سۋرەتتە: قيمىل الاڭىنان كورىنىس. سۇن ي - نان فوتوسى
تىـلشىلـەرىمىز مـا چىڭلـۋ، سـۇن ي - نان، چين لەي، لي يافىڭ، حان شاشا، ٴمادينا حابارلايدى. قۇربانداردىڭ ادالدىق رۋحى ماڭگى جاسايدى، توڭكەرىستىك رۋح ۇرپاقتان - ۇرپاققا جالعاسادى، جۇڭحۋا حالىق رەسپۋبليكاسىنىڭ 75 جىلدىق مەرەي تويى قارساڭىندا 9 - ايدىڭ 30 - كۇنى تۇستەن بۇرىن ىلە وبلىسىنداعى، قۇلجا قالاسىنداعى ٴار دارەجەلى پارتيا، ۇكىمەت ورگاندارىنداعى، ٴىسورىندارىنداعى كادرلار مەن جۇمىسشى - قىزمەتكەرلەر، ٴارقايسى جوعارى، ورتا تەحنيكۋم مەكتەپتەرىندەگى جانە ورتا، باستاۋىش مەكتەپتەردەگى وقىتۋشى - وقۋشىلار قۇلجا باقشاسىنداعى حالىق قاھارماندارى ەسكەرتكىشىنىڭ الدىندا قۇربانداردى ەسكە الۋ كۇنىندە گۇل شارباق تارتۋ ەتۋ سالتىن سالتاناتپەن وتكىزىپ، قاھارمان قۇربانداردىڭ وشپەس ەڭبەگىن تەرەڭ ساعىنىشپەن ەسكە الىپ، توڭكەرىستىڭ داڭقتى جىلدارىن بىرگە ەسكە ٴتۇسىرىپ، ساياسي قاسيەتتى ىشكەرىلەي شىڭداپ، توڭكەرىس پەن قۇرىلىس ىستەرى جولىندا ەرلىكپەن ٴوزىن ارناعان قۇرباندارعا وسكەلەڭ قۇرمەت جانە شىنايى ازا ٴبىلدىردى!
ساعات 10 دا ازا ٴبىلدىرۋ قيمىلى رەسمي باستالدى. قۇلجا باقشاسى ايبىندى دا جىم - جىرت كۇيگە شومىپ، بۇكىل الاڭداعىلار ٴۇنسىز تۇرىپ، قۇرمەت قاراۋىلى ورىندارىنا جايعاسىپ، بارلىق ادام جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقاپ، جۇڭگو حالقىنىڭ ازاتتىق ىستەرى مەن رەسپۋبليكانىڭ قۇرىلىس ىستەرى جولىندا ەرلىكپەن ٴوزىن ارناعان قۇرباندارعا ٴۇنسىز ازا ٴبىلدىردى، ورەندەر مەن بالالار «كوممۋنيزم ىستەرىنىڭ ٴىزباسارلارىمىز» ٴانىن شىرقادى. ازا بىلدىرۋگە قاتىناسقاندار رەتتى ساپ تۇزەپ، ايبىندى دا سالتاناتتى بەينەگە ەندى، قولدارىنا گۇل ۇستاپ، قۇرباندار ەسكەرتكىشىنىڭ الدىندا رەتتى كيىنىپ، سالماقتى بەينەمەن تۇردى. 14 قۇرمەت قاراۋىلى 7 گۇل شارباعىن قورعاپ ەسكەرتكىشكە قاراي باياۋ قادام تاستاپ، حالىق قاھارماندارىنا گۇل شارباقتاردى تارتۋ ەتتى. بارلىق ادام رەتىمەن الاڭدى ٴبىر اينالىپ، قۇرباندار ەسكەرتكىشىنە قۇرمەتپەن قاراپ، قۇربانداردى شەكسىز قۇرمەتكە تولى كوڭىل كۇيمەن ساعىنىشپەن ەسكە الىپ، تاريحتى قايتا ەسكە ٴتۇسىرۋ بارىسىندا شەكسىز ساعىنىش ارقالاپ، توڭكەرىستىك رۋحتى سەزىندى.
ازا ٴبىلدىرۋ قيمـىـلـىـنـا قـاتىناسقاندانداردان: ياڭ شيۋلي، جياۋ ي - مين، حۋ كايجياڭ، جاۋ سۇيفاڭ، جـۋ جـينـجى، مـامـەتـجـان داۋىـت، ۋاڭ شـيـنجۇن، ياڭ شينپيڭ، قايرات اشىك ۇلى، جۋ داگاڭ، لي ۋي قاتارلى ىلە وبلىسىنىڭ ٴتورت باسشىلىق القاسىنىڭ باسشىلارى، قۇلجا قالاسىنىڭ ٴتورت باسشىلىق القاسىنىڭ باسشىلارى، قالادا تۇراتىن اسكەري بولىمدەردىڭ كوماندير - جاۋىنگەرلەرى، وبلىستىڭ، قالانىڭ ورگاندارىنداعى كادرلار، سونداي - اق قوعامداعى ٴار سالا ۋاكىلدەرى مەن وقۋشى ۋاكىلدەرى بار.