جۇمىس ٴتارتىبىن قاراپايىمداستىرىپ، قىزمەت وتەۋدى ساپالىلاندىردى

ىلە وبلىسى ٴتۇرلى شارا قولدانىپ، كاسىپورىندار مەن حالىق ٴۇشىن جۇمىس ٴبىتىرۋدى قولايلاستىردى

سۋرەتتە: بۇقارا بانكە سايتىنان تيجارات كۋالىگىن بىتىرۋدە.     جاڭ لياڭ فوتوسى

تىلشىلەرىمىز جاڭ لياڭ، رىن جيالي حابارلايدى. 11 ـ ايدىڭ 23 ـ كۇنى جەكە ساۋداگەر مياۋ حۇڭۋي جۇڭگو اۋىل شارۋاشىلىق بانكەسى ىلە شاندۇڭ جولى (بيڭتۋان) تارماق بانكەسى تيجارات زالىنىڭ قىزمەتكەرى چىن يۇيدىڭنىڭ كومەگىندە بازاردى باقىلاپ ـ باسقارۋ مەكەمەسىنىڭ ساۋدا ىستەرىن تىركەۋگە الدىرۋ جالپى كاسىبىنىڭ اۆتوماتتى ٴبىر تۇلعالانعان ماشيناسىنان باسىپ شىعارىلعان تيجارات كۋالىگىن لەزدە قولىنا الدى. ول اسەرلەنە بىلاي دەدى: ”قازىر تيجارات كۋالىگىن ٴبىتىرۋ وسىنشاما قولايلى، تەز بولادى دەپ ويلاماپپىن“.

بيىل جىل باسىنان بەرى ساۋدا ورتاسىن ونان ارى ساپالىلاندىرىپ، ٴىس ٴبىتىرۋ ٴتارتىبىن قاراپايىمداستىرىپ، جۇمىس ٴبىتىرۋ ونىمدىلىگىن جوعارىلاتۋ ٴۇشىن ىلە وبلىسىنداعى ٴار دارەجەلى بازاردى باقىلاپ - باسقارۋ تاراۋلارى كاسىپورىنداردىڭ شارۋاشىلىق قۇرۋىنا قولايلىلىق جاساۋدى بەلسەنە ىلگەرىلەتىپ، ٴوتىنىش ماتەريالدارى تىزىمدىگىن ىقشامداپ، ٴوتىنىش ماتەريالدارى تولىق، زاڭدا بەلگىلەنگەن فورماعا ۇيلەسەتىندەرىن تۇراقتاندىرىپ ٴارى ۇستىندە تىزىمدەپ، ”ٴبىر جەلىدە ٴبىر تۇتاس ٴبىتىرۋدى“ جالپىلاستىرىپ، تيجارات تۇلعالارىنىڭ ۇيدەن شىقپاي - اق كاسىپورىن قۇرۋ، وزگەرتۋ، تىزىمنەن ٴوشىرۋ، جۇمىستان توقتاتۋ سياقتى كاسىپتەردى بىتىرۋىنە مۇمكىندىك جاساپ، جالپى بارىستىق ەلەكترونداندىرۋ مولشەرىن %88.9 كە جەتكىزگەن.

قۇلجا قالالىق بازاردى باقىلاپ ـ باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى پاڭ جۇن تىلشىگە بىلاي دەدى: ”جەكە ساۋداگەرلەر كومپيۋتەر نەمەسە قول تەلەفونمەن جۇمىس جۇرگىزۋ ارقىلى تيجارات كۋالىگىن ٴوتىنىش ەتۋ ماتەريالىن اكىمشىلىك ىستەر تۇعىرىنا جولدايدى، ماتەريال تەكسەرۋدەن وتكەننەن كەيىن تىكەلەي كۋالىك تاراتادى، جەكە ساۋداگەرلەر تەك ەلەكتروندىق باسىلىمداعى تيجارات كۋالىگىن باسسا بولعانى، ەڭ تەز بولعاندا ٴبىر كۇندە ٴوتىنىش ەتۋ جۇمىسىن بىتىرە الادى“.

تاياۋ جىلداردان بەرى ىلە وبلىستىق بازاردى باقىلاۋ ـ باسقارۋ مەكەمەسى قۇلجا قالاسىن سىناق ٴتۇيىنى ەتىپ، ”كۇتىپ وتىرۋدى“ الدىن الا قىزمەت وتەۋگە وزگەرتىپ، كاسىپورىندار مەن جەكەلەردىڭ جۇمىس بىتىرۋىنە قولايلىلىق جاسادى. ىلە يمۋشين ٴسۇت شارۋاشىلىعى شەكتى سەرىكتەستىگى 2022 ـ جىلى قۇرىلعاننان كەيىن قۇلجا قالالىق بازاردى باقىلاپ ـ باسقارۋ مەكەمەسىنىڭ كومەگى مەن جەتەكشىلىگىندە 3 اي ىشىندە 5 ٴتۇرلى باسقارۋ جۇيەسىن كۋالاندىرۋدى ورىنداپ، كاسىپورىنداردىڭ ونىمدىلىگى جىل سايىن زور مولشەردە جوعارىلادى.

كاسىپتىك قىزمەت وتەۋدى اناعۇرلىم ويداعىداي ورىستەتۋ ٴۇشىن، ىلە وبلىسىنداعى اۋدان، قالالار وزدەرىنىڭ ٴىس جۇزىندىك جاعدايىمەن ۇشتاستىرىپ، تۇرلىشە تيجارات - ساۋدا ورتاسىن ساپالىلاندىرۋ ساياساتى مەن قىزمەت وتەۋ ٴادىسىن ارت - ارتىنان جولعا قويدى. قورعاس اۋدانى تۇتاس بارىستا تىزبەكتى قىزمەت وتەۋ ورتالىعىن قۇرۋداعى قيىن تۇيىندەردى، بوگەتتىك ماسەلەلەردى شەشىپ، جاڭادان قۇرىلعان كاسىپورىندارعا ساپالى قىزمەت وتەدى. بيىل 10 ـ ايدا وسى اۋدانداعى تۇڭعىش شەتەل ساۋداگەرى قارجى قوسقان كاسىپورىنعا كۋالىكتى ٴساتتى ٴبىتىرىپ بەردى؛ كۇيتۇن قالاسى ”ٴبىر جەلىدە كۇشىنەن قالدىرۋ“ جاڭا ۇلگىسىن العا قويىپ، تيجارات تۇلعالارىنىڭ كۇشىنەن قالدىرۋ رەسمياتىن وتەگەندە ”ارلى - بەرلى شاپقىلاۋ، كوپ سابىلۋ، ۋاقىت، كۇش سارىپ ەتۋ“ ماسەلەسىن تۇبىرىنەن شەشتى؛ قورعاس قالاسى 2022 ـ جىلدان بەرگى ىركىندى حۇجاتتاردى جاپپاي رەتتەپ، بازاردى بىرلىككە كەلتىرۋ مەن ٴادىل باسەكەگە كەدەرگى بولاتىن ٴتۇرلى بەلگىلەمەلەر مەن ادىستەردى تۇگەلدەي كەرەكسىز ەتتى.

وبلىستىق بازار باقىلاۋ - باسقارۋ مەكەمەسى ساياسات، زاڭ - ەرەجە باسقارماسىنىڭ ورىنباسار باستىعى جاڭ لي بىلاي دەدى: ”بيىل جىل باسىنان بەرى ٴبىز ساۋدا ورتاسىن ساپالىلاندىرۋ دەڭگەيىن جوعارىلاتۋ جىلى قيمىلىن ىشكەرىلەي ورىستەتىپ، كاسىپورىندارعا كومەكتەسىپ قىزمەت وتەۋدى، سەنىمدى ۇكىمەت قۇرىلىسىن، زاڭمەن باسقارىلاتىن ۇكىمەت قۇرىلىسىن كۇشەيتۋدى قامال الۋ ٴتۇيىنى ەتىپ، جۇمىس ٴتارتىبىن بارىنشا ىقشامداپ، قىزمەت وتەۋدى ساپالىلاندىرىپ، كاسىپورىن ٴۇشىن، حالىق ٴۇشىن ٴىس ٴبىتىرۋ قولايلىلىعىن قۇلشىنا جوعارىلاتتىق. بۇدان بىلاي ٴبىز ’ٴبىر ٴىستى جوعارى ونىمدىلىكپەن ٴبىتىرۋ‘ جونىنەن تەكسەرىپ بەكىتۋدى ۇزدىكسىز ورىستەتىپ، ٴىس ٴبىتىرۋ بارىسىنداعى، ٴىس بىتكەننەن كەيىنگى باقىلاۋ ـ باسقارۋدى كۇشەيتىپ، زاڭ اتقارۋ مەن قىزمەت وتەۋدى دۇرىس ٴبىر جاقتى ەتەمىز، بازار تۇلعالارىنىڭ ٴبىزدىڭ قىزمەتىمىزگە رازى بولۋ دارەجەسى مەن مويىنداۋ دارەجەسىن ۇزدىكسىز جوعارىلاتىپ، اناعۇرلىم ناقتى شارالار ارقىلى ىلە وبلىسىنىڭ ساۋدا ورتاسى قۇرىلىسىنىڭ دەڭگەيىن جوعارىلاتامىز“.