سۋرەتتە: قيمىل الاڭى.        سۇن ي - نان فوتوسى

تـىـلـشـىـلـەرىـمىز ما چىڭلۋ، سۇن ي - نان، چين لەي، يۇڭ شۇيفىڭ حابارلايدى. 10 - ايدىڭ 22 - كۇنى شينجياڭعا كومەكتەسۋ سەلبەستىگىن تەرەڭدەتىپ، شينجياڭنىڭ كوركەم بولاشاعىن بىرگە اڭگىمەلەيىك نەگىزگى تاقىرىبىنداعى اۆتونوميالى رايوننىڭ 3 - رەتكى كاسىپ سالاسى جاعىنان شينجياڭعا كومەكتەسۋدى شوعىرلى تانىستىرۋ قيمىلى ىلە وبلىسىنىڭ قۇلجا قالاسىندا وتكىزىلدى. تانىستىرۋ قيمىلىنىڭ ماقساتى: پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايـەكتىلەندىرىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭ قىزمەتى، شينجياڭعا كومەكتەسۋ قىزمەتى جونىندەگى ماڭىزدى ورنالاستىرۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ كاسىپ سالاسى جاعىنان شينجياڭعا كومەكتەسۋ قىزمەتىنىڭ تالابى بويىنشا، اۋىس ـ كۇيىس، سەلبەستىك تۇعىرىن ىشكەرىلەي ورناتىپ، شينجياڭعا كومەكتەسەتىن ولكە، قالالارمەن كاسىپ سالاسى سەلبەستىگىن تەرەڭدەتىپ، شينجياڭعا كومەكتەسەتىن ولكە، قالالارداعى كاسىپورىنداردى جۇپ قۇراۋ قاتىناسىمەن شەكتەلمەۋگە جەتەكتەپ، ىنتالاندىرىپ، بۇكىل شينجياڭ كولەمىندە قارجى قوسىپ، شارۋاشىلىقتى گۇلدەندىرىپ، كاسىپ سالاسى جاعىنان شينجياڭعا كومەكتەسۋ قىزمەتىنىڭ جاڭا جاعدايىن بەكەمدەپ جانە كەڭەيتىپ، شينجياڭ ەكونوميكاسىنىڭ جوعارى ساپالى دامۋىنا جاڭا قوزعاۋشى قۋات جەتىلدىرۋ جانە توپتاۋ.

اۆتونوميالى رايوندىق حالىق ۇكىمەتىنىڭ ورىنباسار باس حاتشىسى شيۇڭ جىجيا قيمىلعا قاتىناستى ٴارى ارناۋ ٴسوز سويلەدى، اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى، جۇڭگو (شينجياڭ) ەركىن ساۋدا سىناق رايونى قىزمەت كەڭسەسىنىڭ مـەڭگەرۋشىسى لي شۋان ساياساتتاردى تانىستىردى. ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلەگە كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى جاۋ چيڭحۇڭ قيمىلعا قاتىناستى.

شيۇڭ جىجيا اۆتونوميالى رايوندىق حالىق ۇكىمەتى اتىنان شينجياڭنىڭ قۇرىلىسىنا، دامۋىنا ۇزاق ۋاقىتتان بەرى كوڭىل ٴبولىپ، قولداۋ كورسەتىپ كەلگەن تۋىسقان ولكە، قالالارعا، كاسىپورىنشى دوستارعا شىن جۇرەكتەن العىس ايتتى. ول بىلاي دەدى: قازىر شينجياڭ تاريحتاعى ەڭ تاماشا دامۋ كەزەڭىندە تۇر، كوپتەگەن كەلەلى قارجى قوسۋ ورايىنا ٴدوپ كەلۋدە. كاسىپ سالاسى بويىنشا شينجياڭعا كومەكتەسۋ − مەملەكەتتىڭ وڭىرلىك سايكەستى دامۋ ستراتەگياسىن اتقارىپ، شينجياڭنىڭ ەكونوميكاسى مەن قوعامىنىڭ جاپپاي دامۋىن جەبەۋدەگى ماڭىزدى شاراسى. كوپ جىلدان بەرى شينجياڭعا باعىتتامالى كومەكتەسەتىن ٴارقايسى ولكە، قالالار شينجياڭمەن قول ۇستاسا بىرگە ىلگەرىلەپ، دامۋعا بىرگە تالپىنىپ، كاسىپ سالاسى بويىنشا شينجياڭعا كومەكتەسۋدى زور كۇشپەن ىلگەرىلەتتى، ٴبىر توپ ساپالى نىساندار شينجياڭعا ىرگە تەۋىپ، تامىر تارتتى، توپ ـ توپ تاڭداۋلى كاسىپورىنشىلار شينجياڭدا دارىنىن ايگىلەپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا تىڭ ومىرشەڭدىك كۇش جانە پارمەندى قوزعاۋشى قۋات ۇستەدى. سيلى قوناقتاردىڭ، كاسىپورىنشى دوستاردىڭ وسى رەتكى تانىستىرۋ ٴماجىلىسىن وراي ەتىپ، شينجياڭنىڭ رەفورما جاساۋ، ەسىك اشۋ، دامۋ جاڭا جاعدايىن، جاڭا ورايىن جان ـ جاقتى ٴتۇسىنىپ، بۇكىل شينجياڭداعى ٴارقايسى ايماق، وبلىس، قالالارمەن تەرەڭ اۋىس ـ كۇيىس جاساۋدى جانە ناقتى سەلبەستىكتى جاپپاي كۇشەيتىپ، كوپ سالالى، جان - جاقتى ٴوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋىن ٴۇمىت ەتەمىن.  

ىلە وبلىستىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار وبلىس باستىعى جۋ داگاڭ ارناۋ سوزىندە ىلە وبلىستىق پارتكوم مەن ۇكىمەت اتىنان سيلى قوناقتاردى قىزۋ قارسى الاتىندىعىن ٴبىلدىرىپ، كوپشىلىكتىڭ ۇزاق ۋاقىتتان بەرى ىلە وبلىسىنا كوڭىل ٴبولىپ، قولداۋ كورسەتكەنىنە شىن جۇرەكتەن العىس ايتتى. ول بىلاي دەدى: شينجياڭعا كومەكتەسەتىن ولكە، قالالار مەن ورتالىقتاعى ورىندار شينجياڭنىڭ دامۋ قۇرىلىسىنا بار كۇشپەن كومەك كورسەتۋدە، اسىرەسە، كاسىپ سالاسى بويىنشا شينجياڭعا باعىتتامالى كومەكتەسۋ قىزمەتىن شينجياڭعا باعىتتامالى كومەكتەسۋ قىزمەتىندەگى ماڭىزدىنىڭ ماڭىزدىسى ەتىپ، شينجياڭعا كومەكتەسەتىن ولكە، قالالار شينجياڭدا، وتە - موتە، ىلەدە ”قان قۇيۋ“ مەن ”قان جاساۋعا“ بىردەي ٴمان بەرۋگە تاباندى بولىپ، كومەكتەسۋ مەن بىرگە قۇرۋدى ۇشتاستىرىپ، كاسىپ سالاسى بويىنشا شينجياڭعا كومەكتەسۋ نىساندارىن جەدەل تياناقتاندىرىپ، كاسىپ سالاسى بويىنشا شينجياڭعا كومەكتەسۋدى جاپپاي ىلگەرىلەتۋدىڭ تاماشا جاعدايىن قالىپتاستىرىپ، ىلە ەكونوميكاسىنىڭ جوعارى ساپالى دامۋىن پارمەندى ىلگەرىلەتتى. قازىر ىلەدە ساياساتتىق باسىمدىلىق، گۋمانيتارلىق باسىمدىلىق، بايلىق باسىمدىلىعى، ەسىك اشۋ باسىمدىلىعى قاباتتاسقان، كاسىپ سالاسىن دامىتۋدىڭ تاماشا نەگىزى مەن كەڭ بازارى بار، كوپشىلىكتىڭ ىلەگە كەلىپ قارجى قوسىپ، شارۋاشىلىقتى گۇلدەندىرىپ، كاسىپ سالاسى بويىنشا شينجياڭعا كومەكتەسۋدىڭ جوعارى ساپالى دامۋىن بىرگە ىلگەرىلەتۋىن شىن جۇرەكتەن ٴۇمىت ەتەمىن.

اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى لۋ پىڭ اۆتونوميالى رايوندىق دامۋ جانە رەفورما كوميتەتى اتىنان وسى رەتكى قيمىلعا قاتىناسقان سيلى قوناقتاردى قىزۋ قارسى الاتىندىعىن ٴبىلدىردى. ول بىلاي دەدى: شينجياڭنىڭ وزگەشە دامۋ باسىمدىعى دامۋدىڭ جەتىستىگىنە جەدەل اينالۋدا، شينجياڭ ەكونوميكانىڭ جوعارى ساپالى دامۋىنىڭ ماڭىزدى ستراتەگيالىق وراي مەزگىلىنە ٴدوپ كەلدى، كاسىپورىنداردىڭ شينجياڭعا كەلىپ قارجى قوسۋىنىڭ بولاشاعى زور. قالىڭ كاسىپورىنداردىڭ ٴوز باسىمدىقتارىن تولىق ساۋلەلەندىرىپ، شينجياڭعا كاسىپ سالاسى بويىنشا كومەكتەسۋ ىستەرىنە بەلسەنە ات سالىسىپ، شينجياڭداعى نىسانداردى ورنالاستىرۋ جانە قارجى قوسۋ قۇرىلىسىن جەدەل ىلگەرىلەتىپ، رايونىمىزدىڭ كاسىپ سالاسىنداعى ولقىلىقتاردى تولىقتاۋىنا كومەكتەسىپ، رايون ىشىندەگى كەمەلدى كاسىپ تىزبەگىن بىرتىندەپ قالىپتاستىرىپ، شينجياڭنىڭ ەكونوميكالىق، قوعامدىق دامۋىنا كۇش قوسۋىن ٴۇمىت ەتەمىن. ٴبىز شىن پەيىلمەن دالمە - ٴدال، جوعارى ٴونىمدى قىزمەت وتەپ، ساياساتتىق قولداۋدى ويداعىداي ىستەپ، قارجى قوسۋ، شارۋاشىلىق قۇرۋ، دامۋ شارت - جاعدايىن ۇزدىكسىز جاقسارتىپ، كاسىپورىنداردىڭ شينجياڭدا الاڭسىز قارجى قوسۋىن، ٴساتتى دامۋىن بار كۇشپەن قولداپ، سەلبەستىكتىڭ جاڭا ورايىن بىرگە جاراتىپ، دامۋدىڭ جاڭا جاعدايىن بىرگە اشىپ، دامۋدىڭ جاڭا جەتىستىكتەرىنەن بىرگە يگىلىكتەنەمىز. شينجياڭعا كومەكتەسەتىن ولكە، قالالاردىڭ الدىڭعى شەپ قولباسشىلىق شتاپتارىنىڭ ۋاكىلدەرى مەن كەلىسىمگە قول قويعان كاسىپورىنداردىڭ ۋاكىلدەرى جەكە ـ جەكە پىكىر اۋىستىرىپ، ٴسوز سويلەدى.

كەلىسىمگە قول قويۋ سالتىندا جيىنى 89 نىسانعا قول قويىلدى. مۇنىڭ ىشىندە 58 قارجى قوسۋ كەلىسىمىنە قول قويىلىپ، قوسىلعان قارجى سوماسى 44 ميلليارد 700 ميلليون يۋانعا جەتتى؛ 31 نيەتناماعا جانە جۇلگەلىك كەلىسىمگە قول قويىلىپ، قوسىلاتىن قارجى سوماسى 67 ميلليارد 200 ميلليون يۋان بولدى. كەلىسىم جاسالعان نىساندار ساۋدا زات اينالىمى، جابدىق جاساۋ، جاڭا ەنەرگيا، جاڭا ماتەريالدار، مادەنيەت - ساياحات، ەلەكتروندى ينفورماتسيا تەحنيكاسى قاتارلى سالالارعا سايادى. قورعاس ەكونوميكالىق اشۋ رايونىن باسقارۋ كوميتەتى، قورعاس ەكونوميكالىق اشۋ رايونى قۇلجا باقشا رايونىن باسقارۋ كوميتەتى، قورعاس ەكونوميكالىق اشۋ رايونى چيڭشۇيحى سايكەستى باقشا رايونىن باسقارۋ كوميتەتى شينجياڭعا باعىتتامالى كومەكتەسىپ جۇپ قۇراعان باقشا رايوندارىنىڭ ۋاكىلدەرىمەن بىرگە قۇرۋ كەلىسىمىنە قول قويىستى.

اۆتونوميالى رايوندىق دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مەڭگەرمەسى، ساۋدا ىستەرى مەڭگەرمەسى، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، ونەركاسىپ - ساۋدا بىرلەستىگى سياقتى قاتىستى تاراۋلاردىڭ جاۋاپتى جولداستارى، 14 ايماقتىڭ (وبلىس، قالا) جاۋاپتى باسشىلارى، شينجياڭعا كومەكتەسەتىن 19 ولكە، قالانىڭ الدىڭعى شەپ جانە ارتقى شەپ قىزمەت قۇرىلىمدارىنىڭ، سونداي - اق قاتىستى مەكەمە ورىنداردىڭ جاۋاپتى جولداستارى، ٴارقايسى ولكە، قالالاردىڭ شينجياڭعا كەلگەن كاسىپورىندارىنىڭ جاۋاپتىلارى، ت.ب قيمىلعا قاتىناستى.

 قيمىلدىڭ بولىمشە ٴماجىلىس الاڭىندا تاعى دا اۆتونوميالى رايوننىڭ كومىر، كومىر حيميا ونەركاسىبى كاسىپ سالاسى بويىنشا شينجياڭعا كومەكتەسۋدى ٴتۇيىلىستىرۋ ٴماجىلىسى جانە ايماق، وبلىستاردىڭ ساۋداگەر شاقىرىپ، قارجى ەنگىزۋ جونىندەگى تانىستىرۋ قيمىلى وتكىزىلدى.

ماجىلىستەن كەيىن ماجىلىسكە قاتىناسقان سيلى قوناقتار قۇلجا قالاسى، قۇلجا اۋدانى، شاپشال سىبە اۆتونوميالى اۋدانى سياقتى جەرلەرگە بارىپ جۇمىس باسىن كوزدەن كەشىردى.