ٴتىلشىمىز حان شاشا، ەرىكتى ٴتىلشى جاڭ ۋىنتيڭ، كاۋسار حابارلايدى. قازىر ٴدال اسقاباقتىڭ پىسىپ، مول ٴونىم بەرەتىن مەزگىلى. 10 - ايدىڭ 9 - كۇنى كۇنەس اۋدانى زەكتى قالاشىعى اقشي قىستاعىنان ديقانداردىڭ ٴداندى اسقاباق جيناۋ - تەرۋ جانە ٴدانىن ايىرۋمەن قاربالاستانىپ جاتقانىن كوردىك.

سوڭعى جىلدارى كۇنەس اۋدانى جەرگىلىكتى جاعدايعا قاراي ەگىمشىلىك قۇرىلىمىن رەتتەپ، ەرەكشە ەگىس داقىلدارىن ەگۋدى بەلسەنە دامىتىپ، شارۋالاردى مول ٴونىم بەرەتىن، جوعارى ونىمدىلىككە يە ەرەكشە ەگىس داقىلدارىن ەگۋگە بەلسەنە جەتەكتەدى، كومەكتەستى. قازىرگە دەيىن ٴداندى اسقاباق ەگىلگەن جەر كولەمى ٴبىر مىڭ 500 مۋعا جەتىپ، جەرگىلىكتى ورىننىڭ اۋىل - قىستاقتى گۇلدەندىرۋ ىستەرىنە تىڭ قوزعاۋشى كۇش قوستى.

اقشي قىستاعىنىڭ ديقانى لياڭ چىڭ بىلاي دەپ تانىستىردى: ٴبىر مىڭ 500 مۋ جەردەگى ٴداندى اسقاباقتىڭ مۋ باسىندىق جالپى كىرىسى 3 مىڭ يۋان، ٴونىم قۇنى 4 ميلليون 500 مىڭ يۋان اينالاسىندا بولاتىندىعى مەجەلەنۋدە. كەلەر جىلى ەگىس كولەمىن ۇزدىكسىز كەڭەيتىپ، ٴتىپتى دە كوپ ەگىمشىلىك وتباسىلارىن جەتەكتەمەكشىمىز.

سۋرەتتە: ٴداندى اسقاباق جيناۋ ماشيناسى اتىزدا تەرۋ، جيناۋ، ٴدانىن ايىرۋ جۇمىسىن ىستەۋدە.      سۋرەتتى جاڭ ۋىنتيڭ تۇسىرگەن