اۆتونوميالى رايوندىق پارتكوم تۇراقتى كوميتەتى ٴۇرىمجى قالاسىندا ٴماجىلىس اشىپ، ٴۇرىمجى قىزمەتىن ىلگەرىلەتۋدى ارناۋلى تاقىرىپتا اقىلداستى

　　سەنىمدى بەكەمدەپ، ورايدى يگەرىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، ۇزدىكسىز قيىن ماسەلەلەردى شەشۋ، قوزعالىس قۋاتىن ارتتىرۋ بارىسىندا جوعارى ساپالى دامۋدىڭ جاڭا جاعدايىن اشۋ كەرەك

　　ما شيڭرۇي ٴماجىلىستى باسقاردى ٴارى ٴسوز سويلەدى

11 ـ ايدىڭ 10 ـ كۇنى اۆتونوميالى رايوندىق پارتكوم تۇراقتى كوميتەتى ۇرىمجىدە ٴماجىلىس اشىپ، ٴۇرىمجى قالاسىنىڭ رەفورما، دامۋ، ورنىقتىلىق قىزمەتتەرىن ارناۋلى تاقىرىپتا اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى ٴارى ٴسوز سويلەدى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت\شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 11 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 ـ ايدىڭ 10 ـ كۇنى ۇرىمجىدە ٴماجىلىس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، ٴۇرىمجى قالاسىنىڭ رەفورما، دامۋ، ورنىقتىلىق قىزمەتتەرىن ارناۋلى تاقىرىپتا اقىلداسىپ، ٴۇرىمجى قالاسىن جوعارى ساپالى دامۋدى جەدەلدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى اتويشى، سەركەلىك رولىن اناعۇرلىم ويداعىداي ساۋلەلەندىرۋگە جەبەدى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى ٴارى ٴسوز سويلەدى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى.

اۆتونوميالى رايوندىق پارتكوم مەن ۇكىمەت ٴۇرىمجى قىزمەتىنە ايرىقشا ٴمان بەرىپ، ورتالىق قالانىڭ جوعارى ساپالى دامۋىن جەدەلدەتۋدى باستان ـ اياق ماڭىزدى ورىنعا قويدى. وسىدان ىلگەرى، ما شيڭرۇي قاتارلى باسشى جولداستار تالاي رەت ٴۇرىمجى قالاسىن ىشكەرىلەي ارالاپ، تەكسەرۋ ـ زەرتتەۋ جۇرگىزىپ، اڭگىمەلەسىپ، پىكىر اۋىستىرىپ، قاتىستى قىزمەتتەردى ىلگەرىلەتۋدى اقىلداستى. اۆتونوميالى رايوندىق پارتكوم تۇراقتى كوميتەتىنىڭ وسى رەتكى ٴماجىلىستى اشۋى، باستىسى، ٴبىر تۇتاس جوسپارلاپ سايكەستىرۋدى كۇشەيتىپ، الدىڭعى مەرزىمدىك تەكسەرۋ ـ زەرتتەۋ نەگىزىندە، ٴۇرىمجى قالاسى ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدەگى شەشۋشى ماسەلەلەردى ارقاۋ ەتىپ، ىشكەرىلەي تالداۋ جۇرگىزىپ، تۇجىرىم جاساپ، كوز جىبەرىپ، شارا كورسەتىپ، ”بىرەۋى ارقىلى بارىنە اسەر ەتەتىن“ قامال الۋ ٴتۇيىنىن ٴدال تاۋىپ، ٴۇرىمجىنىڭ ورتالىق قالا بولۋ يقۋاتتىق ورنىن كۇشەيتۋىنە ونان ارى قولداۋ كورسەتىپ، باسىمدىقتاردى، كومەسكى كۇشتەردى جەدەل اشىپ، دامۋ قوزعالىس قۋاتىن ۇزدىكسىز ارتتىرىپ، شينجياڭنىڭ جوعارى ساپالى دامۋىنا جانە وسىزامانداندىرۋ قۇرىلىسى جالپى جاعدايىنا اناعۇرلىم ويداعىداي قىزمەت وتەۋدى ماقسات ەتكەن.

ماجىلىستە اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ ٴۇرىمجى قالاسىنىڭ ەكونوميكالىق، قوعامدىق دامۋ احۋالىنان مالىمەت بەردى، ماجىلىسكە قاتىناسقان قاتىستى جولداستار ٴتۇيىندى قىزمەتتەر توڭىرەگىندە پىكىر اۋىستىردى.

ٴماجىلىس مىنانى اتاپ كورسەتتى: ٴۇرىمجىنىڭ شينجياڭ قىزمەتى جالپى جاعدايىنداعى ورنى توتەنشە ماڭىزدى. شينجياڭ جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ ٴۇشىن، ٴسوز جوق، ورتالىق قالانى ساپالىلاندىرۋى، كۇشەيتۋى كەرەك. ٴۇرىمجى جاۋاپكەرشىلىك سەزىمى مەن كوكەي تەستىلىك سەزىمدى شىن مانىندە كۇشەيتىپ، شينجياڭنىڭ ٴتۇرلى قىزمەتتەرىندە جاقسى ۇلگى بولۋ، جاقسى ونەگە كورسەتۋ كەلەلى جاۋاپكەرشىلىگىن باتىل ارقالاۋعا ٴتيىس. پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ قىزمەت ورنالاستىرۋلارى بويىنشا، دامۋ بارىسىنداعى ماسەلەلەردى رەفورما ادىسىمەن جانە جاڭالىق اشۋ ويىمەن شەشۋگە تاباندى بولىپ، تەرەڭ قاتپارلى قيىن ماسەلەلەر مەن تۇزىلىستىك، مەحانيزمدىك كەدەرگىلەردى ۇزدىكسىز جويىپ، باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن ۇزدىكسىز جوعارىلاتۋ كەرەك. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، باس شۋجي نۇسقاعان بەتالىسپەن بۇلجىماي ٴورىس اشا العا ىلگەرىلەپ، قۇلشىنا العا باسۋ كەرەك. جوعارى ساپالى دامۋ سىندى وسى ماڭداي الدى مىندەتتەن كوز جازباي تىڭعىلىقتى ىسكەرلىك كورسەتىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، قازىرگى ۋاقىتتى تياناق ەتىپ، ۇزاق بولاشاقتى كوزدەپ، نەگىزگى قامال الۋ بەتالىسىن ونان ارى ايقىنداپ، باسىمدىقتى ۇزدىكسىز ساۋلەلەندىرىپ كومەسكى كۇشتى تەرەڭدەي اشىپ، ارتىقشىلىقتاردى اسىرۋ، ولقىلىقتاردى تولىقتاۋ جاعىندا اناعۇرلىم زور كۇش سالىپ، قايراتتانا ٴىس تىندىراتىن رۋحاني كۇيمەن جوعارى ساپالى دامۋ ۇشىن قوزعالىس قۋاتىن توپتاۋ، تەبىندى ارتتىرۋ كەرەك. قولداۋ سەرپىنىن ارتتىرۋ مەن ىشكى قوزعاۋشى كۇشتى قاۋلاتۋدى ۇشتاستىرۋعا تاباندى بولىپ، ۇقىق ىستەرىن رايون ـ اۋداندارعا ٴتۇسىرۋدى زاڭ بويىنشا، بەلگىلەمە بويىنشا ىلگەرىلەتىپ، قىزمەت ونىمدىلىگىن كۇش سالا جوعارىلاتىپ، بۇكىل قالاداعى ٴار ۇلت كادر ـ بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن ٴونىمدى جۇمىلدىرىپ، رەفورمانى يگەرۋ، دامۋدى جەبەۋ، ورنىقتىلىقتى ساقتاۋ پارمەندى كۇشىن ۇزدىكسىز توپتاۋ كەرەك. اۆتونوميالى رايون، بيڭتۋان جانە ٴارقايسى قاتىستى جاق ۇرىمجىگە باعىتتالعان ٴتۇرلى قولداۋدى، قامتاماسىزداندىرۋدى كۇش سالا نىعايتىپ، نىسانداردى تەكسەرىپ بەكىتۋ ٴتارتىبىن جەدەلدەتىپ، جوعارى ساپالى دامۋدى كۇش بىرىكتىرە ىلگەرىلەتۋى كەرەك.

ٴماجىلىس مىنانى باسا دارىپتەدى: ٴۇرىمجى ورتالىق قالا رەتىندە، بۇكىل شينجياڭنىڭ جوعارى ساپالى دامۋى جونىنەن جەتەكتەۋ رولى ماڭىزدى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اناعۇرلىم زور ۇلەس قوسۋدا باسىمدىعى بار، شارت ـ جاعدايى جەتەدى، جاۋاپكەرشىلىگى بار. ٴسوز جوق، سەنىمدى، بەكىمدى نىعايتىپ، كەلەلى ورايدى يگەرىپ، كورنەكتى ماسەلەلەردى شەشۋ، دامۋ ونىمدىلىگىن جوعارىلاتۋ جاعىندا ۇزدىكسىز سەرپىندى ارتتىرۋ، اياق الىستى جەدەلدەتۋ، تەرەڭدىكتى ارتتىرۋ كەرەك. كەلەلى ستراتەگيانى، ٴتۇيىندى سالانى جانە ٴالسىز بۋىندى تىعىز ارقاۋ ەتىپ، احۋالدى انىقتاپ، بەتالىستى ٴدال يگەرىپ، قوعام ورنىقتىلىعىن قورعاۋ، ەكونوميكانىڭ دامۋىن ىلگەرىلەتۋ، جوعارى دەڭگەيدە ەسىك اشۋدى كەڭەيتۋ، حالىق تۇرمىسىن قامتاماسىزداندىرۋ جانە جاقسارتۋ، رەفورمانى ونان ارى جاپپاي تەرەڭدەتۋ سياقتى ٴتۇيىندى قىزمەتتەردى تەرەڭدەي وي ەلەگىنەن وتكىزىپ، ناقتى جوسپارلاپ، جوعارى ساپالى دامۋدىڭ پارمەندى تىرەگىن ۇزدىكسىز قالىپتاستىرۋ كەرەك. ٴۇرىمجىنىڭ كاسىپ سالاسى شوعىرلانۋ، حالىق سانى شوعىرلانۋ، يقۋات شوعىرلانۋ سياقتى جاقتارداعى باسىمدىعىن تولىق ساۋلەلەندىرىپ، بايلىقتى ۇلەستىرۋ جانە ونان پايدالانۋ قابىلەتىن ونان ارى جوعارىلاتىپ، باستاماشى كاسىپ سالاسىن، تىرەكتى كاسىپ سالاسىن، ەرەكشەلىككە يە كاسىپ سالاسىن كۇش سالا تۇلعالاپ، باس شتاپ ەكونوميكاسىن جەتىلدىرىپ، زورايتىپ، قورا ـ جاي بازارىن سەرپىلتىپ، قالا جوباسىن، قۇرىلىسىن جوعارى ولشەممەن ويداعىداي ىستەپ، قالانىڭ ٴبىرىنشى ورىندىق دارەجەسىن ونان ارى جوعارىلاتۋ ارقىلى شينجياڭ ەكونوميكاسىنىڭ جوعارى ساپالى دامۋىنا ۇلەس قوسۋ دارەجەسىن جوعارىلاتۋ كەرەك. كىرىس كوزىن مولايتۋ مەن شىعىستى تەجەۋدى بىردەي جۇرگىزۋگە تاباندى بولىپ، ”قانسىراۋدى“ تەجەۋ بەكىمىنەن جازباي، قازىنانى ٴبىر تۇتاس جوسپارلاۋ قابىلەتىن جوعارىلاتىپ، جەرگىلىكتى ۇكىمەتتەردىڭ قارىزىن بەلسەندى، ورنىقتى تۇردە جويۋ؛ باتىل تۇردە ”قان توقتاتۋ“ تەبىنىمەن بايلىقتى، مال ـ مۇلىكتى كوپ ارنامەن جانداندىرىپ، ”ٴۇشتى قامتاماسىزداندىرۋ“ تومەنگى شەگىن مىقتى ساقتاۋ، ناقتى ساقتاۋ؛ ”قان قۇيۋ“ مەحانيزمىن كەمەلدەندىرىپ جانە ودان ويداعىداي پايدالانىپ، ورتالىقتىڭ ٴتۇرلى قولداۋ ساياساتتارىنىڭ ەڭ زور ونىمدىلىگىن ساۋلەلەندىرۋگە شىنايى كەپىلدىك ەتۋ؛ ٴوزى ”قان جاساۋ“ قابىلەتىن شىڭداپ، جاڭا ەنەرگيا، جاڭا ماتەريال، جابدىق جاساۋ سياقتى ٴتۇيىندى كاسىپ سالالارىن ارقاۋ ەتىپ، تىرەكتىك رولى زور، جەتەكتەۋ قۋاتى كۇشتى ٴبىر توپ كەلەلى نىساندى جەدەل جوسپارلاپ ىلگەرىلەتۋ كەرەك. 4 ـ ماۋسىمداعى ەكونوميكالىق قىزمەتتى بار كۇشتى سالا ويداعىداي ىستەپ، مەملەكەتتىڭ تىڭنان قوسىلعان ٴبىر قىدىرۋ ساياساتىنان تولىق، ويداعىداي پايدالانىپ، ٴتۇيىندى يگەرىپ، ىرىقتىلىقپەن ىسكەرلىك كورسەتىپ، قايراتتى تاسقىنداتىپ، قۇلشىنا ۇمتىلىس جاساپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن قۇلشىنا ورىنداۋ كەرەك.

ٴماجىلىس مىنالاردى باسا دارىپتەدى: باسشىلىق القاسى مەن كادرلار قوسىنى قۇرىلىسىن كورنەكتىلەندىرە ويداعىداي يگەرىپ، بۇكىل قالاداعى ٴار دارەجەلى باسشى كادرلاردىڭ، اسىرەسە، نەگىزگى جاۋاپتى جولداستاردىڭ قابىلەتىن، ونەرىن جوعارىلاتۋدى شەشۋشى شارا ەتىپ، شىن مانىندە جاۋاپكەرشىلىك ارقالاپ، باتىلدىقپەن جاۋاپكەرشىلىك ارقالاپ، بەلسەنە ىسكەرلىك كورسەتۋ كەرەك. ساياسي قابىلەتتى جوعارىلاتىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، ٴۇرىمجى قىزمەتىن باستان ـ اياق ساياسي جاقتان ويلاستىرىپ، جوسپارلاپ، ىلگەرىلەتىپ، پارتيا مەن مەملەكەت قىزمەتىنىڭ جالپى جاعدايىنا قىزمەت وتەۋدى، شينجياڭنىڭ رەفورما، دامۋ، ورنىقتىلىق كەلەلى جاعدايىنا قىزمەت وتەۋدى شىعار ٴتۇيىن ەتىپ ماسەلەگە وي جۇگىرتۋ، شەشىم جاساۋ، ٴىس تىندىرۋ كەرەك. ويلاۋ قابىلەتىن جوعارىلاتىپ، ٴۇرىمجىنىڭ جوعارى ساپالى دامۋى قىزمەتىن ويداعىداي ىستەۋدىڭ ماڭىزدىلىعىن جانە كوكەي تەستىلىگىن ىشكەرىلەي انىق تانىپ، ونان ارى يدەيانى ازات ەتىپ، تانىمدى جوعارىلاتىپ، ستراتەگيالىق، جۇيەلىك، بولجامپازدىق زەرتتەۋدى كۇشەيتىپ، شىنايى دا جارامدى دامۋ وي جەلىسىن جانە ناقتى شاراسىن العا قويۋ كەرەك. اماليات قابىلەتىن جوعارىلاتىپ، ماسەلەنى باعدار ەتۋگە تاباندى بولىپ، كورنەكتى ماسەلەلەردى شەشۋدى قىزمەت جاعدايىن اشۋدىڭ قامال الۋ ٴتۇيىنى ەتىپ، جارامدى دا ٴونىمدى جاڭا شارالاردى، مىعىم شارالاردى، ناقتى شارالاردى شىن مانىندە العا قويىپ، قيىندىققا قارسى اتتانۋ، قامال الىپ قيىندىقتاردى جەڭۋ بارىسىندا قابىلەتتى كۇشەيتىپ، ىسكەرلىكتى اسىرىپ، شىنايى يگەرىپ ناقتى ىستەيتىن ٴىس جۇزىندىك ارەكەت ارقىلى جوعارى ساپالى دامۋدا جاڭا لەپ ايگىلەۋدى ىلگەرىلەتۋ كەرەك.

ٴماجىلىس مىنانى باسا دارىپتەدى: ستيلدە بۇرىلىس جاساۋدى جوعارى ساپالى دامۋدى ىلگەرىلەتۋدىڭ ماڭىزدى قامتاماسىزدىعى ەتۋگە تاباندى بولىپ، دۇرىس ناتيجە كوزقاراسىن بەرىك ورناتىپ، باتىلدىقپەن قاساڭ يدەيانى جويىپ، ناقتى ىستەۋ ستيلىن اسقاقتاتىپ، ٴار دارەجەلى پارتيالى باسشى كادرلاردى ٴىس تىندىرۋ سانالىلىعىن جەتىلدىرىپ، ٴىس تىندىرۋ قابىلەتىن شىڭداپ، ٴىس تىندىرۋ قايراتىن تاسقىنداتىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، جۇرەكتىلىكپەن اۋىر مىندەت ارقالاپ، ”قيىن ٴتۇيىندى“ شەشۋگە جەتەكتەۋ كەرەك. اسىرەسە، فورماشىلدىقتى، تورەشىلدىكتى باتىلدىقپەن جويىپ، ”ناقتى ماسەلەنى شەشپەۋدىڭ ٴوزى فورماشىلدىق“ دەيتىن ۇستانىمدى بەرىك ورناتىپ، شىن مانىندە ەڭبەك ەتىپ، ناقتى شارا قولدانىپ، ناقتى ونىمدىلىككە تالپىنىپ، قىزمەتتەردى زاڭ، بەلگىلەمە بويىنشا ىلگەرىلەتىپ، بۇكىل قالاداعى كادرلاردى، بۇقارانى شىنايى يگەرىپ ناقتى ىستەۋگە، بەرىلە شوگەلدىكپەن ىستەۋگە ىنتىماقتاستىرىپ جانە باستاپ، قيىن ماسەلەلەردى ۇزدىكسىز شەشۋ بارىسىندا جوعارى ساپالى دامۋدىڭ جاڭا جاعدايىن اشۋ كەرەك.

تيان شياڭلي، چىن ۋيجۇن، ۋاڭ جيانشين، ەلزات احمەتجان، قادەن كابەن، ۋاڭ لين، اۆتونوميالى رايوندىق ۇكىمەتتەگى جانە بيڭتۋانداعى قاتىستى باسشىلار، ورتالىقتىڭ شينجياڭدا تۇراتىن ورىندارىنداعى جانە اۆتونوميالى رايوننىڭ قاتىستى ورىندارىنداعى جاۋاپتى جولداستار، ٴۇرىمجى قالاسىنىڭ ٴتورت باسشىلىق القاسىنىڭ مۇشەلەرى جانە ٴارقايسى رايون ـ اۋداندارداعى، ٴارقايسى ورىندارداعى جاۋاپتى جولداستار قاتارلىلار ماجىلىسكە قاتىناستى.