ياڭ شيۋلي قۇلجا قالاسىندا نەگىزگى ساتى كادرلارى مەن بۇقاراسىنان حال سۇرادى

نەگىزگى ساتىنىڭ نەگىزىن بەكەمدەپ، قونىستانۋعا جايلى، كاسىپكە قولايلى ٴارى كورىكتى اۋىل ـ قىستاق قۇرۋعا قۇلشىنۋ كەرەك

سۋرەتتە: وبلىستىق پارتكومنىڭ شۋجيى ياڭ شيۋلي قۇلجا قالاسى كەپەكجۇزى اۋىلى ارا ٴمالى قىستاعىنداعى انار ٴدانى مەيىر باعىشتاۋ كىتاپ ۇيىندە وقۋشىلارمەن پىكىر الماستىرۋدا.  سۇن ي - نان فوتوسى

تىلشىلەرىمىز ما چىڭلۋ، سۇن ي - نان، چين لەي حابارلايدى. 1 ـ ايدىڭ 15 ـ كۇنى ىلە وبلىستىق پارتكومنىڭ شۋجيى ياڭ شيۋلي قۇلجا قالاسى كەپەكجۇزى اۋىلى ارا ٴمالى قىستاعىنا، ٴپانجىم قالاشىعى اقتوبە قىستاعىنا بارىپ، نەگىزگى ساتى كادرلارى مەن بۇقاراسىنان حال سۇراپ، ولارعا مەيىر جەتكىزىپ، شابىت بەردى. ول مىنالاردى باسا دارىپتەدى: اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى وبلىستىق پارتكومنىڭ قىزمەت ٴماجىلىسى مەن اۆتونوميالى وبلىستىق ەكى ٴماجىلىستىڭ ورنالاستىرۋلارى مەن تالاپتارى بويىنشا پارمەندى شارالار ارقىلى نەگىزگى ساتىنىڭ نەگىزىن بەكەمدەپ، اۋىل ـ قىستاقتىڭ جاپپاي گۇلدەنۋىن ىلگەرىلەتىپ، قونىستانۋعا جايلى، كاسىپكە  قولايلى ٴارى كورىكتى اۋىل ـ قىستاق قۇرۋعا قۇلشىنۋ كەرەك.

ارا ٴمالى قىستاعىنىڭ انار ٴدانى مەيىر باعىشتاۋ كىتاپحاناسىندا كوپتەگەن وقۋشى كىتاپ قارىز الىپ وقىپ وتىرعان بولاتىن. ”بالاقايلار، سەندەر بۇل كىتاپحاناعا كەلۋدى ۇناتاسىڭدار ما؟ ماۋسىمدىق ناتيجەلەرىڭ قالاي بولدى؟“ ياڭ شيۋلي ٴبىر جاعىنان، كىتاپتى اشىپ كورىپ، ٴبىر جاعىنان، وقۋشىلارمەن پىكىر اۋىستىردى. ياڭ شيۋلي بىلاي دەدى: جۇڭحۋا ۇلتى ورتاق تۇلعا تانىمىن بەكەمدەۋدى بالالاردان باستاپ يگەرىپ، ولارعا ساباقحانادا عىلمي بىلىمدەردى ۇيرەتۋمەن بىرگە، ساباقحانا سىرتىنداعى اماليات تاربيەسىن دە جۇرگىزۋ قاجەت. ول قاتىستى ادامدارعا وقۋشىلارعا يدەيالىق - ساياسي تاربيە جۇرگىزۋدى ويداعىداي يگەرۋگە ٴمان بەرىپ، مەكتەپ ىشىندەگى وقىتۋ ساپاسى مەن مەكتەپ سىرتىنداعى باسقارۋ دەڭگەيىن ٴبىر تۇتاس جوعارىلاتىپ، باسەكەلەسەتىن، ٴوزارا ۇيرەنەتىن، تەڭەلۋگە ۇمتىلاتىن، ٴوزارا كومەكتەسەتىن، باسىپ وزاتىن ۇيرەنۋ ورتاسىن بەلسەنە قالىپتاستىرىپ، ٴار ۇلت جاستارى مەن ورەندەرىنىڭ جاراسىمدى، جايلى ورتادا اقاۋسىز، كوڭىلدى ەسەيىپ - ەرجەتۋىنە مۇمكىندىك جاساۋدى تاپسىردى. ياڭ شيۋلي تاعى وتكىزىلۋ ۇستىندەگى اسپازدىققا تاربيەلەۋ كۋرسى ورنىنا كەلىپ، كۋرسانتتاردىڭ نەگىزگى جاعدايى مەن كۋرسىدان العان اسەرلەرىن مۇقيات ۇعىستى. ياڭ شيۋلي بىلاي دەدى: قىستاق مادەنيەت، دەنە تاربيە قيمىلدارى مەن تەحنيكالىق شەبەرلىككە باۋلۋ قيمىلدارىن كوبىرەك ورىستەتىپ، جۇمىستانۋ قابىلەتىن جوعارىلاتۋمەن بىرگە، قىستاق تۇرعىندارىنىڭ ات سالىسۋ بارىسىنداعى تاماشا تۇرمىسقا تالپىنىسىن جۇزەگە اسىرۋىنا مۇمكىندىك جاساۋ كەرەك.

ارا ٴمالى قىستاعىنىڭ كوشە بويىنداعى دۇكەندەردە زات سورەسىنە كوزدىڭ جاۋىن الاتىن تاۋارلار ٴتىزىلىپتى. ياڭ شيۋلي كاسىپ يەلەرىمەن ىقىلاستى اڭگىمەلەسىپ، تيجارات جاعدايىن ەگجەي - تەگجەيلى ۇعىستى، ٴبىر كاسىپ يەسىنىڭ ەڭبەككۇش دەلدالى ەكەنىن ٴارى ٴبىر توپ قىستاق تۇرعىنىن بىرگە اۋقاتتانۋعا باستاعانىن بىلگەننەن كەيىن ول قۋانا بىلاي دەدى: كوپشىلىك جەر تيجارات ۇقىعىن اينالىمعا سالۋدىڭ پايداسىن كوردى، جاڭا ٴبىر جىلدا ورايدى مىقتى يگەرىپ، ۇزدىكسىز كۇرەس جۇرگىزىپ، ٴتىپتى دە كوپ بايلىق جاراتىپ، ٴتىپتى دە كوپ قىستاق تۇرعىنىن جاقسى تۇرمىس كەشىرۋگە باستاۋدى ٴۇمىت ەتەمىن. ياڭ شيۋلي ارا ٴمالى قىستاعىنىڭ بۇلدىرگەن تەرۋ باقشاسى مەن اقتوبە قىستاعىنداعى جۇڭگوشا ٴدارى ماتەريالدارى عىلىم ـ تەحنيكا شاعىن اۋلاسىنا بارىپ، قاتىستى جاۋاپتى ادامنىڭ تانىستىرۋىن مۇقيات تىڭداعاننان كەيىن ولاردى بازاردى بەلسەنە اشىپ، عىلىم ـ تەحنيكا قۋاتىن كۇشەيتىپ، كاسىپ تىزبەگىن ونان ارى ۇزارتىپ، قوسىمشا قۇندى ارتتىرىپ، ۇزدىكسىز زورايتۋعا، كۇشەيتۋگە شابىتتاندىردى.

ياڭ شيۋلي ارا ٴمالى قىستاعى مەن اقتوبە قىستاعىنداعى پارتياعا، بۇقاراعا قىزمەت وتەۋ ورتالىعىندا اۋىل ـ قىستاق ەكى دارەجەلى كادرلارىمەن، قىستاقتا تۇراتىن كادرلارمەن ىشكەرىلەي پىكىر اۋىستىرىپ، كوپشىلىكتىڭ قىزمەتىن تۇراقتاندىردى ٴارى مىنالاردى باسا دارىپتەدى: قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، اۋىل ـ قالاشىق (ٴمالى)، قىستاق (الەۋمەتتىك اۋماق) سىندى تەتىكتى مىقتى يگەرىپ، ورنىقتىلىقتى يگەرۋ جانە دامۋدى جەبەۋ سىندى ەكى جاقتى قىزمەتتى ٴبىر تۇتاس جوسپارلاۋدى كۇشەيتىپ، ورنىقتىلىقتى قورعاۋ كۇشتەرىنىڭ نەگىزگى ساتىعا ٴتۇسۋىن ۇدايىلاندىرىپ ىلگەرىلەتىپ، نەگىزگى ساتى كۇشتەرىنەن عىلمي، ٴبىر تۇتاس، ويداعىداي پايدالانىپ، نەگىزگى ساتىنىڭ ورنىقتىلىقتى قورعاۋ نەگىزىن ۇزدىكسىز بەكەمدەۋ كەرەك. اۋىل شارۋاشىلىعىن، اۋىل ـ قىستاقتى وسىزامانداندىرۋ قۇرىلىسىنىڭ اياق الىسىن جەدەلدەتىپ، جەر تيجارات ۇقىعىن جۇيەلى اينالىمعا سالۋدى ٴتارتىپتى ىلگەرىلەتىپ، سۋدى ۇنەمدەپ تامشىلاتىپ سۋارۋدى وزەك ەتكەن جوعارى ولشەمدى ەگىنجاي قۇرىلىسىن مىقتى يگەرىپ، جەرگىلىكتى جاعدايعا قاراي اۋىل ـ قىستاقتىڭ ەرەكشە كاسىپ سالاسىن دامىتىپ، ەڭبەككۇشتەردى كاسىپتىك شەبەرلىككە باۋلۋدى جانە تارتىپپەن باسقا سالاعا ويىستىرىپ جۇمىستاندىرۋدى كۇشەيتىپ، ٴتىپتى دە كوپ ەگىنشى ـ مالشىلاردىڭ قالا ـ قالاشىقتارعا شوعىرلانۋىن، ورنىقتى جۇمىستانۋىن جەبەۋ كەرەك. نەگىزگى ساتى ۇيىمىن ۇزدىكسىز كۇشەيتىپ، قىستاقتا تۇراتىن قىزمەت اترەتىنىڭ رولىن تولىق ساۋلەلەندىرىپ، پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋدى كۇشەيتىپ، اۋىل - قىستاقتا ەسكى سالت - سانانى وزگەرتۋدى ىلگەرىلەتىپ، نەگىزگى ساتى كادرلارىنىڭ ”سىرتقا شىعىپ“ ۇيرەنۋ تەبىنىن ارتتىرىپ، حالىق ٴۇشىن قىزمەت ىستەۋ ۇستانىمى مەن قابىلەتىن كۇش سالا جوعارىلاتىپ، نەگىزگى ساتى پارتيا ۇيىمىن بۇقاراعا قىزمەت وتەۋدىڭ، ورنىقتىلىقتى قورعاۋدىڭ، بولشەكتەۋشىلىككە قارسى تۇرۋدىڭ بەرىك جاۋىنگەر قامالى ەتىپ قۇرىپ شىعۋ كەرەك. نەگىزگى ساتى كادرلارىنا كوڭىل ٴبولىپ، قامقورلىق جاساپ، ساياسي قامقورلىق، قابىلەتتى جوعارىلاتۋ، مامىلەنى قامتاماسىز ەتۋ، قاتاڭ باسقارۋ، مەيىر جەتكىزۋ سياقتى جاقتارعا كوبىرەك كۇش سالىپ، نەگىزگى ساتىنىڭ اۋىرتپالىعىن جەڭىلدەتۋ تالابىن مۇقيات تياناقتاندىرىپ، مەرزىم بويىنشا امانداسا بارىپ حال سۇراپ، قيىنشىلىقتارىن شەشۋىنە كومەكتەسىپ، نەگىزگى ساتى كادرلارىن جاۋاپكەرلىك ارقالاپ، ىسكەرلىك كورسەتۋگە، ٴىس تىندىرىپ، ناتيجە جاراتۋعا ونان ارى ىنتالاندىرۋ كەرەك.