انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر 7 ـ ايدىڭ 2 ـ كۇنى ۇرىمجىدەن حابارلايدى. 7 ـ ايدىڭ 2 ـ كۇنى اۆتونوميالى رايون جول قاتىناس حاۋىپسىزدىگى قىزمەتى جونىندە بەينە ەكراندىق ىلگەرىلەتۋ ٴماجىلىسىن اشتى. ٴماجىلىس الدىڭعى جارتى جىلدا بۇكىل رايونىمىزدىڭ جول قاتىناس حاۋىپسىزدىگى شىرعالاڭدارى جاعدايىن حابارلاپ، جول قاتىناس حاۋىپسىزدىگى قىزمەتى جونىندە قايتالاي ورنالاستىرۋ جاساپ، رايونىمىزدىڭ جول قاتىناس حاۋىپسىزدىگى جاعدايىنىڭ ۇزدىكسىز ورنىقتى بولۋىنا بار كۇشپەن شىنايى كەپىلدىك ەتۋدى تالاپ ەتتى.

اۆتونوميالى رايوندىق پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى چىن ميڭگو ماجىلىسكە قاتىناستى ٴارى ٴسوز سويلەدى.

ٴماجىلىس مىنالاردى باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ٴوندىرىس حاۋىپسىزدىگى قىزمەتى جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، اۆتونوميالى رايوندىق پارتكوم مەن ۇكىمەتتىڭ قاتىستى قىزمەت تالاپتارىمەن بىرلىككە كەلتىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، جول قاتىناس حاۋىپسىزدىگى سىندى ارقاۋدى قاي ـ قاشان دا مىقتاپ شيراتىپ، ”ٴاردايىم قام جەپ تۇراتىن“ جاۋاپكەرشىلىك سەزىممەن جول قاتىناس حاۋىپسىزدىگىن باسقارۋ ۇلگىسىنىڭ الدىن الا ساقتانۋعا قاراي تيپ جاڭالاۋىن جەبەپ، ٴوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتىن ويداعىداي يگەرىپ، جول قاتىناس شىرعالاڭىنان ساقتانۋدىڭ ”قاتىناس شىرعالاڭىنىڭ مولشەرىن ازايتۋدى، ٴىرى شىرعالاڭ تۋىلۋىنان ساقتانۋدى“ ىشكەرىلەي ىلگەرىلەتىپ، جول قاتىناس حاۋىپسىزدىگىنىڭ تومەنگى شەگىن باتىل ساقتاپ، بۇقارانىڭ حاۋىپسىز ٴجۇرىس ـ تۇرىسىنا تاماشا جول قاتىناس ورتاسىن ازىرلەپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىن قورعاۋ كەرەك.

ٴماجىلىس مىنالاردى تالاپ ەتتى: جەر ـ جەر، تاراۋلار حالىقتى بارىنەن جوعارى قويۋ، ٴومىردى بارىنەن جوعارى قويۋ ۇستانىمىن بەرىك ورناتىپ، وسكەلەڭ ساياسي جاۋاپكەرشىلىك سەزىممەن جول قاتىناس حاۋىپسىزدىگى قىزمەتتەرىن تىڭعىلىقتى ويداعىداي ىستەپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قورعاپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى شىنايى قامتاماسىز ەتۋ كەرەك. قاراستى جەر جاۋاپكەرشىلىگىن كۇشەيتىپ، سايكەسۋدى، بىرگە باسقارۋدى كۇشەيتىپ، نەگىزدىك قامتاماسىزداندىرۋدى كەمەلدەندىرىپ، جول قاتىناس حاۋىپسىزدىگى قىزمەتىنىڭ ساپاسىن، ونىمدىلىگىن جاپپاي جوعارىلاتۋ كەرەك.

سۇن حۇڭمەي، ۋاڭ گاڭ ماجىلىسكە قاتىناستى.