مەملەكەتتىك فۋتبول كومانداسى جەڭدى!
ىلەلىك جىگىت باھىرام مەملەكەتتىك فۋتبول كومانداسىنىڭ دۇنيە ساۋىتى فۋتبول جارىسىنىڭ دايىندىق جارىسىندا 18 مىقتى كوماندانى ىرىكتەۋ جارىسىنىڭ تۇڭعىش جەڭىسىنە جەتۋىنە دەمەۋشى بولدى
ٴتىلشىمىز ليۋ چۇنشيڭنىڭ جيناق حابارى. ادامدى شىنىندا جەلپىندىرەدى! ىلەلىك جىگىت باھىرام ابدۋالي مەملەكەت كومانداسىندا تاعى دا دوپ ەنگىزدى!
10 - ايدىڭ 15 - كۇنى كەشتە، 2026 - جىلعى دۇنيە ساۋىتى جارىسىنىڭ ازيا رايونىنداعى دايىندىق جارىسى بويىنشا 18 مىقتى كوماندانى ىرىكتەۋ جارىسى C گرۋپپاسىنىڭ 4 - كەزەكتى جارىسى چيڭداۋدا وتكىزىلدى، جۇڭگو ەرلەر فۋتبول كومانداسى داياشىلار الاڭىندا يندونەزيا كومانداسىمەن جارىسقا ٴتۇستى. جارىس باستالعانىنا 21 مينۋت بولعاندا العاش رەت الاڭعا شىققان باھىرام تۇڭعىش دوپتى قاقپاعا ەنگىزدى. سوڭىندا جۇڭگو كومانداسى بىرگە قارسى 2 ۇپايمەن قارسىلاسىن جەڭىپ، 18 مىقتى كوماندانى ىرىكتەۋ جارىسىنىڭ العاشقى جەڭىسىنە قول جەتكىزدى.
مەملەكەت كومانداسى اتىنان بيىل 6 - ايدىڭ 6 - كۇنى دۇنيە ساۋىتى فۋتبول جارىسى ازيا رايونى سارالاۋ جارىسىنىڭ 36 مىقتىنى ىرىكتەۋ جارىسىنىڭ C گرۋپپاسى جارىسىندا العاشقى دوپ ەنگىزگەننەن كەيىن، باھىرام مەملەكەت كومانداسى اتىنان تاعى دا ەكىنشى دوبىن قاقپاعا ەنگىزدى، بۇل دا شينجياڭدىق فۋتبولشىنىڭ تۇڭعىش رەت الاڭعا شىعىپ، رەكوردتىن جاڭالاپ، شينجياڭ فۋتبول تاريحىن تاعى ٴبىر رەت جاراتتى.
بۇل مايدان جارىس جۇڭگو كومانداسى جونىنەن توتەنشە ماڭىزدى، وسىدان بۇرىن ازيا رايونىنداعى دايىندىق جارىسى بويىنشا 18 مىقتى كوماندانى ىرىكتەۋ جارىسىنىڭ الدىڭعى ٴۇش كەزەكتى جارىسىندا، مەملەكەتتىك فۋتبول كومانداسى العاشىندا جاپونيا كومانداسىنىڭ 7 دوپ ەنگىزۋدەي باسىمدىلىعىندا ەشقانداي دوپ كىرگىزە المادى. الدا ىلگەرىندى - كەيىندى ساۋد ارابيا كومانداسى مەن اۆستريا كومانداسى جارىسقا تۇسكەندە، مەملەكەت كومانداسى الدىمەن دوپ ەنگىزۋى كەرەك ەدى. الايدا وسى ەكى مايدان جارىستا دا مەملەكەت كومانداسى قارسىلاستارىنىڭ كۇشتى قارسىلىعىنا ۇشىرادى. وسى جارىستان ىلگەرگى C گرۋپپانىڭ ۇپاي تاقتاسىندا جاپونيا كومانداسى 9 ۇپايمەن الدىعا شىقسا، اۆستريا، ساۋد ارابيا، باحرەيىن كومانداسى 4 ۇپاي الىپ، ەكىنشىدەن تورتىنشىگە دەيىنگى ورىندى يەلەدى، يندونەزيا كومانداسى 3 ۇپاي الىپ 5 - ورىندى يەلەدى، ال مەملەكەت كومانداسى ۇپاي الا المادى. بۇل جونىندە مەملەكەتتىك فۋتبول كومانداسىنىڭ باس جاتتىقتىرۋشىسى يۆانكوۆيچ بىلاي دەپ قارادى: جۇڭگو كومانداسىنىڭ شاعىن گرۋپپادا 4 - ورىنعا يە بولۋى ٴۇشىن، يندونەزيا كومانداسىمەن تۇسكەن جارىسى شىنىندا شەشۋشى جارىستىڭ باستالۋى ەسەپتەلەدى.
العاش الاڭعا شىققاندا، جارالانعان ۋ لەيدىڭ ورنىنا تولىقتانىپ باھىرام الاڭعا شىقتى. جارىس باستالعانىنا 21 - مينۋت بولعاندا جۇڭگو كومانداسىنىڭ مۇشەسى لي لەي جالعاپ بەرگەن نەگىزگى جازا دوپتى باسپەن ٴدال ۇردى، يندونەزيانىڭ ەكى سپورتشىسى قورعانىستا اعاتتىق جىبەردى، جياڭ شىڭلۇڭنىڭ ەڭ تومەنگى شەكتە قۇتقارۋ دوبى ورتاعا قايتقاندا باھىرام ورايدى مىقتى يگەرىپ، دوپتى قاقپاعا ەنگىزدى، جۇڭگو كومانداسى نولگە قارسى ٴبىر ۇپايمەن يندونەزيا كومانداسىنىڭ الدىنا ٴوتتى. جارىس باستالىپ 44 مينۋت وتكەندە جۇڭگو كومانداسىنداعىلار ورتا مايداندا شاعىن كولەمدە بەلسەنە سايكەسىپ، شەبەرلىكپەن شابۋىلداۋدىڭ ارقاسىندا ەڭ سوڭىندا جاڭ يۇينيڭ قارسى جاقتىڭ قاقپاسىنا دوپ ەنگىزىپ، جۇڭگو كومانداسى نولگە قارسى 2 ۇپايمەن ۇستەم ورىندى يەلەدى.
سوڭعى جارىم مايداندا، جۇڭگو كومانداسى قورعانىستى كۇشەيتۋمەن بىرگە، ورايدان پايدالانىپ شابۋىلعا ٴوتتى. باھىرام شابۋىلعا بەلسەنە قاتىناسىپ قانا قويماي، جانتالاسا دوپقا تالاستى. 82 - مينۋتتا تۇتاس جارىستا ۇزدىك بەينە كورسەتكەن باھىرام مايداننان تۇسكەندە، كورەرمەندەردىڭ قىزۋ قارسى الۋىنا يە بولدى. جۇڭگو كومانداسى قورعانىستى كۇشەيتۋ ٴۇشىن ارت - ارتىنان بەكتى اۋىستىردى. ەڭ سوڭىندا جۇڭگو كومانداسى بىرگە قارسى ەكى دوپ ەنگىزۋدەي باسىمدىقپەن يندونەزيا كومانداسىن جەڭدى.
جارىس بارىسىنىڭ ورنالاستىرىلۋىنا ساي، 11 - ايدا مەملەكەت فۋتبول كومانداسى باحرەيىن جانە جاپونيا كومانداسىمەن جارىسقا تۇسەدى.
دودا دا جەڭىسكە جەتسە، دوپ اۋەسكەرلەرى كوڭىلدى بولادى. وسى جارىستا باھىرامنىڭ اعاسى كاميران ابدۋالي قالىڭدىعىن ەرتىپ چيڭداۋداعى جارىس الاڭىنا بارىپ جارىستى كورىپ، ٴىنىسىن شابىتتاندىرىپ، جۇڭگو كومانداسىنا دەم بەردى. ”ٴىنىمنىڭ بەينەسى وتە جاقسى، مەن ونى ماقتانىش ەتەمىن“ دەدى قۋانىشىن دوستار شەڭبەرىندە بولىسكەن كاميران.
وسى جارىس ماۋسىمىندا شىنجىن شينپىڭچىڭ فۋتبول كلۋبىندا باسىمدىلىققا يە باھىرام 20 رەت الاڭعا شىعىپ، 2 دوپ ەنگىزدى. قازىر كوماندا ”دارەجەسىن ساقتاۋ شايقاسى“ ساتىسىندا تۇر، باھىرام دا تاماشا بەينەمەن كوماندانىڭ جەڭىسكە جەتۋىنە دەم بەرۋى ٴۇمىت ەتۋدە.
سۋرەتتە: 10 - ايدىڭ 15 ـ كۇنى جۇڭگو كومانداسىنىڭ سپورتشىسى باھىرام (الدىدا سولداعى) يندونەزيا كومانداسىنىڭ سپورتشىسىمەن دوپقا تالاسۋدا.
شينـحۋا اگەنتتىگىنىڭ ٴتىلشىسى لي زىحىڭ فوتوسى
سۋرەتتە: جۇڭگو كومانداسىنىڭ سپورتشىسى باھىرام (ورتادا) 10 - ايدىڭ 15 - كۇنى جارىستا دوپ ەنگىزگەنىن قۇتتىقتاۋدا.
شينحۋا اگەنتتىگىنىڭ ٴتىلشىسى جيا حاۋچىڭ فوتوسى