سۋرەتتە: وقۋشىلار كەرمە تۋعا قول قويىپ، سەرت بەرۋدە.      مىڭ شيا فوتوسى

ٴتىلشىمىز مىڭ شيا حابارلايدى. 11 - اي − مەملەكەتتىك ٴورت ٴسوندىرۋ، ورتتەن ساقتانۋ حاۋىپسىزدىگى جـونىندەگى ۇگىت ايى. ستۋدەنتتەردىڭ ورتتەن ساقتانۋ حاۋىپسىزدىك تانىمى مەن ٴوزىن قورعاۋ، ٴوزىن قۇتقارۋ تانىمىن جوعارىلاتۋ ٴۇشىن، 11 - ايدىڭ 28 - كۇنى ىلە وبلىستىق ٴورت ٴسوندىرۋ، ورتتەن ساقتانۋ، قۇتقارۋ اترەتى ىلە شىفان داشۋەسىمەن بىرلەسىپ ”ستۋدەنتتەردىڭ ٴورت ٴسوندىرۋ، ورتتەن ساقتانۋ ۇگىتى جونىندەگى ادەبيەت - كوركەمونەر تۋىندىلارىن كورمەگە قويۋ“ قيمىلىن وتكىزدى.

سول كۇنى ستۋدەنتتەردىڭ حاتكەرلىك، فوتو سۋرەت، بەينە بايان، كوشىرمە گازەت سياقتى 300 دەن استام تۋىندىسى كورمەگە قويىلدى. ستۋدەنتتەر وزدەرىنىڭ وزگەشە بەينەلەۋ سلوبى، تارتىمدى جاسامپازدىق تانىمدارى ارقىلى كوكەيلەرىندەگى ”ٴورت ٴسوندىرۋ، ورتتەن ساقتانۋ حاۋىپسىزدىگىن“ بەينەلەدى. 

ىلە شىفان داشۋەسى وقۋ - اعارتۋ عىلىمى شۋەيۋانىنىڭ 1 - جىلدىق وقۋشىسى جاڭ بوجى ٴورت اپاتىندا باسقالاردى قۇتقارىپ جاتقان ٴورت ٴسوندىرۋشىنىڭ سۋرەتىن سىزعان، سۋرەتتە ول حاۋىپسىز شىعۋ ەسىگىن، ورتتەن ساقتانۋ تاسپاسىن، ٴورت ٴسوندىرۋ اسپابىنىڭ ىستەتىلۋ ٴادىسىن ارنايى كورسەتكەن. جاڭ بوجى بىلاي دەدى: ”وسى رەتكى قيمىل توتەنشە ٴماندى بولدى، سۋرەت تۋىندىلارى كورمەسى ارقىلى باسقالارعا ٴورت ٴسوندىرۋ، ورتتەن ساقتانۋ حاۋىپسىزدىگىنىڭ تۇرمىسىمىزداعى ماڭىزدىلىعى مەن قاجەتتىلىگىن ۇعىندىرۋعا بولادى.

سول كۇنى ستۋدەنتتەر ٴبىر جاعىنان، كورمەنى تاماشالاپ، ەندى ٴبىر جاعىنان، تالقى وتكىزىپ، وزدەرىنىڭ ويىنداعى جاقسى تۋىندىلاردى باعالاپ شىقتى، سونداي - اق كەرمە تۋعا قول قويىپ، سەرت بەردى.