نۇرلان ٴابىلماجىن، حى جۇڭيوۋ، جاڭ جۋ كەزدەسۋگە قاتىناستى

10 - ايدىڭ 1 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە داڭقپەن ورالعان ”حالىق قورعاۋشىسى“ مەملەكەت داڭق اتاعىنىڭ يەگەرى بايەكە كەلدىبەكپەن جانە ونىڭ تۋىس - تۋعاندارىمەن ىقىلاسپەن كەزدەستى، ”1 - شىلدە وردەنىنىڭ“ يەگەرى مامەتجان ءومار كەزدەسۋگە بىرگە قاتىناستى.

□ سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 10 ـ ايدىڭ 1 ـ كۇنى ۇرىمجىدەن حابارلايدى. 10 ـ ايدىڭ 1 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز ۇرىمجىدە داڭقپەن ورالعان ”حالىق قورعاۋشىسى“ مەملەكەت داڭق اتاعىنىڭ يەگەرى بايەكە كەلدىبەكپەن جانە ونىڭ تۋىس ـ تۋعاندارىمەن ىقىلاسپەن كەزدەستى، ” 1 ـ شىلدە وردەنىنىڭ“ يەگەرى مامەتجان ٴومار كەزدەسۋگە بىرگە قاتىناستى.

اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ كەزدەسۋگە قاتىناستى.

جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى قارساڭىندا تاشقورعان تاجىك اۆتونوميالى اۋدانىنىڭ تىزناپ اۋىلىنداعى بۇرىنعى شەكارا قورعاۋشى بايەكە كەلدىبەككە ”حالىق قورعاۋشىسى“ مەملەكەت داڭق اتاعى بەرىلدى. ولاردىڭ وتباسىنداعى ٴۇش ۇرپاق ادام شەكارانىڭ ٴبىرىنشى شەبىندە 70 جىلدان استام ۋاقىت تامىر تارتىپ، وفيتسەر ـ اسكەرلەرگە باعدار كورسەتىپ، جول باستاپ، وتاننىڭ شەكاراسىن قورعادى. 3 جىلدىڭ الدىندا بايەكە كەلدىبەكتىڭ بالاسى لاچين بايەكە سۋعا ٴتۇسىپ كەتكەن بالانى قۇتقارۋ جولىندا ەرلىكپەن قۇربان بولدى.

2021 ـ جىلى ” 1 ـ شىلدە“ قارساڭىندا، پارتيا ورتالىق كوميتەتى مامەتجان ٴومارعا ” 1 ـ شىلدە وردەنىن“ بەرىپ، ونىڭ ۇلتتىق بولشەكتەۋشىلىككە قارسى تۇرۋداعى، قوعامنىڭ جاراسىمدىلىعىن، تىنىشتىعىن قورعاۋداعى ىزگى ىستەرىن ماداقتادى.

كەزدەسۋدە ما شيڭرۇي، ەركىن تۇنياز بايەكە كەلدىبەكپەن جانە مامەتجان ومارمەن ىستىق ىقىلاسپەن اڭگىمەلەسىپ، ولاردىڭ دەنساۋلىق جانە تۇرمىس احۋالدارىن دەن قويا سۇراپ ۇعىستى، ولاردى قىزۋ قۇتتىقتادى جانە ولارعا وسكەلەڭ قۇرمەت ٴبىلدىردى، سونداي ـ اق ولاردىڭ وتباسىنداعىلارعا شىنايى سالەم جولدادى. ما شيڭرۇي بىلاي دەدى: مەملەكەت مەرەكەسى قارساڭىندا رەسپۋبليكا ەڭ جوعارى مارتەبەمەن قاھارمان ۇلگىلەردى ماداقتادى، بايەكە كەلدىبەكتىڭ ”حالىق قورعاۋشىسى“ مەملەكەت داڭق اتاعىنا يە بولۋى ولاردىڭ وتباسىنداعىلاردىڭ داڭقى بولۋمەن بىرگە، شينجياڭنىڭ ۇزىننان ـ ۇزاققا سوزىلعان شەكارا جەلىسىندەگى سان مىڭداعان شەكارا قورعاۋشىلارىنىڭ دا داڭقى، ونان دا ماڭىزدىسى، شينجياڭداعى 25 ميلليوننان استام ٴار ۇلت كادر ـ بۇقاراسىنىڭ ماقتانىشى. باس شۋجي شي جينپيڭنىڭ مەملەكەت وردەنىنە جانە مەملەكەت داڭق اتاعىنا يە بولعاندارعا ٴوز قولىمەن وردەن، مەدال تاراتۋى جانە ماڭىزدى ٴسوز سويلەۋى باس شۋجيدىڭ جانە پارتيا ورتالىق كوميتەتىنىڭ قاھارمان ۇلگىلەرگە دەگەن وسكەلەڭ قۇرمەتىن جانە ىقىلاستى قامقورلىعىن تولىق ايگىلەدى. ٴبىز باس شۋجيدىڭ ماڭىزدى ٴسوزىنىڭ رۋحىن مۇقيات ۇيرەنىپ، ويداعىداي دايەكتىلەندىرىپ، ىقىلاستى تاپسىرمانى قۋاتتى رۋحاني قوزعاۋشى كۇشكە شىن مانىندە اينالدىرىپ، جاڭا جورىقتا پارتيانىڭ ٴۇمىتىن اقتايتىن، حالىقتىڭ ٴۇمىتىن اقتايتىن، ٴداۋىردىڭ ٴۇمىتىن اقتايتىن جاڭا ناتيجە جاراتۋعا قۇلشىنۋىمىز كەرەك.

ما شيڭرۇي بىلاي دەپ باسا دارىپتەدى: بايەكە كەلدىبەك جانە مامەتجان ٴومار وتاننىڭ تىنىشتىعىن، ۇلتتار ىنتىماعىن، حالىقتىڭ باقىتىن قورعاۋدى وسكەلەڭ بورىش ساناپ، ٴىس جۇزىندىك ارەكەتتەرىمەن اۋەلگى ماقساتتى، بورىشتى امالياتتا ايگىلەدى، ولار شينجياڭداعى ٴار ۇلت كادر ـ بۇقاراسىنىڭ ۇيرەنۋىنە تاتيتىن كورنەكتى ۋاكىلدەر. ٴبىز ولاردىڭ پارتياعا ادال بولۋ، مەملەكەتتى ٴسۇيۋ، شينجياڭدى سۇيۋدەي رياسىز پەيىلدەرىنەن ۇيرەنىپ، ولاردىڭ ىنتىماقتى قورعاپ، اعا ـ باۋىرداي ەتەنە بولعان سانالى تالپىنىسىنان ۇيرەنىپ، ولاردىڭ ارميانى قولداپ، ارميانى سۇيگەن، بۇقارانى كوكەيدە ساقتاعان شىنايى سۇيىسپەنشىلىگىنەن ۇيرەنىپ، ولاردىڭ قيىندىقتان تايسالمايتىن، قالتقىسىز ۇلەس قوساتىن جاۋاپكەرشىلىك ارقالاۋ رۋحىنان ۇيرەنىپ، ۇزدىكسىز رۋحاني كۇش قابىلداپ، جاڭا جورىقتا ىنتىماقتاسا ەكپىندەي ىلگەرىلەۋىمىز، قايراتتانا الدا ٴجۇرۋىمىز كەرەك. بۇكىل رايونداعى قالىڭ پارتيا مۇشەلەرى، كادرلار جانە ٴار ۇلت بۇقاراسى ماداقتالعان قاھارمان ۇلگىلەردى ونەگە ەتىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدىڭ بورىش ـ مىندەتىن مىقتاپ يگەرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، مەملەكەتتى قۇدىرەتتەندىرۋ مۇراتىن كوكەيدە ساقتاپ، مەملەكەتتى قۇدىرەتتەندىرۋ قابىلەتىن جەتىلدىرىپ، مەملەكەتتى قۇدىرەتتەندىرۋگە باتىلدىقپەن ۇلەس قوسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ ٴىس جۇزىندىك تابىسى ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە اناعۇرلىم زور ۇلەس قوسۋ كەرەك. ٴار دارەجەلى پارتكومدار مەن ۇكىمەتتەر قاھارمان ۇلگىلەرگە كوڭىل ٴبولىپ، قامقورلىق جاساپ، ولاردىڭ ٴىس جۇزىندىك قيىنشىلىعىن ويداعىداي شەشىپ، ولاردىڭ ىزگى ىستەرىن بار كۇشپەن ۇگىتتەپ، تۇتاس قوعامدا قاھارماندارعا قۇرمەت ەتۋدى، قاھارمانداردان ۇيرەنۋدى، قاھارمان بولۋعا ۇمتىلۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا تەلەگەي كۇش ۇيىستىرۋ كەرەك. بايەكە كەلدىبەك، مامەتجان ٴومار مىنالاردى ٴبىلدىردى: پارتيا مەن مەملەكەتتىڭ ەڭ جوعارى ەڭبەك ٴسىڭىرۋ داڭقىنا يە بولعاندىمىزدى شەكسىز ماقتانىش سانايمىز، ونان دا ماڭىزدىسى، جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىك. الداعى جەردە بۇلجىماستان پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، تاڭداۋلى ٴداستۇردى ۇزدىكسىز ويداعىداي اسقاقتاتىپ، پارتيانى ٴسۇيۋدىڭ، وتاندى ٴسۇيۋدىڭ حيكاياسىن ويداعىداي بايانداپ، جاس ۇرپاقتاردى ويداعىداي باۋلىپ، مەملەكەت ٴۇشىن شەكارانى كۇزەتۋ، حالىققا قىزمەت وتەۋ رۋحىن ماڭگى جالعاستىرىپ، كورىكتى شينجياڭ قۇرۋعا ۇزدىكسىز تىڭ ۇلەس قوسامىز.

ەلزات احمەتجان، قادەن كابەن، اۆتونوميالى رايوننىڭ قاتىستى ورىندارىنداعى جاۋاپتى جولداستار كەزدەسۋگە قاتىناستى.