تىلشىلەرىمىز گۋ رۇڭ، دۋ لەي

ميلياڭچۋان اۋىلىنداعى شايدىڭ حوش ٴيىسى اڭقىعان شارۋالار شاتتىعى ساياجايىنىڭ جاۋاپتىسى ما پيڭ قىزمەتكەردىڭ ۇستەل تازالاۋىنا جەتەكشىلىك ەتۋدە.   دۋ لەي  فوتوسى

سوڭعى جىلدارى چاپچال سىبە اۆتونوميالى اۋدانى ميلياڭچۋان حۇيزۋ اۋىلى كورىكتى اۋىل ـ قىستاق قۇرۋدان ۇلگى كورسەتۋ ورايىن مىقتى يگەرىپ، بۇقارانىڭ جايلى ورتاعا جانە باقىتتى تۇرمىسقا دەگەن قاجەتىن تۇتقا ەتىپ، پارتيا قۇرىلىسى ارقىلى جەتەكشىلىك ەتۋدەن جازباي، بىرگە قۇرۋ سىندى ”التىن كىلتتەن“ ويداعىداي پايدالانىپ، جاراسىمدى دا بەرەكەلى اۋىل ـ قىستاقتىڭ ”جاڭا قۇپيا شيفرىن“ شەشىپ، نەگىزگى ساتىنى شەبەرلىكپەن باسقارۋدىڭ ”باقىت ەسىگىن“ اشىپ، ”قىستاعى جاڭاشا، كاسىبى گۇلدەنگەن، كورىنىسى كوركەم، حالقى بەرەكەلى“ بولۋداي جاراسىمدى كارتينانى كەستەلەدى.

كاسىپ سالاسىنىڭ دامۋىن جەبەپ، اۋىل ـ قىستاقتى گۇلدەندىرۋگە كۇش ۇستەدى 

كاسىپ سالاسىنىڭ كوركەيۋى − اۋىل ـ قىستاقتى گۇلدەندىرۋدىڭ ىرگە تاسى. ميلياڭچۋان اۋىلى اۋىل ـ قىستاق ساياحاتى حالىقتىق تۇسەلحاناسى، اس ـ سۋ قىزمەت وتەۋى مەن سەيىل ـ سەرۋەن قۇرىپ، جەمىس ـ جيدەك، كوكونىس ٴۇزۋ سىندى 3 ۇلكەن كاسىپتى ىشكەرىلەي توعىستىرىپ، كاسىپكە، ساياحاتقا قولايلى اۋىل ـ قىستاق دامۋ كەڭىستىگىن قالىپتاستىردى.

مـيليـاڭچۋان اۋىلدىق پـارتكومنىڭ ورىـنباسار شۋجيى، اۋىل باستىعى ۋ ميڭيۇي بىلاي دەدى: ”ٴبىز ادۇنبا ەكولوگيالىق باقشاسى، پاحاردين قوجالىعى سياقتى ەرەكشە اس ـ سۋ ماركالارىن دەن قويا سومداۋ ارقىلى ساياحاتشىلارعا مول ٴدامدى تاعام داستارقانىن ازىرلەۋمەن بىرگە، ادۇنبا قىستاعىندا ينتەرنەتتە تانىمالى كوشە − فۋ ـ ان جولىن سالىپ، شار تاراپتان كەلگەن قوناقتاردى باۋرادىق“.

 ينتەرنەتتە تانىمالى بولعان فۋ ـ ان جولىنا كەلسەڭىز، بەينە اۋىل ـ قىستاق سالت ـ ساناسى مەن وزگەشە كوركەم دۇنيەگە قادام تاستاعانداي بولاسىز. ال شايدىڭ حوش ٴيىسى اڭقىعان شارۋالار شـاتتىـعى سـايـاجـايىنىـڭ جاۋاپتىسى ما پيڭنىڭ دەن قويا دايىنداعان ”ٴدامدى تاعام، كوركەم كورىنىس، كورىكتى اۋلا“ ٴبىر تۇلعالانعان وسى اۋلاسىندا ساياحاتشىلار ٴدامدى تاعامداردان اۋىز تيۋمەن بىرگە، اۋىل ـ قىستاقتىڭ جايما ـ شۋاقتىعى مەن كوركەمدىگىن دە بىردەن سەزىنەدى.

”ٴبىز ٴبىر ميلليون يۋانعا جۋىق قارجى قوسىپ، وسى اۋلانى جاسادىق، قازىر ٴار كۇنى ات باسىن بۇراتىن ساياحاتشى مولشەرى تۇراقتى، ساۋدا سوماسى دا ايتارلىقتاي. سونىمەن بىرگە ٴبىز ماڭايىمىزداعى شارۋالار ساياجايلارىمەن سەلبەسىپ،  ’ەرەكشە اس ـ سۋ + حالىقتىق تۇسەلحانا‘ ۇلگىسى جونىندە بىرگە ىزدەنىس جاساپ، ساياحاتشىلارعا اناعۇرلىم باي مازمۇندى اۋىل ـ قىستاق كەشىرمەلەرىن سەزىندىرۋگە ىنتالاندىرىپ وتىرمىز“ دەدى ما پيڭ.

اۋىل شارۋاشىلىعىن وسىزامانداندىرۋدى ىلگەرىلەتۋ ٴۇشىن ميلياڭچۋان اۋىلى ميلياڭچۋان قىستاعى جەمىس ـ جيدەك، كوكونىس ٴۇزۋ بازا قۇرىلىسىنا كۇش سالدى. ساۋداگەر شاقىرىپ، قارجى ەنگىزۋ ارقىلى فۋجيان ديۋجي اۋىل شارۋاشىلىق عىلىم ـ تەحنيكا شەكتى جارنا سەرىكتەستىگىن ٴساتتى ەنگىزىپ، نەشە ون ميلليون يۋان قارجى قوسىپ، جوعارى ولشەمدى سەيىل ـ سەرۋەن، تاماشالاۋ، جەمىس ـ جيدەك، كوكونىس ٴۇزۋ جىلىجايىن سالدى. بۇل جىلىجايلار ساياحاتشىلارعا سول جەردىڭ وزىندە جەمىس ـ جيدەك، كوكونىس ٴۇزۋدىڭ شاتتىعىن سەزىندىرۋمەن بىرگە، اۋىل ـ قىستاقتا مادەنيەت پەن ساياحاتتى توعىستىرا دامىتۋعا تىڭ ومىرشەڭدىك كۇش قوستى.

بۇل جونىندە جىلىجاي ەگۋ تاجىريبەسىنە قانىق شارۋا ۋاڭ يانچۇن اسەرلى كوڭىل ـ كۇيمەن تىلشىگە بىلاي دەدى: ”ميلياڭچۋان قىستاعىنىڭ وسىزاماندانعان اۋىل ـ قىستاق كاسىپ جۇيەسى قۇرىلىسى جاعىنداعى قۇلشىنىسىنان ٴداستۇرلى اۋىل شارۋاشىلىعى ەگىمشىلىك تاسىلىنە بۇرىلىس جاساۋ ورايىنا ٴدوپ كەلىپ وتىرعانىن تەرەڭ سەزىندىم. بيىل مەن كوپ ٴتۇرلى قىزاناقتى سىناق رەتىندە ەكتىم، ٴۇزۋ بازاسى قۇرىلىسىنىڭ كومەگىمەن ساياحاتشىلارعا جەمىس ـ جيدەك، كوكونىس ٴۇزۋدىڭ وزگەشە شاتتىعىن سيلاۋعا ۇمتىلىپ، اۋىل ـ قىستاق مادەنيەت ـ ساياحات كاسىبىنىڭ توعىسا دامۋىنا ٴوز ۇلەسىمدى قوسپاقشىمىن“ دەدى.

قونىس ورتاسىنىڭ جاڭا كارتيناسىن سىزىپ، اۋىل ـ قىستاقتى گۇلدەندىرۋدىڭ تىڭ بەت ـ بەينەسىن ايگىلەدى 

اۋىل ـ قىستاق جونگە سالىنسا، الەم تىنىش بولادى. بۇگىنگى ميلياڭچۋان اۋىلىنا بارساڭىز، جاسىل جەلەك جامىلىپ، ورمانمەن كومكەرىلگەن قىستاقتىڭ جاڭاشا كارتيناسىن كورەسىز. ايتار بولساق، ون نەشە جىلدىڭ الدىندا قىستاقتا بەتالدى قۇرىلىس سالىنىپ، كەز كەلگەن جەر قوقىر ـ قوقسىق بولىپ، سۋ دا لاستانىپ كەتكەن ـ دى. مىنە وسى جاعدايدى كوزدە ۇستاعان اۋىلدىق پارتكوم جانعا جايلى، كاسىپكە، ساياحاتقا قولايلى اۋىل ـ قىستاقتى گۇلدەندىرۋدەن ۇلگى كـورسـەتەتىن قىستاق قۇرۋعا كىرىسەدى.

وسى نىسانانى جۇزەگە اسىرۋ ٴۇشىن ميلياڭچۋان اۋىلى ”ٴتورت ٴبىر توپ“ قىزمەت مەحانيزمى جونىندە بەلسەنە ىزدەنىس جاساپ، 37 ميلليون 900 مىڭ يۋان نىسان قارجىسىن ٴوتىنىش ەتىپ، جولدى اسفالتتەندىرۋ، سۋمەن قامداۋ، سۋ ىعىستىرۋ قۇبىر تورابىن، جاياۋلار جولىن جانە ٴبىر كوشەدە ٴبىر كورىنىس قۇرىلىسىن جاساپ، قىستاقتىڭ نەگىزدىك قۇرىلعىلارىن بەلسەنە جاقسارتتى. سونىمەن بىرگە، 600 مىڭ يۋان قارجى قوسىپ، 200 كوشە شامىن ورناتىپ، ”كورىكتەندىرۋ، جارىقتاندىرۋ“ جاعىنداعى ولقىلىقتاردى تولىقتادى.

ميلياڭچۋان قىستاعىنىڭ تۇرعىنى ما چيڭسايدىڭ ۇيىنە بارعاندا، ونىڭ اۋلاسىنان تەك كوركەم ٴارى تۇتىنۋعا بولاتىن الۋان ٴتۇرلى گۇل ـ شوپتەر مەن كوكونىستەردى كوردىك. قىستاق بەت ـ بەينەسىندەگى وزگەرىستى تىلگە تيەك ەتكەن ما چيڭساي ماقتانىشپەن: ”قازىر قىستاقتىڭ  ورتا تازالىعى بارعان سايىن جاقسارىپ كەلەدى، ٴبىزدىڭ اۋلامىز دا اناعۇرلىم تازا، تۇرمىسىمىز اناعۇرلىم ۇمىتكە تولى“ دەدى.

ميلياڭچۋان اۋىلى كولەمىندە 160 تان استام قوقىر ـ قوقسىق ساندىعى قويىلىپ، قىستاق تۇرعىندارىنىڭ قوقىر ـ قوقسىقتى تۇرگە ٴبولىپ تاستاۋىنا قولايلىلىق جاراتىلعان. سونىمەن بىرگە، ارناۋلى ورتا تازالىعىن قورعاۋ اترەتى قۇرىلىپ، ”ٴار وتباسى جىلىنا 100 يۋان + قىستاق كوللەكتيۆى لايىقتى قوسىمشا قاراجات بەرۋ + ۇكىمەتتىك ساتىپ الۋعا قىزمەت وتەۋ“ ٴتاسىلى قولدانىلىپ، ”وتباسىلار تۇرگە ايىرۋ، قىستاقتار جيناۋ، اۋىل تازالاپ تاسۋ“ ۇلگىسى بويىنشا تۇرمىستىق قوقىر ـ قوقسىقتاردىڭ كۇنبە ـ كۇن تازالانۋى جۇزەگە اسىرىلعان.

”قازىر ٴبىزدىڭ ورتا تازالىعىن قورعاۋ اترەتىمىزدەگى 11 ادام بۇكىل قىستاقتىڭ ورتا قورعاۋ قىزمەتىنە جاۋاپتى بولىپ ىستەپ جاتىر. ورتانى قورعاۋ اترەتىنىڭ باستىعى ەركىن اسەن بىلاي دەدى: ”قىزمەت مىندەتىمىز اۋىر بولعانىمەن، ٴبىز باستان ـ اياق قىزمەت ورنىمىزدان تاپجىلماي، مىندەتىمىزدى، جاۋاپكەرشىلىگىمىزدى ادا ەتىپ كەلەمىز.  قۇلشىنىسىمىز ارقىلى ميلياڭچۋان اۋىلىن اناعۇرلىم كورىكتى، جانعا جايلى ەتىپ وزگەرتىپ، قىستاق تۇرعىندارىنا تازا، رەتتى تۇرمىس ورتاسىن سيلاۋعا قۇلشىنامىز“.

ادام جاسىل تاۋدى ارداقتاسا، جاسىل تاۋدا، ٴسوز جوق، ادامنىڭ ٴۇمىتىن اقتايدى. قازىر ميلياڭچۋان اۋىلىنىڭ ىركىلىسسىز، جاسىل، تىنىش اۋىل ـ قىستاق جولدارى قىستاقتىڭ ٴار تۇكپىرىنە دەيىن تۇتاسىپ، مول تابىس سەزىمى مەن باياندى باقىت سەزىمىن سان مىڭداعان وتباسىنا جەتكىزۋدە.

ساۋداگەر شاقىرىپ، قارجى قوسىپ، اۋىل ـ قىستاقتى كوركەيتۋگە ومىرشەڭدىك كۇش قوستى 

التىن كۇننىڭ ارايىنا شومعان ميلياڭچۋان اۋىلى ادۇنبا قىستاعىنداعى ىلە وزەنى مادەنيەت، ساياحات، سۋ قالاشىعى قۇرىلىس نىسانى قاربالاس ٴارى ٴتارتىپتى جۇرگىزىلۋدە. اسپانمەن تىلدەسكەن كراندار، گۇرىلدەگەن ماتور ٴۇنى، جۇمىسشىلاردىڭ قاربالاس بەينەسى ۇمىتكە تولى كارتينانى بىرگە سىزىپ جاتقانداي.

2023 ـ جىلى ميلياڭچۋان اۋىلى  ساۋداگەر شاقىرىپ، قارجى ەنگىزۋ ارقىلى 2 ميلليارد يۋان قارجى تياناقتاندىرىپ، 861.22 مۋ كەلەتىن مادەنيەت ـ ساياحات قالاشىعى نىسانىن سالىپ، ىلە وزەنى اڭعارىنداعى مادەنيەتتەن سىر اعىتقان، سۋ ٴۇستى بازارى، سۋ ٴۇستى حالىقتىق تۇسەلحاناسى، دەنە تاربيە قيمىل رايونى بار كوپ يقۋاتتى ٴبىر تۇلعالاندىرعان كەشەندى مادەنيەت ـ ساياحات شاعىن قالاشىعىن قۇرۋدى ماقسات ەتتى.

”ىلە وزەنى مادەنيەت، ساياحات، سۋ قالاشىعى قۇرىلىس نىسانى جالپى 3 مەرزىمگە ٴبولىنىپ جۇرگىزىلەدى، قۇرىلىس مازمۇنى حالىقتىق تۇسەلحانا، ساۋدا كوشەسى رايونى، كوركەمونەر عىلىمىن جالپىلاستىرۋ، مادەنيەت، كوڭىل اشۋ سياقتى قۇرىلعىلاردى قامتيدى.ٴبىرىنشى مەرزىمدىك قۇرىلىستا 30 عيمارات سالىنباق، بىلتىر 10 ـ ايدا جۇمىس باستاعاننان بەرى، اياق الىسى ٴساتتى بولۋدا. ميلياڭچۋان اۋىلىنىڭ ورىنباسار باستىعى ما جيان بىلاي دەدى: ”قازىر 9 عيمارات تۇلعالىق قۇرىلىسن سالۋ كەزەڭىنە ٴوتتى، مەجەمەن 6 ـ ايدىڭ ورتا شەنىندە توبەسى جابىلادى“.

جوعارىداعى نىساننان سىرت، ميلياڭچۋان اۋىلى حالىقتىق تۇسەلحانا قۇرىلىسىن بەلسەنە ىلگەرىلەتتى. ادۇنبا قىستاعىنىڭ 1 ـ مەرزىمدىك حالىقتىق تۇسەلحانا نىسانى قۇرىلىسىنىڭ جۇمىس باسىندا، جۇمىسشىلار كولشىك تاعانىن بەكەمدەۋمەن قاربالاس. نىسان تەحنيگى جين جۇنجيە بىلاي دەپ تانىستىردى: بۇل نىسان بىلتىر 5 ـ ايدا جۇمىس باستاعان، مەجەمەن بيىل 5 ـ ايدىڭ 25 ـ كۇنى تولىق سالىنىپ بولادى.

”حالىقتىق تۇسەلحانانىڭ 1 ـ مەرزىمدىك نىسانىنا 30 ميلليون يۋان قارجى قوسىلادى، نىسان سالىنىپ بولعاننان كەيىن، مەجەمەن 20 نەشە شارۋالار شاتتىعى ساياجايى اشىلىپ، 50 نەشە وتباسىنىڭ اۋلا شارۋاشىلىعى جەبەلىپ، جەرگىلىكتى ورىننان 200 دەن استام ادام جۇمىستانادى، قىستاق كوللەكتيۆىنىڭ كىرىسى 2 ميلليون يۋانعا جەتىپ، جان باسىندىق جىلدىق كىرىسى 3000 يۋاننان اسادى“ دەدى ميلياڭچۋان اۋىلدىق پارتكومنىڭ شۋجيى سۇن حۇي.

سوڭعى جىلدارى ميلياڭچۋان اۋىلى ”سىرتقا شىعارۋ“ مەن ”شاقىرىپ اكەلۋدى“ ٴوزارا ۇشتاستىرۋ سىندى دامۋ ستراتەگياسىنا تاباندى بولىپ، ساۋداگەر شاقىرىپ، قارجى ەنگىزۋ جانە كاسىپ سالاسىنىڭ دارەجەسىن جوعارىلاتۋ ارقىلى ەكونوميكانىڭ، قوعامنىڭ دامۋىن ۇزدىكسىز ىلگەرىلەتىپ، جەرگىلىكتى قىستاق تۇرعىندارىنا اناعۇرلىم كوپ جۇمىستانۋ ورايىن جانە كىرىستى ارتتىرۋ ارناسىن ازىرلەدى.

بۇگىنگى تاڭدا، ميلياڭچۋان اۋىلىنا كوز جىبەرسەڭىز، قىستاقتاعى جارقىن تۇيىندەر، وتباسىنداعى بوگەنايى بولەك ەرەكشەلىكتەر، ماۋسىمدىق كورىنىس بىردەن مەنمۇندالاپ، بارلىق جەردە قونىستانۋعا، كاسىپكە، ساياحاتقا قولايلى جاڭاشا اۋىل ـ قىستاق كەلبەتى ايگىلەنىپ، ”اۋىل ـ قىستاق ورتاسى كوركەم، قىستاق تۇرعىندارى شاتتىققا شومعان“ كوركەم  دە جاڭا بەينە جارىققا شىققان.

”ٴبىز ساياحات كاسىبىن حالىقتى اۋقاتتاندىرىپ، قىستاقتى الۋەتتەندىرۋدىڭ وزەگى ەتىپ، تۇتاس وڭىرلىك، تۇتاس ماۋسىمدىق، تۇتاس ۋاقىتتىق ساياحاتتى جاپپاي دامىتامىز؛ تاڭداۋلى حالىقتىق تۇسەلحانا شوعىرىنا، ەرەكشە اس ـ سۋ ماركاسىنا، كوڭىل اشۋ كاسىپ كۇ

يىنە جانە قىزمەت وتەۋ جۇيەسىنە ۇزدىكسىز نازار اۋدارىپ، ميلياڭچۋان اۋىلىنىڭ ساياحات كاسىبىنىڭ ساپاسىن جوعارىلاتىپ، دامۋ قارقىنىن جەبەيمىز. سونىمەن بىرگە، بايلىقتى بىرىكتىرۋ جانە جاڭالىق اشۋ ۇلگىسىمەن جەرگىلىكتى ەرەكشەلىككە يە ساياحات ونىمدەرى مەن ايگىلى ماركالاردى قالىپتاستىرىپ، ساياحاتشىلارعا ٴبىر بەكەتتىك، جوعارى ساپالى ساياحات كەشىرمەلەرىن ازىرلەپ، ميلياڭچۋان اۋىلىن ساياحاتتىڭ جاڭا تۇيىنىنە اينالدىرۋعا قۇلشىنىپ، اۋىل ـ قىستاق ەكونوميكاسىنىڭ جاپپاي دامۋىن جەبەيمىز“ دەدى ميلياڭچۋان اۋىلدىق پارتكومنىڭ شۋجيى سۇن حۇي.