زەردەلى سارالاپ تەكسەرۋ + ادام كۇشىمەن قايتا تەكسەرۋ سىندى ەكى جاقتان قامتاماسىز ەتتى

سۋرەتتە: 3 - ايدىڭ 21 - كۇنى ەمدەۋ قىزمەتكەرلەرى زەردەلى ٴبىر تۇلعالاندىرىلعان ماشينادا ناۋقاستارعا قىزمەت وتەۋدە.  پىڭ كىشين  فوتوسى

تىلشىلەرىمىز گۋ رۇڭ، ٴپاتيما، ەرىكتى ٴتىلشى پىڭ كىشين حابارلايدى. 3 ـ ايدىڭ 21 ـ كۇنى قۇلجا اۋداندىق ەمدەۋ ورتاق تۇلعاسى باس شيپاحاناسىنىڭ ورتالىق ٴدارىحاناسىندا زەردەلى رەتسەپ تەكسەرۋ جۇيەسى سالىستىرىپ - تەكسەرگەننەن كەيىنگى ەلەكتروندىق رەتسەپ بويىنشا ناۋقاس ادامعا دالمە ـ ٴدال ٴدارى بەرىپ جاتقان ەمدەۋ قىزمەتكەرلەرى: ”وسى ٴدارى ـ دارمەك ٴىلىمى بويىنشا زەردەلى قىزمەت وتەۋ تۇعىرىن ەنگىزگەننەن بەرى، قازىر ٴار جولى ٴدارى العاندا ەكى جاقتان بىردەي سالىستىرىلاتىنىن كورىپ، الاڭسىز بولىپ قالدىق“ دەدى. زەردەلى ٴدارى - دارمەك ٴىلىمى بويىنشا قىزمەت وتەۋ تەكشەسى قولدانىسقا تۇسكەننەن بەرى سيفرلى رەتسەپ تەكسەرۋ جانە ادام كۇشىمەن تەكسەرۋ سىندى ەكى جاقتى قامتاماسىزداندىرۋ مەحانيزمى ارقىلى بۇقارانىڭ ٴدارى قولدانۋ حاۋىپسىزدىگى قامتاماسىزداندىرىلدى.

2024 ـ جىلى 8 - ايدا قۇلجا اۋداندىق دەنساۋلىق ساقتاۋ، سالاماتتىق كوميتەتى وڭىرلىك رەتسەپ تەكسەرۋ ورتالىعى قۇرىلىسىن الدىمەن باستاپ، بۇكىل اۋدانداعى ەمدەۋ قۇرىلىمدارىن قامتىعان رەتسەپ حاۋىپسىزدىگىن باقىلاۋ ـ باسقارۋ تورابىن بىرتىندەپ قالىپتاستىردى. بۇل ورتالىق زەردەلى ينفورماتسيا جۇيەسىن قۇرۋ نەگىزىندە، اۋدانىمىزداعى اۋداندىق حالىق شيپاحاناسى، انا - بالالاردىڭ دەنساۋلىعىن قورعاۋ شيپاحاناسى، جۇڭگوشا شيپاگەرلىك شيپاحاناسى سياقتى ەمدەۋ قۇرىلىمدارىنىڭ امبۋلاتورياسىندا تەكسەرىلگەندەر مەن بولنيتساعا جاتقانداردىڭ شيپاگەرلەرىنىڭ ايتۋى بويىنشا ٴدارى ٴىشۋىن اۋقىمدىق باقىلاۋ ـ باسقارۋ جۇيەسىنە جاپپاي ەنگىزدى. 2024 ـ جىلى 11 ـ ايعا دەيىن، ىلە وبلىسىنىڭ تۇڭعىش وڭىرلىك زەردەلى ٴدارى ـ دارمەك ٴىلىمى بويىنشا قىزمەت وتەۋ تۇعىرىنىڭ ٴساتتى تياناقتانۋىنا ىلەسە، بۇكىل اۋدانداعى بۇقارانىڭ ٴدارى قولدانۋ حاۋىپسىزدىگى ”زەردەلى سارالاپ تەكسەرۋ + ادام كۇشىمەن قايتا تەكسەرۋ“ سىندى ەكى جاقتان قامتاماسىز ەتىلدى.

وسى كىرە بەرىسكە قويىلعان زەردەلى رەتسەپ تەكشەسى قاراستى وڭىردەگى شيپاحانالاردىڭ، شيپاگەرلەردىڭ تاپسىرماسىن دەر كەزىندە تەكسەرىپ جانە ونى سارالاپ، شيپاحانا اتتاعان رەتسەپتەردى شوعىرلى تەكسەرۋ جاعىنداعى قاجەتتى قاناعاتتاندىرادى. باس شيپاحانانىڭ رەتسەپتى تەكسەرۋ ورتالىعى شيپاحانا رايونىنداعى جانە بولىمشە شيپاحانالارداعى رەتسەپتەردى، شيپاگەرلەردىڭ تاپسىرماسى بويىنشا ادام كۇشىمەن شوعىرلى تەكسەرۋ جۇرگىزىپ، زەردەلى جۇيە ارقىلى كومەسكى ماسەلەلەردى تەز ارادا سارالاپ، كلينيكالىق دارىگەرلىك بويىنشا كاسىپتىك جاقتان قايتا تەكسەرۋ جۇرگىزەدى. باس شيپاحانانىڭ ٴدارى ـ دارمەك جۇمسالىمىن باسقارۋ ورتالىعى كلينيكالىق دارىگەرلەردى كەزەكپەن تەكسەرۋگە ورنالاستىرۋ ٴتۇزىمىن اتقارىپ، اپتا سايىن كلينيكالىق دارىگەرلەردىڭ ٴبىر تۇتاس ولشەم بويىنشا ادام كۇشىمەن تەكسەرۋ جۇرگىزۋىنە كەپىلدىك ەتىلدى.

”قازىر باس شيپاحانامىز اۋداندىق حالىق شيپاحاناسىمەن، جۇڭگوشا شيپاگەرلىك شيپاحاناسىمەن، انا - بالالار دەنساۋلىعىن قورعاۋ شيپاحاناسىمەن اپتا سايىن كەزەكتەسىپ تەكسەرۋ جۇرگىزەدى، كۇنىنە ورتا ەسەپپەن امبۋلاتوريادا تەكسەرىلگەندەر مەن بولنيتساعا جاتىپ ەمدەلگەندەردەن 8000 نان استام ناۋقاستىڭ رەتسەبىن تەكسەرەدى. رەتسەپتەردى زەردەلى جۇيە جانە شيپاگەرلەردىڭ ارناۋلى تەكسەرۋى ارقىلى شيپاحانادا ۇيلەسىمسىز رەتسەپتەر زور مولشەردە ازايدى“ دەدى قۇلجا اۋداندىق ەمدەۋ ورتاق تۇلعاسى باس شيپاحاناسىنىڭ كلينيكالىق ٴدارى قىزمەتكەرى وشىر وجەت تانىستىرىپ.

قۇلجا اۋداندىق ەمدەۋ ورتاق تۇلعاسى باس شيپاحاناسى ٴدارى ـ دارمەك تىزىمدىگى، رەتسەپتى تەكسەرۋ جانە ٴدارى ـ دارمەك ىستەرىن باسقارۋ ٴتۇزىمىن بىرلىككە كەلتىرۋ ارقىلى ٴارقايسى شيپاحانا رايوندارىنىڭ، بولىمشە شيپاحانالاردىڭ ۇقساس جۇيەدەگى ٴدارى ـ دارمەك ٴبىلىم قامباسى مەن ەرەجە قامباسىنان ورتاق يگىلىكتەنۋدى جۇزەگە اسىرىپ، نەگىزگى ساتى ەمدەۋ قۇرىلىمدارىنىڭ ٴدارى قولدانۋ ولشەمىن كورنەكتى جوعارىلاتقاندىقتان، ناۋقاستاردىڭ ٴدارى قولدانۋى اناعۇرلىم حاۋىپسىز بولدى. اينالمالى ەكران ارقىلى ٴدارى قولدانۋ ساندى مالىمەتتەرىن دەر كەزىندە باقىلاپ، ۇيلەسىمدى ٴدارى قولدانۋ بەتالىسىن دالمە ـ ٴدال يگەرۋگە بولادى.

قۇلجا اۋداندىق ەمدەۋ ورتاق تۇلعاسى باس شيپاحاناسىنىڭ ٴدارى ـ دارمەك ساتىپ الۋعا جاۋاپتى قىزمەتكەرى مىڭ لۋانشين بىلاي دەدى: ”ٴدارى ـ دارمەك ساتىپ الۋ گرۋپپاسى نەگىزىنەن ورتالىق ٴدارىحانانىڭ ساتىپ الۋىنا جاۋاپتى بولىپ، 3 شيپاحانا رايونى مەن 20 بولىمشە شيپاحانانىڭ ٴدارى قولدانۋ قاجەتىنە كەپىلدىك ەتەدى. تۇتىنۋ مولشەرى نەداۋىر جوعارى بولعان دارىلەردى ٴبىز باعا كەسۋ جۇيەسى ارقىلى ەكى رەت باعاعا كەلىسىپ، بۇقارانىڭ ٴتىپتى دە ارزان، الاڭسىز ٴدارى - دارمەك ساتىپ الۋىنا مۇمكىندىك جاسادىق“.

قۇلجا اۋدانى وڭىرلىك رەتسەپ تەكسەرۋ ورتالىعى قۇرىلىسى ارقىلى اۋدان كولەمىندە رەتسەپ تەكسەرۋدى ولشەمدەندىرۋ، زەردەلىلەندىرۋدى جۇزەگە اسىرىپ، اۋدان كولەمىندەگى ساپالى ەمدەۋ بايلىعىن ٴونىمدى بىرىكتىرىپ، ەمدەۋ قۇرىلىمدارى اراسىنداعى سەلبەستىكتى، اۋىس ـ كۇيىستى جەبەپ، نەگىزگى ساتىداعى ٴدارى ـ دارمەك ٴىلىمى جاعىنان قىزمەت وتەۋدىڭ تيپىن وزگەرتۋدى ىلگەرىلەتىپ، ناۋقاستاردىڭ ەمدەلۋىنە اناعۇرلىم زور قولايلىلىق جاراتتى. قازىرگە دەيىن قۇلجا اۋدانىندا امبۋلاتوريادا جازىلىپ تەكسەرىلگەن رەتسەپتەردىڭ جالپى سانى 5000 نان استى، تولىمسىز رەتسەپ سانى 900 دەن استى، جۇيە جانە ادام كۇشى ارقىلى ەكى جاقتى وتكەلدى يگەرۋگە بۇرىلىس جاساعاننان كەيىن رەتسەپتىڭ تولىمدىلىق مولشەرى %82.6 كە جەتتى، بولنيتسا رايونىنداعى شيپاگەرلەدىڭ جالپى تەكسەرىپ بەكىتكەن رەتسەپ سانى 50 مىڭ رەتتەن، تولىمدى بولعان رەتسەپ سانى 43 مىڭ رەتتەن اسىپ، تولىمدىلىق مولشەرى %88.62 كە جەتتى.

قۇلجا اۋداندىق ەمدەۋ ورتاق تۇلعاسى باس شيپاحاناسى ٴدارى ـ دارمەك جانە اسپاپتاردى باسقارۋ ورتالىعىنىڭ ورىنباسار مەڭگەرۋشىسى شى ليجۇن بىلاي دەدى: ”ٴبىز زەردەلى رەتسەپتى زەردەلى تەكسەرۋ جۇيەسىن ەنگىزگەننەن كەيىن، ادام مەن ماشينا ۇشتاستىرىلعان ەكى جاقتى تەرگەۋ ۇلگىسىن قولدانىپ، ٴدارى قولدانۋ حاۋىپسىزدىگى جاعىنداعى تەكسەرۋ ونىمدىلىگى مەن دالدىگىن بىردەي جوعارىلاتتىق. مەجەمەن بيىل 6 ـ ايدىڭ سوڭىندا ٴبىز بۇكىل اۋدانداعى 20 بولىمشە شيپاحانانىڭ بارلىق امبۋلاتوريا رەتسەبى، شيپاگەردىڭ تاپسىرماسى، ناۋقاستارى جونىندە جاپپاي ەكى جاقتى تەكسەرۋ جۇرگىزەمىز، وسى ٴبىر قىدىرۋ جاڭالىق اشۋ شارالارى قۇلجا اۋدانىنىڭ اۋدان كولەمىندەگى ەمدەۋ ىستەرىنە پارمەندى قوزعاۋشى كۇش ۇستەيدى“.