ٴتىلشىمىز كاميلا، ەرىكتى تىلشىلەر ٴدىلدار، جاڭ كاڭ حابارلايدى. جۋىردا قۇلجا قالاسى قارا ٴدوڭ اۋىلى توپىدوڭ قىستاعى كوكتەمنىڭ العاشقى قوناقتارى بولعان قارا ٴدوڭ اۋىلىنا قاراستى ورتا، باستاۋىش مەكتەپتەردىڭ وقۋشىلارىن كۇتىپ الدى. ولار زەرتتەپ ـ ۇيرەنۋ بارىسىندا ”باستان كەشىرۋشى“ رەتىندە، وسى قىستاقتا وزگەشە اۋىل ـ قىستاق زەرتتەپ ـ ۇيرەنۋ جۇمىسىن باستادى. قيمىل بارىسىندا 300 دەن استام ورتا، باستاۋىش مەكتەپ وقۋشىسى، ٴسوزسىز، باراتىن تۇيىندەرىنە بارىپ، ”جىلجىمالى ساباقحانادا“ جۇڭحۋانىڭ تاڭداۋلى ٴداستۇرلى مادەنيەتىن سەزىنىپ، جاڭا داۋىردەگى اۋىل - قىستاقتىڭ وزگەرىستەرىنە كۋا بولدى.

وزگەشە ەرەكشەلىككە يە قۇم سۋرەت كوركەمونەر سارايىنان، ىلە اڭعارىنداعى ەڭ ۇلكەن چيمو فۋتبول سارايىنا، ٴداستۇرلى ماروجني جاساۋ سەحىنا بارىپ، وندا ۇلتتىق سالت - سانا مادەنيەتىن، فۋتبولدىڭ باۋرامدىلىعىن سەزىنىپ، تابيعات قۇشاعىندا سەيىلدەدى... جۋىق جىلداردان بەرى ”زەرتتەپ - ۇيرەنۋ +“ ۇلگىسىنىڭ كۇن سايىن قىزا تۇسۋىنە ىلەسە، توپىدوڭ قىستاعى ەلدەن ەرەك مادەنيەت مايەگى مەن جاراتىلىستىق شارت - جاعدايىنا سۇيەنىپ، ”زەرتتەپ - ۇيرەنۋ + اۋىل - قىستاق“ سىندى جاڭا كاسىپ كۇيىن ىشكەرىلەي اشىپ، زەرتتەپ - ۇيرەنۋ ساياحات كاسىپ سالاسى ارقىلى اۋىل - قىستاقتى گۇلدەندىرۋدىڭ جاڭا جولىن اشتى.

2024 ـ جىلدىڭ باسىندا توپىدوڭ قىستاعى پارتيا ياچەيكاسى قارجى قوسىپ، وسى قىستاقتىڭ توپىدوڭ داڭعىلى 5 ـ جان كوشەسىندەگى قۇم سۋرەت كوركەمونەر سارايى، كاسىپتىك فۋتبول الاڭى سياقتى جەرلەردىڭ دارەجەسىن جوعارىلاتىپ، جاڭالاپ، اۋىل ـ قىستاق ساياحاتىن دامىتۋعا بەرىك نەگىز قالادى. ٴوز الدىنا جۇمىس جاسايتىن ەرەكشە كاسىپ سالاسىن قايتكەندە كاسىپ تىزبەگىنە اينالدىرۋعا بولادى؟ دەگەن ماسەلە توپىدوڭ قىستاعى پارتيا ياچەيكاسىنىڭ تىڭ تاقىرىبىنا اينالدى. قاراستى اۋماقتاعى كاسىپورىندارمەن، اۋىل - قىستاقتاعى ىسكەرلەرمەن كوپ رەت اقىلداسۋ جانە جۇمىس بارىسىندا جاعداي ۇعىسۋ ارقىلى بىلتىر 12 - ايدا توپىدوڭ قىستاعى پارتيا ياچەيكاسى ”پارتيا قۇرىلىسى ارقىلى جەتەكشىلىك ەتۋ + قاراستى اۋماقتاعى ەرەكشە كاسىپ سالاسى + ساياحات سەرىكتەستىگى“ ۇلگىسىن تۇراقتاندىرىپ، اۋىل - قىستاقتىڭ ەرەكشە كاسىپ سالاسىنا سۇيەنىپ، ”زەرتتەپ - ۇيرەنۋ سىندى ٴبىر كۇندىك ساياحاتتىڭ“ جاڭا كاسىپ كۇيىن قالىپتاستىردى.

ميرا قۇم سۋرەت كوركەمونەر سارايى بىلتىر 7 ـ ايدا اشىلعاننان بەرى، باي مازمۇندى قيمىلدار وتكىزگەندىكتەن، كورمەگە كەلەتىندەر تولاستامادى. قىستاقتا ”زەرتتەپ - ۇيرەنۋ سىندى ٴبىر كۇندىك ساياحاتتىڭ“ العا قويىلعانىن بىلگەننەن كەيىن، كوركەمونەر سارايى بۇل جۇمىسقا الدىمەن ات سالىستى ٴارى زەرتتەپ - ۇيرەنۋگە كەلگەن وقۋشىلار مەن ساياحاتشىلارعا 1 دە 2 ساعات شاعىن سۋرەت سالۋ تۇرلەرىن ۇسىنىپ، قۇم سۋرەت اۋەسكەرلەرىنە باعىتتالعان كەزەڭدىك زەرتـتەۋ ساباقتارىن دا اشتى.

”توپىدوڭ قىستاعىنىڭ زەرتتەپ ـ ۇيرەنۋ نىسانىنا سۇيەنىپ، ٴبىز قۇم سۋرەتتەردى ٴتىپتى دە كوپ ادامعا تانىستىرىپ، قىستاققا كەلەتىن ساياحاتشىلاردى مولايتىپ، الاڭ ـ سارايلاردىڭ كىرىسىن ارتتىرۋىنا مۇمكىندىك جاسايمىز“ دەدى ميرا قۇم سۋرەت كوركەمونەر سارايىنىڭ تيجارات جاۋاپتىسى گو شياۋفي.

توپىدوڭ قىستاعى پارتيا ياچەيكاسىنىڭ شۋجيى ما جى تىلشىگە بىلاي دەدى: قىستاعىمىز قالا ماڭىندا بولۋداي جاعراپيالىق باسىمدىعىنا سۇيەنىپ، اۋىل ـ قىستاقتىڭ ٴدامدى تاعامدار، قولونەر كوركەمونەر بۇيىمدارى ٴتۇيىنى سياقتى ينتەرنەتتەگى، ٴسوزسىز، باراتىن جەرلەردى بەلسەنە تۇلعالاپ، اۋىل ـ قىستاق ورتاسىن كورىكتەندىرۋدى ىلگەرىلەتۋمەن بىرگە، اۋىل ـ قىستاق كاسىپ سالاسىنىڭ زورايۋىنا دەم بەرىپ، اناعۇرلىم كوپ قىستاق تۇرعىنىنىڭ كاسىپ سالاسىنىڭ ارتقان قۇن پايداسىنان يگىلىكتەنۋىنە مۇمكىندىك جاسادى. قازىر توپىدوڭ قىستاعىندا، توپىدوڭ داڭعىلى 5 ـ جان كوشەسىنىڭ وزىندە 24 اس ـ سۋ، 3 حالىقتىق تۇسەلحانا جانە ٴبىر قۇم سۋرەت كوركەمونەر سارايى بار بولىپ، قىستاق تۇرعىنىنان 70 نەشە ادامدى جۇمىستاندىردى. بىلتىر قىستاق كوللەكتيۆىنىڭ كىرىسى ٴبىر ميلليون 200 مىڭ يۋانعا جەتتى.

”ٴبىز ساپا جانە قىزمەت وتەۋدى ۇزدىكسىز جوعارىلاتىپ، كوپشىلىككە تاماشا كەشىرمەلەر سيلايمىز. ’شاعىن كوشەدەگى تەرەڭ سۇيىسپەنشىلىك‘ زەرتتەپ ـ ۇيرەنۋ سىندى ٴبىر كۇندىك ساياحات قيمىلىن ىلگەرىلەتۋدەن سىرت، ٴبىز نىسان قارجىسىنا قول جەتكىزىپ جانە قىستاق جاعىنان قارجى توپتاۋ ارقىلى جاڭا نىسانداردى بەلسەنە دامىتىپ، قىستاق تۇرعىندارىنان اناعۇرلىم كوپ جـۇمىستانۋ، شارۋاشىلىق قۇرۋ ورايىن ازىرلەيمىز“ دەدى ما جى.

سۋرەتتە: بالالار چيمو فۋتبول سارايىندا جاتتىعۋ جاساۋدا.  سۋرەتتى ٴدىلدار تۇسىرگەن