ٴتىلشىمىز ۋاڭ جىحۋا حابارلايدى. 11 - ايدىڭ 21 - كۇنى كوپتەگەن سۋرەت اۋەسكەرلەرى باستاعان ”ىلە تەز سىزباسى“ اتىنداعى سۋرەتكەرلىك بىرلەستىگىندەگىلەر قۇلجا قالاسىنىڭ حانبين اۋىلىندا 8 - كەزەكتى قالا تەز سىزباسى قيمىلىن وتكىزدى. ولار سۋرەت سىزۋ فورماسىمەن وزدەرى بايقاعان زاتتار مەن كورىنىستەردى ماتەريال ەتىپ، قالانىڭ وزگەرىسى مەن تۇرمىستىڭ كوركەمدىگىن ەستەلىككە الدى.

قالا تەز سىزباسى − ٴبىر ا ق ش - تىق ٴتىلشىنىڭ 2007 - جىلى تاپقىرلاعان الەۋمەتتىك يگىلىك سيپاتتى سۋرەت سىزۋ قيمىلى، مۇنداعى ماقسات سول جەردىڭ وزىندە سۋرەت سىزۋدىڭ كوركەمدىگىن، ۋاقيعالىلىعىن جانە ۇيرەنۋ قۇنىن ۇگىتتەۋ ٴارى دارىپتەۋ، سونداي - اق بۇكىل جەر شارىنداعى وسى سۋرەت سىزۋ تاسىلىنە قىزىعاتىن كوركەمونەرشىلەر مەن اۋەسكەرلەرگە ۇيرەنۋ، ٴوز ونەرىن ايگىلەۋ جانە اۋىس - كۇيىس جاساۋ تەكشەسىن ازىرلەۋ بولاتىن.

”ىلە تەز سىزباسى“ اتىنداعى سۋرەت سىزۋ بىرلەستىگىن قۇرۋشى ياڭ ليۋ ۇزاق جىل سۋرەت سىزۋ وقىتۋىمەن شۇعىلدانىپ كەلگەن، ول ەل ىشىندەگى كوپتەگەن قالادا وسى قيمىلدىڭ بار ەكەنىن ەرتەدەن - اق بىلەتىن - دى. ”قازىرگى جاستار تاماقتانۋ توبىن، كينو كورۋ توبىن قۇرۋدى ۇناتادى، مەنشە، كوپشىلىك سۋرەت سالۋ توبىن قۇرىپ، تەز سىزبا فورماسىمەن كوز الداعى جاعدايدى ەستەلىككە الىپ، قىل قالاممەن ماڭايىمىزداعى تاماشا زاتتاردى بەينەلەۋگە بولادى. قۇلجا قالاسى قازىر بارعان سايىن كوركەيىپ كەلەدى، مەن ٴوز كۇشىم ارقىلى كوپشىلىكتى ۇيىستىرىپ، وسى قالانىڭ دامۋىن سۋرەت قالامىمەن ەستەلىككە السام دەيمىن“. ياڭ ليۋ بىلاي دەپ تانىستىردى: بىلتىر 9 ـ ايدا مەن ٴىشىنارا سۋرەت سىزۋ اۋەسكەرلەرىن ۇيىمداستىرىپ، ٴبىرىنشى مەرزىمدىك تەز سىزبا قيمىلىن ورىستەتكەندە كوپشىلىكتىڭ اڭىسى وتە جاقسى بولدى، سوندىقتان وسى قيمىلدى جالعاستىردىم، بيىل 11 ـ ايدا ”ىلە تەز سىزباسى“ بىرلەستىگىن رەسمي قۇردىم، قازىر بۇعان 60 نەشە سۋرەت سىزۋ اۋەسكەرى قاتىناستى.

سول كۇنگى قيمىل حانبين اۋىلىنداعى ٴبىر كوفەحانادا وتكىزىلدى، كوپشىلىك ماڭايىنان كورگەن نارسەلەردى وبيەكتى ەتىپ، جاسامپازدىققا كىرىستى. ٴبىر دانا بولكا، ٴبىر ستاكان كوفە، ٴبىر دانا جاسىل وسىمدىك نەمەسە ٴبىر شاعىن كورىنىس سۋرەت اۋەسكەرلەرىنىڭ قولىمەن كوركەم كورىنىسكە اينالدى، ولاردىڭ مۇقيات سىزعان سۋرەتتەرىنەن، بەرگەن رەڭدەرىنەن تۇرمىستىڭ ورنىقتىلىعى مەن كوركەمدىگىن سەزىنۋگە بولادى.

سۋرەت سىزۋ اۋەسكەرى ۋاڭ جيڭ ۇستەلگە جۇگەرى، اسقاباق جانە ۇساق بالكۇلشە قويىپ، بار زەيىنىمەن سۋرەت سالدى. ول وسى قيمىلعا ەكىنشى رەت قاتىناسقاندىقتان مۇنداي قيمىلدىڭ قىزىقتى دا ەركىن بولاتىنىن سەزىندى. سۋرەت سىزۋ اۋەسكەرى ليۋ مەي كوز الدىنداعى جاسىل وسىمدىكتى زەر سالا بەينەلەدى. ”سۋرەت سىزۋدا ەشقانداي نىساناعا جەتۋدى ويلامايمىن، بۇل تەك قانا مىنەز ـ قۇلىقتى جەتىلدىرۋ بارىسى عانا، ٴبىر دانا جاسىل وسىمدىكتى سىزۋ بارىسىندا كوڭىلىم شاتتىققا شومىپ، ريزا بولامىن“ دەدى ليۋ مەي.

”مەن ٴار جولى ’ىلە تەز سىزباسى‘ قيمىلىنا قاتىناسىپ كەلەمىن، ويتكەنى كىشكەنتايىمنان سۋرەت سىزۋعا اۋەسپىن، قىزمەتتەن سىرتقى ۋاقىتتارىمدا كوپشىلىكپەن بىرگە سۋرەت سالىپ، ماڭايىمداعى كوركەم زاتتاردى سىزسام كوڭىل كۇيىم ەرەكشە جادىراپ قالعانداي سەزىنەمىن“ دەدى سۋرەت سىزۋ اۋەسكەرى جاڭ لۋۋي.

باقشا، حالىقتىق تۇسەلحانا، كوشە جولدارى، شاعىن دۇكەن سياقتىلار ”ىلە تەز سىزباسى“ قيمىلى ورىستەتىلگەننەن بەرى سۋرەت سىزۋ اۋەسكەرلەرى جاعىنان قالانىڭ دامۋ بارىسىنداعى كورىنىس ماتەريالى ەتىلىپ، توڭىرەكتەگى دامۋ مەن وزگەرىستەر ەستەلىككە الىنىپ كەلەدى.

 سۋرەت جاسامپازدىعى ۇستىندەگى تەز سىزبا اۋەسكەرلەرى.

كورىنىستى تۋىندىعا اينالدىرۋ.     ۋاڭ جىحۋا فوتوسى