حالىق تۇرمىسى جاعىنان شينجياڭعا كومەكتەسۋ ۇزدىكسىز كۇشەيتىلدى

　　□ انار بۇلت \ شينجياڭ گازەتىنىڭ ءتىلشىسى يۇي شي

التىن كۇز 9 - اي، بار الەم مول ىرىسقا كەنەلگەن شاق. باي اۋداندىق 6 - ورتا مەكتەپتىڭ ءىلمي بايانداما جاساۋ زالىندا قۇرىلىسشىلار زالدىڭ ىشكى بولەگىن اشەكەيلەۋدە. وسى مەكتەپتەگى كومەكتەسىپ سالۋ نىسان قۇرىلىسى اياقتاعاننان كەيىن، وقىتۋ يقۋاتى قۇرىلعىلارى كەمەلدەنىپ، مەكتەپتىڭ جالپىلىق قۋاتى جوعارىلايتىن بولادى. بۇل حالىق تۇرمىسى جاعىنان شينجياڭعا كومەكتەسۋ ارقىلى ءار ۇلت بۇقاراسىنىڭ قۇت - ىرىسىن تىنباي كۇشەيتۋدىڭ شاعىن كارتيناسى.

شينجياڭدا حالىق تۇرمىسى اسەم كارتيناسىنىڭ كوز تارتۋىنا حالىق تۇرمىسى جاعىنان شينجياڭعا كومەكتەسۋ قىزمەتىنىڭ ەسەلى ەڭبەگى سىڭگەن. شينجياڭعا كومەكتەسكەن ءارقايسى ولكە، قالالار قارجى، نىسان جاعىندا حالىق تۇرمىسىنا بەيىمدەلۋگە، نەگىزگى ساتىعا بەيىمدەلۋگە، ءتۇيىندى وڭىرلەرگە بەيىمدەلۋگە تاباندى بولدى. حالىق تۇرمىسىنداعى ءاربىر ىقىلاسقا تولى جاۋاپنامالار شينجياڭداعى ءار ۇلت بۇقاراسىنا پارتيا ورتالىق كوميتەتىنىڭ قامقورلىعىن جانە وتان ۇلى شاڭىراعىنىڭ مەيىرىن تولىق سەزىندىرىپ، ولاردىڭ جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋ بەكىمدەرى مەن سەنىمدەرىن ونان ارى نىعايتا ءتۇستى.

　　شينجياڭعا كومەكتەسۋ نىساندارىندا حالىق تۇرمىسى نەگىزگى تاقىرىبى كورنەكتىلەندىرىلدى

تاياۋدا قىزىلسۋ جۇڭي شيپاحاناسى جاڭا شيپاحاناسىنىڭ نىسانى اتۇش قالاسىندا قۇرىلىس باستادى. ايرىقشا نازار اۋدارىلعان وسى حالىق تۇرمىسى ينجەنەرياسىنا جياڭشي ولكەسىنىڭ شينجياڭعا كومەكتەسۋ قارجىسىنان 50 ميلليون يۋان جۇمسالىپ، قوعامدىق كاپيتالدان 130 ميلليون يۋان قارجى باۋرالدى. سالىنىپ بىتكەننەن كەيىن، جياڭشي ولكەسىنىڭ جۇڭي ەمدەۋ بايلىعى باسىمدىعىن سۇيەنىش ەتىپ، جىلۋ سەزىمتالدىعىندىق ينە شانشۋ، جاي ينە شانشۋ، توسەنىش قويىپ ينە شانشۋ سياقتى جۇڭگوشا ەمدەۋ تەحنيكالارىن ەنگىزىپ، جەرگىلىكتى بۇقاراعا ساپالى، جوعارى ءونىمدى ەمدەۋ قىزمەت وتەۋىن ازىرلەيدى.

جياڭشي شينجياڭعا كومەكتەسۋدە نازاردى قاي - قاشان دا حالىق تۇرمىسىنداعى ەڭ تىكە، ەڭ رەال، ەڭ كوكەي تەستى ماسەلەلەردى شەشۋگە شوعىرلاندىردى، شينجياڭعا كومەكتەسۋ قارجىسىنىڭ ％80تەن استامىن حالىق تۇرمىسى سالاسىنا جۇمسادى، وسىنىڭ ارقاسىندا وزگە جەرگە كوشىرۋ، ەمدەۋ، وقۋ - اعارتۋ سياقتى سالالارداعى بىر قىدىرۋ حالىق تۇرمىسى نىساندارى سالىندى.

شينجياڭعا كومەكتەسكەن ءارقايسى ولكە، قالالار قارجىنى، نىساندى حالىق تۇرمىسىنا قاراي بەيىمدەپ، حالىق تۇرمىسى نەگىزگى تاقىرىبىن كورنەكتىلەندىرىپ، تيانشان الابىندا شينجياڭعا كومەكتەسۋدىڭ اسەم كورىنىسىنە اينالدى.

”پارتيانىڭ ساياساتى جاقسى! شينجياڭعا كومەككە كەلگەن شيپاگەرلەر جاقسى!“، - دەدى شايار اۋدانى تارىم اۋىلى قاليەت قىستاعىنىڭ تۇرعىنى گۇلميرا ءيۇسۇپ تەبىرەنىسىن باسا الماي. 2022 - جىلى جىجياڭ ولكەسىنىڭ ەمدەۋ جاعىنان شينجياڭعا كومەكتەسۋگە كەلگەن بالالار ىشكى اۋرۋلار ءبولىمى ارناۋلى ماماندىق بىرلەستىگى قيمىلىنىڭ كومەگىندە، گۇلميرانىڭ 7 جاستاعى قىزى قاقپا ۆەناسىندىق جوعارى قىسىم ارقىلى كوكباۋىردى، بۇيرەكتى ايىرۋ وپەراتسياسىن ءساتتى جاساتىپ، ساۋىققاننان كەيىن وزگە بالالارمەن ۇقساس مەكتەپكە باردى.

جىجياڭنىڭ شينجياڭعا كومەككە كەلگەن كادر دارىندىلارى ”ۇيىرمە قۇراۋ ۇلگىسىندە“ كومەك قابىلداعان ورىننىڭ دەنساۋلىق ساقتاۋ، سالاماتتىق ىستەرىنىڭ دامۋىنا كومەك كورسەتىپ، الىس ارالىقتان ەمدەۋ، مەرزىم سايىن باۋلۋ ورىستەتۋ، عىلمي اۋىس - كۇيىس جاساۋ سياقتى تاسىلدەردى قولداندى، ”جىجياڭنىڭ ارتقى شەپ كومەك بەرۋشى شيپاحاناسى − كومەك قابىلداعان شيپاحانا − اۋداندىق (قالا) شيپاحانا − اۋىل - قالاشىق (الەۋمەتتىك اۋماق، تۋان - الاڭى) ەمحاناسى“ سىندى كوپ ساتىلى بىرلەسىپ ارەكەتتەنۋ، قوس باعىتتا اۋىسىپ دياگنوز قويۋ، كوپ جاقتى يگىلىككە كەنەلۋ سىندى ەمدەۋ جاعىنان شينجياڭعا كومەكتەسۋ ۇلگىسىن قالىپتاستىردى.

ەمدەۋ جونىنەن ساپالى قىزمەت وتەۋدى نەگىزگى ساتىعا جەتكىزۋ ءۇشىن، جىجياڭ ولكەسىنىڭ شينجياڭعا كومەكتەسۋ قولباسشىلىق شتابى ارالاپ دياگنوز قويۋ - ەمدەۋدەن قىزمەت وتەۋ كولىگىنەن ۇشەۋىن ساتىپ الىپ، 2 - دارەجەلى شيپاحانانى نەگىزگى ساتىنىڭ ءبىرىنشى شەبىنە ”كوشىرىپ“ اپارىپ، ”ەمدەۋ ۇلكەن بازارى“ ارالاپ ءجۇرىپ اقىسىز دياگنوز قويۋ قيمىلىن ۇدايىلاندىرا ورىستەتتى. ”ەمدەۋ جاعىنان شينجياڭعا كومەكتەسۋدە تەك قان قۇيۋ جەتكىلىكتى بولمايدى، ونان دا ماڭىزدىسى، قان جاساۋ كەرەك. ءبىز يكەمدى، جاندى بولعان ءتۇرلى فورمادان پايدالانىپ، ۇيرەتۋ، كومەكتەسۋ، جەتەكتەۋ قىزمەتىن تەرەڭدەتەمىز“، - دەدى جىجياڭ ولكەسى جياشيڭ قالاسى شينجياڭعا كومەكتەسۋ قولباسشىلىق شتابى پارتكومىنىڭ شۋجيى، قولباسشى مۋ يۇن - ان.

شينجياڭعا باعىتتامالى كومەكتەسۋدە حالىق تۇرمىسى ماڭداي الدى ورىنعا قويىلدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، شينجياڭعا كومەكتەسكەن 19 ولكە، قالا حالىق تۇرمىسى جاعىنان شينجياڭعا كومەكتەسۋ تەبىنىن ۇزدىكسىز ارتتىردى، ％80تەن استام قارجى حالىق تۇرمىسىن قامتاماسىز ەتۋگە جانە جاقسارتۋعا ىستەتىلدى، اۋدان جانە اۋداننان تومەن نەگىزگى ساتىعا جۇمسالدى، 33 ميلليارد يۋاننان استام شينجياڭعا كومەكتەسۋ قارجىسى ورنالاستىرىلدى، 2100دەن استام حالىق تۇرمىسى جاعىنان شينجياڭعا كومەكتەسۋ نىسانى اتقارىلدى، نەگىزگى ساتىداعى ءبىرسىپىرا قيىن ءتۇيىن، بوگەتتى ءتۇيىن، تالماۋ ءتۇيىن ماسەلەلەر شەشىم تاۋىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن بارىنشا جوعارىلاتتى.

　　زەيىن - زەردە، كۇش - قۋات شوعىرلاندىرىلىپ، اۋىل - قىستاقتى گۇلدەندىرۋ ىلگەرىلەتىلدى

”التايدىڭ وسىنشاما كوپ ەرەكشە اۋىل شارۋاشىلىق ونىمدەرىن وندىرە الاتىندىعىن ويلاماعان ەكەنمىن!“، 8 - ايدىڭ 23 - كۇنى 14 - كەزەكتى جۇڭگو − شىعىس سولتۇستىك ازيا كورمەسى چاڭچۇن قالاسىندا شىمىلدىعىن اشتى، جيلين ولكەسى التاي ايماعىنىڭ ءشۇبات، شىرعاناق، شەكىلدەۋىك سياقتى 100دەن استام ونىمدەرىن كورمەگە قاتىناسۋعا ۇيىمداستىرىپ، تۇتاس ەلدىڭ جەر - جەرىندەگى تۇتىنۋشىلاردىڭ قارسى الۋىنا بولەندى.

جيلين ولكەسى تاعى 12 كاسىپورىندى التاي ايماعىنا ىشكەرىلەي بارۋعا ۇيىمداستىرىپ، اۋىل شارۋاشىلىق ونىمدەرىن ساتىپ الۋ سياقتىلاردى ارقاۋ ەتىپ، سول جەردىڭ وزىندە تەكسەرۋ جۇرگىزىپ، كوپتەگەن ەرەكشە ونىمدەردى جيلين ساۋدا - ەرەن بازارىنىڭ ساتۋ تۇعىرىنا ءساتتى ەنگىزدى. ”اۋىل شارۋاشىلىعى، اۋىل - قىستاق، شارۋالار قىزمەتىندە حالىق تۇرمىسىن شارپۋ كولەمى ەڭ كەڭ، ءبىزدىڭ ۇزدىكسىز كۇش سالۋداعى ماقساتىمىز، ءتىپتى دە كوپ كومەك قابىلداعان ورىنداعى جەرگىلىكتى بۇقارانى شينجياڭعا كومەكتەسۋ الا كەلگەن يگىلىگىنەن يگىلىكتەندىرۋ“، - دەدى جيلين ولكەسىنىڭ شينجياڭعا كومەككە كەلگەن كادرى، التاي ايماعى ساۋدا ىستەرى مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى فۋ ياۋ.

شينجياڭنىڭ قوعام ورنىقتىلىعى مەن جوعارى ساپالى دامۋىن جۇزەگە اسىرۋدا، ەڭ جاپالى مىندەت اۋىل - قىستاقتا. قايتكەندە اۋىل - قىستاقتىڭ حالىق تۇرمىسى سالاسىنا ۇسىنىلىمدى ارتتىرىپ، كەدەيلىكتەن ارىلتۋدان قامال الۋدىڭ تابىستارىن بەكەمدەۋدى، كەڭەيتۋدى، اۋىل - قىستاقتى گۇلدەندىرۋدى ىلگەرىلەتۋدى دامۋدىڭ ماڭىزدى تۇتقاسى ەتۋگە بولادى؟

”شەكارا وڭىردەگى ىرىستى مەكەن“ اتانعان ىلە اڭعارىندا جياڭسۋ ولكەسى يانچىڭ قالاسىنىڭ شينجياڭعا كومەكتەسۋ قولباسشىلىق شتابى اينالىم قامباسىن قۇرىپ، جاڭادان سالۋ، وزگەرتىپ سالۋ، مايعا بەرۋ، وداقتاسۋ سياقتى تاسىلدەر ارقىلى شاپشال سىبە اۆتونوميالى اۋدانىنىڭ كۇرىشىن، ماقسارى مايىن، جۇپار ءشوبىن، ت. ب جياڭسۋ ولكەسىنە، اۋەلى، بۇكىل ەلدىڭ جەر - جەرىنە ساتتى.

ونسۋ اۋدانى ونسۋ قالاشىعى جينحۋا جاڭا قىستاعىندا، جىجياڭ ولكەسى جينحۋا قالاسىنىڭ شينجياڭعا كومەكتەسۋ قولباسشىلىق شتابى قىستاقتا ەگىمشىلىكتەن، باعىمشىلىقتان ۇلگى كورسەتۋ بازالارىن سۇيەمەلدەپ قۇرىپ، قىستاق تۇرعىندارىنىڭ بايۋ جولىن ونان ارى كەڭەيتە ءتۇستى.

بەيجيڭ قالاسى سوڭعى جىلدارى شينجياڭعا كومەكتەسۋ قارجىسىنان جالپى 525 ميلليون يۋان جۇمساپ، كومەك قابىلداعان ورىننىڭ ەرەكشە ەگىمشىلىك، باعىمشىلىق كاسىپ سالاسىن دامىتۋىنا كومەك كورسەتتى. مۇندا حوتان قالاسىنىڭ وسى زامانعى اۋىل شارۋاشىلىق كاسىپ سالا باقشاسىنىڭ سايكەستى قۇرىلعىلارىن كەمەلدەندىرۋ، قاراقاش اۋدانىنىڭ اۋىل شارۋاشىلىق قوسىمشا ونىمدەرى سۋىق تىزبەك زات اينالىمى قۇرىلىسىن قولداۋ، بيڭتۋان 14 - شىسى گۇما ەگىس الاڭى ءانجۇر بازاسى قۇرىلىسىن قولداۋ، ت. ب لارى قامتىلعان.

...

سوڭعى 3 جىلدان بەرى ورتالىق پەن مەملەكەت ورگاندارى، ورتالىق كاسىپورىندارى، سونداي - اق شينجياڭعا كومەكتەسەتىن 19 ولكە، قالا 26 ميلليارد يۋاننان استام شينجياڭعا كومەكتەسۋ قارجىسىن قوسىپ، 3727 كەدەيلەردى دالمە - ءدال سۇيەمەلدەۋ جانە اۋىل - قىستاقتى گۇلدەندىرۋ نىسانىن اتقارىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى تىڭعىلىقتى ىلگەرىلەتتى. تيانشان الابىنداعى ءار ۇلت كادر، بۇقاراسى حالىق تۇرمىسى جاعىنان شينجياڭعا كومەكتەسۋدىڭ ىقىلاستى قولداۋىندا ءتىپتى دە تاسقىنداعان بەينەمەن اۋىل - قىستاقتى گۇلدەندىرۋدىڭ جاڭا تاراۋىن جازدى.

　　ارالاسۋ، ىشتەسۋ، توعىسۋ قۇت - ىرىستى ارتتىردى

بيىل 3 - ايدا حىبەي ولكەسىنىڭ باعىتتامالى تۇردە بايىنعولين موڭعۇل اۆتونوميالى وبلىسىنان، بيڭتۋان 2 - شىسىنان ءىسورىندارىنا اشىق قىزمەتكەر قابىلداۋ ەمتيحانىندا جوعارى مەكتەپ تاۋىسىپ، جۇمىستانا قويماعان 18 ادام حىبەي ولكەسىنىڭ ءىسورىندارىنا ەمتيحان بەرىپ ءوتتى.

بۇل حىبەي ولكەسىنىڭ حالىق تۇرمىسى جاعىنان شينجياڭعا كومەكتەسۋ تەبىنىن ۇزدىكسىز ارتتىرعاندىعىنىڭ، حىبەي مەن شينجياڭداعى ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن تەرەڭدەتۋدە قول جەتكىزگەن ونىمدىلىكتەرىنىڭ ءبىرى.

2020 - جىلدان بەرى بايىنعولين وبلىسى ”100 كاسىپورىن، 1000 جۇمىس ورنى يان جاۋ ساپارى“ قىزمەتكەر قابىلداۋ قيمىلىن ۇزدىكسىز ورىستەتۋ ارقىلى باۋديڭ شۋەيۋانىنىڭ باتىس بولىك وقۋ - اعارتۋعا كومەكتەسۋ شوعىرىنىڭ ىزگى ىستەرىن كەڭ كولەمدە ۇگىتتەدى، حىبەي ولكەسىنەن جوعارى مەكتەپ تاۋىسقان 1000عا جۋىق ادامدى باتىس بولىك ەرىكتىسى بولۋعا، جوعارى مەكتەپ تاۋىسقان 600دەن استام ادامدى، قوسىننان شەگىنگەن اسكەريلەردەن 500دەن استام ادامدى بايىنعولين وبلىسىنا، بيڭتۋان 2 - شىسىنا كەلىپ جۇمىستانۋعا باۋرادى.

سوڭعى جىلدارى شينجياڭعا كومەكتەسكەن ءارقايسى ولكە، قالالار ارالاسۋدى، ىشتەسۋدى، توعىسۋدى ۇلتتار ىنتىماعىن بەكەمدەۋدىڭ ماڭىزدى ءتاسىلى ەتۋگە تاباندى بولىپ، شينجياڭعا كومەكتەسۋدەگى ءاربىر نىساندى ۇلتتار ىنتىماعىن نىعايتۋدىڭ ماڭىزدى دانەكەرى ەتىپ، شينجياڭعا باعىتتامالى كومەكتەسۋ قىزمەتىن ۇلتتار ىنتىماعىن كۇشەيتۋ ينجەنەرياسى ەتىپ تۇلعالاۋعا قۇلشىندى.

قۇمىلدا حىنان ولكەسىنىڭ شينجياڭعا كومەكتەسۋ قولباسشىلىق شتابى شىعىس شينجياڭ وسپە اۋرۋلارى دياگنوز قويۋ، ەمدەۋ ورتالىعىن قۇرىپ، شينجياڭعا كومەكتەسۋگە كەلگەن شيپاگەرلەردى جەرگىلىكتى ورىنداعى ەمدەۋ تىرەكتىلەرىمەن ۇستاز - شاكىرت قاتىناسىن ورناتۋعا ۇيىمداستىردى؛ تۇرپاندا حۋنان ولكەسىنىڭ شينجياڭعا كومەكتەسۋ قولباسشىلىق شتابى تۇرپان قالاسىنىڭ گاۋچاڭ رايونىنداعى 5 اۋىل - قىستاقتى گۇلدەندىرۋدەن ۇلگى كورسەتەتىن قىستاقتى (ليان - دۇي) جەكە - جەكە حۋناننىڭ شياڭتان شاۋشان قىستاعى، شياڭشيشىبادۇڭ قىستاعى سياقتى 5 قىستاقپەن جۇپ قۇراپ، بىرگە كوركەيۋىن ىلگەرىلەتىپ، ارالاسۋ، ىشتەسۋ، توعىسۋ بارىسىندا قىزىل مادەنيەت جونىندەگى تانىمدى تەرەڭدەتتى.

”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتۋ ارقىلى شينجياڭعا كومەكتەسكەن ءارقايسى ولكە، قالالاردىڭ كادرلارى، دارىندىلارى كومەك قابىلداعان ورىنداعى ءار ۇلت بۇقاراسىمەن جۇپ قۇراپ، تۋىس بولىپ، حال - جاعدايىن سۇراپ، كەزدەسىپ، اقشالاي جىلۋ اتاپ، زاتتاي كومەك كورسەتتى. سونىمەن بىرگە، شينجياڭعا كومەكتەسكەن ءارقايسى ولكە، قالالار كۇشتى شوعىرلاندىرىپ نەگىزگى ساتىنىڭ نەگىزىن مىقتى يگەرىپ، پارتيانىڭ بيلىك جۇرگىزۋ نەگىزىن بەكەمدەۋدى جانە ءورىسىن كەڭەيتۋدى ارقاۋ ەتىپ، 7 ميلليارد 438 ميلليون يۋان شينجياڭعا كومەكتەسۋ قارجىسىن سالىپ، 2460تان استام نەگىزگى ساتى ۇيىمدىق شەبىن، قيمىل الاڭىن جاڭادان سالدى جانە كەڭەيتىپ سالدى. 485 توپتا 21 مىڭ 200 قىستاق ”ەكى كوميتەتىنىڭ“ ءبىرىنشى باسشىلارىن جانە ايەلدەر بىرلەستىگىنىڭ ءتورايىمدارىن شينجياڭعا كومەكتەسكەن ولكە، قالالارعا بارىپ ۇيرەنۋگە، تەكسەرۋ جۇرگىزۋگە تاڭداپ جىبەردى...

حالىق تۇرمىسى حالىق تىلەگىمەن ۇلاسقان. بۇگىنگى تاڭدا شينجياڭعا كومەكتەسكەن ءارقايسى ولكە، قالالاردىڭ جۇرەككە شۋاق شاشقان ءاربىر ينجەنەريالارى، حالىققا تيىمدىلىك جاساۋداعى ءاربىر ناقتى ىستەرى تيانشان الابىنداعى ءار ۇلت بۇقاراسىن تىكەلەي يگىلىككە كەنەلدىرىپ، كەڭ كولەمدە يگىلىككە كەنەلدىرىپ، باياندى يگىلىككە كەنەلدىرىپ، كوپشىلىك ارالاسۋ، ىشتەسۋ، توعىسۋ بارىسىندا، وتانعا دەگەن سەنترگە تارتۋ قۋاتىن بارىنشا ارتتىردى.