قالا تۇرعىندارى قۇلجا قالالىق حالىق باقشاسىندا ”15 - ٴساۋىر“ جالپى حالىقتىق مەملەكەت حاۋىپسىزدىگى تاربيەسى كۇنى ۇگىت تاقتالارىن كورۋدە.     بايىرتا فوتوسى

ەرىكتى تىلشىلەر بايىرتا، جاڭ كاڭ حابارلايدى. 4 ـ ايدىڭ 15 ـ كۇنى 10 ـ رەتكى جالپى حالىقتىق مەملەكەت حاۋىپسىزدىگى تاربيەسى كۇنى، قۇلجا قالاسى فورماسى الۋان ٴتۇرلى ۇگىت قيمىلىن ورىستەتتى.

سول كۇنى ۇگىت قيمىلىنىڭ نەگىزگى الاڭى بولعان قۇلجا قالالىق حالىق باقشاسىندا ادامدار ٴيىن تىرەستى، بۇل ارادا 9 ۇگىت رايونى قۇرىلىپ، ۇلكەن ەكران جانە كەڭەس بەرۋ تەكشەسىن قۇرۋ، عىلىم - تەحنولوگيا جەتىستىكتەرىن كورسەتۋ، ۇگىت - لەكسيا جاساۋ، ىقپالداسىپ باستان كەشىرۋ، مەملەكەت حاۋىپسىزدىگى تاقىرىپتىق تاربيە ساباعىن ٴوتۋ، حاتكەرلىك، سۋرەت تۋىندىلارىن جاراتۋ سياقتى تاسىلدەر ارقىلى جۇڭحۋا «حالىق رەسپۋبليكاسىنىڭ مەملەكەت حاۋىپسىزدىگى زاڭى» مەن مەملەكەت حاۋىپسىزدىگى بىلىمدەرىن جالپىلاستىردى.

حالىق باقشاسىنىڭ شىعىس قاقپاسىنىڭ كىرە بەرىسىندەگى ۇلكەن ەكراندا مەملەكەت حاۋىپسىزدىگىنە قاتىستى كەسكىندەر، سۋرەتتەر جانە ايشىقتى جازبا ۇراندار قايتالامالى قويىلىپ، بۇقارانىڭ مەملەكەت حاۋىپسىزدىگىنىڭ قامتيتىن سالالارىن تىكەلەي تۇسىنۋىنە مۇمكىندىك جاسالسا؛ ٴورت ٴسوندىرۋ، ورتتەن ساقتانۋ حاۋىپسىزدىگى ۇگىت رايونىندا ۇگىتتەۋ، كەڭەس بەرۋ تەكشەسى قۇرىلىپ، بۇقاراعا ٴورت ٴسوندىرۋ، ورتتەن ساقتانۋ بىلىمدەرىن، اسپاپتاردى دۇرىس پايدالانۋ سياقتى مازمۇنداردى ۇگىتتەپ ٴتۇسىندىردى.

عىلمي زەرتتەۋ جەتىستىكتەرىن كورسەتۋ رايونىندا عىلىم ـ تەحنولوگيا مودەلى، قۇلتەمىر ٴيت، زەردەلى سۋ ساعات، حالىق تۇرمىسىنا قاتىستى توپىراقتى قۇنارلاندىرۋ جەتىستىكتەرى، جەرگىلىكتى ەرەكشەلىككە يە جاڭا ٴسۇت ونىمدەرىن كورسەتىپ، عىلىم ـ تەحنولوگيانىڭ مەملەكەت حاۋىپسىزدىگىنە دەم بەرەتىن كۇشى مەن كۇندەلىكتى تۇرمىسقا جاسايتىن ىقپالىن ايگىلەدى.

باقشا ىشىندەگى جول جاعالاۋىنا ورنالاسقان ٴتۇيىندى سالالاردىڭ ۇگىتتەۋ، ٴتۇسىندىرۋ رايونىندا كورمە تاقتالار رەتىمەن قويىلىپ، قىزمەتكەرلەر قالا تۇرعىندارىنا مەملەكەت حاۋىپسىزدىگىنىڭ ماڭىزدى تۇيىندەرىن تۇسىندىرسە؛ ىقپالداسىپ باستان كەشىرۋ رايونىندا شاحمات ويىنى، ەكىلىكتى جايمالاپ جاۋاپ قايتارۋ سياقتى قىزىقتى ويىندارمەن قالا تۇرعىندارىنىڭ مەملەكەت حاۋىپسىزدىگى بىلىمدەرىن تۇسىنۋىنە مۇمكىندىك جاسالدى.

باقشانىڭ باتىس جاعىنداعى شەكارا حاۋىپسىزدىگى رايونىندا زاڭمەن باسقارۋ ويىنى مەن كورمە تاقتاسى ارقىلى ٴتۇسىندىرىلىپ، شەكارانىڭ ورنىقتىلىعى مەن ەكولوگيالىق حاۋىپسىزدىك باسا دارىپتەلسە؛ كەيبىر قىزمەتكەرلەر دەلو مىسالدارى ارقىلى «تىڭشىلىققا قارسى تۇرىپ، تىڭشىلىقتان ساقتانۋ» تۋراسىندا تۇسىنىك جاساپ، بۇقارانى تىڭشىلىق حاۋىپ - قاتەرىنەن ساقتانۋعا شاقىردى.

جاستار مەن ورەندەردىڭ قيمىل ورتالىعىندا وقۋشىلار مەملەكەت حاۋىپسىزدىگى نەگىزگى تاقىرىپتىق تاربيەسى ساباعىنا قاتىناستى، زەيىن سىناۋ سۇراۋ - جاۋاپتارى، عىلىم ـ تەحنولوگيا شاعىن تاجىريبەسى جاستار مەن ورەندەردىڭ ىزدەنىس جاساۋ ىنتاسىن قوزعادى؛ مادەنيەت جاسامپازدىعى تۋىندىلارىن كورسەتۋ رايونىندا حاۋىپسىزدىك تاربيەسى كەسكىندەرى قايتالاي قويىلۋمەن بىرگە، وقۋشىلاردىڭ حاتكەرلىك جازۋلارى مەن سۋرەتتەرى، عىلىم ـ تەحنولوگيالىق جاسامپازدىقتارى  جاستىق كوكتەم نازارىنداعى مەملەكەت حاۋىپسىزدىگى تانىمىن ايگىلەدى.

قۇلجا قالالىق 1 - باستاۋىش مەكتەپتىڭ وقۋشىسى ٴنازيرا ٴالىمجان بىلاي دەدى: ”ۇگىت قيمىلى ماعان مەملەكەت حاۋىپسىزدىگىن قورعاۋ ەرەسەكتەردىڭ عانا جاۋاپكەرشىلىگى ەمەس ەكەندىگىن، باستاۋىش مەكتەپ وقۋشىلارىن قامتىعان ٴاربىر ازامات مەملەكەت حاۋىپسىزدىگىن قورعاۋ جاۋاپكەرشىلىگىن ادا ەتۋ كەرەك ەكەندىگىن ۇعىندىردى“.

سول كۇنى ازات جولى ٴمالى باسقارماسى، نيڭيۋان ٴمالى باسقارماسى ۇيىمداستىرعان ”جالپى حالىقتىق مەملەكەت حاۋىپسىزدىگى تاربيەسى تەرەڭدەتىلگەنىنە، ناقتىلاندىرىلعانىنا 10 جىل“ اتىنداعى ادەبيەت ـ كوركەمونەر كونسەرتى التىشۋار كوشەسى كورىنىس ٴوڭىرىنىڭ ورتالىق الاڭىندا وتكىزىلىپ، كوپتەگەن قالا تۇرعىنىن، ساياحاتشىنى باۋرادى. كونسەرت قويۋ بارىسىندا مەملەكەت حاۋىپسىزدىگى بىلىمدەرىنەن سۇراۋ ـ جاۋاپ كىرىستىرىلىپ، تاربيە جانە كوڭىل اشۋ بارىسىندا مەملەكەت حاۋىپسىزدىگى ۇستانىمىن جۇرت جۇرەگىنە تەرەڭ ۇيالاتتى.