ٴتىلشىمىز مىڭ شيا حابارلايدى. 7 ـ ايدىڭ 4 ـ كۇنى ىلە وبلىستىق عىلىم ـ تەحنيكا مەكەمەسىنىڭ جەتەكشىلىگىندە، قورعاس اۋدانى، كۇنەس اۋدانى، قۇلجا اۋدانى جانە چاپچال سىبە اۆتونوميالى اۋدانى ۇيىمداستىرعان جاڭالىق اشۋ، شارۋاشىلىق قۇرۋ جارىسىنىڭ شەشۋشى جارىسى قۇلجا شەكارالىق - ەكونوميكالىق سەلبەستىك رايونىنىڭ تەحنيكا جانە كاسىپ سالاسىنا ويىستىرۋ ورتالىعىنىڭ عىلىم ـ تەحنيكا جەتىلدىرۋ باقشاسىندا ٴساتتى وتكىزىلىپ، 4 اۋداننىڭ ٴار سالاسىنان كەلگەن جاڭالىق اشۋ، شارۋاشىلىق قۇرۋ، تاپقىرلىق جاراتۋ تۇرلەرىنە قاتىناساتىن 30 شاباندوز ٴبىر اراعا باس قوسىپ، قيان - كەسكى سايىس جاريالادى.

ۇعىسۋعا قاراعاندا، وسى رەتكى جارىستى وتكىزۋدەگى ماقسات عىلىم ـ تەحنيكا كاسىپورىندارىنىڭ جەتىستىكتەرىن كادەگە جاراتۋدى جەدەل ىلگەرىلەتىپ، عىلىم ـ تەحنيكا كاسىپورىندارىنىڭ دارىندى، قارجى، تەحنيكا اينالىمى مەن عىلىم ـ تەحنيكادا جاڭالىق اشۋ اعىمىن توعىستىرا دامىتۋدى جەدەلدەتىپ، كاسىپورىنداردىڭ عىلىم ـ تەحنيكادا جاڭالىق اشۋ قابىلەتىن جوعارىلاتۋ ەكەن.

جارىس بارىستى كورسەتۋ، مامانداردىڭ سۇراۋىنا جاۋاپ قايتارۋ، ٴنومىر قويۋ سياقتى بۋىندار ارقىلى ەڭ سوڭىندا زەردەلى جابدىق، بيولوگيالىق ٴدارى ـ دارمەك، ەنەرگيا ۇنەمدەپ، قورشاعان ورتانى قورعاۋ، ەلەكتروندىق ينفورماتسيا، جاڭا ەنەرگيا سياقتى سالالاردان 1 ـ ، 2 ـ ، 3 ـ دارەجەلى سيلىقتار سارالاندى.

ىلە سانجياڭ جۇڭحۇي بيو عىلىم - تەحنيكا شەكتى سەرىكتەستىگىنىڭ نىسان جاۋاپتىسى شاكۋرا ٴابدۇنابي بىلاي دەدى: ”ٴبىز بۇل رەتكى جارىسقا قاتىناسۋ ارقىلى كاسىپورنىمىزدى اناعۇرلىم ويداعىداي ۇگىتتەپ، كاسىپورنىمىزدىڭ عىلىم ـ تەحنيكا جەتىستىكتەرىن كادەگە جاراتۋدى جانە دامىتۋدى جەدەل ىلگەرىلەتىپ، كاسىپورىن تەحنيكاسىندا ناتيجە جاراتۋدى جۇزەگە اسىرۋدى ٴۇمىت ەتەمىز. وسى رەتكى جارىستا كوپتەگەن ۇزدىك شارۋاشىلىق قۇرۋشىلارمەن تانىستىق، جارىسقا قاتىناسقان ٴار كاسىپورىننىڭ جاڭالىق اشۋ ويىنان، جالپىلاستىرۋ تاسىلىنەن كوپ تاجىريبە قابىلدادىق“. ىلە جياجيافۋ مال شارۋاشىلىعىن دامىتۋ شەكتى سەرىكتەستىگىنىڭ تەحنيكالىق باس باقىلاۋشىسى شيۇڭ چۇنرۇڭ بىلاي دەدى: ”مۇنداي كولەمدى جارىس ٴبىز سياقتى دامۋ ۇستىندەگى كاسىپورىندارعا ەرەكشە پايدالى بولىپ، كاسىپورنىمىزدىڭ سىرتقى ۇگىت ورەسىن جوعارىلاتىپ قانا قويماي، كاسىپورنىمىزدىڭ عىلىم - تەحنيكا زەرتتەۋىنە ٴتىپتى دە ٴمان بەرۋىنە مۇمكىندىك جاراتتى. زەرتتەپ جاسالعان ونىمدەر بازار باسەكەسىندە ٴمالىم دارەجەدە باسىمدىققا يە بولىپ، كورنەكتى ەكونوميكالىق ونىمدىلىك پەن قوعامدىق ونىمدىلىككە قول جەتكىزدىك. سەرىكتەستىك الدىڭعى جارتى جىلدا - اق بىلتىرعى تۇتاس جىلداعى ساتىلىم سوماسىن ورىنداپ بولدى“.

قۇلجا شەكارا ەكونوميكالىق سەلبەستىك رايونىنىڭ تەحنيكا جانە كاسىپ سالاسىنا ويىستىرۋ ورتالىعىنىڭ، ورتا، شاعىن، ۇساق كاسىپورىندارعا قىزمەت وتەۋ ورتالىعىنىڭ مەڭگەرۋشىسى جوۋ جينپۋ مىنانى ٴبىلدىردى: بۇدان بىلاي جارىس ارقىلى تەحنيكانى جەبەپ، ٴتىپتى دە كوپ عىلىم ـ تەحنيكالىق كاسىپورىنداردى سىرتقا شىعۋعا جەتەكتەپ، ىلە كاسىپورىندارىنىڭ كەلبەتىن ايگىلەيمىز.