتتىق جانە قۇرىلىس ىستەرىنە ەرلىكپەن ٴومىرىن ارناعان قۇرباندارعا، مەملەكەت حاۋىپسىزدىگىن، قوعام ورنىقتىلىعىن، حالىقتىڭ تىنىشتىعىن قورعاۋ جولىندا، بولشەكتەۋشىلىككە قارسى تۇرۋ كۇرەسىندە جانە لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ەرلىكپەن ٴوزىن ارناعان قۇرباندارعا ٴۇنسىز ازا ٴبىلدىردى.

ازا ٴبىلدىرۋ اياقتالعاننان كەيىن، ٴار ۇلت ورەندەرى «ٴبىز كوممۋنيزم ٴىزباسارلارىمىز» ٴانىن اسقاقتاتا شىرقاپ، پيونەرلەر وتريادىنىڭ سالەمىن جاسادى.

وسىدان كەيىن تەرەڭ سەزىمگە تولى «گۇل تارتۋ ەتۋ مۋزيكاسى» ورىندالىپ، 18 قۇرمەت قاراۋىلى گۇل شارباقتى كوتەرىپ، قۇرباندار ەسكەرتكىشىنە قاراي باياۋ قادام تاستاپ، گۇل شارباقتاردى ەسكەرتكىش تۇعىرىنا اكەلىپ قويدى.

ما شيڭرۇي قاتارلىلار باسپالداقپەن ەسكەرتكىش تۇعىرىنا شىعىپ، گۇل شارباقتاردىڭ الدىندا كىدىرىپ، كوز الماي قاراپ، گۇل شارباقتاردىڭ تورعىن لەنتاسىن بايىپپەن رەتتەدى. تورعىن لەنتاعا جازىلعان «حالىق قاھارماندارى ماڭگى جاسايدى» دەگەن التىن ٴتۇستى جازۋ تيانشان الابىنداعى ٴار ۇلت پەرزەنتتەرىنىڭ حالىق قاھارماندارىنا وسكەلەڭ قۇرمەتىن ايگىلەيدى. وسىدان كەيىن اۆتونوميالى رايوننىڭ جانە بيڭتۋاننىڭ باسشىلارى، ٴار ۇلت، ٴار سالا ۋاكىلدەرى باياۋ قاداممەن اينالىپ، ەسكەرتكىشكە تەرەڭ سۇيىسپەنشىلىكپەن ىززەت ـ قۇرمەتپەن كوز تاستادى.

سالتقا قاتىناسقان ٴار ۇلت كادر ـ جۇرتشىلىعى مىنالاردى ٴبىلدىردى: بورىش جاۋاپكەرشىلىك ارقالاۋعا شاقىرادى، اۋەلگى ماقسات بولاشاقتى نۇرلاندىرادى. جاڭا جورىقتا شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، قىزىل گەندى جالعاستىرىپ، رۋحاني قان تامىردى جالعاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا تاريحي باستامادا ىنتىماقتاسا كۇرەس جۇرگىزىپ، قايراتتانا ۇمتىلىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازامىز.

ياڭ چىڭ، چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتى، ۇكىمەت، ساياسي كەڭەس، بيڭتۋان باسشىلىق القاسىنىڭ مۇشەلەرى، قارۋلى ساقشى شينجياڭ باس اترەتىنىڭ جانە اۆتونوميالى رايوندىق حالىق سوتى مەكەمەسىندەگى، حالىق پروكۋراتۋراسىنداعى نەگىزگى جاۋاپتى جولداستار قاتىناستى.