ۋاڭ جيانشين جاي پارتيا مۇشەسى سالاۋاتىمەن ءوزى تۇرعان پارتيا ياچەيكاسىنىڭ ۇيىمدىق تۇرمىس جيىنىنا قاتىناستى

　　جاڭا بەينەمەن، جاڭا ىسكەرلىكپەن قىزمەتتە جاڭا جاعداي اشۋ كەرەك

انار بۇلت \ شينجياڭ گازەتىنىڭ ءتىلشىسى جاڭ يانفاڭ 9 - ايدىڭ 4 - كۇنى ۇرىمجىدەن حابارلايدى. نەگىزگى تاقىرىپتىق تاربيەنىڭ قىزمەت ورنالاستىرۋىنا ساي، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين تاياۋدا جاي پارتيا مۇشەسى سالاۋاتىمەن ءوزى تۇرعان اۆتونوميالى رايوندىق پارتكوم ۇگىت ءبولىمى 19 - پارتيا ياچەيكاسىنىڭ نەگىزگى تاقىرىپتىق تاربيە بويىنشا ارناۋلى تاقىرىپتىق ۇيىمدىق تۇرمىس جيىنىنا قاتىناستى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ەگجەي - تەگجەيلى ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، يدەولوگيا شەبى قۇرىلىسىن باسقارۋدى كۇشەيتىپ، شينجياڭنىڭ باياندى تىنىشتىعىنىڭ يدەيالىق نەگىزىن ۇزدىكسىز بەكەمدەۋ كەرەك.

جيىندا پارتيا ياچەيكاسىنىڭ الدىڭعى رەتكى ۇيىمدىق تۇرمىس جيىنىندا تەكسەرىپ ورتاعا قويىلعان ماسەلەلەر جونىنەن رەتتەۋ - تۇزەتۋدىڭ تياناقتاندىرىلۋ جاعدايى قاتارلىلار حابارلاندى، پارتيا ياچەيكاسىنداعى جاۋاپتى جولداس ياچەيكا اتىنان سالىستىرىپ تەكسەرۋ جۇرگىزدى، پارتيا مۇشەلەرى ءبىر - بىردەن قاداعالاپ، جىنتىكتەي تالداۋ جاساپ، سىن جانە ءوز - وزىنە سىن ورىستەتتى.

كوپشىلىكتىڭ لەبىزىن مۇقيات تىڭداعاننان كەيىن ۋاڭ جيانشين بىلاي دەپ اتاپ كورسەتتى: ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ساياسي جاقتان شىڭدالۋدى، ساياسي تاجىريبە جيناقتاۋدى، ساياسي قابىلەتتى جوعارىلاتۋدى ۇزدىكسىز كۇشەيتۋ كەرەك. ارناۋلى تاقىرىپتىق ۇيىمدىق تۇرمىس جيىنىن وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن، جۇرەككە ۇيالاۋىن ۇزدىكسىز ىلگەرىلەتۋ كەرەك. ءار ۇلت بۇقاراسىن قاشاندا كوڭىل تورىنە قويىپ، سانالىلىقپەن حالىقتان اقىل - كەڭەس الىپ، حالىقتىڭ ۇنىنە قۇلاق اسىپ، شينجياڭدى مادەنيەتپەن نارلەندىرۋ قىزمەتىن ناقتى، جاندى، ءونىمدى تۇردە ىلگەرىلەتىپ، ءار ۇلت بۇقاراسىنىڭ رۋحاني مادەنيەت قاجەتىن ۇزدىكسىز قاناعاتتاندىرۋ كەرەك. نەگىزگى تاقىرىپتىق تاربيەنىڭ جەتىستىكتەرىن يدەولوگيا سالاسىنداعى تەرەڭ قاتپارلى قايشىلىقتار مەن ماسەلەلەردى شەشۋدىڭ ءىس جۇزىندىك ارەكەتىنە اينالدىرىپ، نازاردى ماسەلەگە شوعىرلاندىرىپ، قيىندىقتان تايسالماي العا باسىپ، ناقتى ىستەپ جاۋاپكەرشىلىك ارقالاپ، امالياتتا شىنىعۋ بارىسىندا مىندەت وتەۋ، جاۋاپكەرشىلىكتى ادا ەتۋ قۋاتىن، قابىلەتىن ۇزدىكسىز جوعارىلاتىپ، جاڭا بەينەمەن، جاڭا ىسكەرلىكپەن قىزمەتتە جاڭا جاعداي اشۋ كەرەك.