پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن شىنايى كۇشەيتەمىز

　　− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزى بۇكىل رايوندا قىزۋ اڭىس قوزعادى

　　□ انار بۇلت \ شينجياڭ گازەتىنىڭ تىلشىلەرى

”شينجياڭ قىزمەتىن ويداعىداي ىستەۋدىڭ تەتىگى پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋدە“. بىرنەشە كۇننەن بەرى باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزى بۇكىل رايوندا قىزۋ اڭىس قوزعادى.

رايونىمىزداعى قالىڭ پارتيا مۇشەلەرى، كادرلار باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەرەكشە شابىت الىپ، جىگەرلەنىپ، جابال مىنانى ءبىلدىردى: پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، نەگىزگى ساتى پارتيا ۇيىمىن كۇشەيتىپ قۇرىپ، كادرلاردىڭ ماماندانۋ ساپاسىن جوعارىلاتىپ، نەگىزگى ساتىعا ىشكەرىلەي بارىپ، بۇقارامەن ىشكەرىلەي ارالاسىپ، العىس ايتا ەكپىندەي ىلگەرىلەپ، باس شۋجيدىڭ ماڭىزدى ءسوزىنىڭ رۋحىنىڭ تيانشان الابىندا تياناقتانىپ تامىر تارتۋىنا، گۇل اشىپ جەمىس بەرۋىنە شىنايى كەپىلدىك ەتەمىز.

كۇشتەردى تومەنگە ءتۇسىرىپ، نەگىزگى ساتىنىڭ نەگىزىن بەكەمدەيمىز

باس شۋجي شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋدە قىزمەت كۇشىن تومەنگە تۇسىرۋگە تاباندى بولۋ كەرەك، پارتيا مۇشەلەرى، كادرلار نەگىزگى ساتىعا ىشكەرىلەي بارۋى، بۇقارامەن ىشكەرىلەي ارالاسۋى كەرەك، ۇيىمدىق جۇيە مەن قىزمەت كۇشتەرى نەگىزگى ساتىعا تىكە جەتىپ، نەگىزگى ساتىنىڭ ءبىرىنشى شەپ كۇشىن تولىقتىرۋى كەرەك.

قازىر تۇرپان قالاسىنىڭ ءجۇزىمى جيناۋ مەزگىلىنە ءوتتى. ساتۋ ارناسىن ونان ارى كەڭەيتۋ ءۇشىن، گاۋچاڭ رايونى يار قالاشىعى شينچىڭ شيمىن قىستاعى پارتيا ياچەيكاسىنىڭ ءبىرىنشى شۋجيى نيە جاۋيۇي كوپشىلىكتى باستاپ بىرگە ءادىس ويلاپ، ءجۇزىم ساتىپ الۋشى ساۋداگەرلەرمەن بەلسەنە بايلانىس جاسادى.

”وسى بىرنەشە كۇندە مەن باس شۋجيدىڭ ماڭىزدى ءسوزىنىڭ رۋحىن قايتا - قايتا ۇيرەنىپ، ءون بويىمدا كۇش - قايراتىم تاسقىندادى“. قىستاقتا تۇراتىن كادر رەتىندە، نيە جاۋيۇي باس شۋجي العا قويعان ”ءتۇيىندى اۋىل - قىستاقتارعا ءبىرىنشى شۋجيدى جانە قىزمەت اترەتىن تاڭداپ جىبەرۋ ءتۇزىمىن ساپالىلاندىرىپ، قىستاقتا تۇراتىن قىزمەت اترەتىن جىبەرىپ، جەرگىلىكتى ورىنداعى كادرلاردى باۋلۋ كەرەك“ دەگەن ىقىلاستى تىلەگىنەن تەرەڭ اسەر الدى.

قىستاقتا تۇرعاننان بەرى نيە جاۋيۇي شينچىڭ شيمىن قىستاعىنىڭ ءىس جۇزىندىگىن شىعار ءتۇيىن ەتىپ، ۇيىمدى يگەرىپ، قوسىندى كۇشەيتىپ، كاسىپ سالاسىن يگەرىپ، دامۋدى جەبەپ، حالىق تۇرمىسىن يگەرىپ، ناقتى ءىس ىستەپ، قىستاق كادرلارىنىڭ ساپاسى كورنەكتى جوعارىلاپ، قىستاق تۇرعىندارىنىڭ قالتاسى بىرتىندەپ قامپايا ءتۇستى. ”بۇدان بىلاي مەن ءبىرىنشى شۋجي مىندەتىمدى، ءسوزسىز، اناعۇرلىم ويداعىداي اتقارىپ، ۇيرەتۋ، كومەكتەسۋ، جەتەكتەۋ رولىمدى ويداعىداي ساۋلەلەندىرىپ، قىستاق كادرلارىنىڭ قابىلەتىن جەتىلدىرۋ قىزمەتىن ويداعىداي ىستەپ، نەگىزگى ساتى پارتيا ۇيىمىن ونان ارى كۇشەيتىپ قۇرامىن“، - دەدى نيە جاۋيۇي.

نەگىزگى ساتى قۇدىرەتتەنسە، مەملەكەت قۇدىرەتتەنەدى، نەگىزگى ساتى تىنىش بولسا، ەل تىنىش بولادى. باس شۋجي شي جينپيڭ بىلاي دەپ باسا دارىپتەدى: نەگىزگى ساتى پارتيا ۇيىمىن كۇشەيتىپ قۇرىپ، نەگىزگى ساتى پارتيا ۇيىمدارىنىڭ تۇتاس قامتۋىن جۇزەگە اسىرىپ، ءىشىنارا نەگىزگى ساتى پارتيا ۇيىمىنىڭ ءالسىز، بىتىراڭقى بولۋ ماسەلەسىن شەشۋ كەرەك.

بىرنەشە كۇننىڭ الدىندا شايار اۋدانى جاڭا ءبىر توپتاعى ”جۇڭگونىڭ كورىكتى سەيىل - سەرۋەن اۋىل - قىستاعىن“ تانىستىردى، مۇنىڭ ىشىندەگى كەيبىر قىستاقتار وتكەندە ”مەشەۋ قالعان قىستاق“ بولاتىن. وسى بىرنەشە جىلدا شايار اۋدانى ءالسىز، بىتىراڭقى نەگىزگى ساتى پارتيا ۇيىمدارىن رەتتەۋ - وڭاۋدى اۋداندىق پارتكوم شۋجيىنىڭ، اۋداندىق پارتكوم ۇيىمداستىرۋ ءبولىمى باستىعىنىڭ ”پارتيا قۇرىلىسى نىسانى“ ەتىپ، رەتتەۋ - وڭاۋ جوباسىن جاساپ، ماسەلەنى تىزىمنەن ءوشىرۋ تىزىمدىگىن قۇرىپ، ءبىر قىستاققا ءبىر شارا قولدانىپ، ءتۇبىرىن بەكەمدەپ، نەگىزىن كۇشەيتىپ، ءتۇزىمدى ارناعا ءتۇسىرىپ، قامالدى بەرىك تۇرعىزىپ، كەزىندەگى ”ءالسىز، بىتىراڭقى قىستاقتار“ قالپاقتارىن لاقتىرىپ تاستادى.

”باس شۋجيدىڭ ماڭىزدى ءسوزى ءبىزدىڭ قىزمەتىمىزگە ايقىن بەتالىس كورسەتتى“. شايار اۋداندىق پارتكومنىڭ شۋجيى پان ۋانفىڭ بىلاي دەدى: شايار اۋدانى نەگىزگى ساتىنى مىقتاپ يگەرۋ سىندى ايقىن باعدارعا ۇزدىكسىز تاباندى بولىپ، نەگىزگى ساتى ءبىرىنشى شەبىنىڭ كۇشىن ۇزدىكسىز تولىقتىرىپ، الەۋمەتتىك اۋماق پارتيا ۇيىمى باسشىلىعىنداعى تۇرعىندار كوميتەتى، ءۇي يەلەرى القاسى، قوجالىق قىزمەت وتەۋ كاسىپورىندارى سايكەسىپ بىرگە باسقارۋ مەحانيزمىن اقاۋسىزداندىرىپ، اۋىل - قىستاق ”ءبىر ياچەيكا، ءۇش ورتالىق“، الەۋمەتتىك اۋماق ”ءبىر ياچەيكا، ەكى ورتالىق، ءبىر پۋنكت“ جۇمىس جۇرگىزۋىن ءبىر تۇتاس جوسپارلاپ، پارتيا ۇيىمىنىڭ قىزمەت وتەۋ، باسقارۋ كولەمىن ونان ارى كەڭەيتەدى.

　　قيىنشىلىقتى جەڭۋگە كومەكتەسىپ، نەگىزگى ساتىنىڭ باسقارۋ قابىلەتىن جوعارىلاتامىز

باس شۋجي شي جينپيڭ بىلاي دەپ باسا دارىپتەدى: جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، بۇقارانىڭ تالاپ - تىلەكتەرىن دالمە - ءدال يگەرىپ، نەگىزگى ساتى بۇقاراسىنىڭ قيىنشىلىعى مەن قايشىلىعىن دەر كەزىندە شەشۋ كەرەك.

بيىل ماناس اۋدانى جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ”ماناس جىلدام ءبىتىرۋ“ حالىققا قىزمەت ەتۋ بويىنشا كەڭەس سۇراۋ تۇعىرىن ينتەرنەت جەلىسىنە شىعارىپ، قايشىلىقتاردى كوپ نەگىزدى شەشۋ، بۇقاراعا ەتەنە قىزمەت وتەۋ قىزمەت مەحانيزمىن ورناتىپ، بۇقارا اڭىس ەتكەن شۇعىل، قيىن، ۋايىمداعان، ءزارۋ ماسەلەلەردى جىلدام قابىلداپ، ءبىر ءىستى ءبىر تىندىرىپ، سوڭىنا ءتۇسىپ، قايتادان جاعدايىن ۇعىسىپ وتىردى.

”باس شۋجيدىڭ ماڭىزدى ءسوزى سەنىمىمىزدى ەسەلەپ ارتتىردى“. ماناس اۋداندىق پارتكومنىڭ شۋجيى ليۋ چياڭ بىلاي دەدى: بۇدان بىلاي ”فىڭچياۋ تاجىريبەسىن“ جەرگىلىكتەندىرۋ جولىنا بەلسەنە ىزدەنىس جاساپ، ”ماناس جىلدام ءبىتىرۋ“ تۇعىرىن ناقتى يگەرىپ، ويداعىداي پايدالانىپ، بۇقارانىڭ قيىنشىلىقتارىنا، تالاپ - تىلەكتەرىنە دەر كەزىندە جاۋاپ قايتارامىز ءارى شەشىم ەتەمىز.

ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعى − كوپ ۇلت شوعىرلى قونىستانعان الەۋمەتتىك اۋماق، قىزمەتتەردى ويداعىداي ىستەۋ ءۇشىن، الەۋمەتتىك اۋماق پارتيانىڭ باسشىلىعىن نەگىزگى ساتىنى باسقارۋدىڭ تۇتاس بارىسىنا ءسىڭىردى. وسى الەۋمەتتىك اۋماق پارتيا باس ياچەيكاسىنىڭ ورىنباسار شۋجيى لي ياڭفان بىلاي دەپ تانىستىردى: الەۋمەتتىك اۋماق پارتيا قۇرىلىسى ارقىلى جەتەكشىلىك ەتۋدىڭ رولىن تولىق ساۋلەلەندىرىپ، الەۋمەتتىك اۋماق كادرلارى، پارتيا مۇشەلەرى ىرىقتىلىقپەن وتباسىلارىن ارالاپ جاعداي ۇعىسىپ، پىكىر، ۇسىنىس الىپ، بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى توڭىرەكتەي وتىرىپ، دالمە - ءدال قىزمەت وتەۋ ازىرلەدى. سونىمەن بىرگە مەيىرلى ەمدەۋ سياقتى 12 قىزمەت وتەۋ قوسىنىن تۇلعالاپ، الۋان ءتۇرلى ەرىكتى قىزمەت وتەۋ ورىستەتىپ، الەۋمەتتىك يگىلىك ىستەرگە ىنتالى، قيمىلدارعا قاتىناسقان تۇرعىندارعا ۇپاي ءنومىر بەرىپ، ۇپاي ءنومىردى تۇرمىستىق بۇيىمدارعا اۋىستىرىپ بەرەتىن بولدى.

”قازىر تۇرعىنداردىڭ، دۇكەنشىلەردىڭ الەۋمەتتىك اۋماق قۇرىلىسىنا ات سالىسۋ بەلسەندىلىگى بارعان سايىن جوعارىلادى“. لي ياڭفان بىلاي دەدى: ”ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، بۇقارانىڭ تالاپ - تىلەكتەرىن ءدال يگەرىپ، وي جەلىسىندە ۇزدىكسىز جاڭالىق اشىپ، بۇقارانىڭ بەلسەندىلىگىن ونان ارى جۇمىلدىرىپ، كورىكتى مەكەندى بىرگە كوركەيتەمىز“.

　　ستيلدى دۇرىستاپ، ءتارتىپتى قاتايتىپ، كادرلار قوسىنىن كۇشەيتىپ قۇرامىز

باس شۋجي شي جينپيڭ بىلاي دەپ باسا دارىپتەدى: كادرلار قوسىنىنىڭ ساياسي قۇرىلىسىن كۇشەيتىپ، ساياسي ءتارتىپتى قاتايتىپ، ساياسي تۇرعىنى بەكەمدەۋ كەرەك.

”ءبىز باس شۋجيدىڭ شىنايى ءۇمىتىن، ءسوزسىز، اقتايمىز“. كورلا قالالىق ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى جىڭ پيڭ مىنانى ءبىلدىردى: پارتيانىڭ ورتالىقتانعان ءبىر تۇتاس باسشىلىعىن باستان - اياق باقىلاۋدىڭ، ءتارتىپ اتقارۋدىڭ تۇتاس بارىسىنا جانە ءارقايسى جاقتارىنا ءسىڭىرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ ولشەمدەنۋ، زاڭمەن باسقارىلۋ، جۇيەلىلەنۋ دەڭگەيىن ۇزدىكسىز جوعارىلاتىپ، كورىكتى شينجياڭ قۇرۋعا پارمەندى ساياسي قامتاماسىزدىق ازىرلەيمىز.

كورىكتى شينجياڭ قۇرۋ ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلارى قوسىنىنان ايرىلا المايدى.

بيىل جىل باسىنان بەرى التاي ايماعى نازاردى وقۋ - اعارتۋ، ەمدەۋ - دەنساۋلىق ساقتاۋ، مادەنيەت - ساياحات سياقتى ءتۇيىندى سالالارعا شوعىرلاندىرىپ، 4800دەن استام جاس كادردى شينجياڭنان باسقا جەرلەرگە بارىپ ۇيرەنۋ - باۋلۋعا، مىندەتكە ىلۋگە تاڭداپ جىبەرىپ، كادرلار قوسىنىنىڭ جالپى تۇلعالىق ساپاسىن ءونىمدى جوعارىلاتىپ، كادرلار قوسىنىنىڭ جالپى تۇلعالىق قۇرىلىمىن ساپالىلاندىردى.

التاي ايماقتىق پارتكوم ۇيىمداستىرۋ ءبولىمىنىڭ ورىنباسار باستىعى، ايماقتىق دارىندىلارعا قىزمەت وتەۋ ورتالىعىنىڭ مەڭگەرۋشىسى دۋ پىڭ مىنانى ءبىلدىردى: باس شۋجي شي جينپيڭنىڭ ”شينجياڭنىڭ ورتالىقتاعى مەملەكەت ورگاندارىمەن جانە ىشكى وڭىرلەرمەن كادرلاردى قوس باعىتتا اۋىستىرۋىن، مىندەتكە ءىلىپ شىنىقتىرۋىن، مىندەتكە قويۋىن كۇشەيتۋ“ تالابىن مۇقيات دايەكتىلەندىرىپ، تياناقتاندىرىپ، كادرلار قوسىنىن جەتىلدىرۋ، باۋلۋ جوباسىن جۇيەلى جوسپارلاپ، ءتۇيىندى سالالارداعى كادرلاردى شينجياڭنان باسقا جەرلەرگە جىبەرىپ مىندەتكە ءىلۋ، مىندەتكە قويۋ سەرپىنىن ارتتىرىپ، كادرلاردى جەتىلدىرۋدى، باۋلۋدى كوپ ساتىلى، كوپ ارنالى، جان - جاقتى، كەڭ كولەمدە ورىستەتىپ، ءار دارەجەلى كادرلاردىڭ ساياسي ساپاسىنىڭ، نازاريالىق ورەسىنىڭ، ماماندىق قابىلەتىنىڭ، اماليات قابىلەتىنىڭ ءداۋىر قادامىنا ىلەسۋىن، ءداۋىر قاجەتىنە ۇيلەسۋىن جەبەۋ كەرەك.

”باس شۋجي شي جينپيڭنىڭ ماڭىزدى ءسوزى بۇكىل رايوننىڭ نەگىزگى تاقىرىپتىق تاربيەنى ويداعىداي ورىستەتۋىنە تىڭ دا اناعۇرلىم جوعارى تالاپ قويدى. ءبىز ءبىرىنشى توپتاعى نەگىزگى تاقىرىپتىق تاربيەنىڭ تابىستى تاجىريبەلەرىن مۇقيات قورىتىندىلاپ، ەكىنشى توپتاعى نەگىزگى تاقىرىپتىق تاربيەنى جوعارى ساپامەن ىلگەرىلەتەمىز“. اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جوۋ شىجين مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، شينجياڭنىڭ ءىس جۇزىندىگىمەن ۇشتاستىرىپ، كادرلار قوسىنىنىڭ نازاريالىق ۇيرەنۋى مەن ساياساتتىق باۋلۋىن كۇشەيتىپ، ءار دارەجەلى باسشى كادرلاردىڭ تەكسەرۋ - زەرتتەۋ، ساياساتتى يگەرۋ، قىزمەتتەردى ىلگەرىلەتۋ، بۇقارامەن بايلانىس جاساۋ قابىلەتىن جوعارىلاتىپ، ۇزدىكسىز دەن قويىپ، كۇش سالىپ، قايرات ەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا پارمەندى قوزعاۋشى قۋات ۇيىستىرامىز.

(ءتىلشى جاڭ يانفاڭ، قاتىناسقان تىلشىلەر ۋاڭ نا، جاڭ رۇيلين، ياڭ شۋحان، تويا، جاڭ يۇنمەي، جاڭ تيڭ، جاڭ جىلي، گى يوۋجۇن، ەرىكتى تىلشىلەر جۋ ۋىنبين، لي حايشان)