ـــ جەرگىلىكتى جازۋشىلاردىڭ كىتاپ وقۋ اسەرلەرىمەن ٴبولىسۋ جينالىسى كىلۇن. چۋاننيڭ بيو تەحنولوگيا شەكتى جارنا سەرىكتەستىگىندە ٴوتتى

سۋرەتتە: وي ورتاقتاسۋ جينالىسىنىڭ ناق مايدانى. ۋاڭ يۇڭۋي فوتوسى

ەرىكتى ٴتىلشى ۋاڭ يۇڭۋي حابارلايدى. 4 - ايدىڭ 16 - كۇنى  قۇلجا قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى ۇيىمداستىرعان، قۇلجا قالالىق كىتاپحانا، ىلە چۋاننيڭ بيو تەحنولوگيا شەكتى جارنا سەرىكتەستىگى ۇستىنە الىپ وتكىزگەن ”مادەنيەتپەن نارلەندىرىلگەن، كىتاپ وقۋ مەرەيىنە شومعان قۇلجا“ اتىنداعى جەرگىلىكتى جازۋشىلاردىڭ كىتاپ وقۋ اسەرىمەن ٴبولىسۋ جينالىسى كىلۇن . چۋاننيڭ بيو تەحنولوگيا شەكتى جارنا سەرىكتەستىگىندە وتكىزىلدى. قيمىلعا جەرگىلىكتى جازۋشى جاڭ شييان ۇسىنىس ەتىلىپ، ول كاسىپورىنداعى قىزمەتكەرلەرمەن كىتاپ وقۋ جونىندەگى اسەرىن ٴبولىستى.

قيمىل بارىسىندا جاڭ شييان ٴوزىنىڭ شىعارماشىلىقپەن شۇعىلدانۋ بارىسى، جاسامپازدىق شابىتى جانە ادەبيەتكە دەگەن سۇيىسپەنشىلىگى مەن تاباندىلىعى جونىندە وي ورتاقتاسىپ، كوپشىلىكتى ادەبيەت الەمىنە تەرەڭ بويلاتىپ، شىعارماشىلىقتىڭ قۇدىرەتى مەن كۇش - قۋاتىن سەزىندىردى.

ىقپالداستىق بۋىنىندا جاڭ شييان ٴوز تاجىريبەسىمەن ۇشتاستىرىپ، ادەبيەت اۋەسكەرلەرىنە ”جاسامپازدىق پەن تۇرمىستىڭ تەپە - تەڭدىگىن قالاي ساقتاۋ“، ”جاسامپازدىق شابىتتى قالاي يگەرۋ“ سياقتى ماسەلەلەردى ٴتۇسىندىردى ٴارى كلاسسيكالىق كىتاپتاردى تانىستىرىپ، قىزمەتكەرلەردى كىتاپ وقۋ ارقىلى كوز ايالارىن كەڭەيتىپ، جازۋدان رۋحاني كۇش - قۋات الۋعا شابىتتاندىردى.

بۇعان كاسىپورىن قىزمەتكەرلەرى بەلسەنە ات سالىسىپ، كىتاپ وقۋ اسەرلەرى جونىندە وي ورتاقتاستىردى.

قۇلجا قالالىق مادەنيەت - دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، مادەنيەت مۇراجايىنىڭ باستىعى لي جينفىڭ بىلاي دەدى: جەرگىلىكتى جازۋشىلاردىڭ كىتاپ وقۋ جونىندە وي ورتاقتاستىرۋ جينالىسى − كاسىپورىن قىزمەتكەرلەرىن تاڭداۋلى ادەبي تۋىندىلار جونىندە وي ورتاقتاستىراتىن، مادەنيەت ساپاسىن جوعارىلاتاتىن تەكشەمەن قامدادى. بۇل جالپى حالىقتىڭ كىتاپ وقۋىن ىلگەرىلەتىپ، تاماشا مادەنيەت ورتاسىن جاراتۋدا كەلەلى ماڭىز الادى.