انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر 7 ـ ايدىڭ 2 ـ كۇنى ۇرىمجىدەن حابارلايدى. 7 ـ ايدىڭ 2 ـ كۇنى ۇلتتار باسپاسى شينجياڭعا «شي جينپيڭ ەل باسقارۋ جونىندە» 4 ـ تومىنىڭ ۇيعۇر، قازاق، موڭعۇل تىلدەرىندەگى نۇسقاسىنان جالپى 70 مىڭنان استامىن تارتۋ ەتتى.

«شي جينپيڭ ەل باسقارۋ جونىندە» 4 ـ تومىندا ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگى شوعىرلى ايگىلەنىپ، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، كوركەم دۇنيەنى بىرگە قۇرۋعا قوسقان ەڭ جاڭا ۇلەسى تولىق بەينەلەنگەن، ول _شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جاڭا ٴورىس اشقاندىعىن، تىڭ شارىقتاۋدى جۇزەگە اسىرعاندىعىن جاپپاي، جۇيەلى بەينەلەگەن قۇزىرلى شىعارما.

قالىڭ از ۇلت كادرلارىنىڭ، بۇقاراسىنىڭ شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ەڭ جاڭا دامۋىن تەرەڭ تۇسىنۋىنە كومەكتەسۋ ٴۇشىن، بيىل 2 ـ ايدا «شي جينپيڭ ەل باسقارۋ جونىندە» 4 ـ تومىنىڭ موڭعۇل ٴتىلى، زاڭزۋ ٴتىلى، ۇيعۇر ٴتىلى، قازاق ٴتىلى، چاۋشيان ٴتىلى سىندى 5 ٴتۇرلى ۇلت ٴتىل ـ جازۋىنداعى باسىلىمى بۇكىل ەلدە تاراتىلدى.

اۆتونوميالى رايوندىق ۇلت ىستەرى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى ٴدىلمۇرات يبىرايىم مىنالاردى ٴبىلدىردى: وسى رەتكى كىتاپ تارتۋ ەتۋ قيمىلىن وراي ەتىپ، شينجياڭداعى ٴار ۇلت كادر ـ بۇقاراسىن وسى ەڭ جاڭا وقۋلىقتى ىشكەرىلەي ۇيرەنۋگە جانە ودان ٴونىمدى پايدالانۋعا ۇيىمداستىرىپ، جەتەكتەپ، جۇڭحۋا ۇلتى ورتاق تۇلعا تانىمىن بەكەمدەۋ سىندى وسى نەگىزگى جەلىنى مىقتاپ يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”ەكىنى تۇراقتاندىرۋدى“ سانالىلىقپەن قولداپ، ”ەكىنى قورعاۋدى“ ورىنداپ، كورىكتى شينجياڭ قۇرۋعا، وتان ارمانىن بىرگە ورىنداۋعا، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا قۋاتتى كۇش توپتايمىز.