قوردىڭ كولەمى 5 جىلدا %12 ارتىپ، قارىز اقشا كولەمىنىڭ ارتۋىن %38 جەبەدى

شينجياڭ گازەتىنىڭ حابارى (ٴتىلشى ليۋ ي) اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنەن ۇعىسۋىمىزشا، رايونىمىزدىڭ استىق ساتىپ الۋ قارىز اقشاسى سەنىمدىلىك كەپىل قورى رايونىمىزدىڭ استىق ساتىپ الۋ قىزمەتىندە ماڭىزدى تىرەكتىك رول اتقارعان. قور ىسكە قوسىلعان 5 جىلدان بەرى، كولەمى بىرتىندەپ كەڭەيىپ، ەڭ جوعارى شەگى 836 ميلليون يۋانعا، ارتۋ شاماسى %12 كە جەتىپ، بانكە قارىز اقشاسى كولەمىنىڭ جىل سايىن ارتۋىن جەبەپ، قۇرىلعان العاشقى مەزگىلدەگى 4 ميلليارد 700 ميلليون يۋاننان بيىل 6 ميلليارد 500 ميلليون يۋانعا ارتىپ، ارتۋ شاماسى %38 كە جەتىپ، بۇكىل رايوننىڭ ٴبيداي ساتىپ الۋداعى قارىز اقشا قارجى قاجەتىن ٴونىمدى قامتاماسىزداندىرىپ، استىق كاسىپورىندارىنىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن شەشكەن.

2018 - جىلى رايونىمىز ٴبيداي ساتىپ الۋ، ساقتاۋ ٴتۇزىمى رەفورماسىن ىسكە قوسىپ، ٴبيداي ساتىپ الۋدىڭ، ساقتاۋدىڭ بازارلاندىرىپ ساتىپ الۋدى نەگىز ەتكەن جاڭا مەحانيزمىن ورناتتى. سونىمەن بىرگە، ساتىپ الۋشى كاسىپورىنداردىڭ «استىق ساتىپ الۋعا اقشاسى بولۋىنا» شىنايى كەپىلدىك ەتۋ ٴۇشىن، رايونىمىز ٴبيداي ساتىپ الۋ مولشەرى، ساتىپ الۋ ورتاشا باعاسى، قارىز اقشانىڭ كوبەيۋ ەسەلىك سانى، ساتىپ الۋ قارجى قاجەتى سياقتى فاكتورلاردى جيناقتاپ، جوباداعى كولەمى 800 ميلليون يۋاندىق استىق ساتىپ الۋ قارىز اقشاسى سەنىمدىلىك كەپىل قورىن قۇرىپ، ۇكىمەت پەن كاسىپورىندار بىرگە قارجى شىعارىپ، اۋىل شارۋاشىلىعىن وركەندەتۋ بانكەسىنىڭ 8 ميلليارد يۋان سەنىمدى قارىز اقشا قارجىسىن ىسكە قوسىپ، سەنىمدىلىك دارەجەسى تومەن، قارجى قۇراۋ قۋاتى ٴالسىز بولعان ورتا، شاعىن، ۇساق استىق كاسىپورىندارىنىڭ بازارعا كىرىپ ساتىپ الۋدا قارجى قۇراۋى قيىن بولۋ ماسەلەسىن شەشىپ، بۇكىل رايوننىڭ ٴبيدايدى بازارلاندىرىپ ساتىپ الۋداعى قارجى قاجەتىن سەنىمدى قارىز اقشا قارجىسىمەن ٴونىمدى قاناعاتتاندىرىپ، 14 ايماق، وبلىس، قالانى قامتىدى.

كەپىل قورى قۇرىلعاننان بەرى، بۇكىل رايونداعى 123 استىق كاسىپورنىن ىلگەرىندى - كەيىندى جيىنى 27 ميلليارد يۋان سەنىمدى قارىز اقشا قارجىسىمەن قامداپ، 12 ميلليون 800 مىڭ توننا ٴبيداي ساتىپ الۋعا قولداۋ كورسەتىپ، كاسىپورىنداردى ونىمدىلىكتى 3 ميلليارد يۋاننان استام ارتتىرۋعا جەتەكتەپ، ساتىپ الۋشى كاسىپورىنداردىڭ «استىق ساتىپ الاتىن اقشاسى بولۋىن» جۇزەگە اسىرىپ، رايونىمىزدىڭ استىقتى بازارلاندىرىپ ساتىپ الۋ، ساقتاۋ ٴتۇزىمى رەفورماسىن پارمەندى ىلگەرىلەتىپ، ەگىنشىلەردىڭ مۇددەسىن ەڭ جوعارى شەكتە قورعادى. سونىمەن بىرگە، ٴوسىمىن قوردان تولەۋ ٴتۇزىمىن بىرتىندەپ كەمەلدەندىرىپ قۇرىپ، شارۋالارمەن نەمەسە جاڭاشا اۋىل شارۋاشىلىعى تيجارات تۇلعالارىمەن ٴبيداي ەگۋ توقتامىن جاساسقان ٴارى توقتام بويىنشا ساتىپ الۋ مىندەتىن وتەگەن قارىز اقشا العان كاسپورىندارعا قاراتا استىق ساتىپ الۋ قارىز اقشاسىنا %50 تىك، ەڭ ۇزاق بولعاندا 6 ايلىق ٴوسىم قوسىمشا قاراجاتىن بەرىپ، كاسىپورىنداردىڭ ساتىپ الۋ قارىز اقشاسى بويىنشا قارجى قۇراۋ وزىندىك قۇنىن ونان ارى تومەندەتىپ، كاسىپورىنداردى استىقتى ويداعىداي ساتىپ الۋعا، شارۋالاردى استىقتى ويداعىداي ەگۋگە باستادى. بۇكىل رايونداعى استىق كاسىپورىندارى ساتىپ الۋ قارىز اقشاسىنا تولەنەتىن ٴوسىم بويىنشا قازىرگە دەيىن جيىنى 100 ميلليون يۋان يگىلىكتەندى.

مەملەكەتتىك استىق جانە زاتتىق ماتەريالداردى زاپاس ساقتاۋ مەكەمەسى بيىل اشقان مەملەكەتتىك استىق ساتىپ الۋ قارىز اقشاسى سەنىمدىلىك كەپىل قورى بويىنشا تاجىريبە اۋىستىرۋ بەينە ەكران ٴماجىلىسى شينجياڭنىڭ قور قۇرۋداعى تاجىريبە - ادىستەرى مەن جۇمىس جۇرگىزۋ ونىمدىلىگىن قايتالاي تولىق تۇراقتاندىردى، سونداي - اق بۇكىل ەلگە تانىستىرىپ جالپىلاستىردى. كەلەسى باسقىشتا، بۇكىل رايون استىقتى بازارلاندىرىپ ساتىپ الۋ قارجىسىنىڭ باياندى قامتاماسىزداندىرۋ مەحانيزمىن ونان ارى اقاۋسىزداندىرىپ، قوردىڭ قارجى قۇراۋداعى كەپىلدىك رولىن اناعۇرلىم ويداعىداي ساۋلەلەندىرىپ، ٴبيداي ساتىپ الۋ، ساقتاۋ ٴتۇزىمىنىڭ رەفورما جەتىستىكتەرىن ۇزدىكسىز بەكەمدەپ، شينجياڭنىڭ استىق كاسىپ سالاسىنىڭ جوعارى ساپالى دامۋىن جەبەپ، «رايون ىشىندە ىركىندى قالۋ، مەملەكەتتى قامداۋ» سىندى جاڭا نىسانانى جۇزەگە اسىرۋعا بەلسەندى ۇلەس قوسادى.