ما شيڭرۇي اۆتونوميالى رايوندىق 10 ـ كەزەكتى ٴتارتىپ تەكسەرۋ كوميتەتىنىڭ بەسىنشى جالپى ماجىلىسىندە بىلاي دەپ باسا دارىپتەدى

شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قورعان بولۋ كەرەك

ەركىن تۇنياز، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى

　　1 ـ ايدىڭ 16 ـ كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى ٴتارتىپ تەكسەرۋ كوميتەتىنىڭ بەسىنشى جالپى ٴماجىلىسى ۇرىمجىدە اشىلدى.

□ سۋرەتتى انار بۇلت \ شينجياڭ گازەتىنىڭ ٴتىلشىسى شيە لۇڭ تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 1 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق 10 ـ كەزەكتى ٴتارتىپ تەكسەرۋ كوميتەتىنىڭ بەسىنشى جالپى ٴماجىلىسى 1 ـ ايدىڭ 16 ـ كۇنى اشىلدى، ٴماجىلىس 2024 ـ جىلعى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن قورىتىندىلادى، 2025 ـ جىلعى ٴتۇيىندى مىندەتتەردى ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن كۇشەيتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ماڭگى بويكۇيەزدىككە سالىنبايتىن رۋحاني كۇيمەن پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، شىرىكتەسۋگە قارسى كۇرەستى بۇلجىماي ىلگەرىلەتىپ، وسى قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىلدىقپەن ويداعىداي جۇرگىزىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قورعان بولۋ كەرەك.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ٴتارتىپ تەكسەرۋ كوميتەتىنىڭ شۋجيى، باقىلاۋ ـ تەكسەرۋ كوميتەتىنىڭ مەڭگەرۋشىسى تيان شياڭلي ٴماجىلىستى باسقاردى، اۆتونوميالى رايوندىق ٴتارتىپ تەكسەرۋ كوميتەتى تۇراقتى كوميتەتى اتىنان بايانداما جاسادى ٴارى ٴسوز سويلەدى.

ما شيڭرۇي بىلاي دەپ اتاپ كورسەتتى: باس شۋجي شي جينپيڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە ماڭىزدى ٴسوز سويلەپ، وتكەن ٴبىر جىلدا پارتيانى جاپپاي قاتاڭ باسقارۋداعى جاڭا ىلگەرىلەۋشىلىكتەردى، جاڭا ناتيجەلەردى تولىق تۇراقتاندىردى، شىرىكتەسۋگە قارسى كۇرەستىڭ نەگىزگى زاڭدىلىعىن اسقاق تاريحي شالىمدىلىقپەن تەرەڭ يگەرىپ، كەزەكتەگى شىرىكتەسۋگە قارسى كۇرەستىڭ جاعدايىنا ىشكەرىلەي تالداۋ جاساپ، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىل ويداعىداي جۇرگىزۋ جونىندە ايقىن تالاپ قويىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋگە ستراتەگيالىق ورنالاستىرۋ جاساپ، پارتيانى جاپپاي قاتاڭ باسقارۋدى جانە شىرىكتەسۋگە قارسى كۇرەستى ىشكەرىلەي ىلگەرىلەتۋگە ماڭىزدى بويسۇنۋ ولشەمىن ازىرلەدى. ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، ”شىرىكتەسۋگە قارسى كۇرەستى سوڭىنا دەيىن جۇرگىزۋدىڭ“ توتەنشە ماڭىزدىلىعىن تاريحي شالىمدىلىقپەن، ستراتەگيالىق بيىكتەن تەرەڭ تانىپ، ستراتەگيالىق تاباندىلىقتى جانە تەگەۋرىندى كۇيدى ساقتاپ، ٴبىر قادام دا ايالداماي، جارتى قادام دا جول بەرمەي، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، ستيلى پاك، سالتى دۇرىس ساياسي ەكولوگيانى جانە تاماشا دامۋ ورتاسىن قۇلشىنا قالىپتاستىرۋ كەرەك.

ما شيڭرۇي بىلاي دەپ اتاپ كورسەتتى: 2024 ـ جىلى بۇكىل رايونداعى ٴار دارەجەلى پارتيا ۇيىمدارى جانە ٴتارتىپ تەكسەرۋ، باقىلاۋ ـ تەكسەرۋ ورگاندارى شىرىكتەسۋگە، ٴسوز جوق، قارسى تۇرۋعا، قياناتشىلدىقتى، ٴسوز جوق، جويۋعا تاباندى بولىپ، شينجياڭنىڭ پارتيا ستيلى، پاكتىك قۇرىلىسىندا جانە شىرىكتەسۋگە قارسى كۇرەستە تىڭ ىلگەرىلەۋشىلىكتەرگە، تىڭ ناتيجەلەرگە قول جەتكىزۋىن ىلگەرىلەتتى، ناتيجەلەر تولىق تۇراقتاندىرۋعا تاتيدى. سونىمەن بىرگە شينجياڭنىڭ شىرىكتەسۋگە قارسى كۇرەس جاعدايىنىڭ ٴالى دە قاتاڭ دا كۇردەلى، مىندەتىنىڭ ٴالى دە جاپالى دا اۋىر ەكەندىگىن دە سەرگەكتىكپەن تانۋ كەرەك. رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا، ٴسوز جوق، تاباندى بولىپ، توقتاۋسىز ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، شينجياڭنىڭ پارتيانى جاپپاي قاتاڭ باسقارۋدا ۇزدىكسىز جاڭا جاعداي اشۋىن ىلگەرىلەتۋ كەرەك. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ارقاۋ ەتە وتىرىپ ساياسي باقىلاۋدى كۇشەيتۋ كەرەك. پارتيانىڭ جاسامپاز نازارياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن شينجياڭ قىزمەتىن تارازىلايتىن ماڭىزدى ولشەم ەتىپ، ساياسي تارتىپكە جانە ساياسي قاعيداعا قاتاڭ بويسۇنىپ، ”جەتى نىساي“ ماسەلەسىن دەر كەزىندە بايقاپ، كۇش سالا شەشىپ، شارلاۋدىڭ وتكىر قانجارلىق رولىن اناعۇرلىم ويداعىداي ساۋلەلەندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن پارمەندى باقىلاۋ ارقىلى قامتاماسىز ەتىپ، ”ەكىنى تۇراقتاندىرۋدىڭ“ جۇرت جۇرەگىنە اناعۇرلىم تەرەڭ ۇيالاۋىن، ”ەكىنى قورعاۋدا“ اناعۇرلىم تاباندى، سانالى بولۋدى ىلگەرىلەتۋ كەرەك. پارتيا ٴتارتىبىن ۇيرەنۋ تاربيەسى جەتىستىكتەرىن بەكەمدەۋ، تەرەڭدەتۋ كەرەك. ۇنەمىلىك ٴتارتىپ تاربيەسى مەن شوعىرلى ٴتارتىپ تاربيەسىن ۇشتاستىرۋعا تاباندى بولىپ، ٴتارتىپتى ۇيرەنۋدى، ٴتارتىپتى ٴبىلۋدى، ٴتارتىپتى ايقىنداۋدى، تارتىپكە بويسۇنۋدى ۇدايىلاندىرا، ۇزاق ٴونىمدى ىلگەرىلەتىپ، پارتيا ٴتارتىبى تاربيەسىنىڭ تەجەۋ، قامتاماسىز ەتۋ، شابىتتاندىرۋ رولىن جان ـ جاقتى ساۋلەلەندىرىپ، ”ٴتورت ٴتۇرلى فورماتسيانى“ دالمە ـ ٴدال قولدانىپ، شىنداپ كىرىسىپ، قيىن تۇيىندەرگە سايىس جاريالاي وتىرىپ ٴتارتىپ اتقارۋدى كۇشەيتىپ، پارتيا مۇشەلەرىن، كادرلاردى قاعيداعا، تارتىپكە بويسۇنۋ بارىسىندا رەفورما جاساپ جاڭالىق اشۋعا، ٴىس تىندىرىپ ناتيجە شىعارۋعا جەتەكتەۋ كەرەك. بۇرىس ستيلدەر مەن شىرىكتەسۋ ماسەلەلەرىن بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتۋ كەرەك. ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرۋعا تاباندى بولىپ، شىرىكتەسۋگە قارسى تۇرۋدىڭ تەگەۋرىندى كۇيىن باستان ـ اياق ساقتاپ، ساياسي ماسەلە مەن ەكونوميكالىق ماسەلە قاباتتاسقان شىرىكتەسۋ دەلولارىن ٴتۇيىندى تەكسەرىپ ٴبىر جاقتى ەتىپ، ۇقىق شوعىرلانعان، قارجى توپتالعان، بايلىق شوعىرلانعان سالالارداعى شىرىكتەسۋدى ىشكەرىلەي وڭاپ، ٴبىرىنشى باسشى مەن باسشىلىق القاسىنىڭ مۇشەلەرى قاتارلى ٴتۇيىندى وبيەكتىلەردى باقىلاۋدى كۇشەيتىپ، پارا الۋ مەن پارا بەرۋدى بىرگە تەكسەرۋدى تەرەڭدەتۋ كەرەك. ورتالىقتىڭ 8 ٴتۇرلى بەلگىلەمەسىن قۇرىش قاعيدا، بەرىك ولشەم ەتىپ، قاسارىسىپ تارتىپكە قايشىلىق جاساۋ ارەكەتتەرىن استە راقىم ەتپەي تەكسەرىپ ٴبىر جاقتى ەتىپ، دەلو ارقىلى تۇزەتۋدى، باسقارۋدى جەبەۋدى كۇشەيتىپ، رەفورماعا، دامۋعا تاماشا ەكولوگيا قالىپتاستىرۋ كەرەك. بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن وڭاۋدى ٴۇرتىس تەرەڭدەتۋ كەرەك. نازاردى اۋداننان تومەنگى شەشۋشى بۋىندارعا شوعىرلاندىرىپ، ”جەمقور شىبىن، شىرىكتەسكەن قۇمىرىسقالاردى“ جازالاۋعا ٴۇرتىس كۇش سالىپ، بۇقارانىڭ مۇددەسىنە قول سوزعان ”قارا قولداردى“ باتىل ٴۇزىپ، جۇيەلى وڭاۋ ارقىلى دامۋدى قامتاماسىز ەتىپ، حالىق تۇرمىسىن جاقسارتىپ، حالىق تۇرمىسى سالاسىنداعى قيىن تۇيىندەردى، سىزداۋ تۇيىندەرىن ٴونىمدى شەشىپ، فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ٴونىمدى مەحانيزمىن تياناقتاندىرىپ، رەفورما، دامۋ جەتىستىكتەرىنىڭ ٴار ۇلت بۇقاراسىن اناعۇرلىم ويداعىداي، اناعۇرلىم ٴادىل يگىلىككە كەنەلتۋىن ىلگەرىلەتۋ كەرەك.

ما شيڭرۇي بىلاي دەپ باسا دارىپتەدى: پارتيانى جاپپاي قاتاڭ باسقارۋ ساياسي جاۋاپكەرشىلىگىن قاتايتۋ، ناقتىلاندىرۋ كەرەك، ٴار دارەجەلى پارتكومدار ىرىقتىلىقپەن يگەرىپ، ىرىقتىلىقپەن باسقارۋى، نەگىزگى باسشى كادرلار ٴبىرىنشى جاۋاپتى ادام بولۋ سىندى جاۋاپكەرشىلىگىن ويداعىداي اتقارۋى، جوعارى ارقىلى تومەنگە باستاماشى بولا وتىرىپ تياناقتاندىرۋدى يگەرۋى، ەرەكشە ۇقىققا باستاماشىلدىقپەن قارسى تۇرۋى، تۋىس ـ تۋعاندارىن جانە جانىنداعى ادامداردى ويداعىداي باسقارۋى كەرەك. ٴتارتىپ تەكسەرۋ كوميتەتى ارناۋلى باقىلاۋ جاۋاپكەرشىلىگىن ويداعىداي اتقارىپ، نازاردى نەگىزگى جاۋاپكەرشىلىككە شوعىرلاندىرىپ، نەگىزگى كاسىپتى ويداعىداي ىستەۋى كەرەك. ٴارقايسى جاۋاپكەرشىلىك نەگىزگى تۇلعالارى جاۋاپكەرشىلىكتى ٴبىلۋى، جاۋاپكەرشىلىكتى ارقالاۋى، جاۋاپكەرشىلىكتى اتقارۋى، پارتيانى باسقارۋ، پارتيانى جونگە سالۋ جاۋاپكەرشىلىگىنىڭ تىڭعىلىقتى تياناقتاندىرىلۋىن ىلگەرىلەتۋى كەرەك. ٴتارتىپ تەكسەرۋ، باقىلاۋ ـ تەكسەرۋ قىزمەتىن ارناعا ٴتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇش سالا ىلگەرىلەتىپ، كادرلاردىڭ ساياسي قۇرىلىسىن، قابىلەت قۇرىلىسىن، ستيل قۇرىلىسىن، پاكتىك قۇرىلىسىن كۇشەيتىپ، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جۇرگىزەتىن ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن تۇلعالاۋ كەرەك.

تيان شياڭلي ٴماجىلىستى باسقارعاندا بىلاي دەپ اتاپ كورسەتتى: بۇكىل رايونداعى ٴار دارەجەلى پارتيا ۇيىمدارى مەن ٴتارتىپ تەكسەرۋ، باقىلاۋ ـ تەكسەرۋ ورگاندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ جانە اۆتونوميالى رايوندىق پارتكومنىڭ ورنالاستىرۋلارىن، تالاپتارىن تياناقتاندىرىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارىپ، سەنىمدى بەكەمدەپ، باتىلدىقپەن كۇرەس جۇرگىزىپ، جاڭا جورىقتاعى ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جوعارى ساپالى دامۋىن ٴۇرتىس ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارتيانى جاپپاي قاتاڭ باسقارۋدىڭ جاڭا ونىمدىلىكتەرى ارقىلى پارمەندى قامتاماسىزدىق ازىرلەۋى كەرەك.

چىن ۋيجۇن، ٴيۇسۇپجان مامەت، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القا مۇشەلەرى، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، اۆتونوميالى رايوندىق ٴتارتىپ تەكسەرۋ كوميتەتىنىڭ مۇشەلەرى، رايونعا (ورتالىققا) توتە قاراستى ورىندارداعى جاۋاپتى جولداستار، ايماقتىق، وبلىستىق، قالالىق ۇكىمەتتەردەگى (اكىمشىلىك مەكەمەسى) جاۋاپتى جولداستار، ت.ب نەگىزگى ٴماجىلىس الاڭىندا ماجىلىسكە قاتىناستى. ٴارقايسى ايماق، وبلىس، قالالاردا، اۋدان، قالا، رايونداردا، بيڭتۋان ورگاندارىندا جانە ٴارقايسى شى، قالالاردا بولىمشە ٴماجىلىس الاڭى قۇرىلدى.