سۋرەتتە: ادەبيەت - كوركەمونەر بايقاۋى. پاتيما فوتوسى
ٴتىلشىمىز پاتيما، رىن جيالي حابارلايدى. جۋىردا ىلە وبلىستىق پارتكوم پارتيا مەكتەبىنىڭ (اكىمشىلىك شۋەيۋانى) 4 - كەزەكتى مەكتەپ مادەنيەت مەرەكەسىنىڭ اشىلۋ سالتى − ”اۋەلگى ماقسات شۇعىلا شاشىپ، قايراتتانا العا ۇمتىلايىق“ تاقىرىبىنداعى ادەبيەت - كوركەمونەر قويىلىمدارىمەن باستالدى.
”بۇگىنگى قيمىل ەرەكشە جاسامپازدىققا يە بولىپ، كونسەرت نومىرلەرىنىڭ مازمۇنى دا ٴبىز ۇيرەنگەن ساباقتاردىڭ تاقىرىبىن ارقاۋ ەتىپ قۇراستىرىلىپتى. كوپشىلىك ٴبىر جاعىنان نازاريا ۇيرەنىپ، ەندى ٴبىر جاعىنان كونسەرت نومىرلەرىنە جاتتىعىپ، پارتيالىلىق تاربيەلەنۋىن جوعارىلاتتى، ٴتارتىپ تانىمىن، قاعيدا تانىمىن جانە كوللەكتيۆشىلدىك تانىمىن اناعۇرلىم كۇشەيتتى“ دەدى وبلىستىق پارتكوم پارتيا مەكتەبىنىڭ (اكىمشىلىك شۋەيۋانى) 2025 - جىلى كوكتەمگى نەگىزگى كلاس كۋرسانتى، وبلىستىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى ۋاڭ شيڭچىڭ.
ىلە - شالا توپتىق ٴبي «كورىكتى جۇڭگو»، كورىنىستىك تەاتر «جاستىق كوكتەمىمدى حۋاشيا مەرەيىنە ارنايمىن»، ولەڭ دەكلاماتسيا «ويانعان جىلدار» سياقتى باي مازمۇندى كونسەرتتەر كەزەگىمەن قــويىلىپ، كــۋرسانتتار مەن وقىتۋشى - قىزمەتكەرلەر كونسەرت كيىمدەرىن كيىپ نەمەسە وتاننىڭ كوركەم تاۋ - وزەندەرىن جىرلاپ، وتانشىلدىق سۇيىسپەنشىلىكتەرىن جەتكىزدى نەمەسە جاستىق كوكتەمدەرىندە ۇلەس قوساتىندىقتارىن جانە وتباسى مەن مەملەكەتكە دەگەن جاۋاپكەرشىلىكتەرىن ايگىلەدى، ولاردىڭ اعا بۋىنداردىڭ ەس جيۋ جولىن قايتا ەلەستەتىپ، ٴوزىمىزدى الۋەتتەندىرە تۇسەمىز دەگەنى ناق مايداندى دۋمانعا بولەدى.
ۇعىسۋعا قاراعاندا، وسى كەزەكتى مەكتەپ مادەنيەت - كوركەمونەر مەرەكەسى «ىلە جولىمەن ارمانعا بىرگە قانات قاعىپ، ۇرپاقتان - ۇرپاققا جالعاسقان شۇعىلالى داستان جازايىق» دەگەندى قيمىلدىڭ نەگىزگى تاقىرىبى ەتكەن، وقىتۋشى - قىزمەتكەرلەر مەن وبلىستىق پارتكوم پارتيا مەكتەبىنىڭ 2025 - جىلعى كوكتەمگى نەگىزگى كلاسىنداعى كۋرسانتتار دەن قويا دايىندىق كورىپ، ادەبيەت - كوركەمونەر بايقاۋى، كورمە سياقتى قيمىلدار ارقىلى كــوپشىلىككە جان - جاقتى، كوپ ساتىلى مادەنيەتتى سەزىنۋ تەكشەسىن ازىرلەپ، كۋرسانتتاردىڭ قىزىل گەندى جالعاستىرۋ، قىزىل مادەنيەتتى ساۋلەلەندىرۋ بورىشتىلىق سەزىمىن تاسقىنداتا تۇسكەن.
”پارتيا مەكتەبى كادرلاردى تاربيەلەۋدىڭ، باۋلۋدىڭ نەگىزگى شەبى رەتىندە مەكتەپ مادەنيەت قۇرىلىسى ارقىلى تاربيەلەۋگە، وقىتۋعا كۇش ۇستەپ، مەكتەپ مادەنيەت مەرەكەسىن وتكىزۋ ارقىلى وقىتۋشى ـ وقۋشىلاردىڭ پارتيانىڭ كۇرەس بارىسىن ەستە بەرىك ساقتاپ، بىرىككەن كۇش ۇيىستىرىپ، جۇڭگو ۇلگىسىندەگى وسىزاماندىرۋدىڭ ىلە امالياتىنىڭ يدەيالىق نەگىزىن بەكەمدەۋىنە مۇمكىندىك جاسادى“ دەدى وبلىستىق پارتكوم پارتيا مەكتەبى (اكىمشىلىك شۋەيۋانى) وقىتۋ باسقارماسىنىڭ باستىعى جاي حۇيلين.