وقۋ - اعارتۋ اۋىس - كۇيىسى، سەلبەستىگى ”كەمەسىنىڭ“ بولاشاققا بەت الۋىن ىلگەرىلەتتى

　　− 2023 - جىلعى ازيا - ەۆروپا كورمەسى . وقۋ - اعارتۋ حالىقارالىق تالقى مىنبەرى جونىندە ەستەلىك

　　□ انار بۇلت \ شينجياڭ گازەتىنىڭ ءتىلشىسى يۇي شي

التىن كۇز، شينجياڭنىڭ بايتاق دالاسىندا جەمىس - جيدەكتىڭ ءيىسى اڭقىپ، مول ءونىم بەلەڭ بەردى. وسىناۋ ءۇمىت پەن قۋانىش كەرنەگەن ماۋسىمدا ءۇرىمجى قالاسى ءبىر حالىقارالىق سالتاناتتى جينالىستى قارسى الدى − 2023 - جىلعى ازيا − ەۆروپا كورمەسى . وقۋ - اعارتۋ حالىقارالىق تالقى مىنبەرى اشىلدى.

9 - ايدىڭ 15 - كۇنى پاكيستان، قازاقستان سياقتى ”ءبىر بەلدەۋ، ءبىر جولدى“ بىرگە قۇراتىن ەلدەردىڭ وقۋ - اعارتۋ تاراۋلارىنىڭ ءمانساپتىلارى مەن 18 ەلدىڭ 56 جوعارى مەكتەبىنىڭ باستىقتارى، ماماندارى شينجياڭ حالىقارالىق ءماجىلىس - كورمە ورتالىعىندا باس قوستى، كوپشىلىك ”وقۋ - اعارتۋ اۋىس - كۇيىسىن تەرەڭدەتىپ، كوركەم بولاشاقتى بىرگە قۇرۋ“ نەگىزگى تاقىرىبىن توڭىرەكتەي وتىرىپ، ءىلىم جەتىستىكتەرى جونىندە پىكىرلەسىپ، پاراسات - تاجىريبەلەردى ورتاقتاسىپ، 4 جاقتا كەڭ كولەمدى ورتاق تانىمعا كەلدى: ناقتى سەلبەستىكتى ۇزدىكسىز تەرەڭدەتىپ، اناعۇرلىم اشىق، جاسامپاز، سيىسىمدى، باياندى ”ءبىر بەلدەۋ، ءبىر جول“ وقۋ - اعارتۋ ورتاق تۇلعاسىن قول ۇستاسا قۇرۋ؛ دارىندى باۋلۋ ساپاسىن ۇزدىكسىز جوعارىلاتىپ، جۇڭگونىڭ ”ءبىر بەلدەۋ، ءبىر جولدى“ بىرگە قۇراتىن ەلدەرمەن، اسىرەسە، ورتا ازيا ەلدەرىمەن وقۋ - اعارتۋدى دامىتۋىنىڭ ادىلدىگىن، ونىمدىلىگىن جانە سايكەستىلىگىن ۇزدىكسىز كۇشەيتۋ؛ جاڭالىق اشۋ ارقىلى دەم بەرۋگە ۇزدىكسىز تاباندى بولىپ، ءوندىرۋدىڭ، وقىتۋدىڭ، زەرتتەۋدىڭ، پايدالانۋدىڭ توعىسپالى دامۋىن تەرەڭدەتىپ، عىلىم - تەحنيكادا جاڭالىق اشا دامۋدى بىرگە جەبەپ، وقۋ - اعارتۋدىڭ ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋ قۋاتىن ۇزدىكسىز جوعارىلاتۋ؛ جۇرت تىلەگىنىڭ توعىسۋىن ۇزدىكسىز جەبەپ، ءوزارا ۇيرەنۋدى، ءوزارا ۇلگى الۋدى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋعا تىڭ دا اناعۇرلىم زور ۇلەس قوسۋ.

رەسەي تومسك مەملەكەتتىك قۇرىلىس داشۋەسىنىڭ وقىتۋشىسى ورلوۆا ولگا بىلاي دەدى: ”تالقى مىنبەرى وقۋ - اعارتۋدىڭ حالىقارالىق دامۋ تاجىريبەسىن ورتاقتاساتىن، وقۋ - اعارتۋدىڭ حالىقارالىق اۋىس - كۇيىسىن، سەلبەستىگىن ىلگەرىلەتەتىن تۇعىر ورناتتى، بۇل جۇڭگو شينجياڭى جانە توڭىرەگىندەگى ەلدەر جونىنەن جاقسى ءىس. جۇڭگو شينجياڭىنىڭ وقۋ - اعارتۋدى سىرتقا اشىق ۇستاۋى، ءسوزسىز، جوعارى ساپالى جولدى بويلاپ داميتىندىعىنا، ءسوزسىز، ءار ەلدىڭ ۇزدىك جاستارىن جۇڭگوعا كەلىپ ۇيرەنۋگە، ءبىلىم اسىرۋعا ۇزدىكسىز باۋرايتىندىعىنا سەنەمىز“.

”بۇگىنگى جۇڭگو بۇكىل الەمدەگى ىقپال كۇشى بار حالىقارالىق وقۋ - اعارتۋ ورتالىعىنىڭ بىرىنە اينالدى، ۇزدىكسىز تەرەڭدەتىلگەن ەكى جاقتى، كوپ جاقتى وقۋ - اعارتۋ سەلبەستىگىنىڭ، اسىرەسە، وسى رەتكى تالقى مىنبەرىنىڭ دەم بەرۋىندە جۇڭگو، ءسوزسىز، وقۋ - اعارتۋدىڭ حالىقارالىق اۋىس - كۇيىسىنىڭ، سەلبەستىگىنىڭ اناعۇرلىم كەڭ سالاعا، اناعۇرلىم تەرەڭ ساتىعا، اناعۇرلىم جوعارى ساپاعا قاراي قادام تاستاۋىن ىلگەرىلەتەدى“! - دەپ قارادى قازاقستان الماتى زات اينالىم جانە تاسىمال شۋەيۋانىنىڭ باستىعى امىرعاليەۆا سالتانات نۇرادىلوۆنا.

ءوزارا سيىسىمدى بولۋ، ءوزارا ۇلگى الۋ، ءوزارا تۇتاستىرۋ؛ اشىقتىق، سەلبەستىك، ورتاقتاسۋ... تالقى مىنبەرىنىڭ اشىلۋ سالتىندا ينتەرنەت جەلىسىندە جانە جەلىدەن تىس وتىرعان سيلى قوناقتاردىڭ، مامانداردىڭ، ۋاكىلدەردىڭ سوزدەرىندەگى وسى ءجيى كەزدەسكەن سوزدەر قول ۇستاسا العا ىلگەرىلەۋدىڭ تەلەگەي كۇشىن تاسقىنداتتى. ءار ەلدەن كەلگەن سيلى قوناقتار، دوستار ءبىر اۋىزدان مىناداي باستاما جاريالادى: وقۋ - اعارتۋ تىرەگىن قول ۇستاسا ويداعىداي ىستەپ، ”ءبىر بەلدەۋ، ءبىر جولدى“ گۇلدەنۋ جولى ەتىپ قۇرىپ شىعۋ؛ وقۋ - اعارتۋ ارقىلى جەتەكتەۋدى قول ۇستاسا ويداعىداي ىستەپ، ”ءبىر بەلدەۋ، ءبىر جولدى“ جاڭالىق اشۋ جولى ەتىپ قۇرىپ شىعۋ؛ وقۋ - اعارتۋ بايلانىسىن قول ۇستاسا ويداعىداي ىستەپ، ”ءبىر بەلدەۋ، ءبىر جولدى“ دوستىق جولى ەتىپ قۇرىپ شىعۋ كەرەك.

بەيجيڭ ءتىل داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى حۋاڭ يفاڭ بىلاي دەدى: ”وقۋ - اعارتۋ − دانەكەر، قوزعالتقىش، جۇڭگونىڭ وقۋ - اعارتۋ جاعىندا قۋاتتى ەل قۇرۋ جانە وقۋ - اعارتۋدى سىرتقا اشىق ۇستاۋىنىڭ ارتقى استارىندا ءبىز اناعۇرلىم اشىق بولۋ پرينسيبىنەن جازباي، وقۋ - اعارتۋدىڭ حالىقارالىق اۋىس - كۇيىسىن، سەلبەستىگىن ونان ارى كۇشەيتىپ جانە كەڭەيتىپ، كوپ نەگىزدى مادەنيەتتىڭ اۋىس - كۇيىسىن، ءوزارا ۇلگى الۋىن ۇزدىكسىز جەبەيمىز“.

2023 - جىلعى ازيا − ەۆروپا كورمەسى . وقۋ - اعارتۋ حالىقارالىق تالقى مىنبەرى شينجياڭ جوعارى مەكتەپتەرى عىلىم - تەحنيكا جەتىستىكتەرى كورمەسىن وتكىزدى، شينجياڭ داشۋەسىنىڭ مايلى كومىردى جوعارى ءونىمدى، تازا، بولشەكتەپ پايدالانۋدىڭ شەشۋشى تەحنيكالارىن زەرتتەۋ - اشۋى؛ شينجياڭ مەديتسينا داشۋەسىنىڭ انار قابىعىنان سۇيىقتىق ايىرىپ الۋ جانە قولدانۋ جەتىستىگىن كادەگە جاراتۋى... ءبىر قىدىرۋ عىلمي زەرتتەۋ جەتىستىكتەرى توڭىرەكتىڭ ءتورت بۇرىشىنان كەلگەن قوناقتاردى، دوستاردى قاتتى باۋرادى.

شينجياڭ اۋىل شارۋاشىلىعى داشۋەسى مەكتەپ قۇرىلعان 70 نەشە جىلدان بەرگى ەڭ جاڭا عىلمي زەرتتەۋ جەتىستىكتەرىن الا كەلدى، جاس كۇيىندە جەيتىن جۇگەرى سورتى، جىلقى مايى جەلىلەس اجارلاندىرۋ بۇيىمدارى، قارا ارا بالى، ەكى ءتۇرلى جاڭاشا ءجۇزىم شارابى، شۋەشياڭ جەلىلەس المۇرتى سياقتىلاردى قامتىدى. وسى مەكتەپتىڭ عىلىم - تەحنيكا باسقارماسىنىڭ ورىنباسار باستىعى ۋ پىڭحاۋ مىنانى ءبىلدىردى: ”تالقى مىنبەرىنىڭ اشىلۋى جۇڭگو − شەتەل اۋىس - كۇيىسىنىڭ، سەلبەستىگىنىڭ ۇزدىكسىز تەرەڭدەۋىن ىلگەرىلەتۋگە پايدالى، جۇڭگو مەن شەتەلدىڭ كوپ سالاداعى سەلبەستىگىن جەبەيدى، ءبىز بولاشاققا كامىل سەنەمىز“.

پاكيستان فايسالاباد اۋىل شارۋاشىلىعى داشۋەسىنىڭ ورىنباسار باستىعى مۇحاممەد ساۋا حان بىلاي دەدى: ”پاكيستاننىڭ ەكونوميكاسى اۋىل شارۋاشىلىعىن نەگىز ەتەدى، اۋىل شارۋاشىلىعى بۇكىل ەلدىڭ ％38 ەڭبەككۇشىن قابىلدايدى. بىزدە تاعى 30 اۋىل شارۋاشىلىعى شۋەيۋانى جانە داشۋەسى، سونداي - اق ءىشىنارا زەرتتەۋ قۇرىلىمدارى بار، وسى مەكتەپتەر مەن قۇرىلىمدار جاڭالىق اشقان اۋىل شارۋاشىلىعى ءوندىرىس تەحنيكاسىن ۇزدىكسىز ەنگىزىپ جاتىر. جۇڭگونىڭ اۋىل شارۋاشىلىعى تەحنيكاسى جانە ەگىنشىلىك ءادىسى جاقتارىنداعى العا باسۋى ءوندىرىس مولشەرىن جوعارىلاتۋعا پايدالى. ءبىز وسى رەتكى تالقى مىنبەرى ارقىلى جۇڭگومەن سارا اۋىل شارۋاشىلىعىن، ورگانيكالى اۋىل شارۋاشىلىعىن كۋالاندىرۋ، جوعارى ءونىمدى سۋارۋ تەحنيكاسى، دەرت - دەربەز جانە زياندى جاندىك لاڭى بويىنشا جالپىلاي باسقارۋ سياقتى سالالارداعى ءىلمي سەلبەستىكتى جانە ماماندىق قىزمەتكەرلەرىن تاربيەلەۋدى كەڭەيتەمىز“.

وقۋ - اعارتۋ اۋىس - كۇيىسىن تەرەڭدەتىپ، كوركەم بولاشاقتى بىرگە اشتى. جۇڭگولىق، شەتەلدىك سيلى قوناقتار ۇرىمجىدەن اتتانىپ، ءوزارا قول ۇستاسىپ، وقۋ - اعارتۋ اۋىس - كۇيىسى، سەلبەستىگى ”كەمەسىنىڭ“ اناعۇرلىم نۇرلى بولاشاققا بەت الۋىن ىلگەرىلەتتى.