ما شيڭرۇي اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ اۋىل شارۋاشىلىعى سالاسى مەن قورشاعان ورتا، بايلىق سالاسى بىرىككەن گرۋپپالار تالقىسىنا قاتىناسقاندا بىلاي دەپ باسا دارىپتەدى

اۋىل شارۋاشىلىعى ٴوندىرىس قابىلەتىن جوعارىلاتىپ، اۋىل ـ قىستاقتى جاپپاي گۇلدەندىرۋدى ىلگەرىلەتىپ، ەكولوگيانى وڭاۋ ونىمدىلىگىن جاپپاي جوعارىلاتىپ، كورىكتى شينجياڭدى قۇلشىنا قۇرۋ كەرەك

نۇرلان ٴابىلماجىن قاتىناستى

1 ـ ايدىڭ 19 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ اۋىل شارۋاشىلىعى سالاسى مەن قورشاعان ورتا، بايلىق سالاسى بىرىككەن گرۋپپالار تالقىسىنا قاتىناسىپ، ساياسي كەڭەس مۇشەلەرىنە امانداسىپ، پىكىر ـ ۇسىنىستاردى تىڭدادى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 1 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 ـ ايدىڭ 19 ـ كۇنى تۇستەن كەيىن اۆتونوميالى رايوندىق ساياسي كەڭەس 13 ـ كەزەكتى كوميتەتى 3 ـ ٴماجىلىسىنىڭ اۋىل شارۋاشىلىعى سالاسى مەن قورشاعان ورتا، بايلىق سالاسى بىرىككەن گرۋپپالار تالقىسىنا قاتىناسىپ، ساياسي كەڭەس مۇشەلەرىنە امانداسىپ، پىكىر ـ ۇسىنىستاردى تىڭدادى. ول بىلاي دەپ باسا دارىپتەدى: ”مەملەكەتتىڭ زور ٴىسىن“ باستان ـ اياق كوكەيدە ساقتاپ، اۋىل شارۋاشىلىعىن، اۋىل ـ قىستاقتى الدىمەن دامىتۋعا تاباندى بولىپ، استىق جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋ قابىلەتىن ۇزدىكسىز جوعارىلاتىپ، مەملەكەتتىڭ استىق حاۋىپسىزدىگىن قامتاماسىز ەتۋگە شينجياڭنىڭ جاڭا ۇلەسىن قوسۋ كەرەك. شينجياڭنىڭ ەكولوگيالىق ورتاسىن قورعاۋدىڭ جاعدايىن، مىندەتىن تەرەڭدەي يگەرىپ، ٴتۇيىندى سالالارداعى ەكولوگيانى وڭاۋدىڭ ونىمدىلىگىن ۇزدىكسىز بەكەمدەپ، ەكولوگيالىق ورتانى قورعاۋ ونىمدىلىگىن جاپپاي جوعارىلاتىپ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك.

اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن تالقىعا قاتىناستى.

بىرىككەن گرۋپپالار جيىنىندا اۆتونوميالى رايوندىق ساياسي كەڭەستىڭ مۇشەلەرى جاڭ رۇي، ٴايساجان ابىلا، ليۋ ۋجۇن، جاۋ جىگاڭ، سۇلتان دانيارقان، ما كاي، ي يۋانرۇڭ ىلگەرىندى ـ كەيىندى سوزگە شىعىپ، وڭتۇستىك شينجياڭدا قىس ماۋسىمىندا جەمىس ـ جيدەك، كوكونىسپەن قامداۋ بازاسىن قۇرۋ، مال شارۋاشىلىعىن، مادەنيەت ـ ساياحاتتى توعىستىرۋ ارقىلى كاسىپ سالاسى دارەجەسىن ٴوسىرۋدى ىلگەرىلەتۋگە دەم بەرۋ، عىلىم ـ تەحنولوگيا ارقىلى وسى زامانعى مال شارۋاشىلىعىن دامىتۋعا تىرەك بولۋ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ دەڭگەيىن جوعارىلاتۋ، وڭتۇستىك شينجياڭ سۋ بايلىعىن جوعارى ٴونىمدى، سايكەستى پايدالانۋدى جەدەلدەتۋ، وڭتۇستىك شينجياڭ جەمىس ورمان شارۋاشىلىعىن تيپ جاڭالاپ دامىتۋ، كومىر نەگىزدى قاتتى جاراقسىز زاتتاردى بايلىققا اينالدىرىپ پايدالانۋ سياقتى قىزمەتتەردى ارقاۋ ەتىپ، قازىرگى جاعدايدى كەڭەستى، ماسەلەلەردى ىزدەدى، ۇسىنىستار قويدى. ما شيڭرۇي قاتىستى قىزمەتتەر جونىندە سوزگە شىققان مۇشەلەرمەن ىشكەرىلەي اڭگىمەلەستى.

كوپشىلىكتىڭ ٴسوزىن تىڭداعان سوڭ، ما شيڭرۇي الدىمەن مىنالاردى ٴبىلدىردى: ۇكىمەت قىزمەتىنەن بايانداما _ ىنتا ـ جىگەرگە دەم بەرىپ، جۇرت كوڭىلىن سەرپىلتەتىن جاقسى بايانداما، مەن بۇكىلدەي قۇپتايمىن. ول بىلاي دەدى: وتكەن ٴبىر جىلدا تۇتاس شينجياڭدا جوعارىدان تومەنگە دەيىن باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جەتە ۇيرەنىپ، جەتە ٴتۇسىنىپ، شىنايى اتقارىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، يدەيانى ازات ەتىپ، جەرگىلىكتى جاعدايعا قاراي شىنايى يگەرىپ ناقتى ىستەپ، ەكونوميكانىڭ، قوعامنىڭ جوعارى ساپالى دامۋىندا تىڭ تابىسقا قول جەتكىزۋدى ىلگەرىلەتتى. ناتيجەگە قول جەتكىزۋ وڭايعا تۇسپەدى. ٴبىز وسى العا ىلگەرىلەۋ مەن وزگەرىس بارىسىنان شينجياڭنىڭ دامۋىن اناعۇرلىم جۇيەلى، جان ـ جاقتى، تەرەڭ تانىپ جەتىپ، باسىمدىق پەن كومەسكى كۇشتى ونان ارى يگەرىپ، ولقىلىقتاردى جانە جەتەرسىزدىكتەردى ٴدال تاۋىپ، جاڭا ٴبىر جىلدا ۇزدىكسىز ٴتۇبىردى بەكەمدەپ، نەگىزدى كۇشەيتىپ، ارتىقشىلىقتاردى شىڭداپ، ولقىلىقتاردى تولىقتاپ، شينجياڭنىڭ ٴارقايسى جاقتاعى وزگەشە باسىمدىعىن اناعۇرلىم ويداعىداي ساۋلەلەندىرىپ، جوعارى ساپالى دامۋدا اناعۇرلىم زور ونىمدىلىككە قول جەتكىزۋدى ىلگەرىلەتۋىمىز كەرەك.

ما شيڭرۇي بىلاي دەپ باسا دارىپتەدى: شينجياڭ اۋىل شارۋاشىلىعىنىڭ بايلىق ەرەكشەلىگى جاقسى، دامۋ كومەسكى كۇشى زور، وسى 2 جىلدا قۇلشىنىس جاساۋ ارقىلى استىق ٴونىم مولشەرى ۇزدىكسىز ارتىپ، ٴتۇرلى قىزمەتتىڭ ىلگەرىلەۋشىلىگى كورنەكتى بولىپ، مەملەكەت قىزمەتىنىڭ جالپى جاعدايىنا پارمەندى قىزمەت ەتتىك. ۇتىمدى ساتتەن پايدالانىپ العا ۇمتىلىپ، بەلسەنە ىسكەرلىك كورسەتىپ، مەملەكەتتىڭ استىق حاۋىپسىزدىگىن قامتاماسىز ەتۋگە جانە ماڭىزدى ەگىن، مال شارۋاشىلىعى ونىمدەرىمەن قامداۋعا تىڭ ۇلەس قوسۋ كەرەك. استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋدى جاپپاي تياناقتاندىرىپ، استىق ٴوندىرىسى ورنالاسىمى مەن قۇرىلىمىن ساپالىلاندىرىپ، ەگىستىك جەردى قورعاۋ مەن جوعارى ولشەمدى ەگىنجاي قۇرىلىسىن كۇشەيتىپ، ەگىستىك جەر كولەمىن ٴتارتىپتى كەڭەيتىپ، استىقپەن قامداۋ، قامتاماسىز ەتۋ قابىلەتىن ۇزدىكسىز جوعارىلاتۋ كەرەك. ماقتا ەگىمشىلىگى كولەمىن جانە ٴوندىرىس قۋاتىن ورنىقتىرىپ، توقىماشىلىق، كيىم ـ كەشەك كاسىپ سالاسى تىزبەگىنىڭ ۇزدىكسىز تومەنگى بۋىندارعا قاراي ۇزارۋىن ىلگەرىلەتۋ كەرەك. ەگىن، مال شارۋاشىلىعىنداعى باستاماشى كاسىپورىنداردى جەدەل جەتىلدىرىپ، اۋىل شارۋاشىلىعى ونىمدەرىن وڭدەۋ كاسىپ سالاسى تىزبەگىن ۇزارتىپ، مال شارۋاشىلىعىن گۇلدەندىرۋ ارەكەتىن اتقارىپ، شينجياڭنىڭ ەرەكشەلىككە يە ەگىن، مال شارۋاشىلىعى ونىمدەرىنىڭ ساپاسىن، ونىمدىلىگىن جانە باسەكەلىك قۋاتىن ۇزدىكسىز جوعارىلاتۋ كەرەك. اۋىل ـ قىستاق رەفورماسىن تەرەڭدەتۋ قىزمەتىن ناقتى، ەگجەي ـ تەگجەيلى يگەرىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اۋىل ـ قىستاقتى جاپپاي گۇلدەندىرۋدە جاڭا وزگەرىستى ايگىلەۋدى ناتيجەلى ىلگەرىلەتۋ كەرەك.

ما شيڭرۇي بىلاي دەپ باسا دارىپتەدى: بىلتىردان بەرى ٴبىز شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، نازاردى ماڭىزدى سالالارعا شوعىرلاندىرا وتىرىپ قامال الۋ ورىستەتىپ، بەلسەندى ونىمدىلىككە قول جەتكىزدىك. شينجياڭنىڭ ەكولوگيالىق ورتاسىن قورعاۋدىڭ جاعدايىن، مىندەتىن تەرەڭ تانىپ جەتىپ، تاۋ، سۋ، ورمان، ەگىنجاي، كول، جايلىم، قۇمدى ٴبىر تۇلعالاندىرىپ قورعاۋدى جانە جۇيەلى وڭاۋدى ٴبىر تۇتاس جوسپارلاپ ىلگەرىلەتىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋىمىز كەرەك. جۇيەلى، عىلمي بولۋعا تاباندى بولىپ، ەكولوگيانى قالپىنا كەلتىرۋدىڭ كەلەلى ينجەنەريالارىن تىڭعىلىقتى ىلگەرىلەتىپ، تاكلاماكان ٴشول جيەگىن تورلاۋ جەتىستىكتەرىن ويداعىداي بەكەمدەپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدى ۇزدىكسىز كۇشەيتىپ، كومىر الاپتارىنداعى ٴورت اۋماقتارىن تىزگىندەۋدى ورنىقتى ىلگەرىلەتۋ كەرەك. ”سۋ“ قىزمەتىن ۇزدىكسىز ويداعىداي ىستەپ، اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ رولىن اناعۇرلىم ويداعىداي ساۋلەلەندىرىپ، سۋ ۇنەمدەۋ، سۋ ساقتاۋ، سۋ جەتكىزۋ، سۋدى مولايتۋ تەبىنىن ارتتىرىپ، كەلەلى سۋ يگىلىگى ينجەنەريالارى قۇرىلىسىن جەدەل ىلگەرىلەتىپ، سۋ بايلىعىن ۇنەمدى، شوعىرلى، جوعارى ٴونىمدى پايدالانۋ دەڭگەيىن ۇزدىكسىز جوعارىلاتۋىمىز كەرەك. ەنەرگيادان تازا، جوعارى ٴونىمدى پايدالانۋدى بار كۇشپەن ىلگەرىلەتىپ، جاڭا ەنەرگيانى قابىلداۋ قابىلەتىن جوعارىلاتىپ، دامۋ ٴتاسىلىنىڭ جاسىل، تومەن كومىر قىشقىل گازدى بولۋعا قاراي ويىسۋىن جەدەل ىلگەرىلەتۋىمىز كەرەك.

ما شيڭرۇي بىلاي دەپ باسا دارىپتەدى: جاڭا ٴبىر جىلدا شينجياڭ قىزمەتىن ويداعىداي ىستەۋدە حالىق ساياسي كەڭەسىنىڭ ارناۋلى كەڭەس قۇرىلىمىندىق ابزالدىلىعىن، رولىن ونان ارى ساۋلەلەندىرۋ كەرەك. اسىرەسە، قالىڭ ساياسي كەڭەس مۇشەلەرى ساياسي دەڭگەيدى جوعارىلاتىپ، جۇيەلى ويلاۋ جانە جالپى جاعداي كوزقاراسىن بەرىك ورناتىپ، تاريح پەن رەالدىقتى ساباقتاستىرۋ جانە سالىستىرۋ بارىسىنان ماسەلەگە تالداۋ جاساۋعا، ماسەلەنى زەرتتەۋگە شەبەر بولىپ، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى مىقتاپ ارقاۋ ەتىپ، ستراتەگيالىق، بولجامدى، باعىتتامالى شارالاردى، ۇسىنىستاردى كوبىرەك العا قويىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋگە جۇرت تىلەگىن ۇيىستىرۋى، كۇش ـ قۋات توپتاۋى كەرەك.

چىن ۋيجۇن، قادەن كابەن، كۇڭ شيڭلۇڭ تالقىعا قاتىناستى.