□ انار بۇلت \ شينجياڭ گازەتىنىڭ تىلشىلەرى فان چيۇڭيان، گو ليڭ

بەيجيڭنەن ۇشاقپەن ۇرىمجىگە جەتكەن ۇجىمداعى 11 ادام تاسقىنداعان جىگەرمەن ۇشاقتان تۇسە سالا دامىل تاپپاي اۆتوكولىكپەن سەرىكتەستىك قۇرىلاتىن ورىنعا اتتاندى، دالا بارعان سايىن قۇلازىپ، كەيبىر ادامدار سۋىنىپ قالعانداي بولدى.

4 جىلدىڭ الدىندا شينجياڭ داداۋ ساۋدا - ونەركاسىپ قارجى قوسۋ شەكتى سەرىكتەستىگىنىڭ القا باستىعى، باس ديرەكتور ياڭ سىن نىساندى ۇرىمجىدە تياناقتاندىرۋعا بولاتىن - بولمايتىندىعى جونىندە شارۋاشىلىق قۇرۋ ۇجىمىن باستاپ تەكسەرۋگە كەلگەنىندە، ادامداردىڭ تەڭ جارتىسىنىڭ قارسىلىعىنا ۇشىراعان ەدى.

ەكى كولدەنەڭ، نەشە تىك جول تورابى، كوپتەگەن 5G بازالىق ستانسيالارى، جوعارى دەڭگەيلى جابدىق، جاڭا ەنەرگيالى جولاۋشىلار كولىگىن جاساۋ، اۆتوكولىك بولشەكتەرى سياقتى بازانى سالۋ... بۇگىندە شينجياڭ داداۋ ساۋدا - ونەركاسىپ قارجى قوسۋ شەكتى سەرىكتەستىگى قۇرعان لياڭحى جوعارى دەڭگەيلى جاساۋ عىلىم - تەحنيكا كاسىپ سالا باقشاسى العاشقى قادامدا كولەم قالىپتاستىرا باستادى، قازىر وزىنە قاراستى 3 اۆتوكولىك جاساۋ سەرىكتەستىگىن ”تىزبەك جەتەكشىسى“ ەتكەن جوعارى دەڭگەيلى جابدىق جاساۋ جالپى كاسىپ سالاسى تىزبەگىن تۇلعالاۋدا.

تەگىندە جابدىق جاساۋ تەحنيگى بولعان ياڭ سىن ايقىن ”بەيجيڭ اكسەنتىندە“ تىلشىگە بىلاي دەدى: وتكەن عاسىردىڭ 90 - جىلدارى مەن ىستەگەن سەرىكتەستىكتىڭ شينجياڭمەن قويۋ سەلبەستىگى بار بولاتىن، ول كەزدە ءبىر جوعارى دەڭگەيلى جابدىقتىڭ بۇراندا شەگەسىن دە ارناۋلى ادام جىبەرىپ بەيجيڭنەن شينجياڭعا جەتكىزۋگە تۋرا كەلەتىن.

”جابدىق جاساۋ كاسىبى − جاساۋ كاسىبىنىڭ ارقاۋى، ەگەر دە وسى كاسىپ سالا تىزبەگى ’ۇزىلەتىن‘ بولسا، كەلتەلىك تۋدىرادى“. ياڭ سىن بىلاي دەدى: اۆتوكولىك ءوندىرۋ كاسىبىن مىسالعا الساق، كىشكەنەسى كولىك قۇلىبى، ءبۇيىر ايناسىنان ۇلكەنى موتورعا دەيىن، ت. ب اۆتوكولىك بولشەكتەرىن تۇتاسىمەن شينجياڭنىڭ سىرتىنان ساتىپ الۋ كەرەك، زات تاسىمال قۇنىنىڭ جوعارى بولۋىن ايتپاعاننىڭ وزىندە مۇنداي كاسىپ سالاسى تىزبەگىنىڭ جوعارى - تومەن بۋىنىنداعى تاپشىلىق ەكونوميكانىڭ دامۋىنا ىقپال جاسايدى. ەرتەرەكتە شينجياڭعا كەلىپ شارۋاشىلىق قۇرماقشى بولعاندا، كاسىپ سالاسى باقشاسىن قۇرىپ، جوعارى دەڭگەيلى جابدىق جاساۋ كاسىپ تىزبەگىن تۇلعالاۋ ويىندا بولعان.

”’ءبىر بەلدەۋ، ءبىر جول‘ قۇرىلىسىنىڭ ىلگەرىلەۋىنە بايلانىستى، شينجياڭعا اڭسارىم اۋدى، شينجياڭدا جوعارى دەڭگەيلى جابدىق جاساۋ كاسىپورنى از، ءبىزدىڭ ويىمىز ۇكىمەتتىڭ ساۋداگەر شاقىرۋ تاراۋىمەن ءبىر جەردەن شىعىپ، وپ - وڭاي سايكەسە كەتتىك“. 2019 - جىلى 10 - ايدا ياڭ سىن شارۋاشىلىق قۇرۋ ۇجىمىن يلاندىرىپ، سەرىكتەستىكتى ۇرىمجىدە ىرگە تەپتىردى، 2020 - جىلى 3 - ايدا لياڭحى جوعارى دەڭگەيلى جابدىق جاساۋ عىلىم - تەحنيكا كاسىپ سالاسى باقشاسى رەسمي قۇرىلىس باستادى.

ياڭ سىن بىلاي دەدى: شينجياڭدا ەلەكتر ىستەتۋدىڭ وزىندىك قۇنى بەيجيڭمەن سالىستىرعاندا 3/2 ۇلەس ۇنەمدەلەدى، گاز ىستەتۋدىڭ وزىندىك قۇنى 2/1 ۇلەستەن اسا ۇنەمدەلەدى؛ شينجياڭدا كەن بايلىعى مول، نەگىزدىك ونەركاسىپ شيكىزاتىنىڭ باعاسى ارزان؛ ورتا ازيا بازارىنا جاقىن، جۇڭگو − ەۆروپا كەزەكشى پويەزى ارقىلى جابدىق ەكسپورت ەتۋدىڭ تاسىمال وزىندىك قۇنى بارىنشا تومەندەيدى...

8 - ايدىڭ 17 - كۇنى ءتىلشى قىزمەتشىلەردىڭ باستاۋىندا شىت جاڭا جولمەن باقشا رايونىنا كىردى، قاز - قاتار سالىنعان وسىزاماندانعان زاۆود ۇيلەرىنىڭ شەتىنە كوز جەتپەيدى، 8000 مۋدان استام جەردى يەلەپ جاتقان كولەمدى جەر ادامعا ەرەكشە اسەر بەرەدى. جوبا سحەماسىنان ءتىلشى باقشا رايونىندا جوعارى دەڭگەيلى جابدىق، جاڭا ەنەرگيالى جولاۋشىلار اۆتوكولىگى، ارناۋلى اۆتوكولىك، ەگىن، مال شارۋاشىلىعى ماشينالارى، اۆتوكولىك بولشەكتەرى سياقتىلاردى جاساۋ بازاسى قۇرىلعاندىعىن كوردى.

شينجياڭ داداۋ ساۋدا - ونەركاسىپ سەرىكتەستىگى جوعارى دەڭگەيدەگى جابدىق بازاسىنىڭ ءوندىرىس اۋماعىنداعى زاۆود ۇيلەرىندە جۇمىسشىلار كورىنبەيدى، جالتىراعان جاسىل ءتۇستى ەدەنگە اۆتوماتتى ءوندىرىس جەلىسىندەگى اۆتوكولىك بولشەكتەرىنىڭ ساعىمى ءتۇسىپ تۇر.

2022 - جىلى 12 - ايدا وسى سەرىكتەستىكتىڭ ارناۋلى اۆتوكولىك ءوندىرىس جەلىسى ىسكە قوسىلدى، 12 - ايدىڭ 18 - كۇنى تۇڭعىش ”كۇنلۇن شۋەباۋ“ كولىگى قۇراستىرۋ جەلىسىنەن شىقتى. بيىل 1 - ايدان 7 - ايعا دەيىن وسى سەرىكتەستىك 111 ميلليون يۋاندىق ءونىم قۇنىن ىسكە اسىردى. سەرىكتەستىكتىڭ ءوندىرىس، جۇمىس جۇرگىزۋ ءبولىمىنىڭ باستىعى گاۋ شۋەميننىڭ تانىستىرۋىنشا، ولار تاعى مالشىلاردى كوشىرۋ كولىگىن، ساياحاتتىق كولىگىن، قۇتقارۋ كولىگىن، ت. ب ءوندىرىپ، بۇل اۆتوكولىكتەر ەل ىشىندە ساتىلىپ قانا قويماي، ورتا ازيا ەلدەرىنە دە ەكسپورت ەتىلەدى ەكەن.

سول كۇنى ءتىلشى كاسىپ سالاسى باقشاسىندا شينجياڭ يسىدۇن ونەركاسىپ جاساۋ عىلىم - تەحنيكا شەكتى سەرىكتەستىگىنىڭ باس ديرەكتورى ۋاڭ حاۋشياڭدى كەزىكتىردى. نەگىزىنەن مەتال قۇرىلىم بولشەكتەرىن وندىرەتىن بۇل سەرىكتەستىك باقشا رايونىنداعى اۆتوكولىك بولشەكتەرى بازاسىنا ىرگە تەپكەن، قازىرگە دەيىن شينجياڭ سىرتىنان 35 ميلليون يۋاندىق اۆتوماتتى ءوندىرۋ جابدىعىن ساتىپ العان. ”سەرىكتەستىگىمىز جىل ىشىندە وندىرىسكە قوسىلادى“، - دەدى ۋاڭ حاۋشياڭ.

شينجياڭ يسىدۇن سەرىكتەستىگى داداۋ كاسىپورنى ەنگىزگەن تۇڭعىش توپتاعى كاسىپورىن. ”سەرىكتەستىگىمىز تىركەۋگە الدىرۋ جۇمىستارىن ءۇش كۇندە - اق راسىمدەپ بولدى، كەيبىر قالالاردا بۇل ىسكە ءبىر اپتا ۋاقىت كەتەدى، سول ءۇشىن دە فۋنكتسيالىق تاراۋلارىمىزدىڭ قىزمەت كورسەتۋىن القايمىن“، - دەدى ۋاڭ حاۋشياڭ تەبىرەنە.

3 - ايدىڭ 28 - كۇنى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) حۋبەي ولكەسىنىڭ شياڭياڭ قالاسىندا وتكەن ”داڭعىل جولدا ساپارلاس بولىپ، بولاشاقتا تەڭ يگىلىككە كەنەلەيىك“ اتتى ساۋداگەر شاقىرۋ، تانىستىرۋ جينالىسىنا قاتىناسىپ، شينجياڭنىڭ جوعارى دەڭگەيلى جابدىق جاساۋ كاسىبىن تانىستىردى.

”وسى جولعى ۇكىمەت ازىرلەگەن تۇعىردا تىزبەك جەتەكشىسى كاسىپورىندار باس كەيىپكەر بولعان ساۋداگەر شاقىرۋ، تانىستىرۋ جينالىسىندا ءبىز 6 كاسىپورىن ەنگىزدىك، وسى كاسىپورىندار تاعى جوعارى - تومەن بۋىنداعى 3 بولشەك ءوندىرۋ كاسىپورنىن ەرتىپ كەلدى“. ياڭ سىن بىلاي دەدى: وسى جولعى ساۋداگەر شاقىرۋدا باقشا رايونىنىڭ گەنەراتور اگراگاتى، اۋا رەتتەگىش، باعدار اۋىستىرۋ جابدىعى سياقتى كاسىپ سالاسى تىزبەگىنىڭ بۋىندارى تولىقتاندى، تابىس قوماقتى دەۋگە بولادى.

قازىر ياڭجوۋ قالاسى حانجياڭ ياڭزى اۆتوكولىك ىشكى اشەكەي بۇيىمدارى شەكتى سەرىكتەستىگى، جيڭجوۋ قالاسى حۋايۋان اۆتوكولىك بولشەكتەرى جارنا شەكتى سەرىكتەستىگى، حۋبەي شينرۇڭ كاڭشىڭ مەحانيكا عىلىم - تەحنيكا شەكتى سەرىكتەستىگى قاتارلى 20 كاسىپورىن كاسىپ سالاسى باقشاسىنا ىرگە تەپتى.

ياڭ سىن كاسىپورىننىڭ ”تىزبەك جەتەكشىسى“ باسىمدىعىن تولىق ساۋلەلەندىرىپ، ءتىپتى دە كوپ جابدىق جاساۋ كاسىپورىندارىن ىرگە تەبۋگە باۋراپ، وسى ارقىلى قالىپتاۋ، دانەكەرلەۋ، سىرلاۋ، جالپى قۇراستىرۋ، اۆتوكولىك جاساۋ تەحنولوگياسى تولىق، قۇيىپ جاساۋ، شىڭاۋ، ەلەكترمەن جالاتۋ، قىزدىرىپ وڭدەۋ نەگىزدىك تەحنولوگياسى كەمەلدى تۇتاس كاسىپ سالا تىزبەگىن قالىپتاستىرۋدى ءۇمىت ەتتى.

ياڭ سىن بىلاي دەدى: ءار دارەجەلى پارتكوم مەن ۇكىمەتتىڭ بارىنشا سۇيەمەلدەۋىندە نىسان قۇرىلىستارى ەڭ تەز قارقىنمەن ىلگەرىلەتىلىپ، عىلمي زەرتتەۋ دارىندىلارى، كاسىپ جۇمىسشىلارى ەڭ جاقسى يگىلىكپەن باۋرالىپ، قارجى، نەگىزدىك دايىنداۋ سياقتى قيىن ماسەلەلەر ەڭ ۇلكەن بىرىككەن كۇش ارقىلى شەشىلۋدە.

”باس شۋجي شي جينپيڭ بىلتىر 7 - ايدا شينجياڭدى كوزدەن كەشىردى، بيىل 8 - ايدىڭ 26 - كۇنى تاعى دا شينجياڭعا كەلدى، شينجياڭنىڭ سىرتقا ەسىك اشۋىن كوپ رەت تىلگە تيەك ەتتى، بۇل ءبىزدىڭ سەنىمىمىزدى بارىنشا سەرپىلتتى. ءبىزدىڭ بيىلعى نىسانامىز 30 كاسىپورىن ەنگىزۋ، ەڭ سوڭىندا جوعارى - تومەن بۋىندا 50دەن استام سايكەستى كاسىپورىن ەنگىزۋ“. ياڭ سىن تولىق سەنىممەن بىلاي دەدى: كاسىپورىن شينجياڭعا ءتان دەربەس مەڭگەرىلمەلى حاۋىپسىز جابدىق جاساۋ كاسىپ سالاسى تىزبەگىن، قامداۋ تىزبەگىن تۇلعالاپ، جابدىق جاساۋ كاسىبىنىڭ باسەكەلىك قۋاتىن ارتتىرىپ، بۇكىل ەلدى، اۋەلى، ورتا ازيا بازارىن شارپۋعا قوزعاۋشى قۋات ۇستەيدى.