ۋ ۋيحۋا شينجياڭعا كەلىپ، ”جايلىم ەكولوگياسىن قالپىنا كەلتىرۋ جانە وندىرگىش كۇشتى قالپىنا كەلتىرۋ“ تاقىرىبىندا تەكسەرۋ - زەرتتەۋ جۇرگىزدى

ۇزدىكسىز كۇش سالىپ، ۇزاق ۋاقىت ۇلەس قوسىپ، كورىكتى شينجياڭ قۇرۋ كەرەك

انار بۇلت \ شينجياڭ گازەتىنىڭ ءتىلشىسى ۋاڭ نا 7 - ايدىڭ 3 - كۇنى ۇرىمجىدەن حابارلايدى. 6 - ايدىڭ 29 - كۇنىنەن 7 - ايدىڭ 2 - كۇنىنە دەيىن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، ”3 - قىركۇيەك ءىلمي قوعامى“ ورتالىق كوميتەتىنىڭ ءتوراعاسى ۋ ۋيحۋا تەكسەرۋ - زەرتتەۋ گرۋپپاسىن باستاپ، شينجياڭعا كەلىپ ”جايلىم ەكولوگياسىن قالپىنا كەلتىرۋ جانە وندىرگىش كۇشتى قالپىنا كەلتىرۋ“ تاقىرىبىندا تەكسەرۋ - زەرتتەۋ جۇرگىزدى.

جايلىم مال شارۋاشىلىعى − شينجياڭنىڭ ءداستۇرلى كاسىپ سالاسى جانە نەگىزدىك كاسىپ سالاسى. تەكسەرۋ - زەرتتەۋ گرۋپپاسى شاۋەشەك قالاسىنىڭ شاشا قالاشىعىنا، اشىلى داعۇر ۇلتتىق اۋىلىنىڭ ەگىمشىلىك، باعىمشىلىق جۇمىس ورنىنا بارىپ، مال تۇقىمى بازاسى قۇرىلىسى، ءشوپ تۇقىمى شارۋاشىلىعىن دامىتۋ، شارۋالاردىڭ كىرىسىن ارتتىرۋعا كومەكتەسۋ جاعدايىن ەگجەي - تەگجەيلى ۇعىستى، ونان سوڭ قۇلىستاي جايلىمىنا بارىپ جايلىم ەكولوگياسىن قالپىنا كەلتىرۋ قىزمەتىنە تەكسەرۋ - زەرتتەۋ جۇرگىزدى. ۋ ۋيحۋا بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، ءتۇسىنىپ، ”تۇنىق سۋ، جاسىل تاۋ − باعالى بايلىق“ ۇستانىمىن بەرىك ورناتىپ، ساياسي دەڭگەيدى اناعۇرلىم جوعارىلاتىپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ءجۇرۋ كەرەك. ەكونوميكالىق دامۋ مەن ەكولوگيالىق ورتانى قورعاۋ قۇرىلىسىنىڭ قاتىناسىن ءبىر تۇتاس ويداعىداي جوسپارلاپ، جايلىم ەكولوگياسىن قالپىنا كەلتىرۋ مەن وندىرگىش كۇشتى قالپىنا كەلتىرۋدى جاپپاي ىلگەرىلەتىپ، جايلىم مال شارۋاشىلىعىنىڭ جالپىلىق ءوندىرىس قۋاتىن جوعارىلاتىپ، ەگىنشى - مالشىلاردى كىرىسىن ۇزدىكسىز ارتتىرۋعا جەتەكتەپ، اۋىل - قىستاقتى جاپپاي گۇلدەندىرۋگە دەم بەرۋ كەرەك.

شىلىڭگىر شىلدەدە شينجياڭ ءوندىرىس - قۇرىلىس بيڭتۋانى 9 - شىسى 161 - تۋانىنداعى 3 - قىركۇيەك ءىلمي قوعامى ورتالىق كوميتەتىنىڭ جايلىمدى جىرتپاي قايتا ەگىپ قالپىنا كەلتىرۋ تۇيىنىندە ءشوپ قاۋلاپ ءوسىپ، الۋان گۇلدەر قۇلپىرىپ تۇر؛ شاعانتوعاي اۋدانىنداعى جابايى بادام جاراتىلىستىق قورىعىنىڭ بار الابى جاسىل تۇسكە ەنىپ، جەمىس - جيدەكتەر سامسىپ تۇر. تەكسەرۋ - زەرتتەۋ گرۋپپاسى جونگە سالىنىپ جاتقان جايلىمداردى كوزدەن كەشىرىپ، عىلمي زەرتتەۋ قىزمەتكەرلەرىمەن جابايى، سيرەك كەزدەسەتىن وسىمدىك بايلىعىن قورعاۋ، ودان پايدالانۋ جاعدايى جونىندە ىشكەرىلەي پىكىر اۋىستىردى. ۋ ۋيحۋا بىلاي دەپ اتاپ كورسەتتى: تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، جەرگىلىكتى جاعدايعا قاراي ىستەپ، اپات جاعدايىنا قاراي قورعانىس جاساپ، تۇرگە ايىرىپ شارا اتقارىپ، ءار جاقتىڭ بەلسەندىلىگىن جۇمىلدىرىپ، اقاۋسىز، ورنىقتى، فۋنكتسياسى كەمەلدى ورمان، جايلىم، سازدىق، ءشول ەكولوگيالىق جۇيەسىن كۇش سالا جەتىلدىرىپ، سۋ ۇنەمدەيتىن ورمان، جايلىمدى كۇش سالا دامىتىپ، ۇزدىكسىز كۇش سالىپ، ۇزاق ۋاقىت ۇلەس قوسىپ، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق كورىكتى شينجياڭ قۇرۋ كەرەك.

سانجى قالاسىندا تەكسەرۋ - زەرتتەۋ گرۋپپاسى جۇڭگو اۋىل شارۋاشىلىق عىلىم اكادەمياسى باتىس بولىك اۋىل شارۋاشىلىعىن زەرتتەۋ ورتالىعىنىڭ جەر جاڭعاعى ەگىمشىلىگى بازاسىنا بارىپ، جەر جاڭعاعىنان ەرەكشە جوعارى ءونىم الۋ سىناعىن جاساۋ، مەملەكەتتىك اسقىن ماي قىشقىلى جەر جاڭعاعى سورتى اۋماعى سىناعى، جەر جاڭعاعى باكتەريالى تىڭايتقىش سىناعى، جەر جاڭعاعىنىڭ ىدىرايتىن سۋلياۋ جارعاق سىناعى سياقتىلاردى تەكسەردى؛ ءۇرىمجى قالاسىندا تەكسەرۋ - زەرتتەۋ گرۋپپاسى شينجياڭ اۋىل شارۋاشىلىق عىلىم اكادەمياسىنىڭ جالپىلىق سىناق الاڭى مەن اتىز باسىنا بارىپ، شينجياڭنىڭ جوعارى ءونىمدى، ساپالى، ءتيىمسىز ورتاعا ءتوزىمدى، ماشينامەن ءونىم الۋعا ۇيلەسىمدى كەلەتىن جۇگەرىنىڭ جاڭا سورتتارىن سۇرىپتاپ جەتىلدىرۋ جانە جاسىل، مول ءونىمدى ەگۋ تەحنيكاسى جاعدايىن ەگجەي - تەگجەيلى ۇعىستى.

ۋ ۋيحۋا بىلاي دەپ اتاپ كورسەتتى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۋىل شارۋاشىلىعىندا قۋاتتى رايون قۇرۋدىڭ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋداعى ماڭىزدى ءمانىن تولىق تانىپ، شينجياڭنىڭ استىق، ماي، ماقتا، جەمىس - جيدەك، كوكونىس، مال شارۋاشىلىعى سياقتى ءتۇيىندى ەگىن، مال شارۋاشىلىعى بايلىعى مەن كاسىپ سالاسىن مىقتاپ ارقاۋ ەتىپ، عىلمي زەرتتەۋ قىزمەتىن ناقتى، ەگجەي - تەگجەيلى ىستەپ، اۋىل شارۋاشىلىعىن بىلەتىن، اۋىل شارۋاشىلىعىن سۇيەتىن جاڭاشا دارىندىلاردى باۋلۋ، جەتىلدىرۋ كەرەك. شينجياڭنىڭ اۋىل شارۋاشىلىعى دامۋىنىڭ باسىمدىققا يە كومەسكى كۇشىن تياناق ەتىپ، وسى زامانعى اۋىل شارۋاشىلىعى تەحنيكاسىن جالپىلاستىرۋ مەن قولدانۋدى كۇشەيتىپ، ساپالى اۋىل شارۋاشىلىعىن، جوعارى ءونىمدى اۋىل شارۋاشىلىعىن، جاسىل اۋىل شارۋاشىلىعىن، سۋ ۇنەمدەيتىن اۋىل شارۋاشىلىعىن كۇش سالا دامىتىپ، وسى زامانعى اۋىل شارۋاشىلىعىنىڭ ساپاسىن، ونىمدىلىگىن جانە باسەكەلىك قۋاتىن ۇزدىكسىز جوعارىلاتىپ، شارۋالاردىڭ كاسىپ سالاسىنىڭ ارتقان قۇن پايداسىنان ءتىپتى دە كوپ يگىلىكتەنۋىنە مۇمكىندىك جاساۋ كەرەك. ءار دارەجەلى پارتكومدار مەن ۇكىمەتتەردىڭ ستراتەگيالىق تاباندىلىقتى ساقتاپ، دامۋدىڭ بىرىككەن كۇشىن ۇيىستىرىپ، جاڭا كەزەڭدەگى دامۋدىڭ نىساناسىن، وي جەلىسىن، شارالارىن ويداعىداي جوبالاپ، شىنايى يگەرىپ، ناقتى ىستەپ، جوعارى ساپالى دامۋ قىزمەتتەرىن ناقتاپ تياناقتاندىرۋىن ءۇمىت ەتەمىن.

مەملەكەتتىك ساياسي كەڭەستىڭ تۇراقتى مۇشەسى، ”3 - قىركۇيەك ءىلمي قوعامى“ ورتالىق كوميتەتىنىڭ ارناۋلى مىندەتتەگى ورىنباسار ءتوراعاسى ليۋ جىڭكۇي، مەملەكەتتىك ساياسي كەڭەستىڭ تۇراقتى مۇشەسى لاي ميڭ تەكسەرۋ - زەرتتەۋگە قاتىناستى. اۆتونوميالى رايون باسشىلارىنان ءدىلشات قىدىرقان، ءماردان مۇحيت، ليۋ جيانميڭ تەكسەرۋ - زەرتتەۋدە بىرگە بولدى.