ما شيڭرۇي، ەركىن تۇنياز تۇتاس رايوننىڭ ونەركاسىپ ەكونوميكاسىنىڭ اينالىمى مەن بازار باقىلاۋ ـ باسقارۋ قىزمەتىنە تەكسەرۋ ـ زەرتتەۋ جۇرگىزدى

　　ەرەكشە، باسىمدىققا يە كاسىپ سالاسى شوعىرى قۇرىلىسىنىڭ ساپاسىن، ونىمدىلىگىن جوعارىلاتىپ، كاسىپ سالاسى تىزبەگىنىڭ سەرپىمدىلىگى مەن باسەكەلىك قۋاتىن ۇزدىكسىز كۇشەيتۋ كەرەك

12 - ايدىڭ 3 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنە، اۆتونوميالى رايوندىق بازار باقىلاۋ - باسقارۋ مەكەمەسىنە بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي، ەركىن تۇنياز اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىندە شينجياڭ مۇناي حيميا ونەركاسىبى كاسىپ سالاسى تىزبەگىنىڭ دامۋ اياق الىسىن ەگجەي - تەگجەيلى ۇعىسۋدا.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 12 ـ ايدىڭ 3 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 12 ـ ايدىڭ 3 ـ كۇنى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىندە، اۆتونوميالى رايوندىق بازار باقىلاۋ ـ باسقارۋ مەكەمەسىندە قىزمەتكە تەكسەرۋ ـ زەرتتەۋ جۇرگىزدى. ما شيڭرۇي بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، ەرەكشە، باسىمدىققا يە كاسىپ سالاسى شوعىرى قۇرىلىسىنىڭ ساپاسىن، ونىمدىلىگىن ۇزدىكسىز كۇشەيتىپ، كاسىپ سالاسى تىزبەگىنىڭ سەرپىمدىلىگى مەن باسەكەلىك قۋاتىن جوعارىلاتىپ، شارۋاشىلىق ـ ساۋدا ورتاسىن كۇش سالا ساپالىلاندىرىپ، ەكونوميكانىڭ ورنىقتى ارتۋىن ىلگەرىلەتىپ، ەكونوميكانىڭ ٴۇرتىس قايتا ورلەۋ، جاقسارۋ جاعدايىن ۇزدىكسىز كۇشەيتۋ كەرەك.

اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىندە ما شيڭرۇي، ەركىن تۇنياز قاتىستى باسقارما ـ كەڭسەلەردىڭ جۇمىس جاعدايىن تەكسەرىپ كورىپ، تۇتاس رايوننىڭ 2024 ـ جىلعى ونەركاسىپ ەكونوميكاسىنىڭ اينالىم جاعدايى جونىندەگى تانىستىرۋدى تىڭدادى، ما شيڭرۇي بىلاي دەپ باسا دارىپتەدى: وي جەلىسى مەن كوز ايانى كەڭەيتىپ، جان ـ جاقتى تالداۋ جاساۋدى، ىشكەرىلەي سالىستىرۋدى كۇشەيتىپ، ونەركاسىپ ەكونوميكاسىنىڭ اينالىمىن باقىلاۋ ـ تەكسەرۋ قابىلەتىن جوعارىلاتىپ، قىزمەتتىڭ قامال الۋ ٴتۇيىنىن ٴداپ باسىپ تاۋىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋدى جەدەل ىلگەرىلەتۋ كەرەك. شينجياڭ مۇناي حيميا ونەركاسىبى كاسىپ سالاسى تىزبەگىنىڭ دامۋ اياق الىسىن ەگجەي ـ تەگجەيلى ۇعىسقاننان كەيىن، ما شيڭرۇي بىلاي دەپ باسا دارىپتەدى: جىنتىكتەلگەن حيميا ونەركاسىبىن بار كۇشپەن دامىتۋدى نەگىزگى قامال الۋ بەتالىسى ەتىپ، كاسىپ سالاسى تىزبەگىنىڭ تومەنگى بۋىنعا قاراي ۇزارۋىن جەدەلدەتىپ، مۇناي حيميا ونەركاسىبىنىڭ جوعارى ساپالى دامۋىن ىلگەرىلەتۋ كەرەك.

اۆتونوميالى رايوندىق بازار باقىلاۋ ـ باسقارۋ مەكەمەسىنە كەلگەندە، ما شيڭرۇي، ەركىن تۇنياز قىزمەت تانىستىرۋىن تىڭداپ، بۇكىل رايوننىڭ بازار باقىلاۋ ـ باسقارۋ جۇيەسىنىڭ رەفورمانى تەرەڭدەتۋ، ٴونىم ساپاسى حاۋىپسىزدىگىن قامتاماسىز ەتۋ، شارۋاشىلىق تۇلعالارىنا قىزمەت وتەۋ سياقتى ادىستەرى مەن ونىمدىلىگىن ىشكەرىلەي ۇعىستى. ما شيڭرۇي بىلاي دەپ باسا دارىپتەدى: رەفورمانى جاپپاي تەرەڭدەتۋ ارقىلى باقىلاۋ ـ باسقارۋ، قىزمەت وتەۋ ونىمدىلىگىن جوعارىلاتۋدى ىلگەرىلەتىپ، وسىزامانداندىرۋ قۇرىلىسىنىڭ قاجەتىنە ۇيلەسەتىن بازار باقىلاۋ ـ باسقارۋ جۇيەسىن جەدەل قالىپتاستىرىپ، ەڭ قاتاڭ ولشەمدى تياناقتاندىرىپ، ٴتۇيىندى ونەركاسىپ ونىمدەرىنىڭ ساپاسى مەن ەرەكشە جابدىقتاردىڭ حاۋىپسىزدىك دەڭگەيىن جوعارىلاتىپ، مەكتەپ ازىق ـ تۇلىگى، ٴدارى ـ دارمەك سياقتى سالالارداعى حاۋىپسىزدىكتى باقىلاۋ ـ باسقارۋدى مىقتى يگەرىپ، ساپا حاۋىپسىزدىگى سىندى جان تامىردى باتىل ويداعىداي قورعاۋ كەرەك. قاتاڭ باقىلاۋ ـ باسقارۋ مەن ساپالى قىزمەت وتەۋدى ۇشتاستىرۋعا تاباندى بولىپ، بازارعا كىرۋگە رۇقسات ەتۋ ٴتۇزىمىن كەمەلدەندىرىپ، ٴادىل، وركەنيەتتى زاڭ اتقارۋدى قاتاڭ ارناعا ٴتۇسىرۋدى ىلگەرىلەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن قۇلشىنا قۇرىپ، شارۋاشىلىق تۇلعالارىنىڭ ومىرشەڭ كۇشىن ۇزدىكسىز قاۋلاتۋ كەرەك.

ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: ونەركاسىپ ەكونوميكاسىنىڭ ورنىقتى ارتۋىن ىلگەرىلەتىپ، بيىلعى ەڭ سوڭعى ٴبىر اي ۋاقىتتى مىقتى يگەرىپ، سەنىمدى بەكەمدەپ، قايراتتانا ىسكەرلىك كورسەتىپ، نازاردى ٴتۇيىندى كاسىپ سالالارى مەن شەشۋشى كاسىپ سالاسى تىزبەگىنە شوعىرلاندىرىپ، ٴتۇيىندى كاسىپورىنداردىڭ ٴونىمدى ارتتىرۋىن، ونىمدىلىكتى جوعارىلاتۋىن ىلگەرىلەتىپ، كەلەلى نىسان قۇرىلىستارىن جەدەلدەتىپ، ٴوندىرىس حاۋىپسىزدىگى تومەنگى شەگىن باتىل ساقتاپ، تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن بار كۇشپەن ورىنداۋ كەرەك. ەرەكشە، باسىمدىققا يە كاسىپ سالالارىنىڭ دامۋىن، زورايۋىن جەدەل ىلگەرىلەتىپ، نازاردى مۇناي ـ گاز، كومىر، كەن ونىمدەرى، جاڭا ەنەرگيا سياقتى ٴتۇيىندى سالالارعا شوعىرلاندىرىپ، كاسىپ سالاسى تىزبەگىن ورنالاستىرىپ، ٴداستۇرلى كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى بار كۇشپەن ىلگەرىلەتىپ، ستراتەگيالىق جاڭادان گۇلدەنگەن كاسىپ سالالارىن جەتىلدىرىپ، زورايتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، شينجياڭنىڭ ەرەكشە، باسىمدىققا يە وسىزاماندانعان كاسىپ سالاسى جۇيەسىن ورناتۋ كەرەك. كاسىپ سالاسى دامۋىنىڭ باياندىلىعى مەن باسەكەلىك قۋاتىن كۇشەيتىپ، كۇش سالۋ ٴتۇيىنىن، قامال الۋ ٴتۇيىنىن ٴداپ باسىپ تاۋىپ، ولقى كاسىپ سالالارىنىڭ تىزبەكتى تولىقتاۋىن، باسىمدىققا يە كاسىپ سالالارىنىڭ تىزبەكتى ۇزارتۋىن، ٴداستۇرلى كاسىپ سالالارىنىڭ تىزبەك دارەجەسىن جوعارىلاتۋىن، جاڭادان گۇلدەنگەن كاسىپ سالالارىنىڭ تىزبەك قۇرۋىن بەلسەنە ىلگەرىلەتىپ، كاسىپ سالاسىنىڭ نەگىزدىك يقۋاتى مەن كاسىپ سالاسى تىزبەگىنىڭ وسىزاماندانۋ دەڭگەيىن جوعارىلاتۋ كەرەك.

ما شيڭرۇي بىلاي دەپ باسا دارىپتەدى: جەر ـ جەر، تاراۋلار ماسەلەنى ىشكەرىلەي زەرتتەۋدى، ماسەلەنى كۇش سالا شەشۋدى قىزمەتتى ىلگەرىلەتۋدىڭ ماڭىزدى ٴادىسى ەتىپ، شەشۋشى ماسەلەلەردى ٴدال زەرتتەۋگە، جەتە زەرتتەۋگە كۇش سالىپ، رەفورما وي جەلىسى مەن ٴادىسى ارقىلى ٴتۇيىندى قىزمەتتەردىڭ ۇزدىكسىز تىڭ ساتىعا كوتەرىلۋىن ىلگەرىلەتۋى كەرەك. ٴار دارەجەلى باسشى كادرلار يدەيانى ازات ەتىپ، شىندىقتى ٴىس جۇزىنەن ىزدەپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، ٴىس تىندىرعىسى كەلەتىن، ىستەي الاتىن، ٴىس تىندىرا الاتىن قابىلەت ونەرىن ۇزدىكسىز جوعارىلاتىپ، جوعارى ساپالى دامۋدى ىلگەرىلەتۋ مىندەتى مەن بورىشىن اناعۇرلىم ويداعىداي ارقالاۋى كەرەك.

چىن ۋيجۇن، ٴيۇسۇپجان مامەت، سۇن حۇڭمەي تەكسەرۋ ـ زەرتتەۋگە قاتىناستى.