ما شيڭرۇي، ەركىن تۇنياز شياۋداۋ كاڭيۇيمەن كەزدەستى

　　جاڭ چۇنلين كەزدەسۋگە قاتىناستى

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 9 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 9 - ايدىڭ 12 - كۇنى ۇرىمجىدە جاپونيالىق دوس قايراتكەر، اۆتونوميالى رايوندىق حالىق ۇكىمەتىنىڭ مادەنيەت اقىلشىسى شياۋداۋ كاڭيۇيمەن كەزدەستى.

اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.

ما شيڭرۇي اۆتونوميالى رايوندىق پارتكوم مەن ۇكىمەت اتىنان شياۋداۋ كاڭيۇيدىڭ اراعا بىرنەشە جىل سالىپ شينجياڭعا تاعى كەلگەندىگىن قارسى الدى. ول بىلاي دەدى: شياۋداۋ كاڭيۇي مىرزا 40 جىلدان بەرى جۇڭگو شينجياڭىنىڭ دامۋىنا باستان - اياق كوڭىل ءبولىپ، قولداۋ كورسەتىپ، شينجياڭنىڭ وقۋ - اعارتۋ، مادەنيەت ىستەرىنىڭ العا باسۋىنا بار كۇشپەن كومەكتەسىپ، جاپونيا قوعامىنىڭ شينجياڭ جونىندەگى تۇسىنىگىن ارتتىرۋعا قۇلشىنىپ، ەكى جاقتىڭ اۋىس - كۇيىستى، سەلبەستىكتى تەرەڭدەتۋىن بەلسەنە جەبەدى، ءبىز تەرەڭ اسەرلەندىك، شىنايى العىس ايتامىز. قازىر شينجياڭنىڭ دامۋى شەشۋشى مەزگىلدە تۇر. ءبىز ءتوراعا شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋدامىز. رەفورما، دامۋ، ورنىقتىلىق قىزمەتتەرىن بار كۇشپەن ويداعىداي ىستەۋمەن بىرگە، ءبىز ”شاقىرىپ اكەلۋ“، ”سىرتقا شىعارۋ“ قىزمەتىن بەلسەنە ويداعىداي ىستەپ، جاڭا داۋىردەگى جۇڭگو شينجياڭىنىڭ حيكاياسىن ويداعىداي بايانداپ، حالىقارالىق اۋىس - كۇيىس، سەلبەستىك سەرپىنىن ارتتىرىپ، تاماشا حالىقارالىق ورتا قالىپتاستىرۋعا قۇلشىنۋدامىز. شياۋداۋ كاڭيۇي مىرزانىڭ شينجياڭعا بۇرىنعىداي كوڭىل ءبولىپ، قولداۋ كورسەتىپ، كوپتەپ قۇندى پىكىرلەر بەرىپ، شينجياڭنىڭ ءتۇرلى ىستەرىنىڭ دامۋىن ىلگەرىلەتۋدە، جاپونيامەن اۋىس - كۇيىستى، سەلبەستىكتى تەرەڭدەتۋدە رولىن اناعۇرلىم ويداعىداي ساۋلەلەندىرۋىن ءۇمىت ەتەمىز.

شياۋداۋ كاڭيۇي مىنالاردى ءبىلدىردى: وسى جىلداردا شينجياڭنىڭ دامۋىنا قاشاندا نازار اۋدارىپ، جاپونيا قوعامىنا شينجياڭدى بەلسەنە ۇگىتتەپ، تانىستىرىپ، حالىقاراداعى شينجياڭ جونىندەگى جالعان حابارلاردى اداقتاپ، اناعۇرلىم كوپ ادامنىڭ شىنايى جۇڭگو شينجياڭىن بىلۋىنە مۇمكىندىك جاسادىم. بۇل جولعى شينجياڭداعى ساپارىمدا جەرگىلىكتى ورىننىڭ وقۋ - اعارتۋ، مادەنيەت، مادەني ەسكەرتكىش ىستەرىنىڭ دامۋىنا ۇزدىكسىز قولداۋ كورسەتۋمەن بىرگە، ءتىپتى دە كوپ جەرلەردى ارالاپ، كورىپ، شينجياڭنىڭ جاڭا دامۋىن، جاڭا وزگەرىسىن ءوزىم تىكەلەي سەزىنىپ، بىلايعى جەردە جاپونيادا جاڭا داۋىردەگى شينجياڭدى اناعۇرلىم ويداعىداي ۇگىتتەمەكشىمىن. ”ءبىر بەلدەۋ، ءبىر جول“ باستاماسىندا شينجياڭنىڭ ورنى مەن رولى بارعان سايىن ماڭىزدى بولا ءتۇستى. رولىمدى بەلسەنە ساۋلەلەندىرىپ، شينجياڭنىڭ قۇرىلىسىنا، دامۋىنا ۇلەس قوسۋعا بارىنشا قۇلشىنامىن.

سۇن حۇڭمەي كەزدەسۋگە قاتىناستى.

شياۋداۋ كاڭيۇي جاپونيا مەن جۇڭگو شينجياڭىنىڭ دوستىق اۋىس - كۇيىسىن، سەلبەستىگىن جەبەۋگە ۇزاق ۋاقىت كۇش سالىپ، شينجياڭنىڭ وقۋ - اعارتۋ، مادەنيەت جانە مادەني ەسكەرتكىشتەردى قازۋ، قورعاۋ ت. ب قىزمەتتەرىنە بەلسەنە ات سالىسىپ، شينجياڭعا كەزىندە 150دەن استام رەت ساپارلاي كەلگەن. بۇل جولعى شينجياڭداعى ساپارىندا ول ۇرىمجىدە اۆتونوميالى رايوندىق اسەمونەر سارايى، مۇراجاي قاتارلى مادەنيەت مۇراجايى قۇرىلىمدارىن جانە قاتىستى مەكتەپتەردى ارالاپ، ءوزى تاعايىنداعان شينجياڭ مادەني ەسكەرتكىشتەر، مادەنيەت تاڭداۋلى سيلىعىن، شينجياڭ داشۋەسىنىڭ وقۋ سيلىق اقشاسىن، جىبەك جولى بالالار وقۋعا كومەك اقشاسىن تاراتۋ قيمىلدارىنا قاتىناسىپ، قاتىستى ەسكە ءتۇسىرۋ قيمىلدارىن ورىستەتەدى؛ تاعى وڭتۇستىك شينجياڭنىڭ ايماق، وبلىستارىنا جانە قۇمىل قالاسىنا بارىپ، ەكسكۋرسيادا - ساپاردا بولىپ، جۇمىس باسىندا شينجياڭنىڭ ەكونوميكالىق، قوعامدىق دامۋ جاعدايى جانە قىزىل مىڭ ءۇيى، نيا ەسكى جۇرتى سياقتى مادەنيەت ەسكى جۇرتتارى مەن مادەني ەسكەرتكىشتەردى زەرتتەۋ، قورعاۋ تابىستارىن ۇعىسادى.