سۋرەتتە: 10 - ايدىڭ 28 - كۇنى وبلىستىق پارتكومنىڭ شۋجيى ياڭ شيۋلي قاتارلىلار ىلە زولۇن مەتال تور شەكتى سەرىكتەستىگىنىڭ مەتال بۇيىمدار قۇرىلىسى نىسانىنىڭ جۇمىس باسىندا نىسان قۇرىلىسىنىڭ اياق الىسىن جانە كاسىپورىننىڭ دامۋ بولاشاعىن ۇعىستى. سۇن ي - نان فوتوسى
تـىـلشىلـەرىمىـز مـا چىڭلۋ، سۇن ي - نان، چين لەي، لي يافىڭ، اراي حابارلايدى. 10 - ايدىڭ 29 - كۇنى ىلە وبلىسى 2024 - جىلعى 1 - ايدان 9 - ايعا دەيىنگى ەكونوميكالىق اينالىمعا تالداۋ جاساۋ ٴماجىلىسىن جانە 3 - توقسانداعى كەلەلى نىسانداردى تەكسەرۋ - زەرتتەۋ قيمىلىن قورىتىندىلاۋ ٴماجىلىسىن اشىپ، پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ جانە اۆتونوميالى رايوندىق 10 - كەزەكتى پارتكوم 12 - جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى وبلىستىق پارتكوم قىزمەت ٴماجىلىسىنىڭ تالابىنا ساي، يدەيانى ونان ارى ازات ەتىپ، رەفورما جاساپ، جاڭالىق اشىپ، جاعدايدى جىعا تانىپ، قايراتتانا العا ۇمتىلىپ، ىلەنىڭ جوعارى ساپالى دامۋىن ۇزدىكسىز ىلگەرىلەتۋدە تىڭ تابىستارعا قول جەتكىزدى. وبلىستىق پارتكومنىڭ شۋجيى ياڭ شيۋلي ماجىلىسكە قاتىناستى ٴارى ٴسوز سويلەدى.
ماجىلىستە اۆتونوميالى وبلىستىڭ 2024 - جىلعى 1 - ايدان 9 - ايعا دەيىنگى ەكونوميكالىق اينالىم جاعدايى حابارلاندىرىلدى، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ٴماجىلىستى باسقاردى ٴارى كەلەلى نىسانداردى تەكسەرىپ - زەرتتەۋ، باعالاۋ جانە 3 - توقسانداعى كەلەلى نىسانداردى باعالاۋ ناتيجەسىن حابارلادى، 11 اۋدان، قالانىڭ جاۋاپتىلارى پىكىر اۋىستىردى.
ياڭ شيۋلي مىنالاردى اتاپ كورسەتتى: بيىل جىل باسىنان بەرى، وبلىس بويىنشا جوعارىدان تومەنگە دەيىن پارتيا ورتالىق كوميتەتى مەن اۆتونوميالى رايوندىق پارتكومنىڭ جوعارى ساپالى دامۋ جونىندەگى ورنالاستىرۋلارى مەن تالاپتارىن مۇقيات دايەكتىلەندىرىپ، تياناقتاندىرىپ، ولقىلىقتاردى كۇش سالا تولىقتاپ، باسىمدىقتى ساۋلەلەندىرىپ، ارتۋدى ورنىقتىرىپ، دامۋدى جەبەپ، ەكونوميكانىڭ جالپى تۇلعالىق جاقتان ورنىقتى بولۋى، ورنىقتىلىق بارىسىندا ىلگەرىلەۋى سىندى تاماشا جاعدايدىڭ جارىققا شىعۋىن ىلگەرىلەتتى. ٴار دارەجەلى تاراۋلار كەزەكتەگى ەكونوميكالىق دامۋدا ٴدوپ كەلىپ وتىرعان قيىنشىلىقتار مەن سىن - سايىستاردى سەرگەكتىكپەن تانىپ، جاعدايدى عىلمي يگەرىپ، دامۋ سەنىمىن بەكەمدەپ، ەكونوميكالىق قىزمەتتى جاقسى ىستەۋدىڭ جاۋاپكەرشىلىك سەزىمى مەن كوكەي تەستىلىك سەزىمىن شىن مانىندە كۇشەيتىپ، نىسانادان كوز جازباي، قيىندىققا قارسى اتتانىپ، ٴتۇرلى قىزمەتتەردە ۇزدىك بولۋعا ۇمتىلىپ، الدىڭعى لەكتە ٴجۇرۋدى ىلگەرىلەتۋى كەرەك.
ياڭ شيۋلي مىنالاردى باسا دارىپتەدى: يدەيانى ازات ەتۋ ٴۇشىن، باسشى كادرلار باستاماشىلدىقپەن وي جەلىسىندە جاڭالىق اشىپ، ىشكەرىلەي ۇيرەنىپ، ىشكەرىلەي زەرتتەپ، عىلمي ادىستەردى شەبەرلىكپەن قولدانىپ، جۇيەلى جوبالاپ، جوسپار بويىنشا ىستەپ، رەفورما مەن دامۋعا كەدەرگى بولاتىن بۇعاۋلاردى باتىل تالقانداپ، يدەيانى بارىنشا ازات ەتۋ ارقىلى ستيلدە زور بۇرىلىس جاساۋدى، قىزمەتتى جەدەل تياناقتاندىرۋدى ىلگەرىلەتۋ كەرەك. باسىمدىقتى ٴداپ باسىپ تاۋىپ، ىلەنىڭ وڭىرلىك، بايلىق، ساياسات، وتكەل سياقتى باسىمدىقتارىن تولىق ساۋلەلەندىرىپ، جەرگىلىكتى جاعدايمەن ۇشتاستىرىپ، جاعدايعا قاراي ىستەپ، ەرەكشە جەتەكشى كاسىپتەردى جەدەل جەتىلدىرىپ جانە زورايتىپ، كاسىپ تىزبەگىندە تىزبەك ورناتۋدى، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ٴبىر تۇتاس جوسپارلاپ جاقسى ىستەپ، جاڭا كەزەكتى كەن بارلاۋدان قامال الۋ ستراتەگيالىق ارەكەتىن كۇش سالا اتقارىپ، ٴتۇرلى ەسىك اشۋ تۇعىرلارى مەن دانەكەرلەرىنەن تولىق پايدالانىپ، جوعارى دەڭگەيدە ىشكە - سىرتقا ەسىك اشۋدى ۇزدىكسىز ىلگەرىلەتىپ، ىلەنىڭ ٴار جاقتاعى باسىمدىعىن ەكونوميكالىق باسىمدىققا، دامۋ باسىمدىعىنا اناعۇرلىم ويداعىداي اينالدىرۋى كەرەك. دامۋدى جەدەلدەتىپ، جىل باسىندا بەلگىلەنگەن نىسانا - مىندەتتەردى تۇراقتاندىرىپ، ەكونوميكالىق اينالىمدى رەتتەۋدى كۇشەيتىپ، قىزمەت وي جەلىسىن رەتتەپ، ساپالىلاندىرىپ، ”كەم ەسەپتى“ اداقتاپ، ”كومەسكى قۋات ەسەبىن“ ٴداپ باسىپ ەسەپتەپ، جاڭا ارتۋ تۇيىندەرىن ٴداپ باسىپ تاۋىپ، قوردى بار كۇشپەن ورنىقتىرىپ، مولشەردىڭ ازايۋىن تەجەپ، ارتۋ مولشەرىن ىسكە قوسىپ، ٴونىمدى قارجى قوسۋدى ۇزدىكسىز كەڭەيتىپ، ساۋداگەر شاقىرىپ، قارجى ەنگىزۋ جانە نىسان قۇرىلىسى تەبىنىن ارتتىرىپ، باسشى كادرلاردىڭ ٴتۇيىندى كاسىپورىنداردى كوتەرمەگە الۋ، بايلانىس جاساۋ، قىزمەت وتەۋ قىزمەت مەحانيزمىن ويداعىداي تياناقتاندىرىپ، الدىمەن دامىتىلاتىن رايون، ٴتۇيىندى دامىتىلاتىن رايون، جەدەل دامىتىلاتىن رايون سىندى ٴۇش رايوننىڭ ىقپالداسىپ دامۋ شارالارىن جەدەل تياناقتاندىرىپ، كاسىپ سالاسىن بىرگە قۇرۋ، ساۋداگەر شاقىرۋ ىقپالداستىعى، مۇددەدەن بىرگە يگىلىكتەنۋ مەحانيزمىنەن ويداعىداي پايدالانىپ، بۇكىل وبلىسىمىزدىڭ ٴبىر تۇلعالانۋىن، باسىمدىقتارىمەن ٴبىرىن - ٴبىرى تولىقتاۋىن، ورىن اۋىستىرىپ دامۋىن جۇزەگە اسىرۋ كەرەك. قابىلەتتى ٴوسىرىپ، كادرلاردى باۋلۋ مەن امالياتتا شىنىقتىرۋدى ۇزدىكسىز كۇشەيتىپ، ٴار دارەجەلى كادرلاردىڭ ۇيرەنۋ تانىمىن، ماسەلەنى زەرتتەۋ تانىمىن، ”ەسەپ جاساۋ“ تانىمىن كۇشەيتىپ، ٴار دارەجەلى باسشى كادرلاردىڭ جوسپارلاي بىلەتىن، ەسەپكە شەبەر، ىسكەرلىك دەڭگەيىن جاپپاي ٴوسىرۋ؛ ادام تاڭداۋدىڭ، ادام ىستەتۋدىڭ ايقىن بەتالىسىن بەرىك ورناتىپ، ”ٴۇشتى پارىقتاۋدى“ قاتاڭ تياناقتاندىرىپ، باسشى كادرلاردىڭ شىعا دا الاتىن، تۇسە دە الاتىن بولۋىن ۇدايىلاندىرىپ ىلگەرىلەتىپ، ٴار دارەجەلى كادرلاردى مىندەت اتقارىپ، جاۋاپكەرشىلىكتى ادا ەتۋگە، جاۋاپكەرشىلىك ارقالاپ، ىسكەرلىك كورسەتۋگە ىنتالاندىرىپ، بۇكىل وبلىس ەكونوميكاسىنىڭ جوعارى ساپالى دامۋىنا پارمەندى كەپىلدىك ازىرلەۋ كەرەك.
ماجىلىستەن بۇرىن ياڭ شيۋلي مەن ەلشات تۇرسىنباي ۇلى 11 اۋدان، قالانىڭ كەلەلى نىسان قۇرىلىسىنىڭ جاعدايىنا تەكسەرۋ - زەرتتەۋ جۇرگىزدى.
جياۋ ي - مين، حۋ كايجياڭ، ۋاڭ جۇن، مامەتجان داۋىت، ۋاڭ شينجۇن، ياڭ شينپيڭ، قايرات اشىك ۇلى، جۋ داگاڭ، لي ۋي، فىڭ جو قاتارلى وبلىس باسشىلارى، سونداي - اق اۆتونوميالى وبلىستىڭ ٴارقايسى تاراۋلارى مەن ٴارقايسى اۋدان - قالالاردىڭ (وتكەل)، باقشا رايونىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، سالاعا جاۋاپتى جولداستار، ىلەدە تۇراتىن ٴبىر ٴبولىم ورىنداردىڭ، فينانس قۇرىلىمدارى مەن مەملەكەت مەنشىگىندەگى كاسىپورىنداردىڭ نەگىزگى جاۋاپتى جولداستارى ماجىلىسكە قاتىناستى.
ٴماجىلىس بەينە ەكران فورماسىندا ٴارقايسى اۋدان، قالالارعا (وتكەل) دەيىن اشىلدى.