پارتيانىڭ جالپى بەتتىك باسشىلىعىنا تاباندى بولىپ، جوعارى ساپالى كادرلار قوسىنىن كۇش سالا تۇلعالايىق

　　− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

　　□ گازەتىمىزدىڭ شولۋشىسى

جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن تۇلعالاۋ − تەتىك. باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا ماڭىزدى ءسوز سويلەپ، ”شينجياڭ قىزمەتىن ويداعىداي ىستەۋدىڭ تەتىگى پارتيانىڭ جالپى بەتتىك باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋدە“ دەپ باسا دارىپتەدى، سونداي - اق كادرلار قوسىنى قۇرىلىسىن كۇشەيتۋ جونىندە ايقىن تالاپ قويىپ، ىقىلاستى ءۇمىت ارتىپ، بۇكىل رايونداعى ءار دارەجەلى پارتيا مۇشەلەرىن، كادرلاردى شينجياڭ قىزمەتىن جاقسى ىستەۋ جاۋاپكەرشىلىك سەزىمىن، بورىشتىلىق سەزىمىن اناعۇرلىم كۇشەيتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋعا ىنتالاندىردى.

ەل بيلەۋدە دارىندىلارعا يە بولۋ بارىنەن ماڭىزدى. ساياسي لۋشيان بەلگىلەنگەننەن كەيىن، كادرلار شەشۋشى فاكتور بولادى. مەيلى شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ تالابىن تياناقتاندىرۋ بولسىن، الدە جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ بولسىن، ءبارى دە جوعارى ساپالى ءار ۇلت كادرلار قوسىنىنان ايرىلا المايدى.

پارتيا 20 - قۇرىلتايىنىڭ بايانداماسىندا جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتۋ جونىندە جان - جاقتى ورنالاستىرۋ جاسالىپ، ”ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن تۇلعالاۋ“ كەلەلى مىندەتى العا قويىلىپ، ”جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ساياسيدا ىسىلعان، جاڭا ءداۋىردىڭ تالابىنا ۇيلەسەتىن، وسىزامانداندىرۋ قۇرىلىسىنا باسشىلىق ەتۋ قابىلەتىن ازىرلەگەن كادرلار قوسىنى بولۋ كەرەكتىگى“ باسا دارىپتەلدى. وسى ماڭىزدى تۇجىرىم پارتيامىزدىڭ جاڭا جاعدايدى، جاڭا مىندەتتى كوزدە ۇستاي وتىرىپ كادرلار قوسىنى قۇرىلىسىنا قويعان نەگىزگى تالابى.

اۆتونوميالى رايوندىق پارتكوم نازاردى شينجياڭ قىزمەتى باس نىساناسىنا شوعىرلاندىرىپ، پارتياعا ادال، ءمورالدى دا قابىلەتتى جوعارى ساپالى ءار ۇلت كادرلار قوسىنىن قۇرۋدى ماڭىزدى مىندەت ەتىپ قاجىماي - تالماي يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋگە پارمەندى ۇيىمدىق قامتاماسىزدىق ازىرلەدى. الايدا، سونىمەن بىرگە ءبىز مىنانى دا سەرگەكتىكپەن كورە ءبىلۋىمىز كەرەك: جاڭا بورىش، جاڭا مىندەت، جاڭا تالاپ الدىندا كەيبىر كادرلاردىڭ مۇرات - سەنىمىندە، ساياسي جاۋاپكەرشىلىك ارقالاۋىندا، ءىس تىندىرۋ قابىلەتىندە، رۋحاني كۇيىندە، قىزمەت ستيلىندە ءالى دە جەتەرسىزدىكتەر مەن پارىقتار ورىن تەۋىپ وتىر. ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن باۋلۋ، تۇلعالاۋ − ءارى وڭايلىقپەن كەلمەگەن قوعام ورنىقتىلىعى جاعدايىن بەكەمدەۋدىڭ تابيعي تالابى، ءارى جۇڭگو ۇلگىسىندەگى وسىزاماندانعان شينجياڭ امالياتىن تىڭعىلىقتى ىلگەرىلەتۋدىڭ ءتۇبىرلى كەپىلى.

پارتيانىڭ جالپى بەتتىك باسشىلىعىنا بۇلجىماي تاباندى بولىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلار قوسىنىن كۇش سالا تۇلعالاپ، باس شۋجي شي جينپيڭنىڭ ”پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ“، ”ءار دارەجەلى باسشى كادرلاردىڭ تەكسەرۋ - زەرتتەۋ جۇرگىزۋ، ساياساتتى يگەرۋ، قىزمەتتى ىلگەرىلەتۋ، بۇقارامەن بايلانىس جاساۋ قابىلەتىن جوعارىلاتۋ“ قاتارلى ماڭىزدى نۇسقاۋلارىن باتىل دايەكتىلەندىرۋدە، تياناقتاندىرۋدا ساياسي ءتارتىپتى قاتايتىپ، ساياسي تۇرعىنى بەكەمدەپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسيدا اڭعارلى ادام، شىنشىل ادام بولۋ؛ جاڭا داۋىردەگى جاقسى كادر ولشەمى مەن ۇلتتار وڭىرلەرىندەگى كادرلاردىڭ ”ءتورت ەرەكشە“ ولشەمىن تياناقتاندىرىپ، ادام تاڭداۋدىڭ، ادام ىستەتۋدىڭ دۇرىس بەتالىسىنا تاباندى بولۋ؛ 1 - توپتاعى نەگىزگى تاقىرىپتىق تاربيەنىڭ تابىستى تاجىريبەلەرىن مۇقيات قورىتىندىلاپ، 2 - توپتاعى نەگىزگى تاقىرىپتىق تاربيەنى جوعارى ساپامەن ىلگەرىلەتىپ، شينجياڭنىڭ ءىس جۇزىندىك جاعدايىمەن ۇشتاستىرىپ، كادرلار قوسىنىنىڭ نازاريالىق ۇيرەنۋىن جانە ساياساتتىق باۋلۋىن كۇشەيتۋ؛ كادرلاردىڭ قوس باعىتتا اۋىس - كۇيىس جاساۋ، ءمانساپقا ءىلۋ، مىندەتكە تاعايىنداۋ قىزمەتىن بەلسەنە ىلگەرىلەتىپ، كادرلار قۇرىلىمىن ۇزدىكسىز ساپالىلاندىرىپ، ماماندانۋ ساپاسىن جوعارىلاتۋ؛ ”ەكىبەتكەيلەردى“ جونگە سالۋ قىزمەتىن ءتارتىپ بويىنشا، زاڭ بويىنشا ىلگەرىلەتۋگە تاباندى بولىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءۇرتىس تەرەڭدەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.

داۋىلدى تولقىنداردى قاق جارىپ، العا ۇمتىلاتىن ساتتەر بار، جەلكەندى كوككە كوتەرىپ، تەڭىزدەن وتەر ساتتەر بار. جاڭا داۋىردەگى جاڭا جورىقتا جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرە الاتىن جوعارى ساپالى ءار ۇلت كادرلار قوسىنى، ءسوز جوق، شينجياڭنىڭ رەفورما، دامۋ، ورنىقتىلىق ىستەرىنىڭ ءار سالاسىندا ۇلگى كورسەتۋ، جەتەكتەۋ اسەرىن زور كۇشپەن ساۋلەلەندىرىپ، ءار ۇلت بۇقاراسىن ىنتىماقتاستىرىپ، باستاپ، قيىندىقتاردان قامال الىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇراتىن بولادى.