بارابان سوعىپ، ٴان شىرقايمىز اتىنداعى

تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمى بويىنشا ىلە وبلىسىنىڭ 2 ـ اينالىمىنداعى سارالاۋ قيمىلى ٴساتتى وتكىزىلدى

سۋرەتتە: ارتيستەر ”باقىت تولعاۋىن“ ورىنداۋدا.     ۋاڭ ليلي فوتوسى

تىلشىلەرىمىز ۋاڭ ليلي، كاميلا، جاڭ جينفىڭ حابارلايدى. 10 ـ ايدىڭ 25 ـ كۇنى ”بارابان سوعىپ ٴان شىرقايمىز“ اتىنداعى تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمى بويىنشا ىلە وبلىسىنىڭ 2 ـ اينالىمىنداعى سارالاۋ قيمىلى قۇلجا قالاسىندا ٴساتتى وتكىزىلدى. 

ىلە وبلىسى مادەنيەت، ساياحاتىنىڭ جوعارى ساپالى توعىسا دامۋىن جەبەپ، نەگىزگى ساتىداعى بۇقارانىڭ مادەنيەت ـ كوركەمونەر جاسامپازدىعىن گۇلدەندىرىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتى ورتاق تۇلعا تانىمىن جاندى، اسەرلى، ٴونىمدى بەكەمدەپ، ٴار ۇلت بۇقاراسىنىڭ مادەني تۇرمىسىن بايىتۋ ٴۇشىن جۇڭگو شينجياڭ حالىقتىق كوركەمونەر ماۋسىمىن ۇيىمداستىرۋ كوميسسياسىنىڭ ”جۇڭگو شينجياڭ حالىقتىق كوركەمونەر ماۋسىمىنداعى حالىقتىق كوركەمونەر باعدارلامالارىن سارالاۋ جونىندەگى ۇقتىرۋىنىڭ“ تالابىنا ساي، ”بارابان سوعىپ، ٴان شىرقايمىز“ اتىنداعى تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمى بويىنشا ىلە وبلىسىنىڭ 2 - اينالىمىنداعى سارالاۋ قيمىلى وتكىزىلدى. وسى رەتكى سارالاۋ قيمىلىن اۆتونوميالى رايوندىق مادەنيەت جانە ساياحات مەڭگەرمەسى ۇيىمداستىرىپ، ىلە وبلىستىق مادەنيەت، راديو - تەلەۆيزيا جانە ساياحات مەكەمەسى وتكىزدى، ىلە وبلىستىق مادەنيەت سارايى، اۋداندىق (قالا) مادەنيەت، دەنە تاربيە، راديو - تەلەۆيزيا جانە ساياحات مەكەمەلەرى مىندەتىنە العان، قۇلجا قالالىق مادەنيەت سارايى سەلبەسىپ اتقارعان.

سول كۇنى كوپتەگەن تاڭداۋلى حالىقتىق ونەرپازدار قۇلجا قالاسىندا باس قوسىپ، ٴوز ونەرلەرىن ايگىلەپ، كورەرمەندەرگە تاماشا كوركەمونەر سالتاناتىن سيلادى.

ۇعىسۋعا قاراعاندا، وسى رەتكى سارالاۋ قيمىلى مۋزيكا تۇرىندەگى ارناۋلى جارىس جانە ٴبي، ٴان ـ كۇي تۇرىندەگى ارناۋلى جارىس دەپ بولىنگەن. قورعاس اۋداندىق ۋاكىلدەر ۇيىرمەسىنىڭ ارتيسى ٴىليار ٴدىلشات بىلاي دەدى: ”بۇگىن سەرىكتەرىممەن بىرگە حالىقتىق كوركەمونەردى سارالاۋ قيمىلىنا قاتىناسقانىمدى ماقتانىش سەزىنەمىن، ەرەكشە اسەرلەندىم. ٴبىز ”ون ەكى مۇقامنىڭ“ ىشىندەگى ”چيبيات مۇقامىنىڭ“ ۇزىندىلەرىن الا كەلدىك. ”ون ەكى مۇقام“ جۇڭحۋا مادەنيەتىنىڭ كوركەمونەر جاۋھارى، بۇدان بىلاي ٴبىز كاسىپتىك شەبەرلىكتى ۇزدىكسىز قۇلشىنا ۇيرەنىپ، ”ون ەكى مۇقامدى“ اناعۇرلىم ويداعىداي دامىتامىز جانە جالعاستىرامىز.

ىلە وبلىستىق مادەنيەت سارايى پارتيا ياچەيكاسىنىڭ شۋجيى، ورىنباسار مۇراجاي باستىعى تاڭ جىچۇن بىلاي دەدى: ”وسى رەتكى قيمىلدا وبلىسقا توتە قاراستى 8 اۋدان، 3 قالا ازىرلەگەن 26 ٴنومىر سارالانىپ، اۆتونوميالى رايوننىڭ ماماندارى ناق مايداندا باعا بەردى. تۇتاس ٴنومىر ٴبي، ٴان - كۇي جانە مۋزيكا بولىپ بولىنگەن، ٴاربىر ٴنومىر ىلە وبلىسىنىڭ جەرگىلىكتى حالىقتىق كوركەمونەرىنىڭ ەرەكشەلىگىنە ۋاكىلدىك ەتەدى. بۇل رەتكى كورمەلىك قويىلىم جاي عانا حالىقتىق كوركەمونەردىڭ اۋىس ـ كۇيىسى عانا ەمەس، سونىمەن بىرگە، جۇڭحۋانىڭ تاڭداۋلى ٴداستۇرلى مادەنيەتىنىڭ دامۋى مەن جالعاسۋى. كورمەلىك قويىلىم نومىرلەرىندە ارنايى وسى رەتكى سارالاۋعا قاتىناستىرۋ ٴۇشىن دەن قويا جاسالعان جانە قۇراستىرىلعان نومىرلەر از ەمەس، مىسالى، نىلقى اۋدانى ۇسىنعان «باقىت تولعاۋى». ’تولعاۋ‘ − مەملەكەت دارەجەلى بەيزاتتىق مادەني مۇرا، ولەڭ - جىر ارقىلى ورىندالاتىن ٴان - كۇي، ”باقىت تولعاۋى“ ولەڭ - جىرلى ٴان - كۇيدى قازاق ۇلتىنىڭ ٴبي ەلەمەنتتەرىمەن ۇشتاستىرىپ قانا قويماي، بەيزاتتىق مادەني مۇرالاردىڭ بۇرىنعى ەرەكشەلىكتەرىنىڭ نەگىزىن ساقتاۋمەن بىرگە، وعان وسى زامانعى مۋزيكانىڭ فاكتورلارىن قوسىپ، دامۋ مەن جالعاستىرۋدى ورگانيكالى ۇشتاستىرعان. سارالاۋ ارقىلى ٴبي، ٴان - كۇي، مۋزيكا سياقتى نومىرلەردىڭ ٴارقايسىسىنان ەكىدەن ويىن كورسەتۋ اترەتى سارالانىپ، اۆتونوميالى رايونداعى 3 - اينالىم حالىقتىق كوركەمونەر نومىرلەرىن سارالاۋعا قاتىناستىرىلادى. ٴبىز ىلە وبلىسىنداعى حالىقتىق كوركەمونەرشىلەردىڭ جاقسى ناتيجەگە قول جەتكىزۋىن ٴۇمىت ەتەمىز“.