اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسىن وتكىزدى

　　اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسىن 9 - ايدىڭ 26 - كۇنىنەن 28 - كۇنىنە دەيىن اشۋدى ۇيعاردى

انار بۇلت \ شينجياڭ گازەتىنىڭ ءتىلشىسى جاڭ لەي 9 - ايدىڭ 16 - كۇنى ۇرىمجىدەن حابارلايدى. 9 - ايدىڭ 15 - كۇنى اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسىن وتكىزدى. ءماجىلىس اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 5 - ءماجىلىسىن 9 - ايدىڭ 26 - كۇنىنەن 28 - كۇنىنە دەيىن ۇرىمجىدە اشۋدى ۇيعاردى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ءماجىلىستى باسقاردى.

ءماجىلىس اۆتونوميالى رايوندىق حالىق قۇرىلتايى تۇراقتى كوميتەتى 5 - ءماجىلىسىنىڭ كەڭەستىك ءتارتىپ جوباسىن قارادى. مەڭگەرۋشىلەر ءماجىلىسى ۇسىنعان كەڭەستىك تاقىرىپتارعا ساي، تۇراقتى كوميتەتتىڭ 5 - ءماجىلىسى باس شۋجي شي جينپيڭنىڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن، ت.ب ۇيرەنەدى، دايەكتىلەندىرەدى؛ اۆتونوميالى رايوننىڭ ءوندىرىس حاۋىپسىزدىگى ەرەجەسىنىڭ وزگەرىس ەنگىزۋ جوباسىنىڭ وزگەرىس ەنگىزىلگەن نۇسقاسىن، اۆتونوميالى رايوننىڭ «جۇڭحۋا حالىق رەسپۋبليكاسىنىڭ سۋ زاڭىن» اتقارۋ ادىسىنە وزگەرىس ەنگىزۋ جوباسىنىڭ وزگەرىس ەنگىزىلگەن نۇسقاسىن قارايدى؛ اۆتونوميالى رايوندىق حالىق ۇكىمەتى قاراۋعا ۇسىنعان اۆتونوميالى رايوننىڭ اكىمشىلىك زاڭ اتقارۋدى باقىلاۋ ەرەجەسى جوباسى جونىندەگى كەڭەستىك جوبانى، اۆتونوميالى رايوننىڭ قوعامدىق سەنىمدىلىك ەرەجەسى جوباسى جونىندەگى كەڭەستىك جوبانى، اۆتونوميالى رايوننىڭ اۋا رايى اپاتىنان ساقتانۋ ەرەجەسى جوباسى جونىندەگى كەڭەستىك جوبانى قارايدى؛ اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسى قاراۋعا ۇسىنعان اۆتونوميالى رايوندىق حالىق قۇرىلتايى ۋاكىلدەرىنىڭ ۇسىنىستارىن، سىندارىن جانە پىكىرلەرىن ءبىر جاقتى ەتۋ ەرەجەسى جوباسى جونىندەگى كەڭەستىك جوبانى، اۆتونوميالى رايوندىق حالىق قۇرىلتايى تۇراقتى كوميتەتىنىڭ بايياڭ قالالىق 1 - كەزەكتى حالىق قۇرىلتايىنىڭ قاتىستى ماسەلەلەر تۋرالى قاۋلى جوباسى جونىندەگى كەڭەستىك جوبانى قارايدى؛ اۆتونوميالى رايوندىق حالىق قۇرىلتايى وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتى قاراۋعا ۇسىنعان اۆتونوميالى رايوندىق قىزىل كرەست قوعامى ەرەجەسى جوباسى جونىندەگى كەڭەستىك جوبانى، اۆتونوميالى رايوندىق حالىق قۇرىلتايى تۇراقتى كوميتەتىنىڭ شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ تۋرالى قاۋلى جوباسى جونىندەگى كەڭەستىك جوبانى قارايدى؛ ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ بەكىتۋگە ۇسىنعان «ىلە قازاق اۆتونوميالى وبلىسىنىڭ جابايى جەمىس ورمانى بايلىعىن قورعاۋ ەرەجەسى» جونىندەگى كەڭەستىك جوبانى، قارامايلى قالالىق حالىق قۇرىلتايى تۇراقتى كوميتەتى بەكىتۋگە ۇسىنعان «قارامايلى قالاسىنىڭ قالا رايونى جول بەتىنىڭ تايعاق بولۋىنان ساقتانۋ بەلگىلەمەسى» جانە «قارامايلى قالاسىنىڭ وركەنيەتتى ارەكەتتى جەبەۋ ەرەجەسى» جونىندەگى كەڭەستىك جوبانى، بۇراتالا موڭعۇل اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «بۇراتالا موڭعۇل اۆتونوميالى وبلىسىنىڭ قالا ماتورلى كولىك اۆتوتۇراعىن باسقارۋ ەرەجەسى» جونىندەگى كەڭەستىك جوبانى، تۇرپان قالالىق حالىق قۇرىلتايى تۇراقتى كوميتەتى بەكىتۋگە ۇسىنعان «تۇرپان قالاسىنىڭ جەر استى سۋ بايلىعىن قورعاۋ ەرەجەسى» جونىندەگى كەڭەستىك جوبانى تەكسەرەدى؛ اۆتونوميالى رايوندىق حالىق ۇكىمەتىنىڭ 2022 - جىلعى اۆتونوميالى رايوننىڭ مەملەكەت مەنشىگىندەگى مال - مۇلىكتى باسقارۋ جاعدايى جونىندەگى جالپىلىق بايانداماسىن (جازباشا) قارايدى؛ اۆتونوميالى رايوندىق حالىق ۇكىمەتىنىڭ 2022 - جىلعى اۆتونوميالى رايوننىڭ فينانس كاسىپورىندارىنىڭ مەملەكەت مەنشىگىندەگى مال - مۇلكىن باسقارۋ جاعدايى جونىندەگى ارناۋلى بايانداماسىن، اۆتونوميالى رايوننىڭ اتىز - ارىق سۋ يگىلىگى قۇرىلىسىن باسقارۋ جاعدايى جونىندەگى بايانداماسىن، اۆتونوميالى رايوننىڭ نەگىزگى ساتى قوعامدىق باسقارۋ قىزمەتى جاعدايى جونىندەگى بايانداماسىن تىڭدايدى جانە قارايدى ءارى اۆتونوميالى رايوننىڭ نەگىزگى ساتى قوعامدىق باسقارۋ قىزمەتى جاعدايىن ارناۋلى تاقىرىپتا سۇراستىرادى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ عىلىم - تەحنيكا جەتىستىگىن كادەگە جاراتۋدى جەبەۋ زاڭىنىڭ»، «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ عىلىم - تەحنيكا جەتىستىگىن كادەگە جاراتۋدى جەبەۋ زاڭىن> اتقارۋ ءادىسىنىڭ» جانە «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسىنىڭ» اتقارىلۋ جاعدايىن تەكسەرۋ جونىندەگى باياندامانى، اۆتونوميالى رايوندىق حالىق قۇرىلتايى قورشاعان ورتانى جانە بايلىقتى قورعاۋ كوميتەتىنىڭ اۆتونوميالى رايوندىق 14 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ قاراۋعا تاپسىرعان ۋاكىلدەردىڭ العا قويعان كەڭەستىك جوبالارىن قاراۋ ناتيجەسى جونىندەگى بايانداماسىن تىڭدايدى جانە قارايدى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرىن قارايدى.

ءماجىلىس باسقا دا كەڭەستىك تاقىرىپتاردى قارادى.

توحتى ياقۇپ، مۇقيات جارمۇقامەت، پيڭ شينلاي، ۋاڭ گوحى، ءمامتىمىن قادىر، ءمۇتالىپ روزى ماجىلىسكە قاتىناستى.