سۋرەتتە: سيلاۋ، ماداقتاۋدان كورىنىس.     سۇن ي - نان، يان جيە فوتوسى

تىلشىلەرىمىز سۇن ي - نان، يان جيە حابارلايدى. 11 ـ ايدىڭ 7 ـ كۇنى ىلە توعىسپالى مەديا ورتالىعى 25 ـ رەتكى جۇڭگو جۋرناليستەر مەرەكەسىن قۇتتىقتاۋ بايلانىسىمەن اڭگىمە ٴماجىلىسىن وتكىزدى. ماجىلىستە شينجياڭ ۇيعۇر اۆتونوميالى رايوندىق 34 - كەزەكتى (2023 - جىل) شينجياڭ اقپارات سيلىعىنا يە بولعاندار حابارلاندىرىلىپ ماداقتالدى، سيلانعانداردىڭ ۋاكىلدەرى پىكىر اۋىستىرىپ ٴسوز سويلەدى.

بيىل جىل باسىنان بەرى ىلە توعىسپالى مەديا ورتالىعىنىڭ اقپارات قىزمەتكەرلەرى بورىشتى ەستە بەرىك ساقتاپ، ماڭىزدى تاپسىرمانى ورىنداپ، وبلىستىق پارتكومنىڭ وزەكتى قىزمەتىن تىعىز ارقاۋ ەتىپ، اۆتونوميالى وبلىستىڭ رەفورما، دامۋ، ورنىقتىلىق جالپى جاعدايىنا سانالى، ىرىقتى تۇردە قىزمەت وتەپ، نەگىزگى ساتىعا، بۇقاراعا ىشكەرىلەي ارالاسىپ، جاڭالىقتاردى قىراعىلىقپەن بارلاپ، اپپارات كوزىن تۋرالاپ، كۇشتى قالام قۋاتى ارقىلى ٴداۋىردىڭ وزگەرىسىن ەستەلىككە الىپ، حالىقتىڭ جۇرەك ٴۇنىن بەينەلەپ، ىلە حيكاياسىن جان - جاقتى، كوپ ٴتۇرلى جولدارمەن بايانداپ ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋگە تاماشا قوعامدىق پىكىر ورتاسىن ازىرلەدى. 2023 - جىلعى ٴتۇرلى اقپارات سيلىقتارىن باعالاۋدا ىلە توعىسپالى مەديا ورتالىعىنان 23 اقپاراتتىق تۋىندى شينجياڭ ۇيعۇر اۆتونوميالى رايوندىق 34 - كەزەكتى (2023 - جىل) شينجياڭ اقپارات سيلىعىنا يە بولدى. مۇنىڭ ىشىندە 3 تۋىندى 1 - دارەجەلى، 8 تۋىندى 2 - دارەجەلى، 12 تۋىندى 3 - دارەجەلى سيلىق الدى. ىلە توعىسپالى مەديا ورتالىعىنان شينجياڭ اقپارات سيلىعىنا يە بولعانداردىڭ سانى بۇكىل شينجياڭداعى ايماق، وبلىس، قالالىق توعىسپالى مەديا ورتالىقتارى بويىنشا الدىڭعى ورىندى يەلەدى.