ىلە وبلىسىنىڭ 3 - توقسانداعى كەلەلى نىسانداردى تەكسەرۋ - زەرتتەۋى جونىندە جالپىلىق شولۋ

لي يافىڭ، اراي، ما چىڭلۋ، چين لەي، سۇن ي - نان (ٴوز تىلشىلەرىمىز)

10 - ايدىڭ 28 - كۇنىنەن 29 - كۇنىنە دەيىن ىلە وبلىسى 3 - توقسانداعى كەلەلى نىساندارعا تەكسەرۋ - زەرتتەۋ جۇرگىزدى. كوپتەگەن زاۆود ۇيلەرى ەڭسە كوتەرىپ، توپ - توپ نىساندار وندىرىسكە قوسىلىپ، اينالىمعا ٴتۇسىپ، كوپتەگەن كاسىپورىندار قۇرىلىپ، ىلە وبلىسىنىڭ پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ، اۆتونوميالى رايوندىق 10 - كەزەكتى پارتكوم ون ەكىنشى جالپى ٴماجىلىسىنىڭ جانە ىلە وبلىستىق پارتكوم قىزمەت ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوننىڭ، ىلە وبلىستىق پارتكومنىڭ، ۇكىمەتتىڭ ەكونوميكانىڭ جوعارى ساپالى دامۋىن ىلگەرىلەتۋ جونىندەگى ورنالاستىرۋ تالاپتارىن دايەكتىلەندىرگەندىگىن، تياناقتاندىرعاندىعىن ٴتۇسىندىردى.

جاڭاشا وندىرگىش كۇش شەبى جەدەل نىعايدى

قۇلجا قالالىق زەردەلى ەسەپتەۋ ورتالىعى تەكشەسىنىڭ قۇرىلىس نىسانىنا جالپى 2 ميلليارد يۋان قارجى قوسىلىپ، بيىل 9 - ايدا جۇمىس باستالعان، مەجەمەن جىل سوڭىندا پايدالانۋعا بەرىلەدى. نىسان سالىنىپ ىسكە قوسىلعاننان كەيىن، ەسەپتەۋ قۋاتى بويىنشا سان سالالى كاسىپتەن 400 مىڭنان استام تۇتىنۋشىعا قىزمەت وتەپ، جىلدىق ٴونىم قۇنىن 500 ميلليون يۋاننان اسىرىپ، قاتىستى كاسىپتەردەن 7 مىڭ ادامدى جۇمىستاندىرادى.

380 ميلليون يۋان قارجى قوسىلعان شينجياڭ گورۇڭ ەلەكترون عىلىم - تەحنيكا شەكتى سەرىكتەستىگىنىڭ جىلىنا 30 ميلليون شارشى مەترلىك ورتا، جوعارى قىسىمداندىرىلعان جالتىراق قاعاز (2 - مەرزىمدىك) ٴوندىرۋ نىسانى وندىرىسكە قوسىلعاننان كەيىن، بۇكىل شينجياڭ بويىنشا ەڭ ۇلكەن جاڭا ماتەريال كاسىپورنىنا اينالادى، مەجەمەن جىلدىق پايدا باجىسى 110 ميلليون يۋانعا جەتەدى.

ساناققا قاراعاندا، ىلە وبلىسىنىڭ 3 - توقسانداعى باعالاناتىن كاسىپ سالاسى تۇرىندەگى نىساندار 292 بولىپ، 2 - توقسانداعىدان 38 نىسان ارتقان. مۇنىڭ ىشىندە، جاڭادان جۇمىس باستاعان كاسىپ سالاسى تۇرىندەگى نىسان 2 - توقسانداعىدان 19 نىسان ارتقان؛ جاڭادان وندىرىسكە قوسىلعان كاسىپ سالاسى تۇرىندەگى نىسان 93 بولىپ، 2 - توقسانداعىدان 19 نىسان ارتقان، جالپى تۇلعالىق جاقتان جاڭادان جۇمىس باستاعان نىساندار كوپ، اياق الىسى تەز، تەبىنى كۇشتى بولىپ، وندىرىسكە قوسىلعان نىسانداردىڭ ونىمدىلىگى جاقسى بولۋداي تاماشا جاعداي جارىققا شىققان.

كاسىپ سالاسى تىزبەگىن تولىقتاپ، كۇشەيتىپ، جاڭا قوزعاۋشى كۇشتى قاۋلاتتى 

كاسىپ سالاسى تىزبەگىن دامىتۋدى جەدەلدەتۋ − ىلە وبلىسىنىڭ قازىرگىنى تياناق ەتىپ، ۇزاق بولاشاقتى كوزدەۋدەگى ”قامال الۋ ٴتاسىلى“، ”قارسى شاراسى“ ٴارى ەكونوميكانىڭ جوعارى ساپالى دامۋىن جۇزەگە اسىرۋدىڭ تابيعي تالعامى. بيىل جىل باسىنان بەرى ىلە وبلىسىنداعى اۋدان، قالالار بايلىق ابزالدىعىن تياناق ەتىپ، ”تىزبەك“ جاعىنا كۇش سالىپ، كاسىپ سالاسى تىزبەگىن ۇزارتىپ، اينالىم تىزبەگىن ىركىلىسسىزدەندىرىپ، حالىقتى بايىتۋ تىزبەگىن كۇشەيتتى.

قورعاس تيانرۇن حالىقارالىق جاڭالىق اشۋ اقىل - پاراسات باقشاسى قۇرىلىس نىسانى يمپورت - ەكسپورت، زات اينالىمى، ساۋدالىق كاسىپورىندار ٴۇشىن قامبادا زات ساقتاۋ، ساۋدا ىستەرى  كەڭەسى، جاس كۇيىندە توڭازىتىپ ساقتاۋ سياقتى ساۋدالىق قىزمەت وتەۋمەن قامداپ، ساۋدا زات اينالىمى كاسىبىنىڭ جوعارى ساپالى دامۋىن جەبەيدى.

كۇيتۇن قالاسى شينجياڭ سانحى ەنەرگيا عىلىم - تەحنيكا شەكتى سەرىكتەستىگى رىنتۇڭ كاسىپ باقشاسى نىسانىنا جالپى 350 ميلليون يۋان قارجى قوسىلىپ، اۋدانى 68 مىڭ شارشى مەتر كەلەتىن زاۆود ٴۇيى مەن 3 ٴوندىرىس جەلىسىن جاڭادان سالدى، نىسان سالىنىپ بولعاننان كەيىن جىلدىق ٴونىم قۇنى 500 ميلليون يۋان، باجى كىرىسى 10 ميلليون يۋان بولىپ، 400 دەن استام ادامنىڭ جۇمىستانۋ ماسەلەسى شەشىلەدى.

شاپشال سىبە اۆتونوميالى اۋدانى چۋاڭفىڭ وسى زامانعى كاسىپ سالاسىنان ۇلگى كورسەتۋ باقشاسى نىسانى نەگىزىندە، كاسىپ سالاسى تىزبەگى ارقىلى ساۋداگەر شاقىرىپ، جالپى 260 ميلليون يۋان قارجى قوسىلعان شينجياڭ شاڭفىڭ اۋىل شارۋاشىلىعىنداعى ورگانيكالىق جاراقسىز زاتتاردى بايلىققا اينالدىرىپ پايدالانۋ نىسانىن ەنگىزدى.

ٴتۇيىندى نىسانداردىڭ قارقىنى جەدەلدەتىلدى

تاماشا شارۋاشىلىق - ساۋدا ورتاسى − كاسىپورىننىڭ دامۋ ومىرشەڭدىگىنىڭ قاينارى. بيىل ىلە وبلىسى ”شارۋاشىلىق - ساۋدا ورتاسىنىڭ دەڭگەيىن كوتەرۋ جىلى“ قيمىلىن زور كۇشپەن ورىستەتىپ، شارۋاشىلىق - ساۋدا ورتاسىن جاقسارتۋدان قامال الۋ ارناۋلى ارەكەتىن ىشكەرىلەي ىلگەرىلەتىپ، بازار ورتاسى، زاڭ - ٴتۇزىم، سىرتقا ەسىك اشۋ سياقتى جاقتاردا ولقىلىقتاردى يگەرىپ، ٴالسىز تۇستاردى تولىقتاپ، كاسىپورىنداردىڭ دامۋىنا، زورايۋىنا تۇساۋ بولاتىن بوگەتتەردى باتىل تالقانداپ، ەكونوميكانىڭ جوعارى ساپالى دامۋىنا تاماشا اۋقىم قالىپتاستىردى.

مەيلى بيىل 7 - ايدا جۇمىس باستاعان، جوسپار بويىنشا 12 - ايدا سالىنىپ وندىرىسكە قوسىلاتىن گوچۋاڭ ەرەكشە جابدىقتار (قۇلجا قالاسى) شەكتى سەرىكتەستىگىنىڭ ارناۋلى ماشينا نىسانى بولسىن، الدە بيىل 9 - ايدا جۇمىس باستاعان، مەجەمەن 11 - ايدا سالىنىپ بولاتىن ٴارى وندىرىسكە قوسىلاتىن شينجياڭ شيڭچاڭ جاڭا ەنەرگيا تەحنيكا شەكتى سەرىكتەستىگىنىڭ جاڭا ەنەرگيالى اۋىر تۇرپاتتى ماشينا جاعىندا جالپىلىق قىزمەت وتەۋ نىسانى بولسىن، بارلىعى ىلە وبلىسىنىڭ بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن كۇش سالا قالىپتاستىرۋداعى قۋانارلىق جەتىستىكتەرىن ايگىلەدى.

ٴتىلشىنىڭ ۇعىسۋىنشا، 3 - توقساندا 43 كەلەلى نىساندا ارالاپ تەكسەرۋ - زەرتتەۋ جۇرگىزىلگەن. مۇنىڭ ىشىندە، قۇلجا قالاسى سيفرلى زەردە جاعىنان كۇش سالۋدى ٴتۇيىندى كورنەكتىلەندىرىپ، زەردەلى ەسەپتەۋ ورتالىعى، اۋىر ونەركاسىپتە بولاتتى زەردەلىلەندىرىپ مانەرلەۋ، فوتوۆولت سياقتى جوعارى، جاڭا تەحنيكا نىساندارىن ارقاۋ ەتىپ، جاڭاشا وندىرگىش كۇشتەردى جەدەل قالىپتاستىرۋعا تىڭ قوزعاۋشى كۇش ۇستەدى؛ كۇيتۇن قالاسى ”6 تىزبەك، 2 باقشا“ كاسىپ سالاسىنىڭ دامۋ بەتالىسىن ارقاۋ ەتىپ، تىزبەكتى ونان ارى كۇشەيتىپ، تىزبەكتى ۇزارتىپ، تىزبەكتى تولىقتاپ، ٴتۇيىندى كاسىپورىنداردى ”جاڭا بەلەسكە كوتەرىلۋگە“ بەلسەنە جەتەكتەپ، وڭىرلىك ەكونوميكانىڭ دامۋىنا تىڭ ومىرشەڭدىك كۇش ۇستەدى؛ قورعاس قالاسى ەركىن ساۋدا سىناق رايونىنىڭ قورعاس اۋماعى قۇرىلىسىن مىقتاپ ارقاۋ ەتىپ، ەل ٴىشى - سىرتىنداعى ”ەكى بازاردان، ەكى ٴتۇرلى بايلىقتان“ تولىق پايدالانىپ، جابدىق جاساۋ كاسىبىنىڭ كولەمىن بارىنشا كەڭەيتىپ، يمپورت - ەكسپورت ساۋداسىنىڭ جوعارى - تومەن بۋىندارىنداعى كاسىپورىنداردى ىرگە تەبۋگە باۋراپ، كەمەلدى كاسىپ سالاسى تىزبەگى مەن شوعىرلى دامىعان وسى زامانعى زەردەلىلەنگەن يمپورت - ەكسپورت زات اينالىمى جۇيەسىن قالىپتاستىردى...

10 - ايدىڭ 28 - كۇنى تەكسەرۋ - زەرتتەۋ گرۋپپاسىنداعىلار قورعاستىڭ بولاتتان جاسالاتىن ەسىك - تەرەزە ٴوندىرىس نىسانىنا تەكسەرۋ - زەرتتەۋ جۇرگىزۋدە.      لي يافىڭ فوتوسى

 شاپشال اۋدانى شينجياڭ شيڭچاڭ جاڭا ەنەرگيا تەحنيكا شەكتى سەرىكتەستىگى وندىرگەن جاڭا ەنەرگيالى اۋىر تۇرپاتتى ماشينالار.            لي يافىڭ فوتوسى

 قورعاس اۋدانىنىڭ يمپورت ەتىلگەن جۇڭگوشا دارىلەردى جىنتىكتەي مانەرلەۋ نىسانىندا قىزمەتكەرلەر جۇڭگوشا دارىلەردى ىلعاۋدا.       لي يافىڭ فوتوسى

 كۇيتۇن قالاسى شينجياڭ كۇنيۇي بولات - تەمىر شەكتى سەرىكتەستىگىنىڭ 850 ميلليمەترلىك شىڭالعان بولات جانە بولات تاقتاي قۇيۋ ماشيناسىن جاڭالاۋ ينجەنەرياسى نىسان قۇرىلىسىنىڭ جۇمىس باسى.   كۇيتۇن قالالىق توعىسپالى مەديا ورتالىعى سۋرەتپەن قامدادى

تەكسەرۋ - زەرتتەۋ قىزمەتكەرلەرى قورعاس اۋدانىنىڭ جىلىنا 100 مىڭ توننا شىرىمەيتىن، جىلۋ ساقتايتىن قۇبىر ٴوندىرۋ قۇرىلىس نىسانىنىڭ ٴوندىرىسى جونىندەگى تانىستىرۋىن تىڭداۋدا.         لي يافىڭ فوتوسى

 ىلە زولۇن مەتال تورى شەكتى سەرىكتەستىگىنىڭ مەتال بۇيىمدار قۇرىلىسى نىسانىنىڭ ٴوندىرىس ورنى.  سۇن ي - نان فوتوسى

 كۇنەس اۋدانى حوشيڭ مادەنيەت - ساياحات جوعارى دەڭگەيلى عارىش بولمەسى ٴوندىرىس بازاسى نىسانىنىڭ ٴوندىرىس ورنى.              سۇن ي - نان فوتوسى

 گوچۋاڭ ەرەكشە جابدىقتاۋ (قۇلجا قالاسى) شەكتى سەرىكتەستىگى ارناۋلى اۆتوكولىك نىسانىنداعى قۇراستىرىلعان اۆتوكولىكتەر.                لي يافىڭ فوتوسى